Ndị Kolosị 2:14 - Ika

¹⁴ Ọ nọ kagbu ụgwọ ile ẹnyi gi ebe wẹ detu ẹ, iwu ile ikpe gi ma ẹnyi, wepụ a, kpọ a ye elu-obe Kraịstị.

Ndị Kolosị 2:14 ပူးပေါင်းရင်းမြစ်များ

Nehemiah 4:5

Ekpumẹlẹ njọ wẹ! Efinchanpụlẹ njọ wẹ, n'ị hụn ụzọ a nyanhan e gi ẹ e sọn wẹ, makẹni a kparikẹ wẹ ndị rị a rụn mgbọn hụ.

Ẹsta 3:12

Nke akp'ọhịn mmẹtọ imẹ ifọn ibuzọ hụ, wẹ nọ kpọ ndị akanwe eze. Wẹ nọ de ihiẹn Hamanị sị ndị ọkịkị ile mẹ — kẹ ndị a nọkin ẹnya eze Azụụn ichẹn-ichẹn kẹ ndị gọvanọ Azụụn ichẹn-ichẹn kẹ ndị-isi kị ndị alị ichẹn-ichẹn. Hamanị sị wẹ gi mkpụrụ-ẹkụkwọ Azụụn ichẹn-ichẹn gi e de ihiẹn deni wẹ ịya, gizi asụsụ alị ichẹn-ichẹn rị azụụn hụ deni ndị ọwụlẹ ya. Ẹfan eze wụ Ahazẹrusu kẹ wẹ gi de ihiẹn hụ, gi ọla mkpịnsịn ẹka o gi e biye ihiẹn ẹka biye ẹ ẹka.

Ẹsta 8:8

Ụnụ nwẹn, de ni nwan iwu ọzọ hụn jẹnkọ d'e yeni ndị Ju ẹka; de n'ẹ k'ọ dọn rị mma ẹnya ụnụ. Gi ni ẹfan eze de ẹ, ọnụ e gi ọla mkpịnsịn ẹka eze gi e biye ẹka biye ẹ. Makẹni, w'ara saẹka kagbu ihiẹn wẹ gi ẹfan eze de, gi ọla mkpịnsịn ẹka eze biye ẹ ẹka.”

Ẹbụ-ọma 51:1

Dodo mẹ omikẹn m, Osolobuẹ, makẹ ufiri ihiẹn-ọsụsụọ ị; gi ufiri okẹn ẹfọma ị finchanpụ njọ ile m mẹ i!

Ẹbụ-ọma 51:9

Elezilẹ njọ m mẹ, ka finchanpụ ihiẹn ile m mẹ ikpe gi ma m.

Azaya 43:25

Mmẹ rị e finchanpụ mmẹfie ụnụ, mmẹ lẹ enwẹn m; makẹ ufiri mmẹ lẹ enwẹn m, anyanhankọzị m njọ ọnụ.

Azaya 44:22

E finchanpụgụọ m mmẹfie ụnụ ile rịkẹ igwere gitọnị, zapụ njọ ụnụ lekẹ igirigi ụtụntụn. Kinhẹn ni nwan d'e kunrun m, n'a gbarịgụọ m ụnụ.

Azaya 57:14

O ru ogẹn ahụn, wẹ k'a sị, “Rụndọnzi n'ẹ, rụndọnzi n'ẹ! Dọnzi ni ụzọ! Wepụnị nị ndị nke m ihiẹn rịsọnmẹ ụzọ.”

Ọgụngụn 5:23

“Onyẹ nchụn-ẹjan hụ k'e de ọnụ-ẹsọn ndịnị ye imẹ ẹkụkwọ, chan wẹ ye imẹ mirin hụ e lu ilu.

Luku 1:6

Wẹ ẹbụbụọ wụ ndị ezi-omumẹ ẹnya Osolobuẹ; w'e dọnmẹchanrịn iwu lẹ ọdịnalị Di-nwọnni-ẹnyi, onwọnni hụn w'e gi kọrịanị wẹ —

Ọrụn Ndị-ozi 3:19

Rogharị nị nwan ụnụ e kinhẹn n'o finchanpụ ụnụ njọ,

Ndị Kolosị 2:20

O mẹ nwan nị ụnụ e sọngụọ Kraịstị nwụnhụn, ụnụ a nwụnnahịngụọ mmọn lẹ iwu ile wẹ gi e dọn ẹnya elu-ụwanị. Kị ụnụ a gbayeni nwan omẹnalị lekẹ sị ụnụ wụzị nke ụwa?

Ndị Tẹsalonika Nke Ẹbụọ 2:7

Makẹni eje-ihiẹn a rịgụọlẹ nwan ọrụn imẹ nzuzue, kanị, onyẹ hụ rị nwan e gbọndọnn'ẹ k'a rịkwọ e gbọndọn ẹ d'e ru ni e wepụ wẹ hụnyẹ.

Hibru 7:18

Ya wụ, Osolobuẹ a kagbugụọ iwu o ti mbụ, makẹni ọ sakọ ẹka rụn ọrụn lẹni ọ bannị erere

Hibru 8:13

O gigụọ oku nkwerigbama ọhụnnị kpọ nke ibuzọ ihiẹn-akan — ihiẹn-akan rị a kawaye ẹgẹdi e d'a la.

Pita Ibuzọ 2:24

Kraịstị lẹ enwẹn ẹ gi ẹhụ a buru njọ ẹnyi, bu ẹ shi elu osisi ahụn, kẹni ẹnyi wụrụ ndị nwụnnahịn njọ, gi ndụn ẹnyi mẹmẹ ihiẹn Osolobuẹ chọ. Ẹhụ wẹ rụsọnmẹ ẹ kẹ ẹnyi gi dịnhịn.