Ndị Kolosị 1:24 - Ika

²⁴ M rị nwan a ghọghọ nị m rị a tanị ụnụ afụnfụn, e gi ẹhụ m a tapụnị Kraịstị afụnfụn họdụnị wẹ k'a tanị ẹhụ a wụ ụka.

Ndị Kolosị 1:24 ပူးပေါင်းရင်းမြစ်များ

Makị 10:39

Wẹ nọ sị a, “Ẹnyi jẹnkọ d'a s'ẹka.” Jesu nọ sị wẹ, “Ezioku-ezioku, ụnụ jẹnkọ d'a ra mkpu afụnfụn m sikọ d'a ra, ri ụya m jẹnkọ d'e ri;

Ọrụn Ndị-ozi 5:41

Ya kẹ ndị-ozi ahụn pụ-ichẹn nọ gha Ọgwa Ndị-isi Nkịkwama hụ pụha, a ghọghọ nị Osolobuẹ weri wẹ kẹ ndị furuni ebe ọ nọ nị wẹ narịn ifẹnrẹn makẹ Ẹfan Jesu.

Ndị Rom 5:3

Ẹlẹdẹ ọhụn sụọ, ẹnyi a ṅanzị nị ẹnyi rị a hụn nsọngbu ẹnyi rị a hụn, makẹni ẹnyi a marịnghọ nị nsọngbu e wẹhẹ ndidin;

Ndị Rom 8:17

O mẹ nwan nị ẹnyi wụ ụmụ, ihiẹn nẹdi ẹnyi wụ nke ẹnyi, ihiẹn Osolobuẹ wụ nke ẹnyi: ẹnyi lẹ Kraịstị gba nwan nwọn ihiẹn Osolobuẹ, omẹkwọnị ẹnyi e sọn nwan Kraịstị ta afụnfụn kẹni ẹnyi sọnzi ẹ nwọnrin ọghọ.

Ndị Kọrẹntị Ibuzọ 12:27

Ụnụ ile wụ ẹhụ Kraịstị. Onyẹ-onyẹ imẹ ụnụ wụsọnmẹ mkpamkpa rịn'a.

Ndị Kọrẹntị Nke Ẹbụọ 12:15

Ni m gichanrịnghọ ihiẹn m ile lẹ ndụn m yeni ụnụ ẹka. O mẹ nwan nị mmẹ nwẹn rị e nwọnwaye ihiẹn-ọsụsụọ ụnụ, nị ihiẹn m sụọbehi ụnụ nwẹn k'ọ sụọ ụnụ mbụ?

Ndị Kọrẹntị Nke Ẹbụọ 6:10

ghahanị nị ẹnyi a ghọghọ ogẹn ile ọsụọn'a nị ihiẹn ẹkwan e mẹ ẹnyi ogẹn ile; ghahanị ịrị kẹ ndị igbẹnnyẹ bụ ẹnyi e mẹ ndị bu ọda a wụrụ ịdanfịn; ghahanị ịrị kẹ ndị nwọnlẹni ihiẹn ọwụlẹ bụ ihiẹn ile wụ nke ẹnyi.

Ndị Kọrẹntị Nke Ẹbụọ 7:4

Obi ru m alị banyeni ụnụ ọda-ọda; m'e gi ụnụ a dụ ẹka obi; ụnụ a gba m umẹ ọda-ọda; imẹ nsọngbu ẹnyi ile, m'e gi ufiri ụnụ a ghọghọ ọda-ọda.

Ndị Ẹfẹsọsụ 1:23

Ụka wụ ẹhụ a; imẹ ụka kẹ ihiẹn ile banyen'ẹ rị; ya lẹ enwẹn ẹ wụ onyẹ hụn rị ebe ile, hụn e mẹ ihiẹn ile e zu oke.

Ndị Ẹfẹsọsụ 3:1

Oziọma Kraịstị wụ Jizọsịnị m rị e zi ụnụ ndị wụlẹni ndị Ju kẹ mmẹ wụ Pọlụ gi nwan rị imẹ ngan.

Ndị Ẹfẹsọsụ 3:13

M rị nwan a rịọ ụnụ, anịkwọlẹ ni ndụn gụ ụnụ nị m rị e gi ufiri ụnụ a ta afụnfụn, makẹni ọghọ ụnụ rọ.

Ndị Filipi 3:10

M chọ nị m marịn Kraịstị lẹ ikẹn hụ o gi gha ọnwụn lihi, e sọn m'ẹ ta afụnfụn ọ ta, sọn ẹ nwụn ọnwụn ọ nwụn,

Ndị Kolosị 1:18

Ịya wụ isi ụka hụn wụ ẹhụ a. Ịya wụzị isi mbidọn; ịya wụ onyẹ ibuzọ gha ọnwụn lihi. Wẹ ile k'o gi wụrụ onyẹ ibuzọ lẹ onyẹ-isi ihiẹn ile.

Timoti Nke Ẹbụọ 1:8

Emẹkwọlẹ nwan ifẹnrẹn iku-oku Onyẹ-nwọnni-ẹnyi mọbụ ifẹnrẹn mmẹ nwẹn hụn rị nwan imẹ ngan makẹ ufiri ẹ. Kama, gi ikẹn Osolobuẹ sọn ẹnyi tanị oziọma afụnfụn.

Jemisi 1:2

Umunẹ m, e nwọnni ezigbo ịghọghọ ogẹn ọwụlẹ ọnwụnwan ichẹn-ichẹn gi bịanị ụnụ —