Ndị Kolosị 3:17 - Ika

¹⁷ Ihiẹn ile ụnụ e mẹ, kẹ omumẹ kẹ oku-ọnụ, e gi ni ẹfan Di-nwọnni-ẹnyi wụ Jizọsị e mẹ ẹ, a gha ẹka a e ye Chuku Nẹdi ekele.

Ndị Kolosị 3:17 ပူးပေါင်းရင်းမြစ်များ

Ndị-nze Nke Ibuzọ 18:32

Ọ nọ gi ọmụma ndị hụ rụnzịnị Osolobuẹ ukpo nchụn-ẹjan. Ọ nọ gu olu k'e ripụ galọnụ mirin ẹtọ lẹ mkpikpi ghahunmẹ ukpo nchụn-ẹjan hụ.

Itẹn 3:6

Imẹ ihiẹn ile y'e mẹ, jụgụ a ọnụ, o k'a kwan'ị ụzọ.

Maịka 4:5

Ndị alị ọzọ ile nwọn ikẹn gi ẹfan mmọn wẹ e bi, ẹnyi nwẹn k'e gi ẹfan Osolobuẹ wụ Chuku ẹnyi bi jẹnrin ejẹn.

Matiu 28:19

Jẹnmẹ ni nwan d'e mẹ ndị alị ile rị ichẹn-ichẹn wụrụ ndị e sọnni m; e gi ni ẹfan Nẹdi lẹ Nwa lẹ Mmọn-nsọ e mẹ wẹ mirin-Chuku.

Ọrụn Ndị-ozi 19:17

Ndị ile rị Ẹfẹsọsụ, kẹ ndị Ju kẹ ndị wụlẹni ndị Ju nụ ihiẹnni, egun nọ tụma wẹ ile; ẹfan Di-nwọnni-ẹnyi wụ Jesu nọ nwọnkẹnmẹ ọghọ.

Ọrụn Ndị-ozi 4:30

y'a tịnpụ ẹka zụọ ndị emu rị a kụ, rụn ihiẹn-nghọsị lẹ ọrụn-atụmẹnya ghahanị ẹfan odibo-nsọ ị wụ Jesu.”

Ndị Rom 1:8

Nke ibuzọ, m rị e gi ufiri ụnụ ile a kpanmịn Osolobuẹ m ghahanị Jesu Kristi, makẹni wẹ rị e ku oku okukwe ụnụ imẹ ụwa ile.

Ndị Kọrẹntị Ibuzọ 10:31

Kẹ oriri kẹ ọrịra kẹ ihiẹn ọzọ ọwụlẹ ụnụ e mẹ, e mẹni wẹ ile ụzọ o gi wẹhẹni Osolobuẹ ọghọ,

Ndị Ẹfẹsọsụ 1:17

m'a rịọsọnmẹ Osolobuẹ Di-nwọnni-ẹnyi Jesu Kristi, Nẹdi hụn kachanrịnnị, n'o ye ụnụ mmọn ịghọta-ihiẹn, a ghọsịsọnmẹ ụnụ ihiẹn, kẹ ụnụ dọn rị a marịnwaye ẹ.

Ndị Ẹfẹsọsụ 5:20

e gi ẹfan Di-nwọnni-ẹnyi wụ Jesu Kristi e ye Chuku-Nẹdi ekele ogẹn ile imẹ ọnọdị ile,

Ndị Filipi 1:11

makẹni o ru a hụn w'a nị ndụn ụnụ a mịjungụọ mkpụrụ hụn wụ ezi-omumẹ, hụn gha ẹka Jesu Kristi a bịa. O k'e wẹhẹni Osolobuẹ ọghọ lẹ ọjịja-mma.

Ndị Filipi 2:11

ọnụ ile k'e kurịrị a nị Jesu Kristi wụ Onyẹ nwọn ihiẹn ile, ọghọ e gi ẹ bịanị Chuku-Nẹdi.

Ndị Kolosị 1:12

a kpanmịn Nẹdi ẹnyi hụn mẹ nwan ụnụ ru ogo ụnụ gi rị ndị nwọn ihiẹn o butọnị ndị-nsọ a makẹni wẹ rị imẹ ukpẹ.

Ndị Kolosị 2:7

gba nị nwan nkpọgụn imẹ ẹ, e shi elu kẹ ụlọ wẹ rị a tụn, e turukẹnmẹ imẹ okukwe Kraịstị kẹ wẹ dọn kuzi ụnụ ya, a kpanmịn Osolobuẹ ogẹn ile.

