Ndị Kolosị 1:6 - Ika

⁶ Oziọma e rugụọ ụnụ ẹka. K'o dọn a mị mkpụrụ, e sue, a ghagbarị ụwa ile, ẹrịra k'o gizi nwan rị a mị mkpụrụ imẹ ụnụ kete ụhụọhịn ahụn ụnụ nụ a, ghọta ẹfọma Osolobuẹ mẹ nke-esi.

Ndị Kolosị 1:6 ပူးပေါင်းရင်းမြစ်များ

Ẹbụ-ọma 110:3

Ndị nke i k'e wepụhachanrịn obi sọnjẹn i agha ụhụọhịn i k'a kpa ikẹn; yụ lẹ ọghọ rị nsọ rị ị ẹhụ, eki fọn ụhụọhịn hụ, ndụn-okorọbịa ị e ziẹntun'i nọkẹ igirigi.

Ẹbụ-ọma 98:3

Ọ nyanhangụọ ghọsịzị ndị Izrẹlụ ihiẹn-ọsụsụọ a, ghọsị wẹ n'o furu wẹ gi e dọn ẹnya. Elu ụwa ile a hụngụọ nzụọpụha Osolobuẹ ẹnyi!

Matiu 24:14

Wẹ jẹnkọ d'e zigbarị elu-ụwa ile oziọmanị, oziọma Alị-eze, kẹn'ọ wụrụ ọshẹri imẹ alị ile; ogẹn hụ kẹ ọgụgụ-ogẹn e gi ru.

Matiu 28:19

Jẹnmẹ ni nwan d'e mẹ ndị alị ile rị ichẹn-ichẹn wụrụ ndị e sọnni m; e gi ni ẹfan Nẹdi lẹ Nwa lẹ Mmọn-nsọ e mẹ wẹ mirin-Chuku.

Makị 16:15

Ọ nọ sị wẹ, “Ghagbama nị ụwa ile d'e zi ihiẹn ile Chuku ke oziọma.

Makị 4:8

kanị o nwọnghọzị ndị danye alị rị mma, e pupụha wẹ, sue, du, mị mkpụrụ mmagi-mmagi: ụfọdụ ụzọ iri kwasị ọgụn, ụfọdụ ụzọ ọgụn ẹtọ, ụfọdụ ụzọ ọgụn isẹn.”

Jọnụ 15:16

“Ẹlẹ ụnụ họrị m; kaka, mmẹ họrị ụnụ, tumẹ ụnụ kẹni ụnụ d'a mị mkpụrụ — mkpụrụ hụn sikọ d'a rịsọnmẹni, kẹni Chuku-Nẹdi ye ụnụ ihiẹn ọwụlẹ ụnụ gi ẹfan m rịọ.

Jọnụ 17:19

“M rị nwan e gi ufiri wẹ e wepụha enwẹn m, kẹni m mẹ wẹ wụrụ ndị wẹ wepụha dọn nsọ nke-esi.

Jọnụ 4:23

Ogẹn laladẹ, ẹghẹẹ, o rugụọdẹ nwan, hụn ndị e fe ezigbo ofufe k'e gi fe Chuku-Nẹdi ofufe imẹ-mmọn lẹ nke ezioku. Makẹni ndị hụn e fe ẹrịra kẹ Chuku-Nẹdi chọkọ.

Ọrụn Ndị-ozi 11:18

A nụgụ wẹ ihiẹnni, onwọnzini ihiẹn wẹ ku; a ja wẹ Osolobuẹ mma, sị, “Ya wụ nị Osolobuẹ e yegụọzị nwan ndị wụlẹni ndị Ju oghere rogharị, nwọnrin ndụn!”

Ọrụn Ndị-ozi 12:24

Kanị oku Osolobuẹ hụ a gha ihun, ndị bu ọda hụ e kweri.

Ọrụn Ndị-ozi 16:14

Okpoho ohu w'a kpọ Lidia hụ e gọn ntịn; onyẹ obodo Tịatira rọ; o re ẹkwa a ṅanrannị; o sọn ndị Ju e fe Osolobuẹ. Di-nwọnni-ẹnyi shịapụ a obi, ọ nọ gi ihiẹn Pọlụ rị e ku dọn.

Ọrụn Ndị-ozi 26:18

M zikọ ị d'a shịapụ wẹ ẹnya, kẹni wẹ pụha imẹ ishi shi imẹ ukpẹ, pụha okpuru Ekwensụ buru Osolobuẹ, kẹni Osolobuẹ gbagharị wẹ njọ, ye wẹ ọnọdị imẹ ndị wẹ gi okweri wẹ kwerini m dọn nsọ.’

Ndị Rom 1:13

Umunẹ m, m chọ nị ụnụ marịn n'o tekẹ m chọma nị m bịa d'a hụn ụnụ, kanị o ke nị m. M rị a chọ nị m bịa, kẹni m gha imẹ ụnụ wẹhẹzini Osolobuẹ ịhịan kẹ m dọn mẹ imẹ alị ndị ọzọ wụlẹni ndị Ju.

Ndị Rom 15:19

lẹ ihiẹn ile o gi ihiẹn-nghọsị lẹ ọrụn-atụmẹnya lẹ ikẹn Mmọn Osolobuẹ rụn; nke wụ nị e zigbarịgụọ m oziọma Kraịstị ghakwọrị Jerusalẹm d'e ru Ilaịrịkọm.

Ndị Rom 15:28

M rụngụ ogboni, wegụ egho ahụn wẹ tụnị wẹ che wẹ ẹka, m k'e jẹn Speni. M jẹnkọnị a banhan m d'a hụn ụnụ.

