Ndị Galeshịa 4:4 - Ika

⁴ Kanị ogẹn e zu, Osolobuẹ nọ zihẹ Nwa a: okpoho mụ a; wẹ mụ a ye okpuru Iwu.

Ndị Galeshịa 4:4 ပူးပေါင်းရင်းမြစ်များ

Jẹnẹsisi 3:15

“M k'e mẹ ịyụ lẹ okpohoni wụrụ eṅẹnrẹn, mẹzikwọ nwa ị lẹ nwa a wụrụ eṅẹnrẹn. Nwa a k'a zọkpọ ị isi; yụ nwẹn k'a ta nwa a atụ-ụkụ azụụn.”

Jẹnẹsisi 49:10

Ọkpọ-eze aghakọ Juda ẹka pụ, ọkpọ onyẹ-ọkịkị aghakọ a ngadan pụ — d'e ru mgbe onyẹ nwọn ọkpọ ahụn e gi bịa. Ndị alị ichẹn-ichẹn k'a gha e buhẹ ihiẹn d'a chann'a ẹnya, e sekpun'ẹ alị.

Azaya 48:16

“Nọzụnhan nị ị nụ ọnwan: Anọtuni m nzuzue ku oku; o ruzikwọ ogẹn o gi e mẹ, m hụ ebahụn. Di-nwọnni-ẹnyi wụ Osolobuẹ zi m ghahanị Mmọn a.

Azaya 7:14

Osolobuẹ lẹ enwẹn ẹ jẹnkọ nwan d'a ghọsị ụnụ ahịma: Lee ẹ, nwagbọọ kelẹni marịn okẹnnyẹ jẹnkọ d'a tụrụ imẹ, mụ okẹnnyẹ, a gụn w'a Imanuẹlụ

Jerimaya 31:22

Elee mgbe kẹ y'a danshibehidẹ azụụnnị lẹ azụụnnị, ịyụ, nwata-okpoho ẹnya rịlẹni ụzọ ohu? Kanị Osolobuẹ jẹnkọ d'e ke ihiẹn ọhụn imẹ ụwa: ebe okpoho nọ e lepụ okẹnnyẹ ẹnya.”

Zẹkaraya 6:12

Y'a sị a, ‘Osolobuẹ ihiẹn ile rị okpuru ẹ sị: Ọnwan wụ okẹnnyẹ hụn ẹfan a wụ “Agalaba”. O sikọ d'a nọ ebe ọ rị wa agala; ịya jẹnkọ d'a tụn Ụlọ-NSỌ Osolobuẹ.

Malakaị 3:1

Lee ẹ, m zila nwan onyẹ-ozi m n'o d'a kwanị m ụzọ. Ogẹn ahụn, Di-nwọnni ụnụ nwẹn ụnụ rị a chọ, a bịa Ụlọ-NSỌ a idẹnmizi; onyẹ-ozi hụ k'e mẹ oku nkwerigbama ụnụ rị e gi ẹnya ẹbụọ a chọ, lala! Ya kẹ Osolobuẹ ihiẹn ile rị okpuru ẹ ku.

Ọgụngụn 28:22

Wezi ni mkpịn ohu cheni wẹ ile gi chụn ẹjan-njọ nị wẹ gi ẹ gbarị isi ụnụ.

Matiu 1:23

“Lee ẹ, okpoho kelẹni marịn okẹnnyẹ jẹnkọ d'a tụ imẹ, mụ okẹnnyẹ; wẹ k'a kpọ nwa hụ ‘Imanuẹlụ’, ya wụ, ‘Osolobuẹ rị imẹ igunrun ẹnyi.’ ”

Matiu 3:15

Kanị Jesu nọ sị, “Hapụ a nọ rị ẹrịra kikẹnni; o furu ni ẹnyi mẹkwama ihiẹn ile Osolobuẹ chọ.” Ya kẹ Jọnụ nọ nwan kweri mẹ ẹ mirin-Chuku.

