Ndị Kolosị 1:4 - Ika

⁴ Makẹni, ẹnyi a nụgụọ kẹ ụnụ dọn rị e gi Kraịstị wụ Jizọsị e dọn ẹnya lẹ kẹ ụnụ dọn ri e nwọn ihiẹn-ọsụsụọ ndị nke Osolobuẹ ile,

Ndị Kolosị 1:4 ပူးပေါင်းရင်းမြစ်များ

Ndị Kọrẹntị Nke Ẹbụọ 7:7

Ẹlẹdẹ ọbịbịa a sụọ kasị ẹnyi obi, kanị ọ gwaghọ ẹnyi kẹ ọnọdị ụnụ dọn kasị a obi — ọhụn kasịzị ẹnyi obi. Makẹni, ọ gwa ẹnyi kẹ m dọn rị a da ụnụ, gwa ẹnyi kẹ eje-ihiẹn hụ mẹni dọn wutẹ ụnụ, gwazị ẹnyi nị ụnụ egini oku m gu egu! Ya kẹ m nọ ghọghọ ọda-ọda.

Ndị Galeshịa 3:26

Ụnụ ile wụ ụmụ Osolobuẹ ghahanị okweri ụnụ kwerini Kraịstị wụ Jizọsị,

Ndị Galeshịa 3:28

Ya wụ nị onwọnzini ihiẹn rị ichẹn ẹgbata ndị Ju lẹ ndị wụlẹni ndị Ju; ẹgbata igbọn lẹ onyẹ nwọn enwẹn ẹ; ẹgbata ikẹnnyẹ lẹ ikpoho: ẹnyi ile wụ ohu imẹ Kraịstị wụ Jizọsị.

Ndị Galeshịa 5:6

Makẹni, imẹ Kraịstị wụ Jizọsị, ịkwa-ugun lẹ akwanị-ugun enwọnni ihiẹn ọ wụ. Ihiẹn rị mkpa wụ okukwe rị e gi ihiẹn-ọsụsụọ a ghọsị enwẹn ẹ.

Ndị Ẹfẹsọsụ 1:15

Ịya haịn o gi mẹni, kete m nụlẹ oku okweri ụnụ kwerini Di-nwọnni-ẹnyi wụ Jesu lẹ ihiẹn-ọsụsụọ ụnụ nwọnni ndị nke Osolobuẹ ile,

Ndị Ẹfẹsọsụ 6:18

E gi ni ekpere lẹ ịrịọ-Osolobuẹ e sọn ihiẹn ile, e mẹ ekpere ogẹn ile kẹ Mmọn-nsọ dọn chọ; mụnrụn nị ẹnya ebe ekpere rị, anịlẹ ni ndụn gụ ụnụ; e mẹni ni ndị nke Osolobuẹ ile ekpere.

Ndị Kolosị 1:9

Ya haịn o gi mẹ ni, kete ẹnyi a nụl'a, ẹnyi eke mẹbehikwọnị nwan ụnụ ekpere, a rịọ Chuku n'o mẹ ụnụ marịn uche ẹ ọhụnma-ọhụnma, nwọn amamihiẹn lẹ nghọta imẹ-mmọn, nwọn wẹ mmagi-mmagi,

Ndị Tẹsalonika Ibuzọ 1:3

Ẹnyi hụ a nyanhan ụnụ ihun Osolobuẹ ẹnyi wụ Nẹdi ẹnyi: ihiẹn ile ụnụ rị e gi okukwe ụnụ a rụn, kẹ ụnụ dọn rị a lịlịma makẹni ụnụ nwọn ihiẹn-ọsụsụọ lẹzi kẹ ụnụ dọn rị e gi olilẹnya ụnụ nwọn imẹ Di-nwọnni-ẹnyi wụ Jesu Kristi e dingbu ihiẹn ile.

Ndị Tẹsalonika Ibuzọ 3:6

Hụnnị Timoti ghagụ nwan azụụn nke ụnụ lụaha, wẹhẹni ẹnyi ozi rị mma, nị okukwe ụnụ lẹ ihiẹn-ọsụsụọ ụnụ hụ mma; nị ụnụ hụ a nyanhan ẹnyi ọhụnma-ọhụnma ogẹn ile lẹ ni ẹnyi hụ a da ụnụ kẹ ụnụ dọn rị a da ẹnyi;

Ndị Tẹsalonika Nke Ẹbụọ 1:3

Umunẹ, o furu nị ẹnyi gi ufiri ụnụ a kpanmịn Osolobuẹ ogẹn ile, makẹni okukwe ụnụ rị e sue ọda-ọda, onyẹ-onyẹ hụzị e nwọnwaye ihiẹn-ọsụsụọ ibe ẹ.

Filemọnụ 1:5

Makẹni, m hụ a nụ k'i dọn rị e nwọn ihiẹn-ọsụsụọ ndị nsọ ile lẹ k'i dọn kwerikẹnmẹni Di-nwọnni-ẹnyi Jizọsị.

Hibru 6:10

Makẹni, Osolobuẹ ara mẹgbu ịhịan; ọ zọkọ ọrụn ụnụ lẹ ihiẹn-ọsụsụọ ụnụ ghọsị a ebe ụnụ nọ gi ufiri ẹfan a yeni ndị nke ẹ ẹka, hụn ụnụ rịkwọ nwan e mẹ.

Jọnụ Ibuzọ 3:14

Ihiẹn ẹnyi gi marịn nị ẹnyi a ghagụọ ọnwụn pụha, banye ndụn, wụ nị ẹnyi nwọn ihiẹn-ọsụsụọ ibe ẹnyi. Onyẹ nwọnlẹni ihiẹn-ọsụsụọ ibe ẹ a nwụnhụngụọ.

Jọnụ Ibuzọ 3:23

Ọnwan wụ iwu ẹ: nị ẹnyi k'e kweri ni ẹfan Nwa a wụ Jesu Kristi lẹ ni ẹnyi k'e nwọn ihiẹn-ọsụsụọ ibe ẹnyi — nọkẹ k'o dọn gwa ẹnyi.

Jọnụ Ibuzọ 4:16

Ẹnyi a marịnọlẹ nwan nị Osolobuẹ nwọn ihiẹn-ọsụsụọ ẹnyi, ẹnyi e giọl'a dọn. Osolobuẹ wụ ihiẹn-ọsụsụọ. Onyẹ hụn gi ihiẹn-ọsụsụọ e bi rị imẹ Osolobuẹ, Osolobuẹ lẹ enwẹn ẹ rị imẹ onyẹ hụ.