Ndị Kolosị 2:13 - Ika

¹³ Ụnụ te nwụnhụn anwụnhụn yeni mmẹfie lẹ obibi ndị wẹ kwalẹni ezigbo ugun wepụ onyẹ wẹ te wụ, kanị Osolobuẹ nọ mẹ ụnụ sọn Kraịstị rị ndụn, ọ gbagharị ẹnyi njọ ile ẹnyi mẹ.

Ndị Kolosị 2:13 ပူးပေါင်းရင်းမြစ်များ

Ẹbụ-ọma 119:50

Ihiẹn obi gi e ru m alị imẹ nsọngbu m wụ ọnwan: nị nkwa ị e dọnmẹ m ndụn.

Ẹbụ-ọma 32:1

Onyẹ nwọn ngọzi wụ onyẹ hụn Osolobuẹ gbagharị nnupụ-isi ẹ, onyẹ hụn o kpumẹgụ njọ a.

Ẹbụ-ọma 71:20

Y'e mẹgụọ ẹnyi hụn nsọngbu lẹ afụnfụn, kanị y'e mẹgụọ ndụn banzị m; i k'a gha imẹ-imẹ alị wepụhazị m.

Azaya 1:18

Osolobuẹ sị, “Bịa nị nwan nị ẹnyi ku: ọsụọn'a njọ e mẹgụọ ụnụ nwunmẹ ododo-ododo, m k'e mẹ ụnụ nwunmẹ kẹ ẹkwa-ọchan! Ọsụọn'a n'o mẹgụọ ụnụ nwunmẹ ufie-ufie, ụnụ k'e nwunmẹ kẹ oruru ọchan.

Azaya 55:7

Onyẹ eje-omumẹ ya la eje-obibi ẹ tọ; eje-ịhịan ya la eje-iroro ẹ tọ. Ya kinhẹn d'e kunrun Osolobuẹ, n'ọ hụn ụzọ mẹn'ẹ omikẹn; ya kinhẹn d'e kunrun Chuku ẹnyi, makẹni o k'a gbagharịchanrịn a.

Jerimaya 31:34

Ịhịan akuzikọzị ibe ẹ mọbụ sị nwẹnẹ ẹ, ‘Marịn Osolobuẹ,’ onyẹ-onyẹ jẹnkọ d'a marịn m, gha onyẹ-uku d'e ru onyẹ-nta, makẹni m jẹnkọ d'a gbagharị wẹ eje-ihiẹn wẹ mẹ; anyanhankọzị m njọ wẹ.”

Luku 15:24

makẹni nwa m nị te nwụnhụn anwụnhụn, kanị ọ rị nwan ndụn; o te tuhu etuhu, kanị a hụngụọ m'a nwan.’ Wẹ nọ rimẹ oriri, ghọghọma.

Luku 15:32

O furu nị ẹnyi ri oriri, ghọghọ, makẹni nwẹnẹ i ni te nwụnhụn anwụnhụn, kalẹ ọ rị nwan ndụn; o te tuhu etuhu, kanị, a hụngụọ w'a nwan.’ ”

Luku 9:60

Ya Jesu nọ sị, “Hapụ ndị nwụnhụnnị nị wẹ li ndị nke wẹ nwụnhụnnị. Ịyụ nwẹn, jẹnmẹ d'e zi ozi Alị-eze Osolobuẹ.”

Jọnụ 5:21

Eziẹ, kẹ Chuku-Nẹdi dọn e weli onyẹ nwụnhụnnị e we ndụn e ye ẹ, ẹrịra kẹ Nwa a dọnzi e we ndụn e ye ndị ọ chọ n'o ye.

Jọnụ 6:63

Mmọn-nsọ sụọ e ye ndụn, ịhịan mmaka asaẹka mẹ ihiẹn-anaị: oku ndịnị m rị a gwa ụnụ wụ oku imẹ-mmọn lẹ oku e ye ndụn.

Ndị Rom 4:17

Ẹrịra kẹ Ẹkụkwọ-nsọ dọn ku ẹ, sị, “E mẹgụọ m'ị wụrụ nẹdi alị bu ọda.” Ịya k'ọ wụ ebe Osolobuẹ rị — Osolobuẹ hụn o gi dọn ẹnya; Osolobuẹ hụn e mẹ onyẹ nwụnhụnnị a rịzị ndụn, hụn e gi oku-ọnụ a e mẹ ihiẹn rịtulẹni n'ọ rị.

Ndị Rom 6:13

ewelẹ ni mkpamkpa ẹhụ ụnụ ye njọ gi họnrin ihiẹn-ọrụn o gi e mẹ eje-ihiẹn. Ka wechanrịn nị enwẹn ụnụ ye Osolobuẹ nọkẹ ndị wẹ ghagụ ọnwụn weli hụn rị ndụn; ụnụ e wechanrịn mkpamkpa ẹhụ ụnụ ile ye Osolobuẹ n'o gi họnrin ihiẹn-ọrụn ezi-omumẹ.

Ndị Rom 8:11

Omẹni Mmọn onyẹ hụn gha ọnwụn weli Kraịstị bi imẹ ndụn ụnụ, onyẹ hụn weli Kraịstị sikọ d'e mẹzikwọ ẹhụ ụnụ a nwụnhụnnị n'ọ rị ndụn — ghahanị Mmọn a hụn bi imẹ ndụn ụnụ.

