Ndị Galeshịa 6:8 - Ika

⁸ Onyẹ kụnye ihiẹn rị a gụn ẹhụ, ọ ghọrị ntikpọ; onyẹ kụnye ihiẹn Mmọn-nsọ chọ, ọ ghọrị ndụn-itẹbitẹ.

Ndị Galeshịa 6:8 ပူးပေါင်းရင်းမြစ်များ

Jobu 4:8

A hụnọlẹ m'a nị ndị hụn kụn eje-ihiẹn lẹ ndị ghaye nsọngbu, a ghọrị a.

Itẹn 11:18

Ụgwọ-ọrụn a la iwi kẹ eje-ịhịan e nwọnhẹn, kanị ezigbo ụgwọ-ọrụn kẹ onyẹ a kụnye ezi-omumẹ a ghọrị.

Itẹn 22:8

Onyẹ hụn a kụn eje-omumẹ k'a ghọrị nsọngbu, ọkpọ hụn o gi a kpa ikẹn ahụn k'a kpagi.

Ẹkịliziastisi 11:6

Kụn mkpụrụ ị ụtụntụn, y'a rụnsọnmẹ ọrụn ị d'e ru ẹnyasị, makẹni y'a marịn hụn k'a ghanị — kẹ hụnnị rọ kẹ hụn ahụn, ra wẹ ẹbụbụọ k'e mẹ ọhụnma — y'a marịn.

Azaya 32:20

ihiẹn k'a rịnị ụnụ mma — ụnụ k'a rị a rụn ugbo mkpẹnrẹn iyi rịsọnmẹ alị ụnụ, a hapụ anụmanụ ụnụ nị w'a kpa k'ọ sụọ wẹ!

Jerimaya 12:13

“Ịhịan k'a kụn ọka alịnị kanị ogun kẹ w'a hụn ghọrị; wẹ k'a rụngbu enwẹn wẹ, kanị onwọnni ihiẹn wẹ k'a rụnpụha. Ụya ya ri ụnụ makẹni ugbo ụnụ emẹni ihiẹn — makẹni Osolobuẹ e gigụọ ọnụma sọn ụnụ.”

Hosia 10:13

Kanị eje-obibi kẹ ụnụ kụn, ụnụ nọ nwan ghọrị mmẹgbu, ụnụ nọ nwan ghọrị ntụ ri. Makẹni nke ụnụ kẹ ụnụ gi dọn ẹnya ya lẹ ndị-agha ụnụ bugbu enwẹn wẹ ọda.

Hosia 8:7

“A kụngụọ wẹ ufere, ẹbi kẹ w'a ghọrị! Ọka wẹ kụn ebuni mban, o wepụhakọnị wẹ ihiẹn-oriri; o wepụhadẹ, itunmuye k'e ripụ a.

Matiu 19:29

Onyẹ gi ufiri m latọ ezi-lẹ-ụlọ mọbụ umunẹ-ikẹnnyẹ mọbụ umunẹ-ikpoho mọbụ nẹdi mọbụ nnẹ mọbụ ụmụ mọbụ alị o nwọn jẹnkọ d'e nwọnhẹn wẹ mmagi-mmagi ụzọ ọgụn-isẹn, nwọnhẹnzikwọ ndụn itẹbitẹ.

Matiu 25:46

Ogẹn ahụn, e shi wẹ d'a tama afụnfụn itẹbitẹ, kanị ndị ezi-omumẹ e shi ndụn itẹbitẹ.”

Luku 18:30

hụn jẹnkọlẹni d'e nwọnhẹn wẹ mmagi-mmagi ogẹnni, nwọnhẹnzikwọ ndụn itẹbitẹ ogẹn ahụn lalanị.”

Jọnụ 4:14

Kanị onyẹ ra mirin m jẹnkọ d'e ye ẹ, onwọnni ogẹn ẹgụn mirin e gizi gụn a elu-ụwanị, mirin hụ k'e họnrindẹ isi-mirin imẹ hụnyẹ, a mụpụhan'a ndụn itẹbitẹ.”

Jọnụ 4:36

Onyẹ rị a ghọnị hụ a ghọ, a narịn ụgwọ-ọrụn a, e kpọntọnị ndụn itẹbitẹ, kẹni hụn kụnn'a lẹ hụn ghọn'a nwọngbama ịghọghọ.

Jọnụ 6:27

Egizilẹ ni ufiri ihiẹn-oriri e wiwini a rụngbu enwẹn ụnụ, kanị ihiẹn-oriri hụn sikọ d'a rị jẹnrin ejẹn, e ye ndụn itẹbitẹ, ihiẹn-oriri ahụn Nwa nke Ịhịan jẹnkọ d'e ye ụnụ, makẹni Nwa nke Ịhịan kẹ Chuku-Nẹdi tumẹ.”

