Ndị Kolosị 3:11 - Ika

¹¹ Imẹ ndụn ọhụnnị, onwọnzini ihiẹn nọ kẹ ndị Ju lẹ ndị wụlẹni ndị Ju mọbụ ndị kwa ugun lẹ ndị kwalẹni mọbụ ndị rị imẹ ọfịa lẹ ndị walẹni ẹnya mọbụ igbọn lẹ onyẹ nwọn enwẹn ẹ. Kraịstị sụọ wụ ihiẹn ile; Kraịstị rị imẹ wẹ ile.

Ndị Kolosị 3:11 ပူးပေါင်းရင်းမြစ်များ

Ẹbụ-ọma 117:2

Makẹni o nwọnkẹ ihiẹn-ọsụsụọ ẹnyi; onyẹ wẹ gi e dọn ẹnya kẹ Osolobuẹ wụ jẹnrin ejẹn. Ja nị Osolobuẹ mma!

Azaya 49:6

ọ sị: “Onwọnni ihiẹn ọ wụ n'ị wụhụ odibo m hụn k'e wekinhẹn ebọn Jekọpụ ọnọdị wẹ, hụn k'e wekinhẹn ndị Izrẹlụ m dọnmẹ ndụn; m k'e mẹzi i wụrụnị alị ndị ọzọ ile ukpẹ, kẹni i we nzụọpụha m ru ebe ile ụwa ru.”

Azaya 52:10

Osolobuẹ sikọ d'a ghọsị ẹka a rị nsọ idẹnya alị ndị ọzọ ile, elu-ụwa ile a hụn kẹ Chuku ẹnyi dọn a zụọpụha.

Jerimaya 16:19

Euu, Osolobuẹ, Ikẹn m lẹ Ebe m'a gbaban, Onyẹ m'e gbọnni ogẹn nsọngbu! Ndị alị ile rị elu-ụwa jẹnkọ d'e buruhẹ i, sị ị, “Mmọn ndị ahụn ndị nẹdi ẹnyi fe ẹlẹ Chuku nke-esi, ihiẹn wẹ kpụhụ kẹ wẹ wụ o nwọnni erere wẹ bannị wẹ.

Izikẹlụ 47:22

Keri n'ẹ — kẹ ụnụ kẹ abịamabịa bi imẹ igunrun ụnụ hụn mụgụ mmụ imẹ igunrun ụnụ. Ụnụ k'e weri wẹ kẹ ụmụ-di-alị Izrẹlụ; wẹ k'e keri alị imẹ ebọn ichẹn-ichẹn rị Izrẹlụ.

Hosia 2:23

“M k'a kụnye Izrẹlụ alịnị kẹ ihiẹn m, e mẹni m ‘Omikẹn-arịa’ omikẹn ọsụọn'a nị m kpọ a ‘Omikẹn-arịa’; m k'a sị ndị nwẹn w'a kpọ ‘Ẹlẹ wẹ ndị nke m,’ ‘ndị nke m kẹ ụnụ wụ,’ a sị wẹ m, ‘Ịyụ wụ Chuku ẹnyi.’ ”

Emọsụ 9:12

kẹni wẹ nwọnrin ndị ile họdụ imẹ alị Ẹdọm lẹ alị ndị ọzọ ile k'a za ẹfan m.” Osolobuẹ hụn k'e mẹ ihiẹnni e kugụọ a.

Maịka 4:2

Alị bu ọda k'a rị a sị ibe wẹ, “Bịa nị, nị ẹnyi jẹn Ugu Osolobuẹ; nị ẹnyi jẹn ni ụlọ Chuku Jekọpụ, n'ọ kuzi ẹnyi uche ẹ, nị ẹnyi hụn ụzọ bimẹ k'ọ chọ.” Ẹghẹẹ, makẹni nkuzi k'a gha Zayọnụ a pụha, oku Osolobuẹ k'a gha Jerusalẹm a pụha.

Zẹkaraya 2:11

O ru ogẹn hụ, alị bu ọda jẹnkọ d'a banyeni mmẹ wụ Osolobuẹ, e họnrin wẹ ndị nke m — e sọn m ụnụ biri.” Ogẹn hụ, ụnụ a marịn nị Osolobuẹ ihiẹn ile rị okpuru ẹ lẹ enwẹn ẹ zi mmẹ wụ Zẹkaraya d'a gwa ụnụ oku.

Malakaị 1:11

“Alị ndị ọzọ a gbaye ẹfan m — gha ebe anwụn nọ a wa d'e ru ebe ọ n'a dan; ndị ile rị ebe ọwụlẹ a mụnị m nsẹnsi e gi a chụnyeni m ẹjan rụlẹni, makẹni ẹfan m nwọn ọghọ ọda-ọda imẹ alị ndị ọzọ.

