Ndị Galeshịa 4:9 - Ika

⁹ Kanị hụnnị ụnụ marịngụ Osolobuẹ, mba, hụnnị Osolobuẹ marịngụ ụnụ, kị ụnụ burukọzịnị mmọn lẹ iwu lẹ ihiẹn ndị ahụn nwọnlẹni isi ndụn rịlẹni hụn ịhịan mmaka gi e dọn ẹnya nị ụnụ d'e họnrinzi igbọn wẹ?

Ndị Galeshịa 4:9 ပူးပေါင်းရင်းမြစ်များ

Ndị-nze Nke Ibuzọ 8:43

dodo, gha elu-igwee, ebe-obibi i, nụ, y'e mẹ ihiẹn ọwụlẹ otumunyẹ hụ rịọ ị, kẹni ndị ile rị ụwa marịn Ẹfan ị, tụ egun i kẹ ndị nke i wụ Izrẹlụ dọn e mẹ, lẹni wẹ hụn ụzọ marịn nị Ẹfan ị kẹ wẹ gi tụn Ụlọnị m tụn.

Ihiẹn Mẹni Nke Ibuzọ 28:9

“Ịyụ nwẹn wụ Solomọnụ nwa m, marịnkwọ Chuku nẹdi i, y'e wechanrịn enwẹn i kwan'a, wepụhachanrịn obi fe ẹ. Makẹni, Osolobuẹ e lele obi ọwụlẹ, a ghọtachanrịn ihiẹn ịhịan rị e ro. Ị chọ a, ọ nị ị hụn a; kanị ị gbakitọ a azụụn, ọ jụ ị tọ jẹnrin ejẹn.

Ẹbụ-ọma 1:6

Osolobuẹ rị onyẹ ezi-omumẹ azụụn ụzọ hụ ọ ghakọ, kanị ụzọ ndị-njọ shikọ ntikpọ.

Ẹbụ-ọma 9:10

Ndị marịnn'ị gi i e dọn ẹnya, makẹni onwọnni ogẹn yụ wụ Osolobuẹ gi a latọ ndị bịa d'e kunrunn'i.

Ọpụpụ 33:17

Osolobuẹ nọ sị Mozizi, “M k'e mẹ ihiẹn ahụn ị rịọkwasị m, makẹni ihiẹn i sụọ m lẹni ẹfan ị rị m obi.”

Itẹn 2:5

ogẹn ahụn kẹ y'e gi marịn ịtụ egun Osolobuẹ, wụrụzịkwọ onyẹ marịn Chuku.

Jerimaya 31:34

Ịhịan akuzikọzị ibe ẹ mọbụ sị nwẹnẹ ẹ, ‘Marịn Osolobuẹ,’ onyẹ-onyẹ jẹnkọ d'a marịn m, gha onyẹ-uku d'e ru onyẹ-nta, makẹni m jẹnkọ d'a gbagharị wẹ eje-ihiẹn wẹ mẹ; anyanhankọzị m njọ wẹ.”

Habakọkụ 2:14

Kanị, wẹ sikọ d'a marịn ọghọ Osolobuẹ elu-ụwa ile, kẹ mirin dọn e jun ohimin ụzọ ile.

Matiu 11:27

Nẹdi m e bugụọ ihiẹn ile che m ẹka. Onwọnni onyẹ marịn Nwa mmanị Chuku-Nẹdi sụọ; onwọnzikwọnị onyẹ marịn Chuku-Nẹdi wezụka Nwa lẹzi onyẹ ọwụlẹ Nwa chọ n'o mẹ ẹ marịn Chuku-Nẹdi.

Luku 5:38

Gba nwan manya ọhụn ye imẹ ihiẹn-manya ọhụn!

Jọnụ 10:14

“Mmẹ wụ ezigbo onyẹ-ndu atụnrụn. A marịnghọ m atụnrụn m; atụnrụn m a marịnghọ m —

Jọnụ 10:27

Atụnrụn m e gọn m ntịn egọn; a marịnghọ m wẹ; w'e sọn m esọn.

Jọnụ 17:3

Ọnwan wụ ndụn itẹbitẹ: ịmarịnn'ị, Chuku hụn ya sụọ wụ Chuku nke-esi lẹ ịmarịn Jizọsị Kraịstị hụn i zihẹ.

Ndị Rom 8:29

Osolobuẹ a marịngụọ wẹ n'o d'a kpọ wẹ. Ya ọ nọ họtọ wẹ n'o k'e mẹ wẹ wụrụ ndị rị kẹ Nwa a, kẹni Nwa a wụrụ nwa-ibuzọ imẹ ụmụ bụ ọda.

