Ndị Galeshịa 4:5 - Ika

⁵ Osolobuẹ zihẹ ẹ n'ọ hụn ụzọ gbarị ndị rị okpuru Iwu, kẹni ẹnyi họnrin ụmụ Osolobuẹ.

Ndị Galeshịa 4:5 ပူးပေါင်းရင်းမြစ်များ

Matiu 20:28

nọkẹ kẹ mmẹ Nwa nke Ịhịan dọn bịa, ẹlẹ ni wẹ gbanị m odibo, kama, kẹni m gba odibo, yezikwọ ndụn m, gi ẹ gbapụha ndị bu ọda.”

Luku 1:68

“Ịja-mma ya rịnị Di-nwọnni-ẹnyi, Chuku Izrẹlụ! Makẹni ọ bịaọlẹ d'e yeni ndị nke ẹ ẹka; ọ bịaọlẹ d'a gbapụha wẹ.

Jọnụ 1:12

Kanị, ndị ile nabanhann'a, ndị ile kwerinin'ẹ, o ye wẹ ikẹn nị wẹ wụrụ ụmụ Osolobuẹ:

Ọrụn Ndị-ozi 20:28

Lepụ nị nwan enwẹn ụnụ lẹ igunrun atụnrụn Mmọn-nsọ buche ụnụ ẹka ẹnya. O tumẹgụọ ụnụ ndị-ndu kẹni ụnụ du ụka Osolobuẹ, hụn Osolobuẹ gi ẹdeke ẹ nwọnhẹn.

Ndị Rom 10:4

Makẹni ẹka Kraịstị kẹ Iwu nọ bi, kẹni Osolobuẹ hụn ụzọ kpọ ndị ile sikọ d'e kwerini Kraịstị ndị ezi-omumẹ.

Ndị Rom 8:14

Makẹni, ndị ile Mmọn Osolobuẹ rị e du wụ ụmụ Osolobuẹ.

Ndị Rom 8:15

Makẹni mmọn hụn Osolobuẹ ye ụnụ ẹlẹ mmọn igbọn, hụn ụnụ e gi tụmazị egun, kanị Osolobuẹ ye ụnụ mmọn hụn o gi mụnrụn ụnụ, mmọn ahụn e mẹ ẹnyi a hị Osolobuẹ, “Baba! Baba Nẹdi m!”

Ndị Rom 8:19

Ihiẹn ile Osolobuẹ ke rịzị e che nị Osolobuẹ ye ụmụ a ọghọ ahụn lalanịnị wẹ.

Ndị Rom 8:23

Ẹlẹdẹ ihiẹn ndị ọzọ o ke sụọ, kanị ẹnyi nwọnzi, ẹnyi ndị nwọndẹ Mmọn-nsọ hụn Osolobuẹ bu ụzọ e ye — ẹnyi hụzịkwọ nwan a sụn udẹn, kẹ ẹnyi dọn rị e che ni Osolobuẹ mụrụnchanrịn ẹnyi, n'o wepụha ẹhụ ẹnyi ụya ọ rị imẹ ẹ.

Ndị Rom 9:4

M rị e ku oku ndị Izrẹlụ: uwẹ kẹ Osolobuẹ gi họnrin ụmụ; uwẹ k'ọ ghọsị ọghọ a hụ; uwẹ k'o ye nkwerigbama ahụn o kwademẹ; uwẹ k'o ye Iwu hụ; uwẹ k'o tumẹni ofufe hụ rị imẹ Iwu; uwẹ nwọnhẹn nkwa ndị hụ Osolobuẹ kwe;

Ndị Galeshịa 3:13

Kraịstị gbapụha ẹnyi imẹ abụmọnụ rị imẹ Iwu ghahanị igi ufiri ẹnyi wụrụ onyẹ wẹ bụ ọnụ. Makẹni, Ẹkụkwọ-nsọ sị, “Onyẹ ọwụlẹ wẹ hogbu elu osisi a wụrụọlẹ onyẹ wẹ bụ ọnụ.”

Ndị Galeshịa 3:26

Ụnụ ile wụ ụmụ Osolobuẹ ghahanị okweri ụnụ kwerini Kraịstị wụ Jizọsị,

Ndị Galeshịa 4:21

Gwadẹ ni m, ụnụ ndị chọkọ nị ụnụ rị okpuru Iwu, ụnụ anụnị ihiẹn Iwu Mozizi ku?