Jọnụ 14:23

Jesu nọ za a, “Onyẹ ọwụlẹ ihiẹn m a sụọ jẹnkọ d'e mẹ ihiẹn m ku. Ihiẹn ẹ k'a gha a sụọ Nẹdi m, mmẹ lẹ Nẹdi m a bịa d'e kunrun ẹ, du ẹ biri.

Jọnụ 15:5

“Mmẹ wụ vaịnị, ụnụ nwẹn wụsọnmẹ agalaba rịn'a; onyẹ hụn rị imẹ m, mmẹ nwẹn hụ imẹ ẹ, ya sikọ d'a mị mkpụrụ ọda-ọda, makẹni, ụnụ gha imẹ m pụ, ụnụ asakọ ẹka mẹ ihiẹn ọwụlẹ.

Jọnụ 17:23

kẹni ọ wụrụ nị mmẹ nwẹn hụ imẹ wẹ, yụ nwẹn hụ imẹ m; a wụrụchanrịn wẹ ohu, ụwa e gi ẹ marịn nị ịyụ zihẹ m lẹni y'e nwọnghọ ihiẹn-ọsụsụọ wẹ k'i dọn nwọn ihiẹn-ọsụsụọ m.

Ọrụn Ndị-ozi 15:17

kẹni ndị ile họdụnị hụn ụzọ bịa d'e kunrun Di-nwọnni-ẹnyi — kẹ ndị alị ọzọ ile m k'a kpọ d'a za ẹfan m. Ya kẹ Di-nwọnni-ẹnyi hụn mẹ wẹ

Ọrụn Ndị-ozi 28:2

Ndị alị-ọfịa hụ mirin nọhunmẹ nọ mẹni ẹnyi ẹfọma pụ-ichẹn: a fiyeni wẹ ẹnyi ọkụn nyan makẹ mirin rị e zueni lẹ oyi rị a tụnị, e lee wẹ ẹnyi ọbịa.

Ọrụn Ndị-ozi 28:4

Ndị alị hụ a hụn agwọ hụ k'o kọnrin ẹ ẹka, wẹ nọ sị ibe wẹ, “Eziẹ-eziẹ, okẹnnyẹni wụ izighẹ. Ọsụọn'a n'ọ wanahịngụọ ohimin, eje-ihiẹn o mẹ anịkọ a rị ndụn.”

Ndị Rom 1:14

M gi ịhịan ile ụgwọ: kẹ ndị elu-ebo rugụ ẹka kẹ ndị ọfịa, kẹ ndị wa ẹnya kẹ ndị nzuzu —

Ndị Rom 10:12

Makẹni ẹka ohu kẹ Osolobuẹ gi e sọn ịhịan ile, kẹ ndị Ju kẹ ndị wụlẹni ndị Ju. Osolobuẹ ohu ahụn wụ Osolobuẹ ịhịan ile. O hu ngọzi ẹ e kpu onyẹ ọwụlẹ kpọkun'ẹ mmagi-mmagi.

Ndị Rom 3:22

ezi omumẹ Osolobuẹ hụn a bịa ghahanị ikwerini Jizọs Kraịstị rọ; o ru ndị ile kwerini ẹka, ara tu onyẹ ịhịan wụ,

Ndị Rom 3:29

Chuku wụdẹ Chuku ndị Ju sụọ ra? Ẹlẹzi ya ke ndị wụlẹni ndị Ju? Ẹghẹẹ, ịya wụzị Chuku hụn ke ndị wụlẹni ndị Ju,

Ndị Kọrẹntị Ibuzọ 12:13

Makẹni, Osolobuẹ gha ẹka Mmọn ohu bu ẹnyi ile che ẹhụ ohu, kẹ ndị Ju kẹ ndị ọzọ, kẹ igbọn kẹ ndị nwọn enwẹn wẹ, mẹ ẹnyi ile rarị Mmọn ohu ahụn.

Ndị Kọrẹntị Ibuzọ 14:11

O mẹ nwan nị aghọtanị m olu rị e kuni, ọ k'a rị m kẹ otumunyẹ, mmẹ nwẹn a nọ kẹ otumunyẹ ebe olu hụ rị.

Ndị Kọrẹntị Ibuzọ 7:19

Ịkwa-ugun enwọn ihiẹn ọ wụ; akwanị-ugun enwọn ihiẹn ọ wụ; ihiẹn rị mkpa wụ imẹ ihiẹn Osolobuẹ ku.

