Ndị Galeshịa 4:14 - Ika

¹⁴ Kanị, ụnụ etuni ụya rị m ẹhụ hụn mẹ ụnụ ibu, ụnụ elegberini m, ụnụ ajụnị m; kama, ụnụ nabanhan m nọkẹ sị m wụ mmọn-ozi Osolobuẹ, nọkẹ sị m wụ Kraịstị Jizọsị lẹ enwẹn ẹ.

Ndị Galeshịa 4:14 ပူးပေါင်းရင်းမြစ်များ

Samuẹlụ Nke Ẹbụọ 14:17

Igbọn i rị nwan a sị, ‘Oku eze nwọnni m ku ya dodo wẹhẹni m ihiẹn obi e gi ru m alị, makẹni eze nwọnni m nọ kẹ mmọn-ozi Chuku makẹni ọ marịnghọ ihiẹn rị mma lẹ ihiẹn rịlẹni mma. Osolobuẹ wụ Chuku ya nọyen'i-oo!’ ”

Samuẹlụ Nke Ẹbụọ 19:27

O kujagụọdẹ oku mmẹ wụ odibo i ebe ịyụ wụ eze nwọnni m rị. Eze nwọnni m marịn ihiẹn ile — nọkẹ mmọn-ozi Chuku; mẹ nwan ihiẹn ọwụlẹ sụọn'ị.

Jobu 12:5

Ndị ẹhụ fu hụ a mụ ndị eje-ihiẹn mẹ ẹmụ — a sị nị ndị danpụ imẹ okukwe kẹ eje-ihiẹn e kunrun.

Ẹbụ-ọma 119:141

Onwọnni ihiẹn m wụ, wẹ legberi m elegberi; kanị m'a ra zọ iwu i.

Ẹkịliziastisi 9:16

Ya m nọ sị, “Akọ-lẹ-uche ka mma karị akwanran.” Kanị w'e legberi amamihiẹn ogbẹnnyẹ, w'a ra gi oku ẹ dọn.

Zẹkaraya 12:8

O ru ogẹn hụ, Osolobuẹ k'e che ndị bi Jerusalẹm nche; ndị ndụn te rịlẹni imẹ wẹ ogẹn ahụn k'e zedẹ kẹ Defidi; ebọn Defidi wụ eze k'a rị kẹ Chuku lẹ enwẹn ẹ, nọkẹ mmọn-ozi Osolobuẹ, buruni wẹ ụzọ.

Malakaị 2:7

Makẹni ọnụ onyẹ nchụn-ẹjan kẹ wẹ nọ a hụn amamihiẹn, ọnụ a kẹ wẹ nọ a mụnrụn Iwu Osolobuẹ — makẹni ụkọ Osolobuẹ k'ọ wụ.

Matiu 10:40

“Onyẹ nabanhan ụnụ, mmẹ k'ọ nabanhan; onyẹ nabanhannị m nabanhan onyẹ zihẹni m.

Matiu 18:5

Onyẹ ọwụlẹ hụn gi ufiri ẹfan m nabanhan nwata nọ ẹnịna a nabanhangụọ m.

Matiu 25:40

Eze sikọ d'a za wẹ, sị, ‘M rị a gwa ụnụ ezioku, ebe ụnụ nọ mẹni onyẹ kachanrịndẹ ntịn imẹ umunẹ m ndịnị ya, mmẹ kẹ ụnụ mẹn'ẹ!’

Luku 10:16

“Ọ nọ sị ndị nsọnmazụụn a, ‘Onyẹ gọn ụnụ ntịn, mmẹ k'ọ rị e gọn ntịn; onyẹ jụ ụnụ, mmẹ k'ọ jụ; onyẹ ọwụlẹ jụnị m rị a jụ onyẹ zihẹni m.’ ”

Jọnụ 13:20

Ezioku kẹ m rị a gwa ụnụ, onyẹ hụn nabanhan onyẹ m zi, nabanhan m; onyẹ nabanhannị m, nabanhan onyẹ zihẹni m.”

Ndị Kọrẹntị Ibuzọ 1:28

Osolobuẹ họrị ihiẹn mmaka lẹ ihiẹn ụwa e legberi, ọ họrị ihiẹn nwọnlẹni ihiẹn ọ wụ, kẹni o gi wẹ budan ihiẹn wụ ihiẹn.

Ndị Kọrẹntị Ibuzọ 4:10

Ẹnyi wụ ndị nzuzu makẹ Kraịstị, ụnụ nwẹn a marịnka ihiẹn imẹ Kraịstị! Ẹnyi rị alụlụa, ụnụ nwẹn ze e ze! Wẹ hụ a gbaye ụnụ, kanị wẹ hụ e lelịa ẹnyi!

Ndị Kọrẹntị Nke Ẹbụọ 5:20

Ndị-nnọkin ẹnya Kraịstị kẹ ẹnyi wụ nwan, Osolobuẹ gi ẹnyi a rịọ ụnụ; ẹnyi rị nwan a rịọdọnni Kraịstị: dodo ni, “Kinhẹn ni d'e kunrun Osolobuẹ!”

Ndị Galeshịa 3:26

Ụnụ ile wụ ụmụ Osolobuẹ ghahanị okweri ụnụ kwerini Kraịstị wụ Jizọsị,

Ndị Galeshịa 3:28

Ya wụ nị onwọnzini ihiẹn rị ichẹn ẹgbata ndị Ju lẹ ndị wụlẹni ndị Ju; ẹgbata igbọn lẹ onyẹ nwọn enwẹn ẹ; ẹgbata ikẹnnyẹ lẹ ikpoho: ẹnyi ile wụ ohu imẹ Kraịstị wụ Jizọsị.

Ndị Galeshịa 4:13

Ụnụ a marịnghọ nị emu rị a kụnị m ogẹn ahụn wẹhẹni m oghere m gi zi ụnụ oziọma isi-ibuzọ ahụn.

Ndị Galeshịa 4:15

Kị mẹzi ịghọghọ hụ ile ụnụ nwọn ogẹn hụ?! M rị a shịa ẹri nị, omẹni ọ te rị nfe, nkẹ ụnụ a gụye m akp'ẹnya ụnụ, omẹni o te k'e yeni m ẹka!

Ndị Tẹsalonika Ibuzọ 2:13

Ẹnyi a kpanmịnzị Chuku ogẹn ile, nị, ụnụ anabanhannị oku-Chuku ụnụ nụ ọnụ ẹnyi nọkẹ oku ịhịan, kanị nọkẹ oku-Chuku hụ ọ wụ nke-esi, hụn rị nwan a rụn ọrụn imẹ ndụn ụnụ ndị kwerini.

Ndị Tẹsalonika Ibuzọ 4:8

Onyẹ jụ nwan n'o gikọ iwu ndịnị bi, ẹlẹ ịhịan k'ọ rị e legberi kanị Osolobuẹ hụn ye ụnụ Mmọn-nsọ a.

Hibru 13:2

Egikwọlẹ ni ịnabanhan ndị ọbịa gu egu, makẹni o nwọngụọ ndị gi ẹ nabanhan ndị mmọn-ozi, lee wẹ ọbịa, bụ a marịn wẹ nị ndị-mmọn ozi rọ.