Ndị Galeshịa 4:3 - Ika

³ Ẹrịra kẹ ẹnyi nọ kẹ ẹnyi rị ụmụẹka, ẹnyi wụsọnmẹ igbọn okpuru mmọn lẹ iwu lẹ ihiẹn ile wẹ gi e dọn ẹnya elu-ụwa.

Ndị Galeshịa 4:3 ပူးပေါင်းရင်းမြစ်များ

Matiu 11:28

“Bịa nị d'e kunrun m, ụnụ ile ndụn gụ, bu ibu nyịnnị, m jẹnkọ d'e ye ụnụ ezumikẹn.

Jọnụ 8:31

Ya kẹ Jizọsị nọ sị ndị Ju hụn kwerinin'ẹ, “Omẹni ụnụ e sọnsọnmẹ nkuzi m, ụnụ wụ ndị nsọnmazụụn m nke-esi;

Ọrụn Ndị-ozi 15:10

Kị ụnụ rị nwan e buni okẹn ibu e che ndị kwerini olu a chọ ihiẹn rị Osolobuẹ ọnụ, ibu hụn o mẹni kẹ ẹnyi kẹ ndị nẹdi ẹnyi kanị asanị ẹka bu?”

Ndị Rom 7:14

Ẹnyi a marịnghọ nị Iwu wụ ihiẹn imẹ-mmọn, kanị mmẹ nwẹn wụ ịhịan-mmaka nwọnlẹni Mmọn-nsọ — nị m wụ igbọn njọ.

Ndị Rom 8:15

Makẹni mmọn hụn Osolobuẹ ye ụnụ ẹlẹ mmọn igbọn, hụn ụnụ e gi tụmazị egun, kanị Osolobuẹ ye ụnụ mmọn hụn o gi mụnrụn ụnụ, mmọn ahụn e mẹ ẹnyi a hị Osolobuẹ, “Baba! Baba Nẹdi m!”

Ndị Kọrẹntị Nke Ẹbụọ 11:20

Ụnụ a nabanhanka onyẹ ọwụlẹ e mẹ ụnụ kẹ igbọn mọbụ e rigbu ụnụ mọbụ a tụnarịn ụnụ ihiẹn ụnụ mọbụ e mẹ nọkẹsị ọ rịka mkpa mọbụ a madẹ ụnụ ọra!

Ndị Galeshịa 2:4

kanị ndị ahụn gi nzuzue banhan, e mẹ nọ kẹ sị wẹ wụ ndị kwerini, e te kughọ oku ịkwa ugun. Wẹ bịa d'e lele ụdị inwọnrin-enwẹn hụn ẹnyi nwọn imẹ Kraịstị Jizọsị, kẹni wẹ buzi ẹnyi che imẹ igbọn.

Ndị Galeshịa 3:19

Kị Osolobuẹ webanhannị nwan Iwu? Njọ haịn. O webanhan a n'ọ rụn d'e ru ogẹn nwa ahụn wẹ kwe nkwa hụ e gi bịa. Wẹ gha ẹka ndị mmọn-ozi tumẹ Iwu hụ, we ẹ ye ụkọ ye wẹ.

Ndị Galeshịa 4:2

ọ rịsọnmẹ okpuru ndị e dun'ẹ lẹ ndị e lepụ a ẹnya d'e ru ogẹn nẹdi ẹ kaye.

Ndị Galeshịa 4:24

Ẹnyi k'a s'ẹka gi ihiẹn ndịnị ghọsị ihiẹn: wẹ gi ikpoho ẹbụọnị e ku oku nkwerigbama ẹbụọ. Ohu wụ hụn wẹ nọ elu Ugu Saịnaị mẹmẹ. Ọhụn kẹ Haga nọkin ẹnya a; ọ mụ ụmụ, a wụrụ wẹ igbọn.

Ndị Galeshịa 4:25

Haga nọkin ẹnya Ugu Saịnaị hụn rị imẹ atụ alị Arebịa. Ọ ghọsị obodo Jerusalẹm hụn rị ogẹnni, makẹni Jerusalẹm lẹ ụmụ a wụ igbọn kikẹnni.

Ndị Galeshịa 4:31

Umunẹ m, ẹnyi ẹlẹ nwan ụmụ okpoho hụ wụ igbọn, kama, ụmụ okpoho ahụn wụlẹni igbọn kẹ ẹnyi wụ.

Ndị Galeshịa 4:8

Mgbe mbụ, ogẹn ụnụ kelẹni marịn Osolobuẹ, ụnụ te wụ igbọn ihiẹn ichẹn-ichẹn furulẹni w'e fe hụn ụnụ e fe.

Ndị Galeshịa 4:9

Kanị hụnnị ụnụ marịngụ Osolobuẹ, mba, hụnnị Osolobuẹ marịngụ ụnụ, kị ụnụ burukọzịnị mmọn lẹ iwu lẹ ihiẹn ndị ahụn nwọnlẹni isi ndụn rịlẹni hụn ịhịan mmaka gi e dọn ẹnya nị ụnụ d'e họnrinzi igbọn wẹ?

Ndị Kolosị 2:20

O mẹ nwan nị ụnụ e sọngụọ Kraịstị nwụnhụn, ụnụ a nwụnnahịngụọ mmọn lẹ iwu ile wẹ gi e dọn ẹnya elu-ụwanị. Kị ụnụ a gbayeni nwan omẹnalị lekẹ sị ụnụ wụzị nke ụwa?

Ndị Kolosị 2:8

Kpachanpụ nị ẹnya amamgbe w'e gi okẹn ịmarịn-ihiẹn hụn rulẹni alị hụn e dufieni kwọndọn ụnụ: makẹni nkuzi ịhịan lẹ mmọn lẹ iwu ndị wẹ gi e dọn ẹnya elu-ụwanị kẹ wẹ sọnkọ, ẹlẹ Kraịstị.

Hibru 5:12

Ẹghẹẹ, ụnụ te furu nwan a kuzi ndị ọzọ, kanị ụnụ e họnrinzi ndị w'a kuzimẹzi ihiẹn ibuzọ rị oku Osolobuẹ! Ụnụ e họnrinzi ndị wẹ e ye mirin-ẹran mmaka ẹlẹ ihiẹn-oriri ndị ka ẹhụ!

Hibru 7:16

onyẹ nchụn-ẹjan wụlẹni onyẹ ebọn Iwu ku, kanị hụn wụ onyẹ nchụn-ẹjan makẹni o nwọnghọ ikẹn o gi a rị ndụn jẹnrin ejẹn: