Ndị Kolosị 1:18 - Ika

¹⁸ Ịya wụ isi ụka hụn wụ ẹhụ a. Ịya wụzị isi mbidọn; ịya wụ onyẹ ibuzọ gha ọnwụn lihi. Wẹ ile k'o gi wụrụ onyẹ ibuzọ lẹ onyẹ-isi ihiẹn ile.

Ndị Kolosị 1:18 ပူးပေါင်းရင်းမြစ်များ

Ẹbụ-ọma 89:27

M k'e yezikwọ a ọkwa okẹnnyẹ ibuzọ m, eze kachanrịn ndị-nze ile rị elu-ụwa.

Ẹbụ Solomọnụ 5:10

Nke-m e gbukepụ egbukepụ, ẹhụ rị a mma, ọ rịdẹ ichẹn imẹ mmadụ nnụ-uku iri.

Azaya 52:13

Osolobuẹ sị, lee ẹ, ihiẹn jẹnkọ d'a ghanị odibo m; o k'e nwọn ọghọ, wụrụ onyẹ rị mkpa; o k'a wụ onyẹ rị mkpa ọda-ọda

Matiu 23:8

Ka anịlẹ ni ịhịan kpọ ụnụ ‘Onyẹ-nkuzi,’ makẹni Onyẹ-nkuzi ohu sụọ kẹ ụnụ nwọn; umunẹ kẹ ụnụ ile wụ.

Matiu 28:18

Jizọsị nọ jẹnzụnhan, sị wẹ, “E yeọlẹ wẹ m ikẹn ile rị elu-igwee lẹ elu-ụwa.

Jọnụ 1:1

Isi mbidọn, onyẹ hụ wụ Oku Chuku rị arị; onyẹ hụ wụ Oku Chuku lẹ Chuku rị; onyẹ hụ wụ Oku Chuku wụ Chuku.

Jọnụ 1:16

Ẹfọma ahụn jun imẹ ẹ hụ e ru ẹnyi ẹka mmagi-mmagi.

Jọnụ 1:27

Ịya wụ onyẹ hụ lalanị m mẹmẹgụ. Erudẹni m onyẹ sikọ d'a tọpụ eriri akpụkụ a.”

Ọrụn Ndị-ozi 26:23

nị Kraịstị k'a tarịrị afụnfụn; n'o k'a wụrụ onyẹ ibuzọ gha ọnwụn lihi; n'o k'e wẹhẹni kẹ ndị alị ẹnyi kẹ alị ndị ọzọ ozi ukpẹ.”

Ndị Rom 8:29

Osolobuẹ a marịngụọ wẹ n'o d'a kpọ wẹ. Ya ọ nọ họtọ wẹ n'o k'e mẹ wẹ wụrụ ndị rị kẹ Nwa a, kẹni Nwa a wụrụ nwa-ibuzọ imẹ ụmụ bụ ọda.

Ndị Kọrẹntị Ibuzọ 11:3

M chọ nwan nị ụnụ ghọta nị Kraịstị wụ onyẹ-isi okẹnnyẹ ọwụlẹ, di wụ onyẹ-isi nwunyẹ ẹ, Osolobuẹ wụ onyẹ-isi Kraịstị.

Ndị Kọrẹntị Ibuzọ 12:27

Ụnụ ile wụ ẹhụ Kraịstị. Onyẹ-onyẹ imẹ ụnụ wụsọnmẹ mkpamkpa rịn'a.

Ndị Kọrẹntị Ibuzọ 15:25

Makẹni, Kraịstị k'a kịrịrị d'e ru mgbe o bugụ ndị-iṅẹnrẹn ẹ ile che okpuru ụkụ a.

Ndị Ẹfẹsọsụ 1:10

Ihiẹnni k'o rotọ: nị ogẹn zu, o wegbama ihiẹn ile che okpuru Kraịstị — kẹ ihiẹn rị elu-igwee kẹ ihiẹn rị elu-ụwa.

