Ndị Kolosị 2:3 - Ika

³ Kraịstị hụn amamihiẹn lẹ nghọta ile zuerini rị imẹ ẹ.

Ndị Kolosị 2:3 ပူးပေါင်းရင်းမြစ်များ

Ndị-nze Nke Ibuzọ 3:28

Ogẹn Izrẹlụ ile gi nụ eṅẹnni eze han, egun eze nọ tụma wẹ, makẹni o we wẹ ẹnya nị Osolobuẹ e yeọl'a akọ-lẹ-uche o gi a han eṅẹn.

Jobu 28:21

Onwọnni ihiẹn rị ndụn marịnn'a, nnụnụ e fe imẹ elu amarịnd'a.

Itẹn 2:4

omẹni y'a chọkẹnmẹ amamihiẹn kẹ w'a chọ egho, omẹni y'a chọ a ntan, chọ a imọn nọkẹ ihiẹn rị mkpa zuerini,

Azaya 11:2

Mmọn Osolobuẹ k'a rị imẹ ẹ — Mmọn amamihiẹn lẹ nghọta; Mmọn ndụnmọdụn, Mmọn o gi e nwọn ikẹn; Mmọn o gi a marịn ihiẹn, Mmọn o gi a tụ egun Osolobuẹ;

Azaya 40:14

Onyẹ kẹ Osolobuẹ kpọtu d'a kọwan'a ihiẹn? Onyẹ zin ẹ kẹ wẹ e mẹ ihiẹn rị mma? Onyẹ ye ẹ amamihiẹn? Onyẹ ye ẹ nghọta?

Matiu 10:26

“Ya wụ, atụlẹ ni nwan egun wẹ. Makẹni, onwọnni ihiẹn kpumẹni hụn jẹnkọlẹni d'e kpupụ mọbụ ihiẹn zuerini hụn jẹnkọlẹni d'a wa.

Luku 11:49

Ufiri ihiẹnni kẹ Amamihiẹn Osolobuẹ gi sị, ‘M jẹnkọ d'e zijẹnni wẹ ndị-amụma lẹ ndị-ozi pụ-ichẹn: wẹ jẹnkọ d'e gbu ndị wẹ k'e gbu, kpokpo ndị wẹ k'e kpokpo.’

Ndị Rom 11:33

Euu! Osolobuẹ e mẹkẹnmẹkẹ ọdanfịn! Amamihiẹn ẹ lẹ akọ-lẹ-uche ẹ e mikẹ! W'a ra saẹka ghọta iroro ẹ! W'a ra saẹka ghọta k'o mẹ!

Ndị Kọrẹntị Ibuzọ 1:24

Kanị, nke ndị Osolobuẹ kpọ, kẹ ndị Ju kẹ ndị wụlẹni ndị Ju, Kraịstị wụ ikẹn Osolobuẹ lẹ amamihiẹn Osolobuẹ.

Ndị Kọrẹntị Ibuzọ 1:30

Osolobuẹ mẹ ụnụ gi nwan rị imẹ Kraịstị Jizọsị hụn wụ nwan amamihiẹn ẹnyi gha ẹka Osolobuẹ bịa lẹ ezi-omumẹ ẹnyi lẹ onyẹ ẹnyi gi rị nsọ lẹ onyẹ nzụọpụha ẹnyi.

Ndị Ẹfẹsọsụ 1:8

Osolobuẹ gi amamihiẹn lẹ nghọta ile mẹni ẹnyi okẹn ẹfọmanị.

Ndị Kolosị 1:19

Makẹni, ọ sụọ Osolobuẹ n'o gi ihiẹn ile o gi wụrụ Osolobuẹ biri imẹ Kraịstị.

Ndị Kolosị 1:28

Kraịstịnị kẹ ẹnyi rị nwan a ghahunmẹ e ku oku ẹ, e gi amamihiẹn ile Osolobuẹ ye ẹnyi a dọ onyẹ ọwụlẹ ẹka-ntịn, a kuzi onyẹ ọwụlẹ, kẹni ẹnyi saẹka wepụha wẹ ile ihun Osolobuẹ nọkẹ ndị ka-ẹhụ imẹ Kristi.

Ndị Kolosị 1:9

Ya haịn o gi mẹ ni, kete ẹnyi a nụl'a, ẹnyi eke mẹbehikwọnị nwan ụnụ ekpere, a rịọ Chuku n'o mẹ ụnụ marịn uche ẹ ọhụnma-ọhụnma, nwọn amamihiẹn lẹ nghọta imẹ-mmọn, nwọn wẹ mmagi-mmagi,

Ndị Kolosị 3:16

A nị nị oku Kraịstị a rị imẹ ndụn ụnụ ọda-ọda. E gi ni amamihiẹn lẹ akọ-lẹ-uche ile a kuzi ibe ụnụ, a dụn wẹ ọdụn; e gi obi rị a kpanmịn Osolobuẹ a bụnị Osolobuẹ ẹbụ-ọma rị Ẹkụkwọ-nsọ lẹ ẹbụ-ofufe lẹ ẹbụ-nsọ.

Ndị Kolosị 3:3

Makẹni, ụnụ a nwụnhụngụọ; e bugụọ wẹ ndụn ụnụ che imẹ Kraịstị zuemẹ imẹ Osolobuẹ.

Pita Nke Ẹbụọ 1:5

Ufiri ẹ, lịlịma nị nwan ụzọ ile nị ụnụ we ịrị-mma cheni okukwe ụnụ; ụnụ e we ịmarịn-ihiẹn cheni ịrị-mma ụnụ.

Rẹvẹleshọnụ 2:17

Onyẹ nwọn ntịn ya nụ ihiẹn Mmọn-nsọ rị a gwa ụka rị ichẹn-ichẹn! Onyẹ hụ mẹrini kẹ m jẹnkọ d'e ye mana hụ zuerini. M k'e yezikwọ a ọmụma ọchan hụ wẹ deye ẹfan ọhụn hụn o mẹ ni onyẹ wẹ ye ẹ sụọ k'a saẹka marịn a.