Ndị Galeshịa 5:1 - Ika

¹ Kraịstị gbapụha ẹnyi kẹni ẹnyi wụrụ ndị nwọn enwẹn wẹ. Wuzokẹnmẹ ni nwan kẹ ndị werigụ enwẹn wẹ! Anịkwọlẹ ni wẹ kpọmazị ụnụ ẹgan igbọn!

Ndị Galeshịa 5:1 ပူးပေါင်းရင်းမြစ်များ

Ẹbụ-ọma 51:12

Yezi m ịghọghọ onyẹ hụn ị zụọpụha, y'e ye m obi m'e gi turusọnmẹ.

Itẹn 23:23

Ṅọnrin ezioku; erekwọl'a; ṅọnrin amamihiẹn, ọzụnzụn lẹ nghọta.

Azaya 61:1

Mmọn Di-nwọnni-ẹnyi wụ Osolobuẹ rị imẹ m, makẹni Osolobuẹ e tumẹgụọ m d'e zi ndị igbẹnnyẹ ozi rị mma. O zi m d'a kasị ndị ndụn gụ obi, d'a sị ndị wẹ kwọndọn lama, d'a sị ndị ngan pụha;

Matiu 23:4

“W'e kẹnmẹ ibu nyịnnị hụn a fụ ọrụn obubu e che ịhịan isi-uvun, kanị w'a ra kweri tịnpụdẹ mkpịnsịn-ẹka ohu bu wẹ.

Luku 5:38

Gba nwan manya ọhụn ye imẹ ihiẹn-manya ọhụn!

Ọrụn Ndị-ozi 15:10

Kị ụnụ rị nwan e buni okẹn ibu e che ndị kwerini olu a chọ ihiẹn rị Osolobuẹ ọnụ, ibu hụn o mẹni kẹ ẹnyi kẹ ndị nẹdi ẹnyi kanị asanị ẹka bu?”

Ndị Rom 6:14

Ẹghẹẹ, njọ akịkọ ụnụ, makẹni ụnụ arịzị okpuru iwu, kanị okpuru ẹfọma.

Ndị Rom 6:18

a gbapụhagụ wẹ ụnụ ẹka njọ, ụnụ nọ nwan họnrin igbọn ezi-omumẹ.

Ndị Rom 7:3

Ya wụ, omẹni ya lẹ okẹnnyẹ ọzọ a sụọma mọbụ lụma ebe di ẹ rịkwọ ndụn, wẹ k'a kpọ a onyẹ zọ-ụkụ-ye-ọfịa; kanị omẹni di ẹ a nwụnhụngụọ, iwu hụ egizi ẹ: ọ lụma okẹnnyẹ ọzọ, ọ zọnị ụkụ ye ọfịa.

Ndị Rom 7:6

Kanị, ẹnyi e nwọnringụọ nwan enwẹn ẹnyi okpuru Iwu Mozizi, ẹnyi a nwụnnahịngụọ ihiẹn hụn te gini ẹnyi, kẹni ẹnyi hụn ụzọ femẹ ofufe ọhụn Mmọn-nsọ, ẹlẹzi ofufe-akan Iwu wẹ de.

Ndị Rom 8:15

Makẹni mmọn hụn Osolobuẹ ye ụnụ ẹlẹ mmọn igbọn, hụn ụnụ e gi tụmazị egun, kanị Osolobuẹ ye ụnụ mmọn hụn o gi mụnrụn ụnụ, mmọn ahụn e mẹ ẹnyi a hị Osolobuẹ, “Baba! Baba Nẹdi m!”

Ndị Rom 8:2

Makẹni, ọkịkị ahụn Mmọn-nsọ gi e ye ndụn imẹ Jesu Kristi a gbapụhagụọ ẹnyi ẹka ọkịkị ahụn njọ gi e buhẹ ọnwụn.