Ndị Ẹfẹsọsụ 5:23

Makẹni, di wụ isi nwunyẹ ẹ kẹ Kraịstị dọn wụ isi ụka, ẹhụ Kraịstị hụn Kraịstị wụ onyẹ-nzụọpụha a.

Ndị Kolosị 1:24

M rị nwan a ghọghọ nị m rị a tanị ụnụ afụnfụn, e gi ẹhụ m a tapụnị Kraịstị afụnfụn họdụnị wẹ k'a tanị ẹhụ a wụ ụka.

Ndị Kolosị 2:19

O kwọndọnzini Kraịstị, hụn wụ isi hụn ẹhụ ile gha e nwọnhẹn ihiẹn-oriri, e mẹ akwanran rịn'a e kwọndọnsọnmẹ mkpamkpa ile rịn'a ghahanị okẹn-ẹhụ ile, e mẹ ẹhụ e sue ezigbo usue gha ẹka Osolobuẹ bịa.

Jọnụ Ibuzọ 1:1

Ihiẹn ahụn rị gha mbidọn lala kẹ ẹnyi rị a gwa ụnụ oku ẹ, ihiẹn ẹnyi gi ntịn nụ, gi ẹnya ẹnyi hụn; ihiẹn ẹnyi lekpọgụ, mẹtụ ẹka. Ẹnyi rị e ku oku onyẹ ahụn wụ ndụn.

Rẹvẹleshọnụ 1:18

Mmẹ wụzị onyẹ hụ rị ndụn! M te nwụnhụn anwụnhụn, ka lee ẹ, m rị nwan ndụn jẹnrin ejẹn. Mmẹ gizi ịsanhan Ọnwụn lẹ Alị-mmọn.

Rẹvẹleshọnụ 1:5

lẹ Jizọsị Kraịstị — Jizọsị Kraịstị hụn wụ ọshẹri ahụn furu wẹ gi e dọn ẹnya, onyẹ ibuzọ gha ọnwụn lihi, onyẹ hụn a kị ndị-nze rị elu-ụwa, onyẹ hụn nwọn ihiẹn-ọsụsụọ ẹnyi, gi ẹdeke ẹ gbapụha ẹnyi ẹka njọ ẹnyi;

Rẹvẹleshọnụ 1:8

“Mmẹ wụ Ibuzọ lẹ Ikpanzụụn!” Ya kẹ Di-nwọnni-ẹnyi wụ Osolobuẹ ku — onyẹ hụ hụn rị kikẹnni, hụn rị mbụ, hụn lalanị; Onyẹ hụn nwọn ikẹn ile.

Rẹvẹleshọnụ 11:15

Ya mmọn-ozi nke ẹsa nọ gbu opi ẹ, m nọ nụ okẹn olu rịsọnmẹ elu-igwee rị a sị, “Alị-eze ụwa a wụrụọlẹ nke Di-nwọnni-ẹnyi lẹ Kraịstị a; o k'a kị jẹnrin ejẹn!”

Rẹvẹleshọnụ 21:6

Ya ọ nọ sị m, “O mẹgụọ! Mmẹ wụ Ibuzọ lẹ Ikpanzụụn, Mbidọn lẹ Ọgụgụ. Onyẹ ọwụlẹ ẹgụn-mirin rị a gụn, m k'a gha isi-mirin e ye ndụn ye ẹ mirin ọfẹ.

Rẹvẹleshọnụ 22:13

Mmẹ wụ Afa lẹ Omega, Ibuzọ lẹ Ikpanzụụn, Mbidọn lẹ Ọgụgụ.”

Rẹvẹleshọnụ 3:14

“Dejẹnni onyẹ-isi ụka Laodishia, sị a, “Lee ihiẹn onyẹ hụ wụ Isẹẹ — Ọshẹri ahụn wụ onyẹ ezioku furu wẹ gi e dọn ẹnya; Onyẹ hụ ihiẹn ile Osolobuẹ ke gha ẹka a bịa: ọ sị,