Ndị Kolosị 2:2 - Ika

² M rị a lụ nị ndụn ban wẹ obi lẹ nị wẹ wụrụ ndị wẹ gi ihiẹn-ọsụsụọ kwọngbama, kẹni ihiẹn Osolobuẹ wechanrịn wẹ ẹnya hụn obi e gi ruchanrịn wẹ alị, a marịn wẹ ihiẹn-omimi Osolobuẹ, hụn wụ Kraịstị lẹ enwẹn ẹ,

Ndị Kolosị 2:2 ပူးပေါင်းရင်းမြစ်များ

Ndị-nze Nke Ibuzọ 3:28

Ogẹn Izrẹlụ ile gi nụ eṅẹnni eze han, egun eze nọ tụma wẹ, makẹni o we wẹ ẹnya nị Osolobuẹ e yeọl'a akọ-lẹ-uche o gi a han eṅẹn.

Ẹbụ-ọma 133:1

Lee k'ọ rịhan mma lẹ k'ọ sụọhan ụsụọ nị umunẹ rị e mẹgbama!

Azaya 32:17

Ezi-omumẹ sikọ d'e wẹhẹ udọn lẹ obi-erumalị; ezi-omumẹ k'e wẹhẹ ẹhụ-ufu lẹ igi Osolobuẹ dọn ẹnya jẹnrin ejẹn.

Azaya 40:1

“Kasị nị ndị nke m obi; rọkọ nị wẹ obi!” Ya kẹ Chuku ụnụ ku.

Azaya 53:11

Ọ tagụ afụnfụn, nwụnhụn, ọ k'a hụn ihiẹn ọ rụn, ẹfọ e jun ẹ. Odibo m k'e mẹ wẹ hatu ndị bu ọda ikpe ma hụn sikọ d'a marịnn'a — o k'e buru njọ wẹ.

Jerimaya 9:24

onyẹ k'a nyan isi ya gi ọnwan nyan isi: n'ọ marịnghọ m lẹni ọ ghọtaghọ m — nị m wụ Osolobuẹ, onyẹ hụn e gi ẹfọma lẹ ezioku lẹ ezi-omumẹ e mẹ ihiẹn elu-ụwa, makẹni uwẹ nwọn a sụọ m.” Ya kẹ Osolobuẹ ku.

Matiu 11:25

Ogẹn hụ kẹ Jizọsị gi sị, “M rị a kpanmịn ị Baba, Onyẹ nwọn elu-igwee lẹ ụwa, makẹni i zuemẹni ndị marịn ihiẹn lẹ ndị nwọn uche ihiẹn ndịnị, we wẹ ghọsị ụmụ-ndu.

Matiu 11:27

Nẹdi m e bugụọ ihiẹn ile che m ẹka. Onwọnni onyẹ marịn Nwa mmanị Chuku-Nẹdi sụọ; onwọnzikwọnị onyẹ marịn Chuku-Nẹdi wezụka Nwa lẹzi onyẹ ọwụlẹ Nwa chọ n'o mẹ ẹ marịn Chuku-Nẹdi.

Matiu 13:11

Ọ sị wẹ, “Nke ụnụ, e yegụọ wẹ ụnụ oghere ịmarịn banyeni ihiẹn-nzuzue Alị-eze elu-igwee, kanị eyeni wẹ wẹ oghere hụ.

Luku 1:1

Ebe o mẹni ndị bu ọda a lịlịmagụọ depụha ihiẹn ndị hụn mẹ imẹ igunrun ẹnyi,

Jọnụ 10:30

Mmẹ lẹ Nẹdi m wụ ohu.”

Jọnụ 10:38

Kanị omẹni m hụ a rụn wẹ, ọsụọn'a nị ụnụ egini oku m dọn, gi ni ọrụn-atụmẹnya ndị m rụn dọn, kẹni ụnụ marịn lẹ n'o we ụnụ ẹnya nị Chuku-Nẹdi rị imẹ m, mmẹ nwẹn rị imẹ Chuku-Nẹdi.”