Ndị Kolosị 3:15

A chọnị udọn ahụn Kraịstị e ye, e gi ẹ e lele ihiẹn ụnụ rị e mẹ, makẹni, ezioku-ezioku, ịya kẹ Osolobuẹ kpọnị ụnụ d'a rị ẹhụ ohu. A kpanmịn nị Osolobuẹ.

Ndị Kolosị 3:23

Ihiẹn ọwụlẹ wẹ sị ụnụ rụn, gi ni obi ụnụ ile rụn a, nọkẹ sị Di-nwọnni-ẹnyi kẹ ụnụ rị a rụnn'a, ẹlẹ ịhịan;

Ndị Tẹsalonika Ibuzọ 1:1

Pọlụ lẹ Sivanọsụ lẹ Timoti de ẹkụkwọ-ozini. Ụka Osolobuẹ Nẹdi ẹnyi lẹ Di-nwọnni-ẹnyi Jesu Kristi rị imẹ Tẹsalonika kẹ ẹnyi rị e dejẹnni ẹ. Ẹfọma lẹ udọn ya rịnị ụnụ.

Ndị Tẹsalonika Ibuzọ 5:18

E ye ni ekele imẹ ọnọdị ọwụlẹ, makẹni ọnwan kẹ Osolobuẹ chọ ẹka ụnụ imẹ Kraịstị wụ Jesu.

Ndị Tẹsalonika Nke Ẹbụọ 2:17

dodo kasị nwan onyẹ-onyẹ imẹ ụnụ obi, mẹ obi ụnụ zekẹnmẹ, ebe oku-ọnụ lẹ ọrụn ọwụlẹ rị mma rị.

Hibru 1:5

Ẹghẹẹ, elee mmọn-ozi kẹ Osolobuẹ sịtu, “Nwa m kẹ ị wụ; a ghọsịgụọ m tannị n'ị wụ nwa m.” Elee mmọn-ozi k'ọ sị, “M k'a wụ nẹdi ẹ, o k'a wụ nwa m”?

Hibru 13:15

Nị ẹnyi ghama nị nwan ẹka Kraịstị a chụnyeni Osolobuẹ ẹjan hụn wụ ọjịja-mma, hụn wụ mkpụrụ ọ rị ghọrị ọnụ ndị rị a kpọku ẹfan a.

Pita Ibuzọ 2:5

Imẹ ẹ, ụnụ nwẹn wụzị ọmụma rị ndụn hụn wẹ rị e gi a tụn ụlọ imẹ-mmọn, kẹni ụnụ hụn ụzọ wụrụ ndị nchụn-ẹjan rị nsọ, ndị gha ẹka Jizọsị Kraịstị a chụn ẹjan imẹ-mmọn hụn a sụọ Osolobuẹ.

Pita Ibuzọ 2:9

Kanị, ụnụ nwẹn wụ agbọ wẹ họrị ahọrị; ndị nchụn-ẹjan Eze; ebọn rị nsọ; ndị nke Osolobuẹ kẹti-kẹti, kẹni ụnụ a ghọsị ẹka-ọrụn Onyẹ hụn kpọpụha ụnụ imẹ ishi bu ụnụ che imẹ ukpẹ ẹ rịgbu enwẹn ẹ mma.

Pita Ibuzọ 4:11

Onyẹ e kuni, ya ku kẹ onyẹ Osolobuẹ gi ẹ e ku; onyẹ e jẹn ozi ya mẹ ẹ kẹ onyẹ Osolobuẹ rị e ye ikẹn: kẹni wẹ e gi ihiẹn ile e ye Osolobuẹ ọghọ ghahanị Jesu Kristi. Ọghọ lẹ ikẹn ile wụ nke ẹ jẹnrin ejẹn. Isẹẹ.

Jọnụ Ibuzọ 2:23

Ẹghẹẹ! Makẹni onyẹ hụn jụ Nwa Chuku enwọn Chuku-Nẹdi imẹ ndụn a; onyẹ hụn kwerini Nwa Chuku e nwọnzighọ Chuku-Nẹdi.

Jọnụ Ibuzọ 3:18

Ụmụẹka, nị ẹnyi e nwọn ni ihiẹn-ọsụsụọ nke-esi — ẹlẹ hụn wẹ gi ọnụ e ku, kanị, hụn wẹ gi ẹka e mẹ.