Ndị Kolosị 3:10 - Ika

¹⁰ ụnụ e yirigụọ ndụn ọhụn hụn rị a marịnwaye onyẹ ken'ẹ, a rịwaye kẹ ịya.

Ndị Kolosị 3:10 ပူးပေါင်းရင်းမြစ်များ

Jẹnẹsisi 5:1

Ebeni kẹ wẹ deyesọnmẹ ẹfan ụmụ Adam. Ogẹn Osolobuẹ gi ke ịhịan, o ke ẹ, o yi Osolobuẹ.

Jobu 29:14

M'e yi ezi-omumẹ kẹ ẹkwa, ezioku wụ ẹwuru m tueru alị lẹ okpu-isi m.

Ẹbụ-ọma 51:10

Dodo Osolobuẹ, ke obi rị ọchan ye imẹ m, y'e yezi m obi m gi a s'ẹka e turu.

Azaya 52:1

Tẹnhin! Tẹnhin! Zayọnụ, tẹnhin! Jeri ikẹn lekẹ ẹkwa. Obodo nsọ wụ Jerusalẹm, yiri ẹwuru ọma ị; ndị ahụn wẹ kwalẹni ugun, ndị ahụn rịlẹni ụchan, abanhankọzị imẹ i.

Azaya 59:17

O yiri ezi-omumẹ rịkẹ ẹwuru-igwe onyẹ-agha gi e gbọndọn obi; kpuru nzụọpụha nọkẹ okpu-igwe onyẹ-agha; yiri mmẹgwarị o k'e mẹgwarị ndị-iṅẹnrẹn ẹ lekẹ ẹwuru; olulu ọ rị e bu nọ a kẹ mgburu ọ tụye olu.

Izikẹlụ 11:19

M k'e mẹ wẹ nwọnbehi obi-ẹbụọ, e bu m agụngụn ọhụn che imẹ wẹ; m k'e wepụ wẹ akpobi ọmụma wẹ, ye wẹ hụn rị alụlụa,

Izikẹlụ 18:31

Ma nị nwan eje-ihiẹn ile ụnụ rị e mẹ tuhu; nwọnrin ni obi ọhụn lẹ mmọn ọhụn. Kị ụnụ k'a nwụnnị, ụnụ ndị Izrẹlụ?!’

Izikẹlụ 36:26

M k'e ye ụnụ obi ọhụn, bu mmọn ọhụn che imẹ ndụn ụnụ; e wepụ m obi-ọmụma imẹ ụnụ, ye ụnụ obi rị alụlụa.

Jọnụ 17:3

Ọnwan wụ ndụn itẹbitẹ: ịmarịnn'ị, Chuku hụn ya sụọ wụ Chuku nke-esi lẹ ịmarịn Jizọsị Kraịstị hụn i zihẹ.

Ndị Rom 12:2

Elerilẹ ni ndị ụwanị, ka nị nị Osolobuẹ hutọ ụnụ ghahanị ihutọ iroro ụnụ. Mẹn'ẹ kẹni ụnụ hụn ụzọ marịn ihiẹn wụ uche Osolobuẹ, ihiẹn rị Osolobuẹ mma, ihiẹn a sụọ a ụsụọ, ihiẹn zu oke.

Ndị Rom 13:12

O teọlẹ ọhịhị gba; eki e d'e fọn. Nị ẹnyi mẹbehi ni nwan ihiẹn w'e mẹ imẹ ishi, ẹnyi e buru ihiẹn-ọgụn ukpẹ.

Ndị Rom 13:14

Kama, yiri ni Di-nwọnni-ẹnyi wụ Jesu Kristi kẹ ẹwuru, eyelẹ ni onyẹ hụ ụnụ wụ mbụ lẹ eje-ihiẹn a gụnn'a efe.

Ndị Rom 6:4

Ya wụ, e gigụọ wẹ mirin-Chuku wẹ mẹ ẹnyi ligbama ẹnyi lẹ Jesu, gi ẹ mẹ ẹnyi wụrụ ndị sọn ẹ nwụn, kẹni ẹnyi sọn ẹ lihi bimẹ ndụn ọhụn kẹ Nẹdi ẹnyi dọn gi ikẹn ẹ hi-ogbe mẹ ẹ gha ọnwụn lihi.

Ndị Rom 8:29

Osolobuẹ a marịngụọ wẹ n'o d'a kpọ wẹ. Ya ọ nọ họtọ wẹ n'o k'e mẹ wẹ wụrụ ndị rị kẹ Nwa a, kẹni Nwa a wụrụ nwa-ibuzọ imẹ ụmụ bụ ọda.

