Ndị Galeshịa 2:20 - Ika

²⁰ A kpọgbugụọ wẹ mmẹ lẹ Kraịstị elu obe Kraịstị. Ẹlẹzi mmẹ rị ndụn, Kraịstị rị nwan ndụn imẹ m. Ndụnnị m rị nwan e bi imẹ ẹhụ, m rị e bi ẹ ghahanị igi Nwa Osolobuẹ e dọn ẹnya, onyẹ hụn nwọn ihiẹn-ọsụsụọ m, gi ufiri m we enwẹn ẹ ye.

Ndị Galeshịa 2:20 ပူးပေါင်းရင်းမြစ်များ

Ẹbụ Solomọnụ 7:10

Nke-m nwọn m, ẹgụn m rị a gụn a.

Matiu 20:28

nọkẹ kẹ mmẹ Nwa nke Ịhịan dọn bịa, ẹlẹ ni wẹ gbanị m odibo, kama, kẹni m gba odibo, yezikwọ ndụn m, gi ẹ gbapụha ndị bu ọda.”

Matiu 4:3

Ya kẹ onyẹ-ọnwụnwan hụ nọ bịa, sị a, “Omẹni ịyụ wụ Nwa Osolobuẹ, sị ọmụma ndịnị họnrinsọnmẹ ogbe brẹdi.”

Jọnụ 1:49

Natanẹlụ nọ sị, “Onyẹ-nkuzi, eziẹ ịyụ wụ Nwa Osolobuẹ; ịyụ wụ Eze ndị Izrẹlụ!”

Jọnụ 10:11

“Mmẹ wụ ezigbo onyẹ-ndu atụnrụn: Ezigbo onyẹ-ndu atụnrụn e gi ufiri atụnrụn a e ye ndụn a.

Jọnụ 15:13

Onwọnni onyẹ nwọn ihiẹn-ọsụsụọ ka ọnwan: nị ịhịan gi ufiri ndị ọwụ a we ndụn a ye.

Jọnụ 17:21

kẹni wẹ ile wụrụ ohu, nọkẹ kẹ ịyụ, Baba, dọn rị imẹ m, mmẹ nwẹn hụ imẹ i; m rị a rịọ nị wẹ rịzịkwọ imẹ ẹnyi — kẹni ụwa kweri nị ịyụ zihẹ m.

Jọnụ 3:16

“Makẹni Osolobuẹ nwọn ihiẹn-ọsụsụọ ndị rị ụwa ọda-ọda, ya haịn o gi we akpụ Nwa ohu o nwọn ye, n'ọ wụrụ nị onyẹ ọwụlẹ kwerinin'ẹ alakọ iwi, kama o nwọn ndụn itẹbitẹ.

Jọnụ 3:35

Chuku-Nẹdi nwọn ihiẹn-ọsụsụọ Nwa a wụ Kraịstị, o bugụọ ihiẹn ile che ẹ ẹka.

Jọnụ 6:57

“Kẹ m dọn rị ndụn makẹni Chuku-Nẹdi zihẹni m rị ndụn, ẹrịra kẹ onyẹ hụn rini m k'a dọn rị ndụn makẹni m rị ndụn.

Jọnụ 6:69

Ẹnyi e kwerighọ, marịnzịkwọ, nị ịyụ wụ Onyẹ-nsọ Osolobuẹ.”

Ọrụn Ndị-ozi 8:36

E jẹnbe wẹ, wẹ nọ hụn mirin; okẹn-okporo hụ nọ sị, “Lee mirin ebeni! Kị k'a han m emẹlẹ mirin-Chuku?”

Ọrụn Ndị-ozi 9:20

Ozigbo, ọ nọ kumẹ oku Jesu imẹ ụlọ-ofufe ndị Ju rịsọnmẹ ebẹhụ, a sị wẹ, “Ịya wụ Nwa Osolobuẹ!”

Ndị Rom 1:17

Makẹni, oziọma a ghọsị kẹ ezi-omumẹ wụ nke Osolobuẹ nọ: okukwe ịhịan k'o gi e mẹ ẹ gha mbidọn d'e ru isi ẹ. Ọ nọhụ kẹ Ẹkụkwọ-nsọ dọn ku ẹ, “Okukwe kẹ onyẹ ezi-omumẹ gi a rị ndụn.”