Ndị Galeshịa 2:20

A kpọgbugụọ wẹ mmẹ lẹ Kraịstị elu obe Kraịstị. Ẹlẹzi mmẹ rị ndụn, Kraịstị rị nwan ndụn imẹ m. Ndụnnị m rị nwan e bi imẹ ẹhụ, m rị e bi ẹ ghahanị igi Nwa Osolobuẹ e dọn ẹnya, onyẹ hụn nwọn ihiẹn-ọsụsụọ m, gi ufiri m we enwẹn ẹ ye.

Ndị Galeshịa 5:6

Makẹni, imẹ Kraịstị wụ Jizọsị, ịkwa-ugun lẹ akwanị-ugun enwọnni ihiẹn ọ wụ. Ihiẹn rị mkpa wụ okukwe rị e gi ihiẹn-ọsụsụọ a ghọsị enwẹn ẹ.

Ndị Ẹfẹsọsụ 1:23

Ụka wụ ẹhụ a; imẹ ụka kẹ ihiẹn ile banyen'ẹ rị; ya lẹ enwẹn ẹ wụ onyẹ hụn rị ebe ile, hụn e mẹ ihiẹn ile e zu oke.

Ndị Ẹfẹsọsụ 2:14

Makẹni, Kraịstị lẹ enwẹn ẹ e wẹhẹgụọnị ẹnyi udọn: o mẹgụọ ndị Ju lẹ ndị alị ọzọ wụrụ ohu. O gigụọ ẹhụ a lẹ ọnwụn a titu mgbọn te kebeni wẹ e buhẹ eṅẹnrẹn,

Ndị Ẹfẹsọsụ 2:15

Iwu o wepụ k'o gi mẹ ẹ, Iwu lẹ ụmụ iwu lẹ ọdịnalị rịn'a. O mẹ ẹ kẹni o mẹmẹrin agbọ ọhụn gi nọkin ẹnya azụụn ẹbụbụọ ahụn wụ ndị Ju lẹ ndị alị ọzọ. Ẹrịra k'o dọn wẹhẹ udọn ẹgbata wẹ,

Ndị Ẹfẹsọsụ 3:17

M rịzị a rịọ a nị ụnụ wụrụ ndị Kraịstị birichanrịn imẹ obi wẹ makẹni ụnụ hụ e gi oku ẹ e dọn; ụnụ a nọ imẹ ihiẹn-ọsụsụọ gba mkpọgụn, gi ẹ turu ọhụnma —

Ndị Ẹfẹsọsụ 3:6

Ihiẹn nzuzueni wụ nị, ndị alị ndị ọzọ a bangụọzịnị ndị ihiẹn Osolobuẹ e ru ẹka makẹni wẹ gi oziọma dọn, wụrụ mkpamkpa imẹ ẹhụ ohu ahụn, wụrụzịkwọ ndị wẹ ile gba nwọn ihiẹn Osolobuẹ kwe nkwa n'o k'e mẹni ndị rị imẹ Kraịstị wụ Jizọsị.

Ndị Ẹfẹsọsụ 6:8

Makẹni ụnụ a marịnghọ nị Di-nwọnni-ẹnyi jẹnkọ d'a kụ onyẹ-onyẹ ụgwọ ihiẹn-ọma o mẹ — kẹ igbọn kẹ onyẹ nwọn enwẹn ẹ.

Ndị Kolosị 2:10

Ya wụ, ụnụ e zuọlẹ nwan oke hụnnị ụnụ rị imẹ Kraịstị, onyẹ ndị-ọkịkị ile lẹ ọkịkị ile rị okpuru ẹ.

Jọnụ Ibuzọ 5:20

Ẹnyi a marịnghọ nị Nwa Osolobuẹ a bịagụọ, n'o yegụọ ẹnyi nghọta hụn ẹnyi e gi marịn onyẹ ahụn wụ Ezioku. Ẹnyi rị nwan imẹ onyẹ ahụn wụ Ezioku lẹ Nwa a wụ Jesu Kristi. Ịya wụ Osolobuẹ nke-esi lẹ ndụn-itẹbitẹ.

Jọnụ Nke Ẹbụọ 1:9

Onyẹ fe mgbọn, hụn nke o gi nọdị ebe nkuzi Kraịstị dọnmẹ ẹ, hụnyẹ enwọn Osolobuẹ. Kanị onyẹ hụn sọnsọnmẹ nkuzi Kraịstị k'o dọn rị e nwọnghọ kẹ Chuku-Nẹdi kẹ Nwa Chuku.