Ndị Kọrẹntị Nke Ẹbụọ 3:18

Ẹnyi ile wẹ kpupụgụ ẹkwa hụ ihun rị nwan e legha ọghọ Di-nwọnni-ẹnyi nọkẹ onyinyọn rị imẹ ughegbe; wẹ hụ e nwọnhutọ ẹnyi, e mẹ ẹnyi a rị kẹ Onyẹ ẹnyi rị e legha, e nwọn ọghọ a e nwọnwaye. Ihiẹnni gha ẹka Di-nwọnni-ẹnyi hụn wụ Mmọn-nsọ a bịa.

Ndị Kọrẹntị Nke Ẹbụọ 4:16

Ndụn agụkọ nwan ẹnyi: ọsụọn'a nị ẹhụ rị a kpọ ẹnyi nkụn, ẹnyi hụ e nwọnwaye ndụn ọhụn imẹ-mmọn ụhụọhịn-ụhụọhịn.

Ndị Kọrẹntị Nke Ẹbụọ 4:6

Makẹni, Osolobuẹ hụn sị, “Ukpẹ ya nwunmẹ ebe ishi rị” e nwun nwangụọ nwan imẹ obi ẹnyi hụn ẹnyi gi saẹka legha ọghọ Osolobuẹ ihun Kraịstị.

Ndị Kọrẹntị Nke Ẹbụọ 5:17

Ya wụ, onyẹ rị imẹ Kraịstị a wụrụọlẹ onyẹ wẹ kedọnzi; ihiẹn akan a gharịgụọ; lee ẹ, ihiẹn ile e họnringụọ nke ọhụn!

Ndị Galeshịa 3:27

makẹni, ụnụ ile wẹ gi mirin-Chuku lẹ Mmọn-nsọ buche imẹ Jesu Kristi e yirigụọ Kraịstị.

Ndị Galeshịa 6:15

Kẹ ịkwa-ugun kẹ akwanị-ugun arịnị mkpa, kaka! Ihiẹn rị mkpa wụ nị ịhịan a wụrụọlẹ onyẹ wẹ kedọnzi.

Ndị Ẹfẹsọsụ 2:10

Ọrụn-ẹka Osolobuẹ kẹ ẹnyi wụ, ndị o ke imẹ Kraịstị wụ Jizọsị, kẹni ẹnyi hụn ụzọ e mẹ ihiẹn rị mma o ketọnị ẹnyi.

Ndị Ẹfẹsọsụ 2:15

Iwu o wepụ k'o gi mẹ ẹ, Iwu lẹ ụmụ iwu lẹ ọdịnalị rịn'a. O mẹ ẹ kẹni o mẹmẹrin agbọ ọhụn gi nọkin ẹnya azụụn ẹbụbụọ ahụn wụ ndị Ju lẹ ndị alị ọzọ. Ẹrịra k'o dọn wẹhẹ udọn ẹgbata wẹ,

Ndị Kolosị 3:12

Nọkẹ ndị Chuku họrị, ndị rị nsọ, ndị rị a obi, yiri ni nwan omikẹn lẹ ẹfọma, iwelụa enwẹn ụnụ alị, imẹ-jụụ lẹ ndidin.

Ndị Kolosị 3:14

Hụn kadẹni, yiri ni ihiẹn-ọsụsụọ, makẹni ịya kẹ wẹ ile gi a layechanrịn k'o furu.

Filemọnụ 1:6

Ekpere m wụ nị okweri ẹnyi lẹ ịyụ kwerini Jesu jẹnkọ d'e yeni i ẹka a ghọtawaye ihiẹn ile wụ nke ẹnyi imẹ Kraịstị.

Hibru 6:6

lazị Osolobuẹ tọ! Ewekinkọzị wẹ wẹ, makẹni wẹ rị a kpọgbuzi Nwa Osolobuẹ elu obe, e gbe ifẹnrẹn e ye ẹ ihun ogbe, e gi ẹ e mẹ enwẹn wẹ.

Jọnụ Ibuzọ 2:3

Ihiẹn ẹnyi gi a marịn nị ẹnyi a marịnghọ Osolobuẹ nke-esi wụ nị ẹnyi hụ e mẹ ihiẹn ọ gwa ẹnyi.

Jọnụ Ibuzọ 2:5

Kanị onyẹ hụn a gbaye oku Osolobuẹ, ịya nwọn ihiẹn-ọsụsụọ Osolobuẹ k'o furu. Ihiẹn ẹnyi gi a marịn nị ẹnyi rị imẹ ẹ wụ ọnwan:

Rẹvẹleshọnụ 21:5

Onyẹ hụ nọdị alị elu ukpo-eze hụ nọ sị, “Lee ẹ! M rị e kedọnzi ihiẹn ile!” Ọ nọ sịzị, “Detu ihiẹnni, makẹni oku ndịnị wụ ezioku lẹ oku furu w'e gi dọn ẹnya.”