Ndị Galeshịa 2:4 - Ika

⁴ kanị ndị ahụn gi nzuzue banhan, e mẹ nọ kẹ sị wẹ wụ ndị kwerini, e te kughọ oku ịkwa ugun. Wẹ bịa d'e lele ụdị inwọnrin-enwẹn hụn ẹnyi nwọn imẹ Kraịstị Jizọsị, kẹni wẹ buzi ẹnyi che imẹ igbọn.

Ndị Galeshịa 2:4 ပူးပေါင်းရင်းမြစ်များ

Ẹbụ-ọma 119:45

e mẹshịa ẹhụ, makẹni m hụ e sọnshi iwu i ikẹn.

Ẹbụ-ọma 51:12

Yezi m ịghọghọ onyẹ hụn ị zụọpụha, y'e ye m obi m'e gi turusọnmẹ.

Azaya 51:23

M jẹnkọ nwan d'e bu mkpu ọnụma hụ ye ndị rị e mẹshi i ikẹn, ndị hụ te sị ị: ‘Fiẹnrin — nị ẹnyi zọ ị ụkụ ghafe!’ Ị nọ gi ụgba-azụụn ị họnrin akpak'alị w'a zọ ụkụ, ọkpụ-ụzọ w'a zọ ụkụ.”

Luku 5:38

Gba nwan manya ọhụn ye imẹ ihiẹn-manya ọhụn!

Ọrụn Ndị-ozi 15:1

Ogẹn ahụn, o nwọn ndị gha Judia bịa Antịọkụ, a kuzi ndị ụka, a sị, “Mmanị ụnụ kwa ugun iwu Mozizi chọ, ụnụ as'ẹka nwọn nzụọpụha.”

Ọrụn Ndị-ozi 15:24

“Ẹnyi a nụgụọ n'o nwọn ndị gha imẹ ẹnyi bịa d'e kunrun ụnụ, e gi ihiẹn wẹ rị e ku e sọngbu ụnụ, e mẹ obi e kọnrin ụnụ elu, bụ ẹnyi ezini wẹ.

Ọrụn Ndị-ozi 20:30

Ụfọdụ imẹ ụnụ jẹnkọ d'a fịma ezioku kẹni wẹ dọrị ndị nsọnmazụụn Jizọsị.

Ndị Rom 8:15

Makẹni mmọn hụn Osolobuẹ ye ụnụ ẹlẹ mmọn igbọn, hụn ụnụ e gi tụmazị egun, kanị Osolobuẹ ye ụnụ mmọn hụn o gi mụnrụn ụnụ, mmọn ahụn e mẹ ẹnyi a hị Osolobuẹ, “Baba! Baba Nẹdi m!”

Ndị Kọrẹntị Nke Ẹbụọ 11:13

Makẹni ẹlẹ wẹ ndị-ozi pụ-ichẹn nke-esi; ndị-ndufie kẹ wẹ wụ. Wẹ rịhụ a za ndị-ozi pụ-ichẹn Kraịstị e gi ẹ e kpumẹ ihun.

Ndị Kọrẹntị Nke Ẹbụọ 11:17

Ẹlẹ Di-nwọnni-ẹnyi sị m ku ihiẹnni m chọ nị m gi nyan isi, mmẹ rịhụ e ku ẹ rịkẹ onyẹ-nzuzu.

Ndị Kọrẹntị Nke Ẹbụọ 11:20

Ụnụ a nabanhanka onyẹ ọwụlẹ e mẹ ụnụ kẹ igbọn mọbụ e rigbu ụnụ mọbụ a tụnarịn ụnụ ihiẹn ụnụ mọbụ e mẹ nọkẹsị ọ rịka mkpa mọbụ a madẹ ụnụ ọra!

Ndị Kọrẹntị Nke Ẹbụọ 11:26

Ogẹn ile kẹ m gi a rị ụzọ-ijẹn; amarịn m ihiẹn k'e kunrun m elu iyi, ama m ebe m k'e ru kunrun ndị ohin; ndị alị m hụ a chọ isi m, ndị alị ọzọ hụzị a chọ isi m; nsọngbu a kpọsọnmẹ m ihun imẹ obodo lẹ imẹ atụ lẹ elu ohimin; nsọngbu ndị kpọ enwẹn wẹ ndị kwerini.