Ndị Kọrẹntị Ibuzọ 15:58

Ezi umunẹ m, turu ni nwan; emẹhunmẹlẹ ni; a rụn nị ọrụn Di-nwọnni-ẹnyi a rụnwaye, ebe ụnụ marịn nị ọrụn ụnụ rụn imẹ Di-nwọnni-ẹnyi alakọ iwi.

Ndị Kọrẹntị Ibuzọ 16:13

Dọnrin ni ẹnya; turukẹnmẹ ni imẹ okukwe Kraịstị; turu ni ọhụnma-ọhụnma; kakẹnmẹ ni.

Ndị Kọrẹntị Ibuzọ 7:22

Makẹni, omẹni ịhịan wụ igbọn kẹ Osolobuẹ kpọbanhan a imẹ Di-nwọnni-ẹnyi, onyẹ nwọn enwẹn ẹ k'ọ wụ imẹ Di-nwọnni-ẹnyi. Ẹrịrazịkwọ, onyẹ hụn wụlẹni igbọn kẹ Osolobuẹ kpọbanhan a wụ nwan igbọn Kraịstị.

Ndị Kọrẹntị Nke Ẹbụọ 11:20

Ụnụ a nabanhanka onyẹ ọwụlẹ e mẹ ụnụ kẹ igbọn mọbụ e rigbu ụnụ mọbụ a tụnarịn ụnụ ihiẹn ụnụ mọbụ e mẹ nọkẹsị ọ rịka mkpa mọbụ a madẹ ụnụ ọra!

Ndị Kọrẹntị Nke Ẹbụọ 3:17

“Di-nwọnni-ẹnyi” ahụn wẹ rị e ku oku ẹ wụ Mmọn-nsọ: ebe ọwụlẹ Mmọn Di-nwọnni-ẹnyi rị, ebẹhụ kẹ ịhịan nọ e weri enwẹn ẹ.

Ndị Galeshịa 2:4

kanị ndị ahụn gi nzuzue banhan, e mẹ nọ kẹ sị wẹ wụ ndị kwerini, e te kughọ oku ịkwa ugun. Wẹ bịa d'e lele ụdị inwọnrin-enwẹn hụn ẹnyi nwọn imẹ Kraịstị Jizọsị, kẹni wẹ buzi ẹnyi che imẹ igbọn.

Ndị Galeshịa 3:25

Kanị, hụnnị ẹnyi kwerigụnị Kraịstị, ẹnyi arịzị okpuru onyẹ nlepụ-ẹnya.

Ndị Galeshịa 4:26

Kanị Jerusalẹm rị elu-igwee ẹlẹ igbọn; ịya wụ nnẹ ẹnyi.

Ndị Galeshịa 4:31

Umunẹ m, ẹnyi ẹlẹ nwan ụmụ okpoho hụ wụ igbọn, kama, ụmụ okpoho ahụn wụlẹni igbọn kẹ ẹnyi wụ.

Ndị Galeshịa 4:9

Kanị hụnnị ụnụ marịngụ Osolobuẹ, mba, hụnnị Osolobuẹ marịngụ ụnụ, kị ụnụ burukọzịnị mmọn lẹ iwu lẹ ihiẹn ndị ahụn nwọnlẹni isi ndụn rịlẹni hụn ịhịan mmaka gi e dọn ẹnya nị ụnụ d'e họnrinzi igbọn wẹ?

Ndị Galeshịa 5:13

Ụnụ nwẹn, Osolobuẹ kpọ ụnụ d'e weri enwẹn ụnụ, umunẹ m, ka egikwọlẹ ni nị ụnụ nwọn enwẹn ụnụ mẹmẹ k'ọ rị ụnụ; ka gi ni ihiẹn-ọsụsụọ e fetarị ibe ụnụ.

Ndị Ẹfẹsọsụ 6:14

Turukẹnmẹ ni nwan! Ụnụ e gi ezioku kẹnmẹ ukun nọkẹ akpụkpọ-ukun onyẹ-agha; ụnụ e yiri ezi-omumẹ nọkẹ ẹwuru igwe onyẹ-agha gi e kpumẹ obi.