Matiu 5:17

“Erokwọlẹ ni nị m bịa d'a kagbu Iwu Mozizi mọbụ ihiẹn ndị-amụma de. Abịanị m d'a kagbu wẹ, kama, m bịa d'e mẹzu wẹ.

Makị 1:15

Ọ hụ a sị, “Ogẹn e zugụọ, Alị-eze Osolobuẹ a rịgụọ nsue! Rogharị nị, ụnụ e kweri oziọma!”

Luku 1:31

I k'a tụ imẹ, mụ okẹnnyẹ; ị k'a kpọ a Jizọsị (Jesu).

Luku 1:35

Mmọn-ozi hụ nọ sị a, “Mmọn-nsọ jẹnkọ d'e hidankwasị ị; ikẹn Onyẹ Hụ Kachanrịnnị jẹnkọ d'e kpumẹ i. Ya wụ, nwa ị jẹnkọ d'a mụ k'a rị nsọ, wẹ k'a kpọ a Nwa Osolobuẹ.

Luku 2:7

Ọ nọ mụ nwa ibuzọ a, mụ a okẹnnyẹ. Ọ nọ gi ẹkwa fụma a, bu ẹ dinẹ imẹ ihiẹn anụ gi e ri ihiẹn-oriri — makẹni ebe wẹ k'a nọdị imẹ ụlọ ndị-ijẹn arịa.

Luku 20:44

O mẹ nwan nị Defidi kpọ Kraịstị ‘Di-nwọnni m’, nanị k'o dọnzi nwan wụrụ nwa Defidi?”

Jọnụ 1:14

Oku Chuku nọ họnrin ịhịan, sọn ẹnyi biri elu-ụwa. Ẹfọma lẹ ezioku jun imẹ ẹ! Ẹnyi a hụnọlẹ ikpẹn ẹ, ikpẹn akpụ Nwa ohu Chuku-Nẹdi mụ rọ.

Jọnụ 10:36

onyẹ hụn Chuku-Nẹdi dọn nsọ zihẹ imẹ ụwa kẹ ụnụ rị nwan a kpọ oku ẹ arụ, makẹni m sị, ‘M wụ Nwa Osolobuẹ’?

Jọnụ 3:16

“Makẹni Osolobuẹ nwọn ihiẹn-ọsụsụọ ndị rị ụwa ọda-ọda, ya haịn o gi we akpụ Nwa ohu o nwọn ye, n'ọ wụrụ nị onyẹ ọwụlẹ kwerinin'ẹ alakọ iwi, kama o nwọn ndụn itẹbitẹ.

Jọnụ 6:38

Makẹni, aghanị m elu-igwee bịa d'e mẹ uche m, kanị uche onyẹ hụn zihẹni m.

Jọnụ 8:42

Jizọsị nọ sị wẹ, “Omẹni Osolobuẹ te wụ Nẹdi ụnụ, nkẹ ihiẹn m a sụọ ụnụ, makẹni m gha ẹka Osolobuẹ bịa; ịya mẹ m nwan rị ebeni. Ẹlẹ mmẹ gi ihiẹn ẹka m bịa, ịya zihẹ m.

Ọrụn Ndị-ozi 1:7

Ya Jizọsị nọ shịarị wẹ, sị, “Chuku-Nẹdi gi ẹka e ku ogẹn lẹ ụdị ogẹn ndị ahụn, ẹlẹ hụn ụnụ e gi marịn.

Ndị Rom 1:3

Oziọmanị rị e ku oku Nwa Osolobuẹ hụn gha ebọn Defidi bịa kẹ ịhịan.

