Ndị Galeshịa 3:22 - Ika

²² Kanị Ẹkụkwọ-nsọ e kugụọ a nị ịhịan ile rị ẹgbụn njọ, ndị kwerini nwan Jesu Kristi kẹ Osolobuẹ e ye ihiẹn Osolobuẹ kwe nkwa a.

Ndị Galeshịa 3:22 ပူးပေါင်းရင်းမြစ်များ

Ẹbụ-ọma 143:2

Dodo, akpọlẹ mmẹ wụ odibo i kpe, makẹni onwọnni onyẹ rị ndụn hụn rị ọchan ẹnya ị,

Makị 16:16

Onyẹ hụn kwerini, e mẹ wẹ ẹ mirin-Chuku, jẹnkọ d'e nwọn nzụọpụha; kalẹ, onyẹ kwerilẹni, ikpe jẹnkọ d'a ma a.

Jọnụ 12:46

M bịa imẹ ụwa d'a wụ ukpẹ kẹni, onyẹ kwerinini m, ọ rịkọ imẹ ishi.

Jọnụ 20:31

Kanị, wẹ deye ndịnị kẹni ụnụ hụn ụzọ kweri nị Jesu wụ Kraịstị (hụn wụ Onyẹ Nzụọpụha Hụ Osolobuẹ Tumẹ), Nwa Osolobuẹ, kẹni ụnụ gi ẹfan a nwọn ndụn ghahanị okweri ụnụ kwerin'ẹ.

Jọnụ 3:36

Onyẹ hụn kwerini Nwa Osolobuẹ nwọn ndụn itẹbitẹ; onyẹ kwerilẹnini Nwa Osolobuẹ ahụnkọ ndụn; kama, iwe-lẹ-ọnụma kẹ Osolobuẹ k'e gi sọn ẹ.”

Jọnụ 5:24

“M rị a gwa ụnụ ezioku, nị onyẹ nụ oku m kweyeni onyẹ zihẹni m, hụnyẹ e nwọngụọ ndụn itẹbitẹ. Amakọ w'a ikpe, kama, ọ ghagụọdẹ ọnwụn banye ndụn.

Jọnụ 6:40

uche Nẹdi m wụ nị onyẹ hụn Nwa, kwerin'ẹ, jẹnkọ d'e nwọn ndụn itẹbitẹ; m sikọ d'e weli ẹ Ụhụọhịn ikpanzụụn.”

Ọrụn Ndị-ozi 16:31

Wẹ nọ sị a, “Kweri ni Di-nwọnni-ẹnyi wụ Jesu, i k'e nwọn nzụọpụha — kẹ yụ kẹ ezi-lẹ-ụlọ ị!”

Ndị Rom 10:9

nị, i gi ọnụ ị ku ẹ nị Jesu wụ Di-nwọnni i, kweri imẹ obi i nị Osolobuẹ gha ọnwụn weli ẹ, i k'e nwọn nzụọpụha.

Ndị Rom 11:32

Makẹni, Osolobuẹ a gụngụọ ịhịan ile ye ndị nnupụ-isi, kẹni ọ hụn ụzọ mẹni ịhịan ile omikẹn.

Ndị Rom 3:22

ezi omumẹ Osolobuẹ hụn a bịa ghahanị ikwerini Jizọs Kraịstị rọ; o ru ndị ile kwerini ẹka, ara tu onyẹ ịhịan wụ,

Ndị Rom 3:23

makẹni ịhịan ile e mẹgụọ njọ, tuhu ọghọ Osolobuẹ ye wẹ;

Ndị Rom 5:12

Ya wụ, kẹ njọ dọn gha ẹka okẹnnyẹ ohu wụ Adam banhan imẹ ụwa, buhẹ ọnwụn, ẹrịra kẹ ọnwụn dọn ru ịhịan ile ẹka makẹni ịhịan ile mẹ njọ.

Ndị Galeshịa 3:14

Ọ gbapụha ẹnyi kẹni ngọzi Osolobuẹ gọzi Ebraham hụn ụzọ ruzi ndị alị ndị ọzọ wụlẹni ndị Ju ẹka, ghahanị Kraịstị wụ Jizọsị, kẹni ẹnyi hụn ụzọ gi okukwe nwọnhẹn Mmọn-nsọ ahụn Osolobuẹ kwe nkwa a.

Ndị Galeshịa 3:17

Ihiẹn m gi ẹ e ku wụ nị Osolobuẹ e biyegụọ nkwerigbama hụ ẹka, tumẹ ẹ; Iwu wẹ webanhan kẹ ọrọgbọ ahụa iri-kwasị-ọgụn kwasị nnụ (430) gharịgụ asakọ nwan ẹka kagbu nkwerigbama Osolobuẹ biyegụ ẹka lẹ nkwa o kwe imẹ nkwerigbama ahụn.

Ndị Galeshịa 3:23

Kẹ ẹnyi kelẹni kweri ni Kraịstị, Osolobuẹ bu ẹnyi dọnmẹ okpuru Iwu, kpọkin ẹnyi ye, nọkẹ ndị ngan, e che ogẹn okukwe e gi bịa.

Ndị Galeshịa 3:29

O mẹ nwan nị ẹnyi wụ nke Kraịstị, ụmụ Ebraham kẹ ẹnyi wụ, ndị sikọ nwan d'e nwọnhẹn ihiẹn Osolobuẹ kwe nkwa a.

Timoti Nke Ẹbụọ 1:1

Mmẹ wụ Pọlụ de ẹkụkwọ-ozini. M wụ onyẹ-ozi pụ-ichẹn Kraịstị wụ Jizọsị ghahanị uche Chuku. Wẹ tumẹ m onyẹ-ozi pụ-ichẹn d'a rụn ọrụn Osolobuẹ gha e mẹzu nkwa ahụn o kwe n'o k'e ye ndị rị imẹ Kraịstị wụ Jizọsị ndụn.

Hibru 9:15

Ya wụ nị Jizọsị wụ onyẹ e wegbamanị imẹ nkwerigbama ọhụn, hụn ndị wẹ kpọ oku e gi nwọnhẹn nkwa itẹbitẹ Osolobuẹ kwe, ebe o mẹni o nwọngụọ onyẹ nwụnhụnnị wẹ gi ndụn a gbapụha wẹ amamgbe njọ wẹ mẹ okpuru nkwerigbama ibuzọ e ri isi wẹ.

Pita Nke Ẹbụọ 1:4

Ihiẹn ahụn ile o nwọn lẹ ọchan ọ rị k'o gha nwan kwe ẹnyi nkwa okẹn ihiẹn rị ichẹn-ichẹn w'a chọ achọ, kẹni ụnụ gi wẹ bịa d'a rị kẹ Osolobuẹ, ebe ụnụ nọ wanahịngụ ụrụ rị imẹ ụwa lẹ ihiẹn ọlịlẹnya hụn e buhẹn'ẹ.

Pita Nke Ẹbụọ 3:13

Kanị, ẹnyi rị a tụ ẹnya igwere ọhụn lẹ ụwa ọhụn Osolobuẹ kwe nkwa a — ebe ihiẹn ile rị ọchan jẹnkọ d'e bi.

Jọnụ Ibuzọ 2:25

o kweọlẹ ẹnyi nkwa ndụn itẹbitẹ.