Ndị Galeshịa 6:2 - Ika

² E bu ni ibu ibe ụnụ, e gi ẹ e mẹzu iwu Kraịstị.

Ndị Galeshịa 6:2 ပူးပေါင်းရင်းမြစ်များ

Ihiẹn Mẹni Nke Ibuzọ 19:12

Jụabụ sị, “Omẹni ndị Aram a karịma m ẹka, y'a bịa d'a zụọpụha m; kanị, omẹni ndị Amọnụ a karịma ị ẹka, a bịa m d'a zụọpụha ị.

Ọpụpụ 23:5

Ị hụn jaki onyẹ ize i e ze ebe ibu o bu ziẹnkwasị a, alakwọl'a tọ ebẹhụ; hụnkwọ a n'i yen'ẹ ẹka weli ẹ.

Azaya 58:6

Ọnwan wụ ọnụ m sị ụnụ e bu: ịkpọpụ ndị wẹ rị e mẹ eje-ihiẹn ẹgan lẹ ịtọpụ ndị wẹ rị a kịgbu ẹgbụn, ịhatu ndị wẹ rị a bịangbu lẹ itibepụ agbụn ile rị wẹ olu. Ẹlẹ ịya?

Matiu 8:17

Ẹnịna kẹ ihiẹn Chuku gi onyẹ-amụma wụ Azaya ku dọn mẹzu. Azaya sị, “O wepụ emu ẹnyi, buru irẹnhụn ẹnyi.”

Luku 11:46

Jesu nọ sị a, “Nsọngbu rị e chezikwọ ụnụ nwẹn, ndị-nkuzi Iwu! Ụnụ e buye ndị ọzọ ibu a fụ ọrụn obubu, kanị ụnụ lẹ enwẹn ụnụ ara tịnpụdẹ mkpịnsịn-ẹka ohu yeni wẹ ẹka bu ibu ndị ahụn.

Jọnụ 13:34

M rị nwan e ye ụnụ iwu ọhụn: e nwọn ni ihiẹn-ọsụsụọ ibe ụnụ. Kẹ m dọn nwọn ihiẹn-ọsụsụọ ụnụ kẹ ụnụ k'a dọn nwọn ihiẹn-ọsụsụọ ibe ụnụ.

Jọnụ 15:12

“Ọnwan wụ iwu m: ihiẹn ibe ụnụ y'a sụọ ụnụ kẹ ihiẹn ụnụ dọn sụọ m.

Ndị Rom 15:1

O furu nị ẹnyi ndị ze imẹ Kraịstị e rozi k'ọ rị ndị zelẹni, ẹlẹ imẹ ihiẹn a sụọnị ẹnyi.

Ndị Rom 8:2

Makẹni, ọkịkị ahụn Mmọn-nsọ gi e ye ndụn imẹ Jesu Kristi a gbapụhagụọ ẹnyi ẹka ọkịkị ahụn njọ gi e buhẹ ọnwụn.

Ndị Kọrẹntị Ibuzọ 9:21

M ru ebe ndị rịlẹni okpuru Iwu Mozizi rị, e bimẹ m kẹ onyẹ rịlẹni okpuru Iwu Mozizi, kẹni m hụn ụzọ wẹhẹ ndị rịlẹni okpuru Iwu d'a marịn Kraịstị. Ẹlẹkwọnị iwu Osolobuẹ arị a kị m, kanị m rị okpuru iwu Kraịstị.

Ndị Galeshịa 6:5

makẹni onyẹ-onyẹ nwọn ibu o k'e bu.

Ditrọnọmi 1:12

Kanị, nanị kẹ mmẹ sụọ a dọn bu mkpa ụnụ ile lẹ ibu ụnụ ile lẹ ikpe ụnụ ile?

Ndị Tẹsalonika Ibuzọ 5:14

Umunẹ, ẹnyi rị a dụn ụnụ ọdụn: a gba nị ndị nọdị mmaka mkpịnsịn-ẹka; a kasị nị ndị-ụjọ obi; e yeni ni ndị zelẹni ẹka; e gi ni ndidin e sọn onyẹ ọwụlẹ.

Jemisi 1:25

Kanị omẹni ịhịan hụ e lee iwu hụ zu oke ịhịan gi e nwọnrin enwẹn ẹ, e lesọnmẹ, nị ẹlẹ onyẹ a nụgụ, a zọ, kanị ọ hụ e gi ẹ e bi, o sikọ d'a narịn ngọzi makẹni ọ hụ e mẹ ẹ.

Jemisi 2:12

Ya wụ, kẹ oku-ọnụ kẹ omumẹ, e mẹchanrịn nị wẹ kẹ ndị wẹ k'e gi iwu e mẹ ịhịan e nwọnrin enwẹn ẹ kin ikpe:

Jemisi 2:8

Omẹni ụnụ e dọnmẹghọ iwu hụ Eze ye kẹ wẹ dọn de ẹ imẹ Ẹkụkwọ-nsọ, sị, “Ihiẹn ibe i ya sụọ ị kẹ ihiẹn i dọn a sụọ ị,” nkẹ ọ rịka mma.

Pita Ibuzọ 2:24

Kraịstị lẹ enwẹn ẹ gi ẹhụ a buru njọ ẹnyi, bu ẹ shi elu osisi ahụn, kẹni ẹnyi wụrụ ndị nwụnnahịn njọ, gi ndụn ẹnyi mẹmẹ ihiẹn Osolobuẹ chọ. Ẹhụ wẹ rụsọnmẹ ẹ kẹ ẹnyi gi dịnhịn.

Pita Nke Ẹbụọ 2:21

O te ka wẹ mma nị amarịntudẹni wẹ Ụzọ hụ rị ọchan karị nị a marịngụ w'a, a gbakịtọ wẹ oku lẹ iwu hụ rị nsọ wẹ ye wẹ azụụn.

Pita Nke Ẹbụọ 3:2

sị ụnụ nyanhankwọ oku ndị-amụma nsọ Osolobuẹ ku ogẹn mbụ lẹ iwu Di-nwọnni-ẹnyi wụ Onyẹ-nzụọpụha ẹnyi ye ghahanị ndị-ozi pụ-ichẹn o zihẹni ụnụ.

Jọnụ Ibuzọ 4:21

Iwu o ye ẹnyi wụ ọnwan: onyẹ nwọn ihiẹn-ọsụsụọ Osolobuẹ, ya nwọnzikwọ ihiẹn-ọsụsụọ ibe ẹ.