Ndị Galeshịa 4:19 - Ika

¹⁹ Ụmụ m, imẹ ụnụ e mẹmẹzi m kẹ okpoho rị imẹ, imẹ hụn sikọ d'e mẹ m d'e ru ni ndụn Kraịstị a gbọrị imẹ ndụn ụnụ,

Ndị Galeshịa 4:19 ပူးပေါင်းရင်းမြစ်များ

Azaya 53:11

Ọ tagụ afụnfụn, nwụnhụn, ọ k'a hụn ihiẹn ọ rụn, ẹfọ e jun ẹ. Odibo m k'e mẹ wẹ hatu ndị bu ọda ikpe ma hụn sikọ d'a marịnn'a — o k'e buru njọ wẹ.

Luku 22:44

Ọ nọ gi okẹn-ụfụ ọ rị mẹkẹnmẹ ekpere; ọbanje ẹ nọ kẹ ẹdeke rị a tantuni.

Ndị Rom 13:14

Kama, yiri ni Di-nwọnni-ẹnyi wụ Jesu Kristi kẹ ẹwuru, eyelẹ ni onyẹ hụ ụnụ wụ mbụ lẹ eje-ihiẹn a gụnn'a efe.

Ndị Rom 8:29

Osolobuẹ a marịngụọ wẹ n'o d'a kpọ wẹ. Ya ọ nọ họtọ wẹ n'o k'e mẹ wẹ wụrụ ndị rị kẹ Nwa a, kẹni Nwa a wụrụ nwa-ibuzọ imẹ ụmụ bụ ọda.

Ndị Kọrẹntị Nke Ẹbụọ 12:14

Lee n'ẹ, a kwademẹgụọ m nwan nị m lala d'a hụn ụnụ nke mgbe ẹtọ. Kanị m bịa, anakọ m ụnụ ihiẹn ọwụlẹ makẹ m gha e mẹ ụnụ ibu olu. Makẹni, ụnụ kẹ m chọkọ, ẹlẹ ihiẹn ụnụ. Ẹghẹẹ, ẹlẹ ụmụ a kpatọnị ndị mụnị wẹ, ndị mụnị wẹ nwọn a kpatọnị wẹ.

Ndị Ẹfẹsọsụ 4:13

D'e ru ni ẹnyi ile a wụrụ ohu imẹ ofufe Jesu lẹ ịmarịn Nwa Osolobuẹ, wụrụ ndị ka ẹhụ, sueruchanrịn ogo Kraịstị, nọchanrịn kẹ ya;

Ndị Ẹfẹsọsụ 4:24

ụnụ e yiri onyẹ ọhụn ahụn wẹ gi ụdị Osolobuẹ ke, hụn nwọn ezi-omumẹ lẹ ezigbo ịrị-nsọ.

Ndị Filipi 1:8

Osolobuẹ wụ ọshẹri m nị ụnụ a da m ọda-ọda, ọdịda hụn gha ẹka Kraịstị wụ Jizọsị bịa.

Ndị Filipi 2:17

Ọsụọn'a nwan nị wẹ rị nwan e hupụ ndụn m nọkẹ manya e cheni okukwe ụnụ nọkẹ ẹjan wẹ rị a chụnyeni Osolobuẹ, ẹfọ rị a sụọ m ụsụọ; m rị e sọn ụnụ a ghọghọ!

Ndị Filipi 2:5

A gụn nị agụngụn ohu hụ Kraịstị wụ Jizọsị gụn:

Ndị Kolosị 1:27

Ọ chọ nị ndị alị ọzọ marịn okẹn ihiẹn-omimini rịgbu enwẹn ẹ mma. Ihiẹn omimi hụ wụ nị ụnụ e nwọngụọ Kraịstị, lemẹ ni nwan ẹnya ọghọ hụ Osolobuẹ k'e ye.

Ndị Kolosị 2:1

M chọ nị ụnụ marịn kẹ m dọn rị a lụnị ụnụ lẹ ndị rị Laodishia lẹ ndị ọzọ ile kelẹni hụntu m.