Jọnụ 16:15

Ihiẹn ile Nẹdi m nwọn wụ nke m; ya haịn m gi sị nị Mmọn-nsọ jẹnkọ d'e weri ihiẹn m k'e ye ẹ, gwa ụnụ.

Jọnụ 17:3

Ọnwan wụ ndụn itẹbitẹ: ịmarịnn'ị, Chuku hụn ya sụọ wụ Chuku nke-esi lẹ ịmarịn Jizọsị Kraịstị hụn i zihẹ.

Jọnụ 5:17

Kanị Jizọsị nọ sị wẹ, “Echẹn kẹ Nẹdi m rị a rụn, mmẹ nwẹn hụkwọ a rụn.”

Jọnụ 5:23

kẹni ịhịan ile gbaye Nwa a kẹ wẹ dọn a gbaye Chuku-Nẹdi. Onyẹ gbayelẹni Nwa a agbayeni Chuku-Nẹdi zihẹn'ẹ.

Jọnụ 6:69

Ẹnyi e kwerighọ, marịnzịkwọ, nị ịyụ wụ Onyẹ-nsọ Osolobuẹ.”

Ọrụn Ndị-ozi 4:32

Ndị ile kwerini hụ e gi obi ohu e bi, e ro ihiẹn ohu; onwọnni onyẹ kpọ ihiẹn o nwọn nke ẹ, kama, wẹ weri ẹ nị wẹ ile gba nwọn ihiẹn ile.

Ndị Rom 15:13

Osolobuẹ hụn e ye olilẹnya ya ye ụnụ ịghọghọ lẹ udọn mmagi-mmagi kẹ ụnụ dọn rị e gi ẹ e dọn ẹnya. Y'a mẹ ẹ, kẹni ụnụ nwọn olilẹnya, nwọn ẹ ọda-ọda, ghahanị ikẹn Mmọn-nsọ.

Ndị Rom 16:25

Ọjịja-mma ya rịnị Osolobuẹ hụn k'a s'ẹka mẹ ụnụ zekẹnmẹ ghahanị oziọma m lẹ ihiẹn ẹnyi rị e ku banyeni Jesu Kristi. Oziọmanị rị e ku oku ihiẹn-omimi ẹdẹi te zuerini,

Ndị Rom 2:4

Ra ị rị e lelịa okẹn ẹfọma a lẹ nkịtịn ọ rị a gba ị lẹ ndidin ẹ? Y'a marịn nị Osolobuẹ rị e mẹni i ẹfọmanị kẹni i hụn ụzọ rogharị?

Ndị Kọrẹntị Ibuzọ 14:31

Ụnụ ile k'a sa nwan ẹka e zi ozi Osolobuẹ sị ụnụ zi — onyẹ ohu, onyẹ ohu, ịhịan ile a mụnrụn ihiẹn, ọ gba ịhịan ile umẹ.

Ndị Kọrẹntị Ibuzọ 2:12

Ẹnyi nwẹn, ẹlẹ mmọn ụwanị kẹ ẹnyi nwọnhẹn, kanị Mmọn ahụn gha ebe Osolobuẹ rị bịa, kẹni ẹnyi hụn ụzọ marịn ihiẹn ile Osolobuẹ gi gọzi ẹnyi.

Ndị Galeshịa 3:28

Ya wụ nị onwọnzini ihiẹn rị ichẹn ẹgbata ndị Ju lẹ ndị wụlẹni ndị Ju; ẹgbata igbọn lẹ onyẹ nwọn enwẹn ẹ; ẹgbata ikẹnnyẹ lẹ ikpoho: ẹnyi ile wụ ohu imẹ Kraịstị wụ Jizọsị.

Ndị Ẹfẹsọsụ 1:7

Makẹni ẹnyi rị imẹ Kraịstị, Osolobuẹ e gigụọ ẹdeke ẹ hụn wụ ọnwụn a gbapụha ẹnyi, gbagharị ẹnyi njọ, makẹ okẹn ẹfọma Osolobuẹ.

Ndị Ẹfẹsọsụ 3:16

M rị a rịọ a n'o gi ihiẹn ahụn ile o nwọn ye ụnụ ikẹn ụnụ e gi ze imẹ obi ụnụ ghahanị Mmọn-nsọ a.

