Ndị Galeshịa 2:9 - Ika

⁹ Ogẹn Jemisi lẹ Pita lẹ Jọnụ, ndị wẹ weri kẹ ndị-isi, gi hụn nị ẹka Osolobuẹ rị imẹ m, wẹ nọ na mmẹ lẹ Banabasị ẹka, nị ẹnyi lẹ wẹ wụ ohu, nị ẹnyi gha a rụn imẹ ndị wụlẹni ndị Ju, hụn wụ ndị kwalẹni ugun, wẹ nwẹn hụ a rụn imẹ ndị Ju, hụn wụ ndị kwa ugun.

Ndị Galeshịa 2:9 ပူးပေါင်းရင်းမြစ်များ

Ndị-nze Nke Ẹbụọ 10:15

Ọ ghagụ ebẹhụ pụ, ọ nọ zu Jehonadabụ nwa Rekabụ hụn lala d'e kunrun ẹ. Jehu nọ kele ẹ, sị a, “I buhụ m obi kẹ m dọn bu i obi?” Jehonadabụ nọ sị a, “Ẹghẹẹ, m buhụ i obi.” Jehu nọ sị a, “Omẹni i buhụ m obi, ye m nwan ẹka ị.” Ọ nọ ye ẹ ẹka a, Jehu nọ yen'ẹ ẹka banhan imẹ ụgbọ-ẹshin.

Matiu 16:18

M rị a gwa ị, ẹfan ị wụ Ọmụma; m jẹnkọ d'a tụn ụka m ye elu ọmụmanị, ọnwụn asaẹka mẹri ẹ.

Luku 22:8

Jizọsị nọ zi Pita lẹ Jọnụ, sị wẹ, “Jẹnmẹ ni d'e dọnkwama ihiẹn nị ẹnyi ri Oriri-nghafe.”

Jọnụ 1:42

Andrụ nọ we Saịmọnụ d'e kunrun Jizọsị. Jizọsị nọ bu ẹnya tụma Saịmọnụ, sị a, “Yụ wụ Saịmọnụ nwa Jọnụ. Ẹfan ị jẹnkọ nwan d'a wụ Kẹfasị.” (Kẹfasị wụ Pita ọnụ Griki hụn wụ Ọmụma).

Ọrụn Ndị-ozi 12:17

Ọ nọ gi ẹka sị wẹ gba nkịtịn. Ọ nọ kọwanị wẹ kẹ Di-nwọnni-ẹnyi dọn wepụha a imẹ ụlọ-ngan; ọ sị wẹ, “Gwa nị Jemisi lẹ ndị ụka họdụnị.” Ya ọ nọ pụ, shi ụzọ ọzọ.

Ọrụn Ndị-ozi 15:13

Pọlụ lẹ Banabasị e kugụ, Jemisi nọ sị, “Umunẹ m, gọn ni m ntịn:

Ọrụn Ndị-ozi 15:7

E kube wẹ, Pita nọ lihi ọtọ, sị wẹ, “Umunẹ m, ụnụ a marịnghọ kẹ Osolobuẹ dọn họpụha m imẹ ụnụ mbụ-mbụ, gi m mẹ ndị alị ọzọ nụ oziọma, kweri.

Ọrụn Ndị-ozi 4:36

Josẹfụ hụn ndị-ozi ahụn pụ-ichẹn tu “Banabasị” (hụn wụ, “Onyẹ nkasị-obi”) e mẹghọ ẹrịra. Josẹfụ wụ onyẹ ebọn Livaị alị Izrẹlụ, kanị alị Saịprọsụ kẹ wẹ nọ mụ a.

Ndị Rom 1:5

Osolobuẹ a ghalẹ nwan ẹka Jesu Kristini mẹni ẹnyi ẹfọma, gha ẹka a ye ẹnyi ọrụn ndị-ozi pụ-ichẹnni ẹnyi rị a rụn, kẹni ẹnyi hụn ụzọ wẹhẹ ndị alị ọzọ ile d'e kwerin'ẹ, humẹn'ẹ isi kẹ ndị kwerinin'ẹ, kẹni o gi ẹ ye ẹfan a ọghọ;

Ndị Rom 12:3

M rị e gi ikẹn Osolobuẹ ye m a sị onyẹ-onyẹ imẹ ụnụ: edọnmẹlẹ enwẹn i ebe i rulẹni, ka dọnrin ẹnya lele kẹ Osolobuẹ yehan ị okukwe, n'i dọnmẹ enwẹn i ebẹhụ.

Ndị Rom 15:15

Kanị, o nwọnghọ ihiẹn ndị m kushi ikẹn imẹ ẹhụhụọ-ozini kẹni m nyanhanzịnị ụnụ wẹ. M'e kushi ikẹn makẹ ẹka Osolobuẹ hụn rị imẹ ndụn m,

Ndị Kọrẹntị Ibuzọ 15:10

Kanị, m wụ nwan ihiẹn m wụ ghahanị ẹfọma Osolobuẹ; bụ ẹfọma hụ o mẹni m alanị nwan iwi. Kaka! Mmẹ rụnkarịdẹ wẹ ile. Kanị, ẹlẹ mmẹ rụn a, ẹka Osolobuẹ hụn rị imẹ ndụn m rụn a.

