Ndị Kolosị 1:13 - Ika

¹³ Ọ zụọpụhagụọ ẹnyi okpuru ishi, bu ẹnyi che Alị-eze ezi Nwa a,

Ndị Kolosị 1:13 ပူးပေါင်းရင်းမြစ်များ

Azaya 42:1

Lee ni odibo m, hụn m kwadọn, onyẹ hụn m họrị hụn ihiẹn ẹ a sụọ m! E bugụọ m Mmọn m kwasị a; o k'e ye ndị alị ichẹn-ichẹn iwu rị mma.

Azaya 53:12

M k'e mẹ ẹ nwan rị ndị uku; ihiẹn wẹ bulụa agha hụn e ru ndị dikẹn ẹka k'e ru ẹ ẹka — makẹni o kweri we enwẹn ẹ ye wẹ gbu, a gụn w'a yeni ndị mmẹfie. O buru njọ ndị bu ọda; ọ rịọdọnni ndị nnupụ-isi.

Azaya 60:2

Lee ẹ, ụwa ile a gbagụọ ishi; ẹkpa-ishi e kpumẹgụọ alị ndị ọzọ ile — kanị, Osolobuẹ a pụhaọlẹ imẹ i, Jerusalẹm, ọghọ a a pụhagụọ d'e kpuru ụnụ ndị Jerusalẹm.

Zẹkaraya 9:9

Zayọnụ, ghọghọma ọda-ọda! Obodo Jerusalẹm, yi oro ịghọghọ! Lee ẹ, eze i lala d'e kunrun i! Onyẹ ezi-omumẹ lẹ onyẹ-mmẹri k'ọ wụ; o welụa enwẹn ẹ alị, nyinla okẹn jaki, nwa Jaki!

Matiu 17:5

Ebe ọ rị e ku ihiẹnni, orukpu rị e gbukeni nọ kpumẹ wẹ idẹnmizi. Olu nọ gha imẹ orukpu hụ sị, “Ọnwan wụ ezi Nwa m hụn ihiẹn ẹ a sụọ m; gọn n'ẹ ntịn!”

Matiu 25:34

“Ogẹn hụ, Eze wụ Nwa nke Ịhịan, jẹnkọ d'a sị ndị hụ rị a ẹka-nni, ‘Bịa nị, ndị Nẹdi m gọzi, weri ni Alị-eze hụ wẹ kwademẹni ụnụ kete wẹ gbelẹ iyetọ ụwa.

Matiu 3:17

Ya kẹ olu nọ gha elu-igwee sị, “Ọnwan wụ ezi Nwa m, hụn ihiẹn ẹ a sụọ m ọhụnma-ọhụnma.”

Luku 13:24

“Shikwọ nị ọnwụn nị ụnụ banye ọnụmụzọ hụ mẹ warara! Makẹni ndị bu ọda jẹnkọ d'a lịlịma nị wẹ banye, kanị asakọ wẹ ẹka.

Luku 22:53

Mmẹ lẹ ụnụ rị imẹ Ụlọ-nsọ ụhụọhịn ile, ụnụ anwụnrụnnị m. Kanị hụnnị wụ ogẹn ụnụ lẹ ogẹn ishi gi a kị!”

Jọnụ 17:24

“Baba! M chọ nị ndị ile i ye m sọn m rị ebe m rị, nị wẹ hụn ọghọ m, ọghọ hụn i ye m makẹni i nwọn ihiẹn-ọsụsụọ m n'i d'e kedẹ ụwa.

Jọnụ 3:35

Chuku-Nẹdi nwọn ihiẹn-ọsụsụọ Nwa a wụ Kraịstị, o bugụọ ihiẹn ile che ẹ ẹka.

Jọnụ 5:24

“M rị a gwa ụnụ ezioku, nị onyẹ nụ oku m kweyeni onyẹ zihẹni m, hụnyẹ e nwọngụọ ndụn itẹbitẹ. Amakọ w'a ikpe, kama, ọ ghagụọdẹ ọnwụn banye ndụn.

Ọrụn Ndị-ozi 26:18

M zikọ ị d'a shịapụ wẹ ẹnya, kẹni wẹ pụha imẹ ishi shi imẹ ukpẹ, pụha okpuru Ekwensụ buru Osolobuẹ, kẹni Osolobuẹ gbagharị wẹ njọ, ye wẹ ọnọdị imẹ ndị wẹ gi okweri wẹ kwerini m dọn nsọ.’

Ndị Rom 14:17

makẹni Alị-eze Osolobuẹ ẹlẹ oku ihiẹn-oriri lẹ ihiẹn-ọrịra kanị ezi-omumẹ, udọn lẹ ịghọghọ Mmọn-nsọ.

Ndị Kọrẹntị Nke Ẹbụọ 11:14

Ẹlẹ ihiẹn a tụ ẹnya, makẹni Ekwensụ lẹ enwẹn ẹ e mẹdẹ nọkẹsị ọ wụ mmọn-ozi ukpẹ!

Ndị Kọrẹntị Nke Ẹbụọ 4:4

Mmọn rị a kị ụwanị e kẹnkingụọ ẹnya ndị kwerilẹni, amamgbe w'e legha ukpẹ oziọma rị a ghọsị wẹ banyeni onyẹ Kraịstị wụ; Kraịstị hụn o mẹ ni onyẹ hụnn'a a hụngụọ Osolobuẹ.

Ndị Ẹfẹsọsụ 1:6

Osolobuẹ mẹ ẹ kẹni wẹ ja Osolobuẹ mma o gi mẹni ẹnyi okẹn ẹfọmanị ghahanị ezi Nwa a!

Ndị Ẹfẹsọsụ 4:18

Uche wẹ a gbagụọ ishi. Enwọn wẹ ndụn Osolobuẹ yeni onwọnni ihiẹn wẹ marịn, makẹni obi wẹ kpọkin akpọkin.

Ndị Ẹfẹsọsụ 5:5

Marịnkwọ nị nị onwọnni onyẹ ughẹrẹ mọbụ onyẹ e bi obibi ru unyin mọbụ ẹnya-uku (hụn wụzị ịrụa-mmọn) jẹnkọ d'a ban Alị-eze Kraịstị lẹ Osolobuẹ!

Ndị Ẹfẹsọsụ 5:8

Makẹni, ụnụ te rị imẹ ishi, kanị hụnnị ụnụ rị imẹ Di-nwọnni-ẹnyi, ụnụ wụ ukpẹ; e bi ni nwan kẹ ụmụ ukpẹ,

Ndị Ẹfẹsọsụ 6:12

Makẹni, ẹlẹ ịhịan nwọn ẹhụ lẹ ẹdeke kẹ ẹnyi lẹ wẹ rị a lụ ọgụn, kanị, eje-mmọn rị ichẹn-ichẹn: ndị-isi eje-mmọn lẹ ndị-ọkịkị wẹ lẹ eje-mmọn ndị rị e mẹ eluni a gba ishi lẹ mmọn ile rị imẹ elu rị a kwadọn njọ kẹ ẹnyi lẹ wẹ rị a lụ.

Ndị Tẹsalonika Ibuzọ 2:12

a dụn ụnụ ọdụn, a gba ụnụ umẹ, a rịọ ụnụ, nị ụnụ e bi obibi furu Osolobuẹ hụn kpọbanhan ụnụ Alị-eze ẹ lẹ ọghọ a.

Hibru 2:14

Ya wụ, ebe o mẹni ụmụ a hụ wụ ịhịan hụn nwọn ẹhụ-lẹ-ẹdeke, ya nwẹn nọ sọn wẹ wụrụ ihiẹn ohu hụ, kẹni ọ nwụnhụn, gi ọnwụn a tikpọ onyẹ hụn ọnwụn rị ẹka a, ya wụ Ekwensụ,

Pita Ibuzọ 2:9

Kanị, ụnụ nwẹn wụ agbọ wẹ họrị ahọrị; ndị nchụn-ẹjan Eze; ebọn rị nsọ; ndị nke Osolobuẹ kẹti-kẹti, kẹni ụnụ a ghọsị ẹka-ọrụn Onyẹ hụn kpọpụha ụnụ imẹ ishi bu ụnụ che imẹ ukpẹ ẹ rịgbu enwẹn ẹ mma.

Pita Nke Ẹbụọ 1:11

Ụnụ jẹnkọ d'e gi ẹ ru ogo ndị wẹ k'a nabanhan ọhụnma-ọhụnma imẹ Alị-eze itẹbitẹ Jesu Kristi, Di-nwọnni-ẹnyi lẹ Onyẹ-nzụọpụha ẹnyi.

Jọnụ Ibuzọ 2:8

kanị iwu ọhụn rọzị: Iwu ọhụnnị wụ ezioku, ọ hụ imẹ Kraịstị, ọ hụzịkwọ imẹ ụnụ — makẹni ishi hụ a ghafe, ezigbo ukpẹ e nwunmẹgụọ.

Jọnụ Ibuzọ 3:14

Ihiẹn ẹnyi gi marịn nị ẹnyi a ghagụọ ọnwụn pụha, banye ndụn, wụ nị ẹnyi nwọn ihiẹn-ọsụsụọ ibe ẹnyi. Onyẹ nwọnlẹni ihiẹn-ọsụsụọ ibe ẹ a nwụnhụngụọ.

Jọnụ Ibuzọ 3:8

Onyẹ e mẹ njọ wụ nke Ekwensụ, makẹni Ekwensụ gha alị mẹla njọ. Ịya haịn Nwa Osolobuẹ gi bịa — kẹni o tikpọ ọrụn Ekwensụ.