Ndị Galeshịa 6:17 - Ika

¹⁷ Gha ogẹnni e jẹn, ịhịan ya eyezilẹ m nsọngbu, makẹni apa (aparị) wẹ gi a marịn onyẹ wụ nke Jesu hụsọnmẹ m ẹhụ.

Ndị Galeshịa 6:17 ပူးပေါင်းရင်းမြစ်များ

Azaya 44:5

Ogẹn hụ, onyẹ ohu k'a sị, ‘M wụ nke Osolobuẹ’, onyẹ ọzọ a kpọ enwẹn ẹ ‘Jekọpụ’; onyẹ ọzọ k'e de ‘Nke Osolobuẹ’ ye enwẹn ẹ ẹka, zama Izrẹlụ.”

Izikẹlụ 9:4

Ọ sị a, “Ghagbama ọgbara-ogbe ile rị obodoni wụ Jerusalẹm d'e buchesọnmẹ ahịma ezimezi ihun ndị ile rị a kwan a sụn udẹn makẹ arụ ile rị e mẹ imẹ ẹ.”

Ọrụn Ndị-ozi 15:24

“Ẹnyi a nụgụọ n'o nwọn ndị gha imẹ ẹnyi bịa d'e kunrun ụnụ, e gi ihiẹn wẹ rị e ku e sọngbu ụnụ, e mẹ obi e kọnrin ụnụ elu, bụ ẹnyi ezini wẹ.

Ndị Kọrẹntị Nke Ẹbụọ 1:5

Makẹni, kẹ ẹnyi dọn a ta afụnfụn ọda-ọda makẹ Kraịstị, ẹrịra kẹ Osolobuẹ dọnzikwọ a kasị ẹnyi obi ọda-ọda ghahanị Kraịstị.

Ndị Kọrẹntị Nke Ẹbụọ 4:10

Ẹnyi hụ e sọn Jesu a nwụn ogẹn ile kẹni w'e gi ndụn ẹnyi rị a marịn nị Jesu rị ndụn.

Ndị Galeshịa 1:7

ẹlẹni oziọma ọzọ rị a rị nke-esi, kanị o nwọnghọ ndị rị e ye ụnụ nsọngbu, e mẹ obi eruzilẹ ụnụ alị, a chọ nị wẹ gbehutọ oziọma Kraịstị.

Ndị Filipi 3:10

M chọ nị m marịn Kraịstị lẹ ikẹn hụ o gi gha ọnwụn lihi, e sọn m'ẹ ta afụnfụn ọ ta, sọn ẹ nwụn ọnwụn ọ nwụn,

Ndị Kolosị 1:24

M rị nwan a ghọghọ nị m rị a tanị ụnụ afụnfụn, e gi ẹhụ m a tapụnị Kraịstị afụnfụn họdụnị wẹ k'a tanị ẹhụ a wụ ụka.

Hibru 12:15

Hụn n'a n'o nwọnni onyẹ ẹfọma Osolobuẹ fie; nị ize ewerini ọnọdị imẹ igunrun ụnụ, buhẹ nsọngbu, mẹrụ ndị bu ọda.

Joshụa 7:25

Ya Joshụa nọ sị a, “K'i buhẹnini ẹnyi nsọngbuni? Osolobuẹ jẹnkọ d'e wẹhẹn'i nsọngbu tannị.” Ndị Izrẹlụ ile nọ magbu ẹ; a magbugụzị wẹ ndị nke ẹ họdụnị, wẹ nọ kpọ wẹ ọkụn.

Rẹvẹleshọnụ 13:16

Eje-anụnị nọzị mẹ wẹ ye ịhịan ile ahịma ẹka-nni mọbụ ezimezi ihun — kẹ onyẹ uku kẹ onyẹ-nta, kẹ ọdanfịn kẹ ogbẹnnyẹ, kẹ igbọn kẹ onyẹ nwọn enwẹn ẹ —

Rẹvẹleshọnụ 13:17

nke wụnị onwọnni onyẹ a s'ẹka ṅọn mọbụ re ihiẹn, mmanị o bu ahịma hụ. Ahịma hụ wụ ẹfan eje-anụ ibuzọ hụ mọbụ ole ẹfan a gba.