Ndị Rom 14:7

Ẹnyi ile, onwọnni onyẹ rịnị enwẹn ndụn, onwọnzikwọnị onyẹ a nwụnnị enwẹn ẹ:

Ndị Rom 3:22

ezi omumẹ Osolobuẹ hụn a bịa ghahanị ikwerini Jizọs Kraịstị rọ; o ru ndị ile kwerini ẹka, ara tu onyẹ ịhịan wụ,

Ndị Rom 4:25

Osolobuẹ gi ufiri njọ ẹnyi we Jesu ye n'ọ nwụnhụn, ghazị ọnwụn weli Jesu kẹni o gi ifiri Jesu kuni ẹnyi ọhụnma.

Ndị Rom 5:2

onyẹ hụn Osolobuẹ gha ẹka a gi okukwe ẹnyi webanhan ẹnyi ọnọdị ndị wẹ mẹni ẹfọma hụn ẹnyi turu nwan imẹ ẹ; ẹnyi rị nwan a ṅan makẹni ẹnyi rị e lee ẹnya ọghọ Osolobuẹ jẹnkọ d'e ye ẹnyi!

Ndị Rom 5:6

Makẹni, Kraịstị nwụndọnni ẹnyi ndị njọ ọnwụn ogẹn ndụn gilẹni rị ẹnyi, ogẹn o gi rịchanrịn mkpa.

Ndị Rom 5:8

Kanị, nke Osolobuẹ, ọ ghọsịgụọ ẹnyi n'o nwọn ihiẹn-ọsụsụọ ẹnyi ọda-ọda ebe Kraịstị nọ nwụnnị ẹnyi kẹ ẹnyi rịkwọ imẹ njọ!

Ndị Rom 6:13

ewelẹ ni mkpamkpa ẹhụ ụnụ ye njọ gi họnrin ihiẹn-ọrụn o gi e mẹ eje-ihiẹn. Ka wechanrịn nị enwẹn ụnụ ye Osolobuẹ nọkẹ ndị wẹ ghagụ ọnwụn weli hụn rị ndụn; ụnụ e wechanrịn mkpamkpa ẹhụ ụnụ ile ye Osolobuẹ n'o gi họnrin ihiẹn-ọrụn ezi-omumẹ.

Ndị Rom 6:8

O mẹ nwan nị ẹnyi e sọngụọ Kraịstị nwụnhụn, ẹnyi e kwerighọ nị ẹnyi k'e sọnzi ẹ rịzị ndụn —

Ndị Rom 8:10

Kanị, omẹni Kraịstị rị imẹ ụnụ, ẹhụ ụnụ a nwụnhụngụọ yeni njọ, mmọn ụnụ hụ ndụn yeni ezi-omumẹ.

Ndị Rom 8:37

Mba!! Imẹ ihiẹn ndịnị ile, ẹnyi wụ ndị-mmẹri ka ndị-mmẹri ile, ghahanị onyẹ ahụn nwọn ihiẹn-ọsụsụọ ẹnyi!

Ndị Kọrẹntị Ibuzọ 6:17

Kanị, onyẹ hụn we enwẹn ẹ cheni Di-nwọnni-ẹnyi lẹ Di-nwọnni-ẹnyi e họnringụọ ohu imẹ-mmọn.

Ndị Kọrẹntị Nke Ẹbụọ 1:24

Arị m e gi oku ọjụgbọnị m rị e ku e ku nị ẹnyi nwọn e ku ihiẹn ụnụ gi okukwe ụnụ e mẹ. Kama, m gi ẹ e ku nị ẹnyi lẹ ụnụ gba a rụn kẹni ụnụ hụn ụzọ e nwọn ịghọghọ nị ụnụ turu ọhụnma imẹ okukwe.

Ndị Kọrẹntị Nke Ẹbụọ 10:3

Makẹni, ọsụọn'a nị ịhịan kẹ ẹnyi wụ, ẹnyi ara lụ agha kẹ ịhịan.

