Ndị Galeshịa 5:22 - Ika

²² Kanị, mkpụrụ Mmọn-nsọ a mịpụha wụ: ihiẹn-ọsụsụọ, ịghọghọ, udọn, ndidin, ẹfọma, imẹ-mma, ịwụ onyẹ wẹ gi e dọn ẹnya,

Ndị Galeshịa 5:22 ပူးပေါင်းရင်းမြစ်များ

Ẹbụ-ọma 1:3

Onyẹ hụ nọ kẹ osisi wẹ kụnye mkpẹnrẹn-mirin, hụn a mị mkpụrụ a udu ẹ, hụn ghalẹni a gbụ ẹhụhụọ. Ihiẹn ile onyẹ ahụn buche ẹka a gha ihun.

Ẹbụ-ọma 92:14

Wẹ kagụdẹ ẹgẹdi, wẹ k'a gha a mịzị mkpụrụ, e du, a gha ihun;

Ẹkịliziastisi 7:8

Isi-njẹndemẹ ihiẹn ka mkpa karị isi mbidọn ẹ, ndidin ka mma karị mpache.

Jerimaya 33:6

“ ‘Kanị, m jẹnkọ d'e dọnzi obodoni; m k'a zụọ wẹ, a dịnhịn wẹ, e mẹ m ihiẹn rịnị wẹ mma ọhụnma-ọhụnma, mẹsọnmẹ wẹ kẹ ndị nke m.

Hosia 14:8

“Ụnụ ndị Ifrem Izrẹlụ Ẹbamịn ugu, kị ụnụ gidẹ mmọn e mẹ? Mmẹ wụ onyẹ hụn a za ụnụ ekpere, e lepụ ụnụ ẹnya — ẹlẹ mmọn ndị ahụn. M rịhụ kẹ saịprẹsị ghalẹni a gbụ ẹkụkwọ, mmẹ kẹ wẹ gha a mị mkpụrụ.”

Matiu 12:33

“I mẹmẹ osisi n'ọ rị mma, mkpụrụ a a rị mma; i mẹmẹ osisi n'ọ jọ njọ, mkpụrụ a a jọ njọ. Makẹni, mkpụrụ osisi kẹ wẹ gi a marịn a.

Luku 13:9

Ọ mị mkpụrụ akan-ile, ọ hụ mma; kanị, omẹni ọ mịnị, n'i sikọ d'e gbutu ẹ, y'e gbutu ẹ.’ ”

Jọnụ 15:16

“Ẹlẹ ụnụ họrị m; kaka, mmẹ họrị ụnụ, tumẹ ụnụ kẹni ụnụ d'a mị mkpụrụ — mkpụrụ hụn sikọ d'a rịsọnmẹni, kẹni Chuku-Nẹdi ye ụnụ ihiẹn ọwụlẹ ụnụ gi ẹfan m rịọ.

Jọnụ 15:2

Agalaba m ọwụlẹ mịlẹni mkpụrụ, o bepụ a; kanị agalaba hụn mị mkpụrụ, o befọn ẹ, kẹni ọ mịkẹnmẹ.

Jọnụ 15:5

“Mmẹ wụ vaịnị, ụnụ nwẹn wụsọnmẹ agalaba rịn'a; onyẹ hụn rị imẹ m, mmẹ nwẹn hụ imẹ ẹ, ya sikọ d'a mị mkpụrụ ọda-ọda, makẹni, ụnụ gha imẹ m pụ, ụnụ asakọ ẹka mẹ ihiẹn ọwụlẹ.

Ndị Rom 14:17

makẹni Alị-eze Osolobuẹ ẹlẹ oku ihiẹn-oriri lẹ ihiẹn-ọrịra kanị ezi-omumẹ, udọn lẹ ịghọghọ Mmọn-nsọ.

Ndị Rom 15:14

Umunẹ m, o wegụọ m ẹnya nị mma-mma jun imẹ ụnụ, nị amamihiẹn jun imẹ ụnụ, ni ụnụ a magụọ kuzi ibe ụnụ.

Ndị Rom 15:3

Makẹni Kraịstị emẹni k'ọ sụọ a; o mẹhụ ihiẹn hụ Ẹkụkwọ-nsọ ku, nị, “Mkpari ahụn wẹ kpari i, mmẹ gi isi buru ẹ.”

Ndị Rom 15:30

Umunẹ m, m rị a rịọ ụnụ arịrịọ — m rị e gi ẹfan Di-nwọnni-ẹnyi wụ Jizọs Kraịstị lẹ ihiẹn-ọsụsụọ Mmọn-nsọ a rịọ ụnụ ya: sọn ni m shi ọnwụnnị ghahanị ị rịọnị m Osolobuẹ.

Ndị Rom 6:22

Kanị, hụnnị Osolobuẹ gbapụhagụ ụnụ ẹka njọ, ụnụ e họnrin igbọn Osolobuẹ, erere ụnụ wụ ịrị-nsọ hụn sikọ d'e wẹhẹ ndụn itẹbitẹ.

