Ndị Kolosị 1:5 - Ika

⁵ ufiri nị ụnụ rị e lee ẹnya ihiẹn hụ Osolobuẹ dọnmẹni ụnụ elu-igwee, hụn ụnụ nụ ogẹn wẹ gi zi ụnụ ozi hụ wụ ezioku, hụn wụ oziọma.

Ndị Kolosị 1:5 ပူးပေါင်းရင်းမြစ်များ

Ẹbụ-ọma 31:19

Lee ihiẹn ile rị mma i nwọn — hụn i butọnị ndị a tụ egun i, hụn y'a rụnnị ndị gbaburun'i hụn ya rụn idẹnya ịhịan ile.

Luku 12:33

Repụ nị ihiẹn ụnụ nwọn, we egho ẹ ye ndị igbẹnnyẹ, ya kẹ ụnụ e gi kwarị ẹkpa ghalẹni a kahị, nwọnferi akụ-lẹ-ụba imẹ elu-igwee. Ohin asakọ ẹka ru ebahụn; ẹkịka asakọ ẹka ri ihiẹn rị ebẹhụ.

Ọrụn Ndị-ozi 10:36

Ụnụ a marịnghọ ozi o zijẹnni ndị Izrẹlụ: oziọma ya lẹ ịhịan gi e dọn ghahanị Jesu Kristi Onyẹ nwọn ihiẹn ile lẹ ịhịan ile.

Ọrụn Ndị-ozi 13:26

“Umunẹ m ndị ebọn Ebraham lẹ ndị a tụ egun Osolobuẹ imẹ ụnụ, e zihẹgụọnị wẹ ẹnyi oziọma nzụọpụhanị.

Ọrụn Ndị-ozi 23:6

Ogẹn Pọlụ gi hụn a nị ụfọdụ Ndị-isi Nkịkwama hụ wụ ndị itu Sadusi, ụfọdụ wụ ndị Itu-Farisi, o weshi olu elu, sị, “Umunẹ, m wụ onyẹ Farisi maị, nwa onyẹ Farisi! Wẹ rị e kpe m ikpeni makẹ olilẹnya m nwọn nị ndị nwụnhụnnị jẹnkọ d'e lihi!”

Ọrụn Ndị-ozi 24:15

Ihiẹn ohu hụ ndịnị rị e lee ẹnya a ẹka Osolobuẹ kẹ mmẹ nwẹn rịzị e lee ẹnya a: nị ndị nwụnhụnnị jẹnkọ d'e lihi, kẹ ndị ezi-omumẹ kẹ ndị njọ.

Ndị Rom 10:8

K'ọ sị ịhịan mẹ? Ọ sị, “Oku Osolobuẹ rị ụnụ nsue — ọ rịdẹ ụnụ ụgb'ọnụ, rị ụnụ obi.” Elee oku rọ? Oku okukweni ẹnyi rị e kusọnmẹ:

Ndị Kọrẹntị Ibuzọ 13:13

Ihiẹn ẹtọ rịnị wụ okukwe, olilẹnya lẹ ihiẹn-ọsụsụọ, kanị, hụn kachanrịnnị wụ ihiẹn-ọsụsụọ.

Ndị Kọrẹntị Ibuzọ 15:19

Omẹni olilẹnya elu-ụwanị sụọ kẹ ẹnyi nwọn imẹ Kraịstị, nke ẹnyi kachanrịn nke ndị ọzọ rị elu-ụwa njọ.

Ndị Kọrẹntị Nke Ẹbụọ 5:19

Ya wụ nị Osolobuẹ rị imẹ Kraịstị e dọnzi ẹgbata ya lẹ ụwa, ara gizi njọ wẹ e sọn wẹ, o we ozi idọnzi-ẹgbata ahụn che ẹnyi ẹka zisọnmẹ.

Ndị Kọrẹntị Nke Ẹbụọ 6:7

ghahanị iku ezioku lẹ ikẹn Osolobuẹ rị e sọnni ẹnyi lẹ ibu ihiẹn-ọgụn Osolobuẹ sụọ ẹka-nni lẹ ẹka-ekpẹn;

Ndị Galeshịa 2:14

Ogẹn m gi hụn a nị ihiẹn wẹ rị e mẹ lẹ ezioku rị oziọma a dangbamanị, m nọ nọ idẹnya wẹ ile sị Pita, “Onyẹ Ju k'ị wụ, kanị ị rị e bi kẹ ndị wụlẹni ndị Ju, y'a rị e bi kẹ ndị Ju. Kị ị rị nwan a gwanị ndị wụlẹni ndị Ju nị wẹ k'e birịrị kẹ ndị Ju?”

Ndị Galeshịa 2:5

Kanị, ẹnyi ekweyenini wẹ kaka akpohu, makẹni ẹnyi chọ nị ẹnyi kwọnkẹnmẹni ụnụ ezioku rị oziọma, kẹni ụnụ marịn a, marịn a k'ọ rịchanrịn.

Ndị Galeshịa 5:5

Kanị, okukwe lẹ ikẹn Mmọn-nsọ kẹ ẹnyi nwẹn rị e gi che nị Osolobuẹ kuni ẹnyi ọhụnma ahụn ẹnyi rị a tụ ẹnya a.