Ndị Rom 13:14

Kama, yiri ni Di-nwọnni-ẹnyi wụ Jesu Kristi kẹ ẹwuru, eyelẹ ni onyẹ hụ ụnụ wụ mbụ lẹ eje-ihiẹn a gụnn'a efe.

Ndị Rom 6:13

ewelẹ ni mkpamkpa ẹhụ ụnụ ye njọ gi họnrin ihiẹn-ọrụn o gi e mẹ eje-ihiẹn. Ka wechanrịn nị enwẹn ụnụ ye Osolobuẹ nọkẹ ndị wẹ ghagụ ọnwụn weli hụn rị ndụn; ụnụ e wechanrịn mkpamkpa ẹhụ ụnụ ile ye Osolobuẹ n'o gi họnrin ihiẹn-ọrụn ezi-omumẹ.

Ndị Rom 6:23

Makẹni, ụgwọ njọ wụ ọnwụn, kanị ihiẹn-ọfẹ Osolobuẹ e ye wụ ndụn itẹbitẹ hụn rị imẹ Jizọs Kraịstị Di-nwọnni-ẹnyi.

Ndị Rom 8:11

Omẹni Mmọn onyẹ hụn gha ọnwụn weli Kraịstị bi imẹ ndụn ụnụ, onyẹ hụn weli Kraịstị sikọ d'e mẹzikwọ ẹhụ ụnụ a nwụnhụnnị n'ọ rị ndụn — ghahanị Mmọn a hụn bi imẹ ndụn ụnụ.

Ndị Rom 8:13

Makẹni, ụnụ bimẹ kẹ ịhịan-mmaka, ụnụ k'a nwụnhụnrịrị. Kanị, ụnụ gi isọn Mmọn-nsọ gbupụ eje-ihiẹn ndị ahụn ẹhụ e mẹ, ụnụ k'a rị ndụn.

Ndị Rom 8:6

I ro iroro kẹ ịhịan-mmaka e buhẹ ọnwụn, kanị, iro iroro kẹ Mmọn-nsọ dọn chọ e ye ndụn lẹ udọn.

Ndị Kọrẹntị Ibuzọ 15:42

Ẹrịra kẹ ndị nwụnhụnnị k'a dọn lihi: ẹhụ hụn e rehini kẹ wẹ gi nwụnhụn, kanị hụn wẹ k'e gi lihi ara rehi;

Ndị Galeshịa 6:7

Edufiekwọlẹ ni enwẹn ụnụ: Osolobuẹ anịkọkwọ wẹ lelịa a; ihiẹn onyẹ kụn k'o k'a ghọrị.

Timoti Ibuzọ 1:16

Kanị, ufiri ẹ kẹ Osolobuẹ gi mẹni m omikẹn, mmẹ hụn kachanrịn njọ e mẹ, kẹni Kraịstị wụ Jizọsị gi m ghọsịchanrịn ndidin zu oke, gi m mẹ ihiẹn nleri, kẹni ndị ọzọ k'e kwerin'ẹ gi ẹ marịn nị wẹ nwẹn sikọ d'e nwọnzi ndụn itẹbitẹ.

Taịtọsụ 3:7

Hụnnị o gigụ nwan ẹfọma a kuni ẹnyi ọhụnma, ẹnyi e họnringụọ ụmụ a rị e lee ẹnya ndụn itẹbitẹ o kwe nkwa a.

Jemisi 3:18

Ndị-udọn ma gi udọn kụn mkpụrụ, ọ mịpụha ezi-omumẹ.

Pita Nke Ẹbụọ 2:12

Kanị ndịnị nọ kẹ anụ-ọfịa nwọnlẹni uche, anụmanụ ghalẹni e leban ihiẹn ẹnya — hụn wẹ mụhụ nị wẹ nwụnrụn gbu. W'e kuja oku ihiẹn wẹ ghọtalẹni. Wẹ k'a la ntikpọ kẹ anụ-ọfịa dọn a la ntikpọ —

Pita Nke Ẹbụọ 2:19

W'e kwe wẹ nkwa nị wẹ k'e weri enwẹn wẹ, kanị wẹ nwẹn wụkwọ igbọn ihiẹn rụnị: makẹni ihiẹn hụn karị ịhịan ẹka k'ọ wụ igbọn ẹ.

Judu 1:21

E dọnmẹ ni enwẹn ụnụ hụn ihiẹn ụnụ e gi a sụọ Osolobuẹ, kẹ ụnụ dọn rị e che omikẹn Di-nwọnni-ẹnyi wụ Jizọs Kraịstị, hụn k'e wẹhẹni ụnụ ndụn itẹbitẹ.

Rẹvẹleshọnụ 22:11

Onyẹ e mẹ njọ ya mẹsọnmẹ; onyẹ e bi eje-obibi ya bisọnmẹ; onyẹ ezi-omumẹ ya mẹsọnmẹ; onyẹ rị nsọ ya rịsọnmẹ.”