Ndị Galeshịa 4:7

Ya wụ nwan nị y'ẹlẹzi igbọn; nwa kẹ ị wụ. Ebe o mẹ ni nwa k'ị wụ, Osolobuẹ k'e keye i ihiẹn ẹ.

Ndị Ẹfẹsọsụ 1:5

Ọ katọ a n'o k'a mụnrụn ẹnyi ghahanị Jesu Kristi makẹni ọ sụọghọ a, makẹni uche ẹ rọ.

Ndị Ẹfẹsọsụ 1:7

Makẹni ẹnyi rị imẹ Kraịstị, Osolobuẹ e gigụọ ẹdeke ẹ hụn wụ ọnwụn a gbapụha ẹnyi, gbagharị ẹnyi njọ, makẹ okẹn ẹfọma Osolobuẹ.

Ndị Ẹfẹsọsụ 5:2

E gi ni ihiẹn-ọsụsụọ e bi, kẹ Kraịstị dọn nwọn ihiẹn-ọsụsụọ ẹnyi, gi ufiri ẹnyi we ndụn a ye nọkẹ oyiye lẹ ẹjan e shin ọhụnma hụn wẹ chụnyeni Osolobuẹ.

Taịtọsụ 2:14

Jizọsị Kraịstị, hụn gi ufiri ẹnyi we enwẹn ẹ ye, n'ọ gbapụha ẹnyi imẹ njọ ile, gi ẹ chanchanpụhanị enwẹn ẹ ndị k'a wụchanrịn nke ẹ, ndị ihiẹn rị mma a dụ omumẹ.

Hibru 1:3

Ịya kẹ wẹ gi a hụn kẹ Osolobuẹ nọ. Ẹnya hụnn'a a hụngụọ Osolobuẹ. O gi oku-ọnụ a hụn nwọn ikẹn hi-ogbe e kwọndọn ụwa ile. Ogẹn o gi chụngụ ẹjan wẹ gi a chanchanpụ njọ, ọ nọdị alị ẹka-nni Onyẹ kachanrịnnị imẹ elu-igwee.

Hibru 9:12

O gini ẹdeke ewu lẹ nwa okẹn-efin banye, kama, ẹdeke ya lẹ enwẹn ẹ; ọ banye mgbe ohu banyechanrịn, gi ẹ wẹhẹ nzụọpụha itẹbitẹ.

Hibru 9:15

Ya wụ nị Jizọsị wụ onyẹ e wegbamanị imẹ nkwerigbama ọhụn, hụn ndị wẹ kpọ oku e gi nwọnhẹn nkwa itẹbitẹ Osolobuẹ kwe, ebe o mẹni o nwọngụọ onyẹ nwụnhụnnị wẹ gi ndụn a gbapụha wẹ amamgbe njọ wẹ mẹ okpuru nkwerigbama ibuzọ e ri isi wẹ.

Pita Ibuzọ 3:18

Makẹni, Kraịstị gi ufiri njọ tazịkwọ afụnfụn, nwụn, (mgbe ohu k'ọ nwụn, ọ nwụnkọzị), Onyẹ rị ọchan hụn nwụnnị ndị njọ ọnwụn — kẹni ọ hụn ụzọ wẹhẹ ẹnyi ile ebe Osolobuẹ rị. Wẹ gbu ẹ, ọ nwụnhụn kẹ ịhịan, kanị Chuku nọ mẹ mmọn a rị ndụn,

Rẹvẹleshọnụ 14:3

Mmadụ nnụ ọgụn mmẹsatọ ahụn hụ a bụ ẹbụ ọhụn ihun ukpo-eze ahụn lẹ ihiẹn ẹnọ ahụn rị ndụn lẹ ndị-isi ahụn. Onwọnni onyẹ saẹka mụnrụn ẹbụ hụ wezụka mmadụ nnụ ọgụn-mmẹsatọ hụ wẹ gha imẹ ụwa gbapụha.

Rẹvẹleshọnụ 5:9

Ya wẹ nọ bụ ẹbụ ọhụn, sị, “Ịyụ furu hụn k'e weri ẹkụkwọ hụ, hụn k'a tọpụ eriri ndị hụ wẹ gi kẹnmẹ ẹ; makẹni wẹ gbu i, ị nọ gi ẹdeke i gbapụhanị Osolobuẹ ịhịan imẹ ebọn ile lẹ asụsụ ile lẹ ndị ile lẹ alị ile.