Ndị Galeshịa 2:7 - Ika

⁷ Kama, o weghọdẹ wẹ ẹnya nị Osolobuẹ e bugụọ ọrụn izi ndị alị ọzọ kwalẹni ugun oziọma che m ẹka k'o dọn ye Pita ọrụn izi ndị Ju kwa ugun oziọma.

Ndị Galeshịa 2:7 ပူးပေါင်းရင်းမြစ်များ

Ọrụn Ndị-ozi 15:12

Ndị hụ ile zu ebẹhụ nọ gba nkịtịn, gọnmẹ Pọlụ lẹ Banabasị ntịn: wẹ nọ gwama wẹ ihiẹn-nghọsị lẹ ọrụn-atụmẹnya Osolobuẹ gi wẹ rụn imẹ igunrun ndị alị ọzọ.

Ọrụn Ndị-ozi 18:6

Ogẹn ndị Ju gi bunụman'a, kparimẹ ẹ, ya kẹ ọ nọ zinzinpụ uzunzun rị a ẹkwa tọnị wẹ gi gwa wẹ n'e mẹọlẹ wẹ eje-ihiẹn, ọ sị wẹ, “Ẹdeke ụnụ rị ụnụ isi! Ẹka m rị ọchan! Gha kikẹnni jẹnmẹ, e buru m ndị wụlẹni ndị Ju.”

Ọrụn Ndị-ozi 28:28

Marịn nị nwan n'e zigụọ wẹ ndị alị ọzọ ozi nzụọpụhanị gha ẹka Osolobuẹ bịa: nị wẹ gọnghọ ntịn!”

Ọrụn Ndị-ozi 9:15

Kanị Di-nwọnni-ẹnyi nọ sị a, “Jẹnmẹ, makẹni okẹnnyẹni kẹ m họrị n'ọ wụrụ ihiẹn-ọrụn m hụn k'e we ẹfan m jẹnni alị ndị ọzọ lẹ ndị-nze lẹ ndị Izrẹlụ;

Ndị Rom 1:5

Osolobuẹ a ghalẹ nwan ẹka Jesu Kristini mẹni ẹnyi ẹfọma, gha ẹka a ye ẹnyi ọrụn ndị-ozi pụ-ichẹnni ẹnyi rị a rụn, kẹni ẹnyi hụn ụzọ wẹhẹ ndị alị ọzọ ile d'e kwerin'ẹ, humẹn'ẹ isi kẹ ndị kwerinin'ẹ, kẹni o gi ẹ ye ẹfan a ọghọ;

Ndị Rom 11:13

M rị a gwa ụnụ ndị wụlẹni ndị Ju oku. Ebe o mẹ ni m wụ onyẹ-ozi pụ-ichẹn Osolobuẹ zijẹnni ndị wụlẹni ndị Ju, m'e mẹ oku ọrụn m ọda-ọda,

Ndị Kọrẹntị Ibuzọ 9:17

m wepụha obi m ile mẹ ẹ, nị m nwọnghọ ụgwọ-ọrụn; omẹni egini m obi m ile mẹ ẹ, ogbo m rọkwọ, m k'a rụnrịrị a.

Ndị Galeshịa 1:16

ọ nọ mẹ m marịn Nwa a, kẹni m zi ndị alị ndị ọzọ wụlẹni ndị Ju ozi Nwa a. Ogẹn o gi mẹ ẹ, ejẹnni m ozigbo d'a jụma ịhịan.

Ndị Galeshịa 1:18

Ahụa ẹtọ a ghafegụ, m nọ nwan shi Jerusalẹm d'a hụn Kẹfasị wụ Pita; m nọ sọn ẹ nọdị akpọhịn mmisẹn.

Ndị Galeshịa 1:6

Ọ tụka m ẹnya nị o ke mẹ emẹ ụnụ a latọma onyẹ ahụn gi ufiri ẹfọma Kraịstị kpọ ụnụ, nabanhanma “oziọma ọzọ;”

Ndị Galeshịa 2:11

Ogẹn Kẹfasị wụ Pita gi bịa Antịọkụ, m jụgbọ a elee-m, elee-i, makẹni o mẹfie hụn wẹ hụn ẹnya ogẹn ahụn.

Ndị Galeshịa 2:14

Ogẹn m gi hụn a nị ihiẹn wẹ rị e mẹ lẹ ezioku rị oziọma a dangbamanị, m nọ nọ idẹnya wẹ ile sị Pita, “Onyẹ Ju k'ị wụ, kanị ị rị e bi kẹ ndị wụlẹni ndị Ju, y'a rị e bi kẹ ndị Ju. Kị ị rị nwan a gwanị ndị wụlẹni ndị Ju nị wẹ k'e birịrị kẹ ndị Ju?”

Ndị Galeshịa 2:9

Ogẹn Jemisi lẹ Pita lẹ Jọnụ, ndị wẹ weri kẹ ndị-isi, gi hụn nị ẹka Osolobuẹ rị imẹ m, wẹ nọ na mmẹ lẹ Banabasị ẹka, nị ẹnyi lẹ wẹ wụ ohu, nị ẹnyi gha a rụn imẹ ndị wụlẹni ndị Ju, hụn wụ ndị kwalẹni ugun, wẹ nwẹn hụ a rụn imẹ ndị Ju, hụn wụ ndị kwa ugun.

Ndị Tẹsalonika Ibuzọ 2:4

Kanị, kẹ Osolobuẹ dọn weri ẹnyi kẹ ndị furu o gi e dọn ẹnya, bu ọrụn izi-oziọma che ẹnyi ẹka, ẹrịra kẹ ẹnyi e kuzi oku kẹ ndị furu wẹ gi e dọn ẹnya. Ẹnyi ara ku n'ọ sụọ ịhịan, kanị Osolobuẹ, Onyẹ hụn e lele obi ẹnyi.

Timoti Ibuzọ 1:11

Ezigbo nkuzini rị imẹ oziọma hụn Osolobuẹ, Onyẹ hụ furu w'a ja mma, buche m ẹka.

Timoti Ibuzọ 2:7

Ịya haịn wẹ gi tumẹ m onyẹ e zisọnmẹ ozi ẹ lẹ onyẹ-ozi pụ-ichẹn (m rị e ku ezioku, arị m a tụ ntụ) lẹ onyẹ a kuzi ndị wụlẹni ndị Ju okukwe lẹ ezioku.

Timoti Nke Ẹbụọ 1:11

Ufiri oziọmanị k'o gi tumẹ m onyẹ e zisọnmẹ ozi, onyẹ-ozi pụ-ichẹn lẹ onyẹ-nkuzi;

Pita Nke Ẹbụọ 3:15

Weri n'ẹ nị ndidin Di-nwọnni-ẹnyi wụ oghere ịhịan e gi nwọnrin nzụọpụha — kẹ ezi nwẹnẹ ẹnyi wụ Pọlụ dọnzi dejẹnni ụnụ ghahanị amamihiẹn Osolobuẹ ye ẹ.