Ndị Ẹfẹsọsụ 1:13

Ụnụ nwẹn e họnrinzighọ ndị nke Kraịstị kẹ ụnụ nụ oku hụ wụ ezioku, kweri — oziọma ahụn ụnụ gi nwọnrin nzụọpụha. Ụnụ e kwerigụnị Jesu, Osolobuẹ nọ bu Mmọn-nsọ o kwe nkwa a che imẹ ndụn ụnụ, gi ẹ yi ụnụ ahịma a,

Ndị Ẹfẹsọsụ 4:21

Ẹghẹẹ, ụnụ a nụgụọ oku Kraịstị, makẹni a kuzigụọ wẹ ụnụ ụzọ a, kuzi ụnụ ezioku k'ọ rị imẹ Jesu:

Ndị Kolosị 1:23

omẹkwọ nị ụnụ e wuzoghọ ọhụnma, turukẹnmẹ imẹ okukwe; omẹni ụnụ alatọnị olilẹnya hụ rị oziọma ụnụ nụ hụn wẹ zigbarịgụ ndị ile rị okpuru elu-igwee. Ọrụn Oziọmanị kẹ wẹ tumẹ mmẹ wụ Pọlụ d'a rụn.

Ndị Kolosị 1:27

Ọ chọ nị ndị alị ọzọ marịn okẹn ihiẹn-omimini rịgbu enwẹn ẹ mma. Ihiẹn omimi hụ wụ nị ụnụ e nwọngụọ Kraịstị, lemẹ ni nwan ẹnya ọghọ hụ Osolobuẹ k'e ye.

Ndị Kolosị 3:16

A nị nị oku Kraịstị a rị imẹ ndụn ụnụ ọda-ọda. E gi ni amamihiẹn lẹ akọ-lẹ-uche ile a kuzi ibe ụnụ, a dụn wẹ ọdụn; e gi obi rị a kpanmịn Osolobuẹ a bụnị Osolobuẹ ẹbụ-ọma rị Ẹkụkwọ-nsọ lẹ ẹbụ-ofufe lẹ ẹbụ-nsọ.

Ndị Tẹsalonika Ibuzọ 2:13

Ẹnyi a kpanmịnzị Chuku ogẹn ile, nị, ụnụ anabanhannị oku-Chuku ụnụ nụ ọnụ ẹnyi nọkẹ oku ịhịan, kanị nọkẹ oku-Chuku hụ ọ wụ nke-esi, hụn rị nwan a rụn ọrụn imẹ ndụn ụnụ ndị kwerini.

Ndị Tẹsalonika Nke Ẹbụọ 2:16

Di-nwọnni-ẹnyi Jesu Kristi lẹ enwẹn ẹ lẹ Chuku Nẹdi ẹnyi hụn gi ihiẹn-ọsụsụọ o nwọn ebe ẹnyi rị mẹni ẹnyi ọhụnma ye ẹnyi nkasị-obi itẹbitẹ lẹ olilẹnya rị mma,

Timoti Ibuzọ 1:15

Okuni wụ ezioku furu w'a nabanhanchanrịn: “Kraịstị wụ Jizọsị bịa imẹ ụwa d'a zụọpụha ndị njọ” hụn o mẹ ni mmẹ kachanrịn njọ imẹ wẹ ile.

Timoti Nke Ẹbụọ 4:8

Ihiẹn rị nwan e cheni m wụ ugọn ezi-omumẹ, hụn Onyẹ-nwọnni-ẹnyi, Ọka-Ikpe ahụn ghalẹni a tụ ntụ, jẹnkọ d'e tu m Ụhụọhịn hụ. Ẹlẹ mmẹ sụọ, kanị ndị ile buchanrịn obi wẹ che ọbịbịa a.

Taịtọsụ 1:2

M rị a rụn kẹni wẹ nwọnhẹn ndụn itẹbitẹ ahụn ẹnyi rị e lee ẹnya a hụn Osolobuẹ ghalẹni a tụ ntụ kwe nkwa a ẹdẹi nị ogẹn d'e bidọndẹ,

Hibru 7:19

(makẹni Iwu mbụ enwọn ihiẹn o dọnzi ru alị); Osolobuẹ e webanhangụọ nwan olilẹnya ka mma ẹnyi e gi s'ẹka nọkunmẹ Osolobuẹ.

Pita Ibuzọ 2:2

Nọkẹ ụmụ wẹ mụ nke ọhụn, a chọshi ni mirin-ẹran imẹ-mmọn ahụn rị nsọ ikẹn — kẹni ụnụ e gi ẹ e sueru ogo nzụọpụha,

Pita Ibuzọ 3:15

Ka yechanrịn nị Kraịstị ọnọdị a imẹ obi ụnụ nọkẹ Di-nwọnni ụnụ, ụnụ a kwademẹ ogẹn ile nị ụnụ a za onyẹ ọwụlẹ jụ ụnụ oku olilẹnya ụnụ.

Pita Nke Ẹbụọ 1:12

Ya wụ, m chọ nwan nị m'a nyanhannị ụnụ ihiẹn ndịnị ogẹn ile, ọsụọn'a nị ụnụ a marịngụọlẹ wẹ; ọsụọn'a nị ụnụ e turugụọ ọhụnma imẹ ezioku hụ wẹ wẹhẹni ụnụ.

Jọnụ Ibuzọ 3:3

Ndị ile nwọn olilẹnyanị imẹ obi wẹ e dọnmẹ enwẹn wẹ ọchan kẹ ya lẹ enwẹn ẹ dọn rị ọchan.