Ndị Ẹfẹsọsụ 3:3

ụnụ a nụgụọzị k'o dọn ghọsị m ihiẹn-omimini. Ịya kẹ m beni tan ụnụ nke-nke imẹ ẹhụhụọ-ozini.

Ndị Ẹfẹsọsụ 6:22

Ịya haịn m gi zilanị nị ụnụ ya, nị ụnụ marịn kẹ ẹnyi ile nọ lẹ n'ọ kasị ụnụ obi.

Ndị Filipi 2:1

Omẹni w'a kasị ịhịan obi imẹ Kraịstị; omẹni ihiẹn-ọsụsụọ e mẹ ịhịan a rọkọ ibe ẹ obi; omẹni ẹnyi ile hụ e mẹkọ imẹ Mmọn-nsọ; omẹni ịhịan e mẹ ni ibe ẹ ẹfọma, e ro k'ọ rị ibe ẹ,

Ndị Filipi 3:8

Ẹlẹdẹ ọhụn sụọ, a gụngụọdẹ m ihiẹn ile ye ihiẹn la iwi, makẹ ufiri ihiẹn hụn ka wẹ ile ọhụnma-ọhụnma, hụn wụ ịmarịn Kraịst Jizọsị Di-nwọnni m, onyẹ hụn m gi nwan ufiri ẹ nị ihiẹn ile la, weridẹ wẹ kẹ nsịn, kẹni m kwọnkẹnmẹ Kraịstị,

Ndị Kolosị 1:26

mẹ wẹ marịn ihiẹn-omimi hụ Osolobuẹ zuemẹ ketekete, hụn agbọ ile ghafegụnị marịnlẹni, kanị o kpupụ a nwan ghọsị ndị nke ẹ.

Ndị Kolosị 1:27

Ọ chọ nị ndị alị ọzọ marịn okẹn ihiẹn-omimini rịgbu enwẹn ẹ mma. Ihiẹn omimi hụ wụ nị ụnụ e nwọngụọ Kraịstị, lemẹ ni nwan ẹnya ọghọ hụ Osolobuẹ k'e ye.

Ndị Kolosị 1:9

Ya haịn o gi mẹ ni, kete ẹnyi a nụl'a, ẹnyi eke mẹbehikwọnị nwan ụnụ ekpere, a rịọ Chuku n'o mẹ ụnụ marịn uche ẹ ọhụnma-ọhụnma, nwọn amamihiẹn lẹ nghọta imẹ-mmọn, nwọn wẹ mmagi-mmagi,

Ndị Kolosị 2:19

O kwọndọnzini Kraịstị, hụn wụ isi hụn ẹhụ ile gha e nwọnhẹn ihiẹn-oriri, e mẹ akwanran rịn'a e kwọndọnsọnmẹ mkpamkpa ile rịn'a ghahanị okẹn-ẹhụ ile, e mẹ ẹhụ e sue ezigbo usue gha ẹka Osolobuẹ bịa.

Ndị Kolosị 3:14

Hụn kadẹni, yiri ni ihiẹn-ọsụsụọ, makẹni ịya kẹ wẹ ile gi a layechanrịn k'o furu.

Ndị Kolosị 4:3

Ụnụ gha e mẹ ekpere, e mẹzikwọ nị nị ẹnyi nwẹn, kẹni Chuku a kpọpụnị ẹnyi ụzọ ẹnyi e gi e ku oku-Chuku, ku oku ihiẹn-omimi ahụn wụ Kraịstị, hụn wẹ gi ufiri ẹ tụ m ngannị;

Ndị Kolosị 4:8

Ya haịn m gi zilanị ụnụ ya, kẹni ụnụ marịn kẹ ẹnyi nọ lẹni ọ gba ụnụ umẹ.

Ndị Tẹsalonika Ibuzọ 1:5

Makẹni, oziọma ẹnyi zi ụnụ ẹlẹ oku-ọnụ sụọ, kama, o gizi ikẹn lẹ ihiẹn Mmọn-nsọ e mẹ bịanị ụnụ; ọ nọ ruchanrịn ụnụ akpakalị obi, wechanrịn ụnụ ẹnya nị ezioku k'ọ wụ; ụnụ a marịnzịghọ kẹ ẹnyi dọn bi imẹ igunrun ụnụ kẹni ọ rịnị ụnụ mma.