Ndị Filipi 1:27

Ka bisọnmẹni obibi furu oziọma Kraịstị, n'o mẹni kẹ m bịa d'a hụn ụnụ kẹ abịanị m, nị ntịn kẹ m gihụ nụ ukwere ụnụ, e gi m'ẹ dọn nị ụnụ gi mmọn ohu wuzo, gi obi ohu a lụ ọgụn ụnụ gi a kwadọn ihiẹn ile oziọma sị ẹnyi kweri;

Ndị Tẹsalonika Ibuzọ 3:8

Ndụn a bangụọ nwan ẹnyi — ebe o mẹ ni ụnụ turuhụ ọhụnma-ọhụnma imẹ Di-nwọnni-ẹnyi.

Ndị Tẹsalonika Nke Ẹbụọ 2:15

Wuzokẹnmẹ ni nwan, umunẹ, e kwọnkẹnmẹni ihiẹn ile ẹnyi kuzi ụnụ — kẹ hụn ẹnyi gi ọnụ kuzi kẹ hụn ẹnyi gi ẹkụkwọ-ozi kuzi.

Hibru 10:23

Nị ẹnyi kwọnkẹnmẹ ni nwan olilẹnya ẹnyi, e ku ẹ, e kushi ẹ ikẹn, makẹni Onyẹ hụn kwe ẹnyi nkwa furu wẹ gi e dọn ẹnya.

Hibru 3:14

Makẹni ẹnyi lẹ Kraịstị k'a rịsọnmẹ omẹni ẹnyi e kwọnkẹnmẹ ẹka ahụn ẹnyi gi bidọn d'e ru njẹndemẹ.

Hibru 3:6

Kanị Kraịstị rụn ọrụn ọhụnma nọkẹ Nwa hụn ụlọ Osolobuẹ rị ẹka. Ụlọ Osolobuẹ hụ kẹ ẹnyi wụ, o mẹkwọ nị ẹnyi a tọ e kushi ikẹn, e nwọn olilẹnyanị, e nwọnshi ẹ ikẹn.

Hibru 4:14

Ebe o mẹ ni ẹnyi e nwọnghọ okẹn onyẹ-isi nchụn-ẹjan wụ Jizọsị Nwa Osolobuẹ, hụn ghafegụ elu-igwere, banye ebe Osolobuẹ rị, nị ẹnyi kwọnkẹnmẹ nwan ihiẹn ẹnyi kweri.

Pita Ibuzọ 2:16

e gi ni agụngụn ndị nwọn enwọn wẹ e mẹ ẹ — kanị ẹlẹkwọ hụn wẹ gi e kpumẹ eje-obibi, kama, obibi ndị wụ igbọn Osolobuẹ.

Pita Nke Ẹbụọ 2:19

W'e kwe wẹ nkwa nị wẹ k'e weri enwẹn wẹ, kanị wẹ nwẹn wụkwọ igbọn ihiẹn rụnị: makẹni ihiẹn hụn karị ịhịan ẹka k'ọ wụ igbọn ẹ.

Judu 1:3

Ezi umunẹ m, o te dụka m nị m deni ụnụ oku nzụọpụha hụn ẹnyi ile nwọn, kanị a hụn m'a n'ọ rịka mkpa nị m deni ụnụ hụnnị gi sị ụnụ shikẹnmẹ ọnwụn chedọn Ụzọ-okukwe ahụn Osolobuẹ bugụ che ẹka ndị nsọ, ndị nke ẹ.

Rẹvẹleshọnụ 2:25

ka kwọnkẹnmẹ ni hụn ụnụ gi d'e ru nị a bịa m.

Rẹvẹleshọnụ 3:3

Nyanhan nwan ihiẹn wẹ kuzi i lẹ ihiẹn i nụ; mẹ ẹ, bihutọ ẹka. Omẹni y'e tẹnhinni, m k'a bịa d'e kunrun i idẹnmizi kẹ ohin, y'a marịnkọ ogẹn m'e gi banhan!