Ndị Galeshịa 5:17 - Ika

¹⁷ Makẹni, ihiẹn ịhịan-mmaka a chọ ẹlẹ ihiẹn Mmọn-nsọ a chọ; ihiẹn Mmọn-nsọ a chọ ẹlẹ ihiẹn ịhịan-mmaka a chọ. Wẹ ẹbụbụọ a lụsọn ibe wẹ ọgụn e gbọndọn i emẹlẹ ihiẹn ị chọ n'ị mẹ.

Ndị Galeshịa 5:17 ပူးပေါင်းရင်းမြစ်များ

Jẹnẹsisi 6:3

Ya kẹ Osolobuẹ nọ sị, “Mmọn m anọferikọzị imẹ ịhịan, makẹni ịhịan mmaka k'ọ wụ — ufiri ẹ, ahụa ọgụn isin sụọ kẹ ịhịan sikọ d'a tọru elu ụwanị.”

Ẹbụ-ọma 119:133

Dodo, a ghọsị m ebe m'a zọye ụkụ, kẹ i dọn kwe nkwa; anịkwọlẹ njọ ọwụlẹ kị m!

Ẹbụ-ọma 119:159

Ledẹ kẹ iwu i dọn a sụọ m, Osolobuẹ dodo, gi ufiri ihiẹn-ọsụsụọ ị dọnmẹ m ndụn!

Ẹbụ-ọma 119:176

A kpahugụọ m nọkẹ atụnrụn tuhuni; dodo chọha odibo i, nị azọnị m iwu i.

Ẹbụ-ọma 119:20

Ẹgụn uhi i yisọnmẹni ẹnyi a gụn m ogẹn ile, a gụn m ọda-ọda.

Ẹbụ-ọma 119:32

M k'a gha e mẹkẹnrin ihiẹn ndị ị sị ẹnyi e mẹ, makẹni y'e mẹ m e nwọn nghọta e nwọncheni.

Ẹbụ-ọma 119:35

A ghọsị m kẹ m'a dọn dọnmẹ iwu i, makẹni iwu i a sụọ m ụsụọ.

Ẹbụ-ọma 119:40

Lee ẹ, ẹgụn nkuzi i a gụn m a gụn; gi ezi-omumẹ i ye m ndụn.

Ẹbụ-ọma 130:3

Ị gụnma njọ ịhịan, Osolobuẹ, onyẹ k'a s'ẹka wuzo?

Ẹbụ-ọma 65:3

Njọ ẹnyi gbumẹ ẹnyi, y'a gbagharị ẹnyi agbagharị.

Ẹkịliziastisi 7:20

Onwọnni kaka akpụ onyẹ ohu rị ọchan elu-ụwa, hụn e mẹchanrịn ihiẹn rị mma sụọ bụ o mẹtuni njọ.

Azaya 6:5

Ya m nọ yimẹ, “Ụya e gbuẹ m! Nke m a gụ! Makẹni, mmẹ hụn wụ onyẹ njọ ọnụ a rụ, hụn bizikwọ imẹ igunrun ndị njọ ọnụ wẹ rụ, e gigụọ ẹnya hụn Eze, Osolobuẹ Nwọn Ikẹn Ile!!”

Matiu 12:30

“Onyẹ rịlẹni azụụn nke m rị a lụsọn m ọgụn; onyẹ ghalẹni e sọn m e kpọnkikomẹ rị e kpọnyịya.

Matiu 16:17

Jizọsị nọ sị a, “Onyẹ wẹ gọzi agọzi k'ị wụ Saịmọnụ nwa Jona! Makẹni ẹlẹ ịhịan ghọsị ị ihiẹnni; Nẹdi m rị elu-igwee ghọsị ị ya.

Matiu 16:23

Kanị Jesu e gbehutọ, ọ nọ sị Pita, “Ekwensụ, pụ nị m! Ị rị e mẹ m uke, makẹni y'a rị e ro nke Osolobuẹ kanị nke ịhịan.”

Matiu 26:41

We ni ẹnya ru alị, ụnụ e mẹmẹ ekpere, amamgbe ụnụ a danye imẹ ọnwụnwan; ezioku-ezioku, mmọn ịhịan a chọghọ, kanị ndụn gụ ẹhụ.”

Matiu 5:6

Ngọzi wụ nke ndị ọ rị a gụn nị ihiẹn rị kẹ Osolobuẹ dọn chọ, a gụn wẹ kẹ ihiẹn-oriri lẹ ihiẹn-ọrịra; ẹfọ jẹnkọ d'e jun wẹ.

Luku 22:33

Kanị Pita nọ sị, “Di-nwọnni-ẹnyi, ihiẹn ọ k'a wụ ya wụrụ, m k'e sọn i jẹn ngan, sọndẹ i nwụnhụn!”

Luku 22:46

Ya ọ nọ sị wẹ, “Kị ụnụ rị a ranhịnnị? Lihi ni mẹmẹ ekpere, amamgbe ụnụ a danban imẹ ọnwụnwan.”

Jọnụ 3:6

Hụn ịhịan mụ wụ ịhịan; hụn Mmọn-nsọ mụ wụ nke imẹ-mmọn.

Ndị Rom 8:13

Makẹni, ụnụ bimẹ kẹ ịhịan-mmaka, ụnụ k'a nwụnhụnrịrị. Kanị, ụnụ gi isọn Mmọn-nsọ gbupụ eje-ihiẹn ndị ahụn ẹhụ e mẹ, ụnụ k'a rị ndụn.

Ndị Galeshịa 3:21

Arị m e ku nị Iwu lẹ nkwa Osolobuẹ wụ eṅẹnrẹn. Kaka akpohu! Makẹni, omẹni wẹ te ye iwu hụn a saẹka e ye ndụn, nkẹ ọ wụrụ nị, ezioku-ezioku, onyẹ dọnmẹ ẹ, ọ wụrụ onyẹ ezi-omumẹ.

Jemisi 3:2

Ọ rụnahịn ẹnyi ile arụnahịn. Onyẹ oku-ọnụ ghalẹni a rụnahịn e zugụọ oke: n'ọ sazịghọ ẹka kwọndọnchanrịn ẹhụ a ile.