Ndị Kọrẹntị Nke Ẹbụọ 3:17

“Di-nwọnni-ẹnyi” ahụn wẹ rị e ku oku ẹ wụ Mmọn-nsọ: ebe ọwụlẹ Mmọn Di-nwọnni-ẹnyi rị, ebẹhụ kẹ ịhịan nọ e weri enwẹn ẹ.

Ndị Galeshịa 1:7

ẹlẹni oziọma ọzọ rị a rị nke-esi, kanị o nwọnghọ ndị rị e ye ụnụ nsọngbu, e mẹ obi eruzilẹ ụnụ alị, a chọ nị wẹ gbehutọ oziọma Kraịstị.

Ndị Galeshịa 4:25

Haga nọkin ẹnya Ugu Saịnaị hụn rị imẹ atụ alị Arebịa. Ọ ghọsị obodo Jerusalẹm hụn rị ogẹnni, makẹni Jerusalẹm lẹ ụmụ a wụ igbọn kikẹnni.

Ndị Galeshịa 4:3

Ẹrịra kẹ ẹnyi nọ kẹ ẹnyi rị ụmụẹka, ẹnyi wụsọnmẹ igbọn okpuru mmọn lẹ iwu lẹ ihiẹn ile wẹ gi e dọn ẹnya elu-ụwa.

Ndị Galeshịa 5:1

Kraịstị gbapụha ẹnyi kẹni ẹnyi wụrụ ndị nwọn enwẹn wẹ. Wuzokẹnmẹ ni nwan kẹ ndị werigụ enwẹn wẹ! Anịkwọlẹ ni wẹ kpọmazị ụnụ ẹgan igbọn!

Ndị Galeshịa 5:10

Kanị obi ru m alị imẹ Di-nwọnni-ẹnyi nị ụnụ erokọ ihiẹn ichẹn, sọnmẹ nkuzi ọzọ. Onyẹ hụ rị e nuhunmẹni ụnụ — onyẹ ọwụlẹ ọ wụ — k'a narịnrịrị afụnfụn rịn'a.

Timoti Nke Ẹbụọ 3:6

Ụfọdụ imẹ wẹ gi ẹro a rụbanhan iwe ịhịan a rẹrẹrị ikpoho nwọnlẹni uche, hụn obi rị e gbu mgbu yeni njọ wẹ, ikpoho ẹgụn ihiẹn rị ichẹn-ichẹn rịlẹni mma rị e buhunmẹ,

Jemisi 1:25

Kanị omẹni ịhịan hụ e lee iwu hụ zu oke ịhịan gi e nwọnrin enwẹn ẹ, e lesọnmẹ, nị ẹlẹ onyẹ a nụgụ, a zọ, kanị ọ hụ e gi ẹ e bi, o sikọ d'a narịn ngọzi makẹni ọ hụ e mẹ ẹ.

Pita Ibuzọ 2:16

e gi ni agụngụn ndị nwọn enwọn wẹ e mẹ ẹ — kanị ẹlẹkwọ hụn wẹ gi e kpumẹ eje-obibi, kama, obibi ndị wụ igbọn Osolobuẹ.

Pita Nke Ẹbụọ 2:19

W'e kwe wẹ nkwa nị wẹ k'e weri enwẹn wẹ, kanị wẹ nwẹn wụkwọ igbọn ihiẹn rụnị: makẹni ihiẹn hụn karị ịhịan ẹka k'ọ wụ igbọn ẹ.

Jọnụ Ibuzọ 4:1

Ndị nke m, ẹlẹ mmọn ile gi ịhịan ku oku kẹ ụnụ k'e kweyeni, ka e lelegụ nị kẹ wẹ gha ẹka Osolobuẹ bịa nke-esi, makẹni, ndị amụma-ntụ bu ọda a pụhagụọ imẹ ụwa.

Judu 1:4

Makẹni, o nwọnghọ ndị ghalẹni a tụ egun Osolobuẹ hụn gi nzuzue banhan imẹ igunrun ẹnyi, ụdị ịhịan Ẹkụkwọ-nsọ kutọgụ afụnfụn rị e cheni wẹ; ndị gi ẹfọmanị Osolobuẹ mẹ e họnrin oghere wẹ gi e bi eje-obibi, a jụdẹ Jizọsị Kraịstị hụn ịya sụọ wụ Onyẹ nwọn ihiẹn ile lẹ Di-nwọnni-ẹnyi.