Ndị Kọrẹntị Ibuzọ 15:36

Onyẹ-nzuzu! Ihiẹn ị kụnye alị ara rị pupụha, mmanị ọ nwụnhụngụ anwụnhụngụ.

Ndị Kọrẹntị Ibuzọ 15:45

Ẹrịra kẹ wẹ de ẹ imẹ Ẹkụkwọ-nsọ, sị, “Ịhịan ibuzọ hụn wụ Adam họ̀nrin onyẹ rị ndụn,” kanị Adam ikpanzụụn e họnrin mmọn e ye ndụn.

Ndị Kọrẹntị Nke Ẹbụọ 3:6

Osolobuẹ mẹ ẹnyi gi wụrụ ndị ma rụn ọrụn nkwerigbama ọhụnnị, ẹlẹ nke Iwu wẹ de ede, kanị nke Mmọn-nsọ. Makẹni Iwu wẹ de e gbu egbu, kanị Mmọn-nsọ e ye ndụn.

Ndị Kọrẹntị Nke Ẹbụọ 5:19

Ya wụ nị Osolobuẹ rị imẹ Kraịstị e dọnzi ẹgbata ya lẹ ụwa, ara gizi njọ wẹ e sọn wẹ, o we ozi idọnzi-ẹgbata ahụn che ẹnyi ẹka zisọnmẹ.

Ndị Ẹfẹsọsụ 2:1

Ogẹn mbụ, ụnụ te nwụnhụn anwụnhụn makẹ njọ lẹ mmẹfie ụnụ.

Ndị Ẹfẹsọsụ 2:11

Ebe ẹhụ rị, nyanhan nị nị ụnụ te wụ ndị alị ọzọ. Ndị Ju a kpọ ụnụ “ndị kwalẹni ugun,” a kpọ enwẹn wẹ “ndị kwa ugun” bụ ugun wẹ kwa ẹhụ mmaka rọ, ugun ịhịan kwa;

Ndị Ẹfẹsọsụ 5:14

makẹni ukpẹ nwunkpuhụ ihiẹn, o họnrin ukpẹ. Ya haịn Ẹkụkwọ-nsọ gi sị, “Onyẹ-ụran, tẹnhin! Gha ọnwụn lihi, kẹni Kraịstị nwunkpu i.”

Ndị Kolosị 2:12

E mẹgụọ wẹ ụnụ mirin-Chuku gi ligbama ụnụ lẹ Kraịstị, wepụha ụnụ imẹ mirin gi weligbama ụnụ lẹ ya, makẹni ụnụ gi ikẹn Osolobuẹ dọn ẹnya, Osolobuẹ hụn gha ọnwụn weli Kraịstị.

Timoti Ibuzọ 5:6

Kanị, hụn rị e bi obibi ẹhụ-ufu anwụnhụngụọ, ọsụọn'a nị ọ rị ndụn.

Timoti Ibuzọ 6:13

Idẹnya Osolobuẹ hụn e ye ihiẹn ile ndụn lẹ Jizọsị Kraịstị hụn nọ idẹnya Pọntius Paịleti ku ezioku, ku ẹ n'ọ wụ Onyẹ ahụn ọ wụ, m sị ị

Hibru 6:1

Nị ẹnyi jẹnshi ni nwan ihun, la nkuzi ibuzọ ndịnị rị ofufe Kraịstị tọ, wụrụ ndị ka ẹhụ imẹ Kraịstị. Ẹlẹ hụn ẹnyi e gi gbemẹzi iyetọ, kuzimẹzi irogharịnị latọ ihiẹn ndị ahụn ghalẹni e ye ndụn, lẹ ikwerini Osolobuẹ

Hibru 9:14

ya wụ nị ẹdeke Kraịstị, onyẹ hụn gi enwẹn ẹ chụnyeni Osolobuẹ ẹjan nwọnlẹni ntụpọ ghahanị Mmọn itẹbitẹ, jẹnkọ d'a sa ẹka chanchan obi ẹnyi, chan a ezigbo ọchịchan, chanchanpụ ihiẹn ile ghalẹni e ye ndụn hụn ẹnyi mẹ, ẹnyi a hụn ụzọ fe Osolobuẹ rị ndụn.

Jemisi 2:17

Ẹrịrazịkwọ, okukwe wẹ gilẹni rụn ọrụn a nwụnhụngụọ.

Jemisi 2:20

Onyẹ-nzuzu! Ị chọ nị wẹ ghọsị ị nị okukwe wẹ gilẹni rụn ọrụn a nwụnhụngụọ?

Jemisi 2:26

Ya wụ, kẹ ẹhụ mmọn rịlẹni dọn wụ ihiẹn nwụnnị, ẹrịra kẹ okukwe ọrụn rịlẹni dọnzikwọ wụ ihiẹn nwụnnị.

Jọnụ Ibuzọ 2:12

Ụmụẹka, m rị e deni ụnụ nị m gi gwa ụnụ nị Osolobuẹ e gigụọ ufiri ẹfan Jizọsị gbagharị ụnụ njọ.