Ndị Galeshịa 5:21 - Ika

²¹ iwe-ẹnya, igbu-ọchụn, ịra-manya tụ, eje-mmẹmmẹ lẹ ihiẹn ndị ọzọ nọ ẹrịra. M rị nwan a gba ụnụ mkpịnsịn-ẹka ẹnya kẹ m dọn gba ụnụ ya mbụ, nị ndị hụn e mẹ ihiẹn nọ ẹrịra abankọ Alị-eze Osolobuẹ.

Ndị Galeshịa 5:21 ပူးပေါင်းရင်းမြစ်များ

Azaya 3:11

Ọ masịkọnị ndị eje-omumẹ! Wẹ k'e mẹgwarị wẹ ihiẹn wẹ mẹ.

Matiu 25:34

“Ogẹn hụ, Eze wụ Nwa nke Ịhịan, jẹnkọ d'a sị ndị hụ rị a ẹka-nni, ‘Bịa nị, ndị Nẹdi m gọzi, weri ni Alị-eze hụ wẹ kwademẹni ụnụ kete wẹ gbelẹ iyetọ ụwa.

Luku 21:34

“Kpachanpụ nị nwan ẹnya, amamgbe iri-ụwa lẹ ịra-manya lẹ oku-elu e mẹ ụhụọhịn hụ kunrun ụnụ idẹnmizi nọkẹ ọnyan.

Ndị Rom 13:13

Nị ẹnyi e bi ni ọhụnma kẹ w'e bi ebe eki rị elu. Ẹlẹzi ijẹn eje-mmẹmmẹ lẹ ịra-manya a tụ; ẹlẹzi ughẹrẹ lẹ eje-obibi; ẹlẹzi ikpe lẹ ẹnya-ụfụ.

Ndị Rom 8:13

Makẹni, ụnụ bimẹ kẹ ịhịan-mmaka, ụnụ k'a nwụnhụnrịrị. Kanị, ụnụ gi isọn Mmọn-nsọ gbupụ eje-ihiẹn ndị ahụn ẹhụ e mẹ, ụnụ k'a rị ndụn.

Ndị Kọrẹntị Ibuzọ 15:50

Umunẹ m, ihiẹn m rị a gwa ụnụ wụ nị ẹhụ-lẹ-ẹdeke asakọ ẹka banye Alị-eze Osolobuẹ; ihiẹn a nwụnhụnnị enwọnrinkọ ihiẹn ghalẹni a nwụnhụn.

Ndị Kọrẹntị Ibuzọ 5:11

Kanị, m rị nwan e deni ụnụ ụnụ esọnlẹ onyẹ ọwụlẹ kpọ enwẹn ẹ onyẹ kwerini mẹkọ, omẹni ọ ghẹrẹ aghẹrẹ mọbụ n'o nwọn ẹnya-uku mọbụ n'ọ rụa mmọn mọbụ n'ọ kpọ iyi mọbụ n'ọ ra manya a tụ mọbụ n'ọ tụnarịn ịhịan ihiẹn ẹ. Ụnụ lẹ onyẹ nọ ẹrịra erigbamadẹlẹ.

Ndị Ẹfẹsọsụ 5:18

Aralẹ ni manya tụ, makẹni obibi la iwi rọ; ka a nị nị Mmọn-nsọ a kị ụnụ —

Ditrọnọmi 21:20

A sị wẹ ndị-ichẹn hụ, “Nwa ẹnyini wụ onyẹ isi-ikẹn, hụn a pa oku ẹnyi. Ara gbaye ẹnyi. Onyẹ okẹn ihiẹn-oriri lẹ onyẹ-manya k'ọ wụ.”

Ndị Kolosị 3:6

Ihiẹn ndịnị wẹ haịn iwe-lẹ-ọnụma Chuku gi lalanị ndị nnupụ-isi.

Ndị Tẹsalonika Ibuzọ 5:7

Makẹni uhinhin kẹ ndị a ranhịnnị gi a ranhịn; uhinhin kẹ ndị a ra manya a tụ gizi a ra a tụ.

Ndị Tẹsalonika Nke Ẹbụọ 2:5

Ụnụ anyanhanzịnị nị m gwatọ ụnụ ihiẹn ndịnị kẹ mmẹ lẹ ụnụ rị?

Hibru 13:4

Gbayekẹnmẹ ni ọlụlụ di-lẹ-nwunyẹ; kẹ di kẹ nwunyẹ ẹ dọnmẹ enwẹn ẹ makẹ elu-ukpo wẹ gha a rụ, makẹni Osolobuẹ jẹnkọ d'a ma ndị ughẹrẹ ikpe.

Pita Ibuzọ 4:3

Ẹghẹẹ, nị ụnụ e tuhuọlẹ ogẹn ọda-ọda ogẹn ụnụ gi rị e bi kẹ ndị ghalẹni e fe Chuku, e bi obibi ifẹnrẹn, adụdụ eje-ihiẹn hụ a dụ ụnụ, ụnụ hụ a ra manya a tụ, e mẹ eje-mmẹmmẹ, e jẹn ọgbọ manya, a rụa mmọn ụnụ a marịnzị hụn ụnụ rụakọ.

Rẹvẹleshọnụ 21:27

Kanị onwọnni ihiẹn ọwụlẹ rụnị mọbụ onyẹ e mẹ ihiẹn Osolobuẹ a sọ mọbụ onyẹ e mẹ ihiẹn ọwụlẹ ya lẹ ntụ wị k'a banyen'ẹ. Ndị wẹ de ẹfan wẹ imẹ ẹkụkwọ ndụn-itẹbitẹ Nwa-ebulu hụ sụọ k'a banye ẹ.

Rẹvẹleshọnụ 22:15

Makẹni ndị e bi kẹ nkitẹ, ndị nshi-lẹ-ẹjan, ndị ughẹrẹ, ndị-izighẹ, ndị a rụa mmọn lẹ onyẹ ọwụlẹ e mẹ mọbụ a kwadọn ihiẹn ya lẹ ntụ wị abanyekọ obodo hụ.