Ndị Tẹsalonika Ibuzọ 3:2

ẹnyi nọ zihẹni ụnụ Timoti nwẹnẹ ẹnyi hụn ẹnyi lẹ ịya gba a rụnnị Osolobuẹ ọrụn izisọnmẹ oziọma Kraịstị, sị a d'a dụ ẹjan ye ụnụ ukun, gba ụnụ umẹ nị ụnụ kwọnkẹnmẹ okukwe ụnụ —

Ndị Tẹsalonika Ibuzọ 5:14

Umunẹ, ẹnyi rị a dụn ụnụ ọdụn: a gba nị ndị nọdị mmaka mkpịnsịn-ẹka; a kasị nị ndị-ụjọ obi; e yeni ni ndị zelẹni ẹka; e gi ni ndidin e sọn onyẹ ọwụlẹ.

Timoti Ibuzọ 3:16

W'a rụ ụka a, ihiẹn-omimi rị ofufe Osolobuẹ e hikẹ — nị O gi ẹhụ pụha, Mmọn-nsọ a ghọsị nị ịya rọ nke-esi; ndị mmọn-ozi a hụnghọ a. Ịhịan e zisọnmẹgụọ ozi ẹ alị ichẹn-ichẹn; e kwerigụọnị w'a imẹ ụwa. O gi ọghọ lashi elu-igwee.

Hibru 10:22

Nị ẹnyi gichanrịn ni nwan obi ẹnyi lẹ okukwe obi ẹbụọ rịlẹni buruhẹ Osolobuẹ, ẹnyi lẹ obi o fepụgụ ihiẹn ile obi gi e gbu ẹnyi mgbu, lẹ ẹhụ o gi mirin nwunni wụchanpụ.

Hibru 6:11

Kanị, ẹnyi a chọkẹnmẹkẹ nị onyẹ-onyẹ imẹ ụnụ gi adụdụ ohu hụ kwọnkẹnmẹ olilẹnya ụnụ d'e ru njẹndemẹ;

Pita Nke Ẹbụọ 1:10

Umunẹ m, lịlịma nị nwan kẹni ụnụ wụsọnmẹ ndị Osolobuẹ kpọ lẹ ndị ọ họrị d'e ru isi ẹ. Makẹni, ụnụ gha e mẹ ẹrịra onwọnni ogẹn ụnụ e gi dan!

Pita Nke Ẹbụọ 1:3

Makẹni, o gigụọ ikẹn o gi wụ Chuku ye ẹnyi ihiẹn ile ẹnyi e gi bi elu lẹ hụn ẹnyi e gi fe Osolobuẹ. Ẹnyi e nwọnhẹn ihiẹn ndịnị ghahanị ọmarịn ẹnyi marịn Jesu hụn kpọ ẹnyi d'e sọn ẹ nwọnrin ihiẹn ile o nwọn, sọn ẹ rị ọchan.

Pita Nke Ẹbụọ 3:18

Kama, gi ni ẹfọma Jesu Kristi wụ Di-nwọnni-ẹnyi lẹ Onyẹ-nzụọpụha ẹnyi e suewaye imẹ okukwe; a marịnwayezi ni Di-nwọnni-ẹnyi. Ọghọ ya rịn'a ogẹnni, rịzịkwọn'a jẹnrin ejẹn, d'e ru ụhụọhịn ikpanzụụn! Isẹẹ.

Jọnụ Ibuzọ 3:19

Ọhụn kẹ ẹnyi e gi marịn nị ẹnyi rị azụụn nke ezioku, ịya kẹ ẹnyi gi e mẹ obi e ru ẹnyi alị ebe Osolobuẹ rị —

Jọnụ Ibuzọ 5:7

Ya wụ nị wẹ rị ẹtọ rị a shịa ẹri [elu-igwee: Chuku-Nẹdi lẹ Oku Osolobuẹ lẹ Mmọn-nsọ, wẹ ẹtịtọ wụ ohu;