Ndị Rom 7:4

Umunẹ m, ụnụ nwẹn a nwụnnahịngụọzị Iwu Mozizi ebe ụnụ nọ sọn Kraịstị nwụn, kẹni wẹ hụn ụzọ we ụnụ ye onyẹ ọzọ lụrụ, onyẹ hụ Osolobuẹ gha ọnwụn weli, kẹni ẹnyi mịnị Osolobuẹ mkpụrụ.

Ndị Rom 8:5

Ndị rị e bi kẹ ịhịan-mmaka e ro nke ịhịan-mmaka; kanị ndị hụn e bi kẹ Mmọn-nsọ dọn chọ e ro nke Mmọn-nsọ.

Ndị Kọrẹntị Ibuzọ 13:13

Ihiẹn ẹtọ rịnị wụ okukwe, olilẹnya lẹ ihiẹn-ọsụsụọ, kanị, hụn kachanrịnnị wụ ihiẹn-ọsụsụọ.

Ndị Galeshịa 5:13

Ụnụ nwẹn, Osolobuẹ kpọ ụnụ d'e weri enwẹn ụnụ, umunẹ m, ka egikwọlẹ ni nị ụnụ nwọn enwẹn ụnụ mẹmẹ k'ọ rị ụnụ; ka gi ni ihiẹn-ọsụsụọ e fetarị ibe ụnụ.

Ndị Ẹfẹsọsụ 4:23

nị mmọn ụnụ lẹ uche ụnụ k'e hutọrịrị,

Ndị Ẹfẹsọsụ 5:9

makẹni mkpụrụ hụn ukpẹ a mị wụ ihiẹn ile rị mma lẹ ezi-omumẹ ile lẹ ihiẹn ile wụ ezioku.

Ndị Filipi 1:11

makẹni o ru a hụn w'a nị ndụn ụnụ a mịjungụọ mkpụrụ hụn wụ ezi-omumẹ, hụn gha ẹka Jesu Kristi a bịa. O k'e wẹhẹni Osolobuẹ ọghọ lẹ ọjịja-mma.

Ndị Kolosị 1:10

kẹni ụnụ e bi obibi furu Di-nwọnni-ẹnyi, obibi hụn a sụọn'a ụzọ ile, a mịpụha mkpụrụ ọrụn ọma ile rị ichẹn-ichẹn, a marịn Osolobuẹ, a marịnwaye.

Ndị Tẹsalonika Nke Ẹbụọ 3:2

E mẹzikwọ nị nị ẹnyi ekpere ni Osolobuẹ gbapụha ẹnyi ẹka ndị eje-obi lẹ ndị-ejẹ, makẹni ẹlẹ ịhịan ile gi nke Osolobuẹ e dọn.

Timoti Ibuzọ 3:11

Ẹrịra k'ọ rịzịkwọ ikpoho, wẹ k'a wụrịrị ndị furu w'a gbaye; awụkọ wẹ ndị e kuja oku ịhịan. Wẹ k'a wụrịrị ndị ẹnya dọn, e wetu obi alị; wẹ k'a wụrịrị ndị wẹ gi e dọn ẹnya imẹ ihiẹn ile.

Timoti Ibuzọ 4:12

Anịkwọlẹ onyẹ ọwụlẹ legberi i n'ị wụ nwata. Ka wụrụ onyẹ ndị kwerini e leri oku-ọnụ a, obibi ẹ, ihiẹn-ọsụsụọ a, okukwe ẹ lẹ k'o dọn e dọnmẹ obi ẹ ọchan.

Pita Ibuzọ 1:22

Ebe o mẹ ni ụnụ a chanchangụọ nwan obi ụnụ ghahanị ịgbaye ezioku Osolobuẹ, ụnụ sikọ d'a saẹka e nwọn ezigbo ihiẹn-ọsụsụọ ibe ụnụ. E gi ni nwan obi ụnụ ile, obi rị ọchan, e nwọn ihiẹn-ọsụsụọ ibe ụnụ —

Pita Ibuzọ 1:8

Ihiẹn Jizọsị rị nwan a sụọ ụnụ, ọsụọn'a nị ụnụ eleghatun'ẹ; ụnụ kwerin'ẹ, ọsụọn'a nị ụnụ arị nwan e legha a; ụnụ hụ nwan a ghọghọ ọda-ọda, okẹn ịghọghọ ọnụ ghalẹni a s'ẹka a kọwa,

Pita Ibuzọ 5:12

Sivanọsụ yeni m ẹka de ẹkụkwọ-ozini mẹ ẹkẹrẹ; nwẹnẹ ẹnyi hụn m weri n'o furu wẹ gi e dọn ẹnya k'ọ wụ. M de ẹkụkwọ-ozini kẹni m gi ẹ gba ụnụ umẹ, gizi ẹ ku nị ụzọ-Kraịstị wụ ezigbo ẹfọma ahụn Osolobuẹ mẹni ịhịan; turukẹnmẹ ni nwan imẹ ẹ.