Ndị Galeshịa 5:19 - Ika

¹⁹ Ihiẹn ịhịan-mmaka e mẹ pụhachanrịn ifọn; wẹ wụ ihiẹn ndịnị: ughẹrẹ, ibi obibi ru unyin, imẹ ihiẹn-ifẹnrẹn,

Ndị Galeshịa 5:19 ပူးပေါင်းရင်းမြစ်များ

Ẹbụ-ọma 17:4

O mẹ nke eje-ihiẹn ịhịan e mẹ, e gigụọ m ihiẹn i ku jụ obibi ndị gi ịhịan e mẹ ihiẹn sụọnị wẹ.

Jọnụ 3:6

Hụn ịhịan mụ wụ ịhịan; hụn Mmọn-nsọ mụ wụ nke imẹ-mmọn.

Ndị Rom 7:18

Makẹni, a marịnghọ m n'o nwọnni kaka akpụ ihiẹn ohu rị mma imẹ m, imẹ mmẹ wụ ịhịan-mmaka. Makẹni, m'a chọ nị m mẹ ihiẹn rị mma, kanị, m'a ra saẹka mẹ ẹ.

Ndị Rom 7:25

Ekele ya rịnị Osolobuẹ n'o jẹnkọ d'e mẹ ẹ ghahanị Di-nwọnni-ẹnyi wụ Jesu Kristi! Kẹ ihiẹn nọ nwan wụ nị: k'ọ rị m, e sọn m Iwu Osolobuẹ; kanị, kẹ m nọ, iwu njọ kẹ m'e sọn.

Ndị Rom 7:5

Makẹni, ogẹn ahụn enwẹn ẹnyi gi rị a kị ẹnyi, eje-ihiẹn ndị ahụn Iwu kpọtiẹn rị ọrụn mkpamkpa ẹhụ ẹnyi, a mịnị ọnwụn mkpụrụ.

Ndị Rom 8:13

Makẹni, ụnụ bimẹ kẹ ịhịan-mmaka, ụnụ k'a nwụnhụnrịrị. Kanị, ụnụ gi isọn Mmọn-nsọ gbupụ eje-ihiẹn ndị ahụn ẹhụ e mẹ, ụnụ k'a rị ndụn.

Ndị Rom 8:3

Makẹni, ihiẹn nwẹn Iwu Mozizi salẹni ẹka mẹ yeni ndụn arị ịhịan, Osolobuẹ e mẹgụọ a nwan ghahanị izihẹ Nwa a nọkẹ ịhịan mmaka hụn ndị-njọ wụ, kẹni o wepụ njọ, Osolobuẹ nọ gi ẹ ma njọ rị imẹ ịhịan ikpe.

Ndị Rom 8:5

Ndị rị e bi kẹ ịhịan-mmaka e ro nke ịhịan-mmaka; kanị ndị hụn e bi kẹ Mmọn-nsọ dọn chọ e ro nke Mmọn-nsọ.

Ndị Rom 8:9

Kanị, ụnụ nwẹn, ụnụ arị e bi kẹ ịhịan-mmaka; Mmọn-nsọ rị a kị ụnụ, omẹni eziẹ rọ nị Mmọn Osolobuẹ rị imẹ ndụn ụnụ, makẹni onyẹ ọwụlẹ nwọnlẹni Mmọn Kraịstị ẹlẹ nke Kraịstị.

Ndị Kọrẹntị Ibuzọ 3:3

Makẹni echẹn kẹ ụnụ rịkwọ e bi kẹ ịhịan-mmaka. Ẹghẹẹ, ebe ẹnya-ụfụ lẹ ikpe rị imẹ igunrun ụnụ, ụnụ anọnị kẹ ndị nwọnlẹni Mmọn-nsọ? Ẹlẹ agụngụn ịhịan-mmaka kẹ ụnụ rị a gụn?

Ndị Kọrẹntị Ibuzọ 6:18

Gbakwọnị nị ughẹrẹ ọsọ! Njọ ndị ọzọ ile ịhịan e mẹ ẹlẹ imẹ ẹhụ, kanị, onyẹ hụn ghẹrẹni mẹ ẹhụ a njọ.

Ndị Galeshịa 5:13

Ụnụ nwẹn, Osolobuẹ kpọ ụnụ d'e weri enwẹn ụnụ, umunẹ m, ka egikwọlẹ ni nị ụnụ nwọn enwẹn ụnụ mẹmẹ k'ọ rị ụnụ; ka gi ni ihiẹn-ọsụsụọ e fetarị ibe ụnụ.

Ndị Galeshịa 5:17

Makẹni, ihiẹn ịhịan-mmaka a chọ ẹlẹ ihiẹn Mmọn-nsọ a chọ; ihiẹn Mmọn-nsọ a chọ ẹlẹ ihiẹn ịhịan-mmaka a chọ. Wẹ ẹbụbụọ a lụsọn ibe wẹ ọgụn e gbọndọn i emẹlẹ ihiẹn ị chọ n'ị mẹ.

Ndị Galeshịa 6:8

Onyẹ kụnye ihiẹn rị a gụn ẹhụ, ọ ghọrị ntikpọ; onyẹ kụnye ihiẹn Mmọn-nsọ chọ, ọ ghọrị ndụn-itẹbitẹ.

Taịtọsụ 3:3

Makẹni, ẹnyi nwẹn te wụzị ndị-nzuzu, ndị nnupụ-isi lẹ ndị wẹ dufie; eje-ihiẹn a gụnnị ẹnyi lẹ ihiẹn ichẹn-ichẹn a sụọnị e te kịzịghọ ẹnyi kẹ igbọn. Ẹnyi te e mẹ ibe ẹnyi eje-ihiẹn, e we iwe-ẹnya, ize ẹnyi hụ e ze ịhịan, ize ibe ẹnyi hụ e ze ẹnyi.

Hibru 13:4

Gbayekẹnmẹ ni ọlụlụ di-lẹ-nwunyẹ; kẹ di kẹ nwunyẹ ẹ dọnmẹ enwẹn ẹ makẹ elu-ukpo wẹ gha a rụ, makẹni Osolobuẹ jẹnkọ d'a ma ndị ughẹrẹ ikpe.

Rẹvẹleshọnụ 21:8

“Kanị, ndị ụjọ lẹ ndị-ghẹrẹghẹrẹ lẹ ndị rụnị; ndị-izighẹ lẹ ndị ughẹrẹ; ndị ile a gwọ eje-ọgụn; ndị a rụa mmọn lẹ ndị-ntụ ile — wẹ ile shikọ d'a rị odiyiri ọkụn lẹ nsịn-ẹnyanwụn hụ, hụn wụ ọnwụn nke mgbe ẹbụọ.”

Rẹvẹleshọnụ 22:15

Makẹni ndị e bi kẹ nkitẹ, ndị nshi-lẹ-ẹjan, ndị ughẹrẹ, ndị-izighẹ, ndị a rụa mmọn lẹ onyẹ ọwụlẹ e mẹ mọbụ a kwadọn ihiẹn ya lẹ ntụ wị abanyekọ obodo hụ.