Ndị Kolosị 3:10

ụnụ e yirigụọ ndụn ọhụn hụn rị a marịnwaye onyẹ ken'ẹ, a rịwaye kẹ ịya.

Ndị Kolosị 4:12

Ẹpafrasị onyẹ alị ụnụ hụn wụzị odibo Jesu Kristi e kele ụnụ. Ẹpafrasị e shini ụnụ ọnwụn ọda-ọda imẹ ekpere. Ọ rịọsọnmẹ Osolobuẹ n'o mẹ ụnụ turukẹnmẹ, ka-ẹhụ, marịn ihiẹn ụnụ rị e mẹ ebe ihiẹn ọwụlẹ wụ uche Osolobuẹ rị.

Ndị Tẹsalonika Ibuzọ 2:7

Ẹnyi te furu hụn a dọ ụnụ ihiẹn runi ẹnyi nọkẹ ndị-ozi pụ-ichẹn Kristi, kama, ẹnyi gụn agụngụn ụmụẹka imẹ igunrun ụnụ, e gi ẹka-alụlụa e sọn ụnụ kẹ nnẹ-ọmụmụ dọn e mẹ ụmụ a.

Timoti Ibuzọ 1:2

M rị e dejẹnni Timoti wụ ezigbo nwa m imẹ okukwe. Ẹfọma lẹ omikẹn lẹ udọn Chuku-Nẹdi lẹ Kraịstị wụ Jizọsị Di-nwọnni-ẹnyi ya rịnị ị.

Taịtọsụ 1:4

M rị e dejẹnni Taịtọsụ, hụn wụ ezigbo nwa m imẹ okukwe ẹnyi. Ẹfọma lẹ udọn, hụn gha ẹka Osolobuẹ Nẹdi ẹnyi lẹ Kraịstị wụ Jizọsị Onyẹ-nzụọpụha ẹnyi a bịa, ya rịn'ị.

Filemọnụ 1:10

M rị a rịọ ị makẹ nwa m wụ Onesimọsụ, hụn m mụnrụn imẹ ngannị m rị.

Filemọnụ 1:19

Mmẹ wụ Pọlụ gi ẹka m de ọnwan: Ẹghẹẹ, gụn a yeni m; m k'a kụ a. Ẹlẹ mmẹ nwọn gwazị ị nị i gi m ụgwọ — n'i gi m ụgwọ enwẹn i.

Hibru 5:7

Ogẹn Jizọsị gi rị elu ụwanị, o mẹ ekpere, a rịọ Osolobuẹ arịrịọ; e gi okẹn ẹkwan lẹ ẹnya-mirin a kpọku Osolobuẹ hụn k'a saẹka zụọpụha a imẹ ọnwụn, Osolobuẹ nọ nụ ekpere ẹ makẹni ọ lachanrịn enwẹn ẹ tọnị Osolobuẹ.

Jemisi 1:18

Ịya gi uche ẹ mụnrụn ẹnyi, ghahanị oku ẹ hụn wụ ezioku, kẹni ẹnyi wụrụ nke ẹ imẹ ihiẹn ile o ke, nọkẹ mkpụrụ ibuzọ.

Jọnụ Ibuzọ 2:1

Ụmụ m, m rị e deni ụnụ ihiẹn ndịnị amamgbe ụnụ gha e mẹ njọ. Kanị, omẹni ịhịan mẹ njọ, ẹnyi nwọn onyẹ a rịọdọnni ẹnyi Chuku-Nẹdi: Jesu Kristi hụn rị ọchan rọ.

Jọnụ Ibuzọ 2:12

Ụmụẹka, m rị e deni ụnụ nị m gi gwa ụnụ nị Osolobuẹ e gigụọ ufiri ẹfan Jizọsị gbagharị ụnụ njọ.

Jọnụ Ibuzọ 5:21

Ụmụẹka, gba nị nị mmọn ile wụlẹni Osolobuẹ ọsọ!

Jọnụ Nke Ẹtọ 1:4

Onwọnni ihiẹn e mẹ m a ghọghọ nọkẹ ebe m nọ nụ nị ụmụ m rị e bi kẹ Ezioku dọn chọ.