Ndị Kolosị 1:19 - Ika

¹⁹ Makẹni, ọ sụọ Osolobuẹ n'o gi ihiẹn ile o gi wụrụ Osolobuẹ biri imẹ Kraịstị.

Ndị Kolosị 1:19 ပူးပေါင်းရင်းမြစ်များ

Luku 10:21

Ogẹn hụzịkwọ, Jesu nọ ghọghọ imẹ Mmọn-nsọ, sị, “Baba, Onyẹ nwọn elu-igwee lẹ ụwa! M rị a ja ị mma ni y'e zuemẹgụọnị ndị marịn ihiẹn lẹ ndị nwọn nghọta ihiẹn ndịnị, we wẹ ghọsị ụmụ-ndu. Ẹghẹẹ Baba, ẹnịna k'ị chọ n'ọ rị.

Jọnụ 1:16

Ẹfọma ahụn jun imẹ ẹ hụ e ru ẹnyi ẹka mmagi-mmagi.

Jọnụ 3:34

Makẹni onyẹ Osolobuẹ zihẹ rọ, o ku oku Osolobuẹ, ufiri nị Osolobuẹ eyen'ẹ Mmọn-nsọ yehọdụ.

Ndị Kọrẹntị Ibuzọ 1:21

Makẹni ụwa asanị ẹka gi amamihiẹn marịn Osolobuẹ ebe ọ nọ e gi amamihiẹn ẹ e mẹ ihiẹn, ọ sụọ Osolobuẹ n'o gi “nzuzu” rị ozi ẹnyi rị e zi zụọpụha ndị hụn k'e kwerini.

Ndị Ẹfẹsọsụ 1:23

Ụka wụ ẹhụ a; imẹ ụka kẹ ihiẹn ile banyen'ẹ rị; ya lẹ enwẹn ẹ wụ onyẹ hụn rị ebe ile, hụn e mẹ ihiẹn ile e zu oke.

Ndị Ẹfẹsọsụ 1:3

Ekele ya rịnị Osolobuẹ, hụn wụ Chuku lẹ Nẹdi Onyẹ-nwọnni-ẹnyi wụ Jesu Kristi, makẹni o yeọlẹ ẹnyi ngọzi imẹ-mmọn ile rị elu-igwee makẹni ẹnyi rị imẹ Kraịstị.

Ndị Ẹfẹsọsụ 1:5

Ọ katọ a n'o k'a mụnrụn ẹnyi ghahanị Jesu Kristi makẹni ọ sụọghọ a, makẹni uche ẹ rọ.

Ndị Ẹfẹsọsụ 4:10

Ya wụ nị onyẹ ohu hụ hidannị wụzị onyẹ hụn lashi elu, ghafechanrịn elu-igwere, kẹni ọ hụn ụzọ jun ihiẹn ile.)

Ndị Kolosị 2:3

Kraịstị hụn amamihiẹn lẹ nghọta ile zuerini rị imẹ ẹ.

Ndị Kolosị 2:9

Kanị, ihiẹn ile Osolobuẹ gi wụrụ Osolobuẹ zu oke ẹhụ Kraịstị.

Ndị Kolosị 3:11

Imẹ ndụn ọhụnnị, onwọnzini ihiẹn nọ kẹ ndị Ju lẹ ndị wụlẹni ndị Ju mọbụ ndị kwa ugun lẹ ndị kwalẹni mọbụ ndị rị imẹ ọfịa lẹ ndị walẹni ẹnya mọbụ igbọn lẹ onyẹ nwọn enwẹn ẹ. Kraịstị sụọ wụ ihiẹn ile; Kraịstị rị imẹ wẹ ile.