Ndị Rom 16:26

hụn rị nwan a pụha ifọn; wẹ rị nwan e gi ihiẹn ndị-amụma de imẹ Ẹkụkwọ-nsọ a kọwanị ndị alị ile ya. Osolobuẹ rị ndụn jẹnrin ejẹn sị wẹ kọwanị wẹ ya, kẹni ndị alị ile hụn ụzọ kweri, gi okweri ahụn wẹ kweri humẹn'ẹ isi.

Ndị Kọrẹntị Nke Ẹbụọ 10:14

Ya wụ nị ẹnyi arụnghafeni ogbo ẹnyi ogẹn ẹnyi gi wẹhẹni ụnụ oziọma; ẹnyi wụdẹ nwan ndị ibuzọ bịa ebẹhụ teni ụnụ rị d'e zi ụnụ oziọma Kraịstị.

Ndị Kọrẹntị Nke Ẹbụọ 6:1

Makẹni ẹnyi lẹ Osolobuẹ gba a rụn, ẹnyi rị nwan a rịọ ụnụ: dodo ni, anịlẹ ni ẹfọma Osolobuẹ rugụ ụnụ ẹka la iwi.

Ndị Ẹfẹsọsụ 3:2

E gighọ m'a dọn nị ụnụ a nụgụọ nị Chuku bu ọrụnnị che m ẹka rụnnị ụnụ;

Ndị Ẹfẹsọsụ 4:21

Ẹghẹẹ, ụnụ a nụgụọ oku Kraịstị, makẹni a kuzigụọ wẹ ụnụ ụzọ a, kuzi ụnụ ezioku k'ọ rị imẹ Jesu:

Ndị Ẹfẹsọsụ 4:23

nị mmọn ụnụ lẹ uche ụnụ k'e hutọrịrị,

Ndị Ẹfẹsọsụ 5:9

makẹni mkpụrụ hụn ukpẹ a mị wụ ihiẹn ile rị mma lẹ ezi-omumẹ ile lẹ ihiẹn ile wụ ezioku.

Ndị Filipi 1:11

makẹni o ru a hụn w'a nị ndụn ụnụ a mịjungụọ mkpụrụ hụn wụ ezi-omumẹ, hụn gha ẹka Jesu Kristi a bịa. O k'e wẹhẹni Osolobuẹ ọghọ lẹ ọjịja-mma.

Ndị Filipi 4:17

Ẹlẹni m chọkọ ihiẹn ụnụ k'e ye m. Kaka akpohu! M rị a chọ nị wẹ gụn ọrụn-ọma ụnụ yeni ụnụ kẹni o wẹhẹni ụnụ erere.

Ndị Kolosị 1:10

kẹni ụnụ e bi obibi furu Di-nwọnni-ẹnyi, obibi hụn a sụọn'a ụzọ ile, a mịpụha mkpụrụ ọrụn ọma ile rị ichẹn-ichẹn, a marịn Osolobuẹ, a marịnwaye.

Ndị Kolosị 1:23

omẹkwọ nị ụnụ e wuzoghọ ọhụnma, turukẹnmẹ imẹ okukwe; omẹni ụnụ alatọnị olilẹnya hụ rị oziọma ụnụ nụ hụn wẹ zigbarịgụ ndị ile rị okpuru elu-igwee. Ọrụn Oziọmanị kẹ wẹ tumẹ mmẹ wụ Pọlụ d'a rụn.

Ndị Tẹsalonika Ibuzọ 1:5

Makẹni, oziọma ẹnyi zi ụnụ ẹlẹ oku-ọnụ sụọ, kama, o gizi ikẹn lẹ ihiẹn Mmọn-nsọ e mẹ bịanị ụnụ; ọ nọ ruchanrịn ụnụ akpakalị obi, wechanrịn ụnụ ẹnya nị ezioku k'ọ wụ; ụnụ a marịnzịghọ kẹ ẹnyi dọn bi imẹ igunrun ụnụ kẹni ọ rịnị ụnụ mma.

Ndị Tẹsalonika Ibuzọ 2:13

Ẹnyi a kpanmịnzị Chuku ogẹn ile, nị, ụnụ anabanhannị oku-Chuku ụnụ nụ ọnụ ẹnyi nọkẹ oku ịhịan, kanị nọkẹ oku-Chuku hụ ọ wụ nke-esi, hụn rị nwan a rụn ọrụn imẹ ndụn ụnụ ndị kwerini.

Ndị Tẹsalonika Nke Ẹbụọ 2:13

Kanị, nke ụnụ, umunẹ ẹnyi, ndị rị Di-nwọnni-ẹnyi obi, ẹnyi k'a gha e yerịrị Osolobuẹ ekele makẹ ufiri ụnụ. Makẹni, Osolobuẹ họtọ ụnụ isi mbidọn nọkẹ ihiẹn-ugbo ibuzọ, kẹni ụnụ nwọn nzụọpụha, ghahanị odidọn-nsọ Mmọn-nsọ lẹ ikwerini ezioku.

Pita Ibuzọ 5:12

Sivanọsụ yeni m ẹka de ẹkụkwọ-ozini mẹ ẹkẹrẹ; nwẹnẹ ẹnyi hụn m weri n'o furu wẹ gi e dọn ẹnya k'ọ wụ. M de ẹkụkwọ-ozini kẹni m gi ẹ gba ụnụ umẹ, gizi ẹ ku nị ụzọ-Kraịstị wụ ezigbo ẹfọma ahụn Osolobuẹ mẹni ịhịan; turukẹnmẹ ni nwan imẹ ẹ.