Ndị Rom 15:8

Makẹni Kraịstị bịa d'a wụrụ odibo ndị Ju, kẹni ọ ghọsị nị Osolobuẹ wụ onyẹ ezioku ghahanị imẹzu nkwa Osolobuẹ kwe ndị nẹdi wẹ kanị;

Ndị Rom 5:6

Makẹni, Kraịstị nwụndọnni ẹnyi ndị njọ ọnwụn ogẹn ndụn gilẹni rị ẹnyi, ogẹn o gi rịchanrịn mkpa.

Ndị Rom 8:3

Makẹni, ihiẹn nwẹn Iwu Mozizi salẹni ẹka mẹ yeni ndụn arị ịhịan, Osolobuẹ e mẹgụọ a nwan ghahanị izihẹ Nwa a nọkẹ ịhịan mmaka hụn ndị-njọ wụ, kẹni o wepụ njọ, Osolobuẹ nọ gi ẹ ma njọ rị imẹ ịhịan ikpe.

Ndị Rom 9:5

Ebraham lẹ ndị nẹdi mbụ hụ wẹ marịn amarịn wụ ndị nke wẹ; ebọn wẹ kẹ wẹ mụye Kraịstị nọkẹ ịhịan — Kraịstị hụn wụ Osolobuẹ hụn ịhịan ile lẹ ihiẹn ile rị okpuru ẹ, ịja-mma ya rịn'a jẹnrin ejẹn! Isẹẹ.

Ndị Ẹfẹsọsụ 1:10

Ihiẹnni k'o rotọ: nị ogẹn zu, o wegbama ihiẹn ile che okpuru Kraịstị — kẹ ihiẹn rị elu-igwee kẹ ihiẹn rị elu-ụwa.

Ndị Kolosị 2:14

Ọ nọ kagbu ụgwọ ile ẹnyi gi ebe wẹ detu ẹ, iwu ile ikpe gi ma ẹnyi, wepụ a, kpọ a ye elu-obe Kraịstị.

Timoti Ibuzọ 2:6

hụn we enwẹn ẹ ye, kẹni ọ wụrụ ihiẹn w'e gi gbapụha ịhịan ile. Osolobuẹ a shịagụọ ẹri banyeni ihiẹnni ogẹn furuni.

Timoti Ibuzọ 3:16

W'a rụ ụka a, ihiẹn-omimi rị ofufe Osolobuẹ e hikẹ — nị O gi ẹhụ pụha, Mmọn-nsọ a ghọsị nị ịya rọ nke-esi; ndị mmọn-ozi a hụnghọ a. Ịhịan e zisọnmẹgụọ ozi ẹ alị ichẹn-ichẹn; e kwerigụọnị w'a imẹ ụwa. O gi ọghọ lashi elu-igwee.

Hibru 2:14

Ya wụ, ebe o mẹni ụmụ a hụ wụ ịhịan hụn nwọn ẹhụ-lẹ-ẹdeke, ya nwẹn nọ sọn wẹ wụrụ ihiẹn ohu hụ, kẹni ọ nwụnhụn, gi ọnwụn a tikpọ onyẹ hụn ọnwụn rị ẹka a, ya wụ Ekwensụ,

Hibru 9:10

Makẹni oyiye lẹ ẹjan ndịnị wụhụ oku ihiẹn-oriri lẹ ihiẹn-ọrịra lẹ nchanchan rị ichẹn-ichẹn wẹ gi e dọn nsọ, omẹnalị ẹnya e legha wẹ buche wẹ olu d'e ru ogẹn ihiẹn rịchanrịn mma e gi pụha.

Jọnụ Ibuzọ 4:14

Ẹnyi a hụngụọ a, ku ẹ, nị Chuku-Nẹdi e zihẹgụọ Nwa a d'a wụ Onyẹ-nzụọpụha ụwa.

Jọnụ Ibuzọ 4:2

Ọnwan kẹ ụnụ e gi marịn hụn wụ nke Osolobuẹ: hụn ọwụlẹ sị nị Jizọsị Kraịstị gi ẹhụ ịhịan bịa, ọhụn wụ nke Osolobuẹ,