Ndị Rom 8:3

Makẹni, ihiẹn nwẹn Iwu Mozizi salẹni ẹka mẹ yeni ndụn arị ịhịan, Osolobuẹ e mẹgụọ a nwan ghahanị izihẹ Nwa a nọkẹ ịhịan mmaka hụn ndị-njọ wụ, kẹni o wepụ njọ, Osolobuẹ nọ gi ẹ ma njọ rị imẹ ịhịan ikpe.

Ndị Kọrẹntị Ibuzọ 13:12

Ogẹnni ẹnyi a hụn bishi-bishi nọkẹ onyẹ rị e lee ughegbe rịlẹni mma. Kanị, o ru ogẹn hụ, o k'a wụ elee-m, elee-i; kikẹnni, ẹnyi amarịnzuni, kanị ogẹn hụ, m k'a marịnchanrịn ihiẹn ile kẹ Osolobuẹ dọn marịnchanrịn m.

Ndị Kọrẹntị Ibuzọ 15:34

Tẹnhin ni nwan nwọnrin uche; ụnụ e mẹbehi njọ, nị ụfọdụ imẹ ụnụ amarịn Osolobuẹ, kaka! M rị e ku ọnwan kẹni ifẹnrẹn mẹ ụnụ.

Ndị Kọrẹntị Ibuzọ 8:3

kanị onyẹ hụn ihiẹn Osolobuẹ a sụọ kẹ Osolobuẹ marịn.

Ndị Kọrẹntị Nke Ẹbụọ 11:20

Ụnụ a nabanhanka onyẹ ọwụlẹ e mẹ ụnụ kẹ igbọn mọbụ e rigbu ụnụ mọbụ a tụnarịn ụnụ ihiẹn ụnụ mọbụ e mẹ nọkẹsị ọ rịka mkpa mọbụ a madẹ ụnụ ọra!

Ndị Kọrẹntị Nke Ẹbụọ 4:6

Makẹni, Osolobuẹ hụn sị, “Ukpẹ ya nwunmẹ ebe ishi rị” e nwun nwangụọ nwan imẹ obi ẹnyi hụn ẹnyi gi saẹka legha ọghọ Osolobuẹ ihun Kraịstị.

Ndị Galeshịa 3:3

Ẹrịra kẹ ụnụ e zuzuhan? Ẹka Mmọn-nsọ kẹ ụnụ gha bidọn; ụnụ rị nwan a lịlịma nị ụnụ gi ikẹn ụnụ, ikẹn ịhịan, mẹchanrịn a?

Ndị Galeshịa 4:3

Ẹrịra kẹ ẹnyi nọ kẹ ẹnyi rị ụmụẹka, ẹnyi wụsọnmẹ igbọn okpuru mmọn lẹ iwu lẹ ihiẹn ile wẹ gi e dọn ẹnya elu-ụwa.

Ndị Ẹfẹsọsụ 1:17

m'a rịọsọnmẹ Osolobuẹ Di-nwọnni-ẹnyi Jesu Kristi, Nẹdi hụn kachanrịnnị, n'o ye ụnụ mmọn ịghọta-ihiẹn, a ghọsịsọnmẹ ụnụ ihiẹn, kẹ ụnụ dọn rị a marịnwaye ẹ.

Timoti Nke Ẹbụọ 2:19

Kanị iyetọ Osolobuẹ turuhụkwọ ebe ọ rị; ihiẹn wẹ deye ẹ wụ: “Di-nwọnni-ẹnyi a marịnghọ ndị wụ ndị nke ẹ” lẹ “Onyẹ ọwụlẹ hụn a kpọku ẹfan Di-nwọnni-ẹnyi ya la njọ tọ.”

Hibru 7:18

Ya wụ, Osolobuẹ a kagbugụọ iwu o ti mbụ, makẹni ọ sakọ ẹka rụn ọrụn lẹni ọ bannị erere

Pita Nke Ẹbụọ 2:20

Ẹghẹẹ, makẹni, wẹ gigụ ịmarịn Jesu Kristi wụ Di-nwọnni-ẹnyi lẹ Onyẹ-nzụọpụha ẹnyi wanahịngụ ihiẹn ndị e mẹrụ ịhịan ụwanị, nị a nịzị wẹ ihiẹn ndị hụ kịma wẹ, ọnọdị ikpanzụụn wẹ a kagụọ njọ karị nke ibuzọ.

Jọnụ Ibuzọ 5:20

Ẹnyi a marịnghọ nị Nwa Osolobuẹ a bịagụọ, n'o yegụọ ẹnyi nghọta hụn ẹnyi e gi marịn onyẹ ahụn wụ Ezioku. Ẹnyi rị nwan imẹ onyẹ ahụn wụ Ezioku lẹ Nwa a wụ Jesu Kristi. Ịya wụ Osolobuẹ nke-esi lẹ ndụn-itẹbitẹ.