Ndị Kọrẹntị Nke Ẹbụọ 11:5

Kanị, eroni m'ẹ n'o nwọnghọ kẹ ndịnị ụnụ a kpọ “okẹn ndị-ozi pụ-ichẹn” dọn ka m.

Ndị Kọrẹntị Nke Ẹbụọ 12:11

E zuzuọlẹ m! Ụnụ haịn m gi mẹ ẹ! Ụnụ te furu hụn e kuni m ọhụnma — makẹni onwọnni ihiẹn ndịnị ụnụ rị a kpọ okẹn ndị-ozi pụ-ichẹn gi ka m, ọsụọn'a nị onwọnni ihiẹn m wụ.

Ndị Kọrẹntị Nke Ẹbụọ 8:4

Wẹ rịọ ẹnyi ọda-ọda, sị ẹnyi mẹ ọhụnma hapụ wẹ nị wẹ sọn ndị ọzọ tụ ihiẹnni wẹ rị a tụnnị ndị ụka Osolobuẹ rị Jerusalẹm;

Ndị Galeshịa 1:16

ọ nọ mẹ m marịn Nwa a, kẹni m zi ndị alị ndị ọzọ wụlẹni ndị Ju ozi Nwa a. Ogẹn o gi mẹ ẹ, ejẹnni m ozigbo d'a jụma ịhịan.

Ndị Galeshịa 1:18

Ahụa ẹtọ a ghafegụ, m nọ nwan shi Jerusalẹm d'a hụn Kẹfasị wụ Pita; m nọ sọn ẹ nọdị akpọhịn mmisẹn.

Ndị Galeshịa 2:1

Ahụa mmẹnọ a ghagụzị, m nọ shizi Jerusalẹm. Mmẹ lẹ Banabasị wị ogẹn ahụn, m werizi Taịtọsụ.

Ndị Galeshịa 2:2

M jẹn ebẹhụ makẹni Osolobuẹ ghọsị m ihiẹn; m nọ kọwanị wẹ oziọma m rị e zi imẹ igunrun ndị wụlẹni ndị Ju. Kanị nzuzue kẹ m nọ mẹ ẹ — ẹgbata mmẹ lẹ ndị wẹ weri nị wẹ wụ ndị-isi sụọ, amamgbe ọ wụrụ nị m rị a gba ọsọ ọlaliwi mọbụ nị hụn m gbapụ a lagụọ iwi.

Ndị Galeshịa 6:3

Onyẹ rị e ro n'o nwọnghọ ihiẹn ọ wụ bụ onwọnni ihiẹn ọ wụ, ọ rị e dufie enwẹn ẹ.

Ndị Ẹfẹsọsụ 2:20

Osolobuẹ a tụngụọ ụnụ nọkẹ ụlọ ye elu iyetọ ahụn wụ ndị-ozi pụ-ichẹn lẹ ndị-amụma. Ọmụma gi ụlọ ahụn wụ Jesu Kristi lẹ enwẹn ẹ.

Ndị Ẹfẹsọsụ 3:8

Ọsụọn'a nị mmẹ kachanrịndẹ ntịn imẹ ndị nke Osolobuẹ, o ye m oyiyeni kẹni m zi ndị alị ọzọ oziọmanị, gwa wẹ ezigbo ihiẹn nwọnlẹni ọgụgụ hụn jun imẹ Kraịstị,

Ndị Kolosị 1:29

Ịya kẹ m gi rị a rụnshi iken, e gi ikẹn ahụn ile hi-ogbe Kraịstị gi rị ọrụn imẹ m e shi ọnwụn.

Timoti Ibuzọ 3:15

kẹni, omẹni m bie d'a bịa, n'ị marịn k'o furu nị ịhịan e bi ikpụlọ Osolobuẹ, hụn wụ ụka Osolobuẹ, Chuku hụn rị ndụn. Ụka a nị wụ iyetọ lẹ adansụn ezioku.

Jọnụ Ibuzọ 1:3

Ẹnyi rị nwan a gwa ụnụ ihiẹn ẹnyi hụn lẹ ihiẹn ẹnyi nụ, kẹni ụnụ hụn ụzọ bannị ẹnyi — makẹni Nẹdi ẹnyi lẹ Nwa a wụ Jesu Kristi kẹ ẹnyi lẹ wẹ rị.

Rẹvẹleshọnụ 3:12

Onyẹ hụn mẹrini kẹ m k'e gi họnrin adansụn imẹ Ụlọ-nsọ Osolobuẹ m, ọ pụkọzị ebẹhụ kaka! M k'e de ẹfan Osolobuẹ m lẹ ẹfan Jerusalẹm ọhụn wụ obodo uku Osolobuẹ m ye ẹ ẹhụ, Jerusalẹm hụn k'a gha elu-igwee lẹ ẹka Osolobuẹ m bịa; m k'e dezikwọ ẹfan ọhụn m ye onyẹ ahụn ẹhụ.