Ndị Kọrẹntị Nke Ẹbụọ 11:10

Onwọnni ihiẹn jẹnkọ d'a saẹka napụ m ihiẹnni m gi a nyan isi imẹ Ẹgbẹrẹ Akaya ile, mmanị ezioku Kraịstị arịzị imẹ m!

Ndị Kọrẹntị Nke Ẹbụọ 13:3

ebe o mẹni ụnụ chọkọ nị m ghọsị ụnụ nị Kraịstị rị imẹ m e ku nke-esi. Kraịstị arịnị alụlụa imẹ igunrun ụnụ — kaka! O gizi ẹka-ikẹn e sọn ụnụ.

Ndị Kọrẹntị Nke Ẹbụọ 13:5

Lekpọ nị enwẹn ụnụ, nị ụnụ marịn kẹ ụnụ hụ imẹ okukwe. Lele ni enwẹn ụnụ. Ụnụ amarịn nị Jizọs Kraịstị rị imẹ ụnụ? Ụnụ a marịnghọ nụ — mmanị ụnụ a dangụọ nlele hụ.

Ndị Kọrẹntị Nke Ẹbụọ 5:14

Ihiẹn-ọsụsụọ Kraịstị rị e nu ẹnyi, makẹni o wegụọ ẹnyi ẹnya nị, ebe o mẹ ni onyẹ ohu a nwụnhụngụọnị ịhịan ile ọnwụn, ya wụ nị ịhịan ile a nwụnhụngụọ.

Ndị Kọrẹntị Nke Ẹbụọ 5:15

Ọ nwụnnị ịhịan ile ọnwụn kẹni ndị rị ndụn bibehini enwẹn wẹ, kama, nị wẹ e bini onyẹ hụ gi ufiri wẹ nwụnhụn, Osolobuẹ e gizi ufiri wẹ weli ẹ.

Ndị Kọrẹntị Nke Ẹbụọ 5:7

makẹni ihiẹn ẹnyi kweri imẹ Kraịstị kẹ ẹnyi gi e bi, ẹlẹ ihiẹn ẹnya ẹnyi rị e legha.

Ndị Galeshịa 1:4

Di-nwọnni-ẹnyi wụ Jizọs Kraịstị we ndụn a ye makẹ ufiri njọ ẹnyi, kẹni ọ gbapụha ẹnyi imẹ eje-agbọnị gi mẹzu uche Osolobuẹ ẹnyi wụ Nẹdi ẹnyi.

Ndị Galeshịa 2:16

Bụ ẹnyi a marịnghọ nị ẹlẹ Iwu ịhịan dọnmẹ kẹ Osolobuẹ gi e kun'ẹ ọhụnma, kanị ikwerini Jesu Kristi, gi ẹ e dọn ẹnya. Ẹnyi lẹ enwẹn ẹnyi e kwerigụọ nị nwan Jesu Kristi, kẹni Osolobuẹ gi ọhụn kuni ẹnyi ọhụnma ẹlẹ nị ẹnyi e dọnmẹ Iwu Mozizi. Makẹni, onwọnni onyẹ Osolobuẹ k'e kuni ọhụnma makẹni o dọnmẹ Iwu.

Ndị Galeshịa 3:11

O wegụọ nwan ẹnya n'o nwọnni onyẹ Osolobuẹ jẹnkọ d'e kuni ọhụnma makẹni o dọnmẹ Iwu. Ezioku rọ, makẹni Ẹkụkwọ-nsọ sị, “Okukwe kẹ onyẹ ezi-omumẹ k'e gi rị ndụn,”

Ndị Galeshịa 5:24

Ndị hụn wụ nke Kraịstị Jizọsị a kpọgbugụọ ịhịan-mmaka wẹ te wụ lẹ ihiẹn a gụnn'a lẹ ihiẹn a sụọn'a elu obe Kraịstị.

Ndị Galeshịa 6:14

O bugharị m! Egikọ m ihiẹn ọwụlẹ nyan isi wezụka obe Di-nwọnni-ẹnyi wụ Jesu Kristi. E gigụọ wẹ obe hụ kpọgbu ụwanị, ọ nọ wụrụ ihiẹn nwụnhụnnị ebe m rị, gizikwọ obe hụ kpọgbu m, m nọ wụrụ ihiẹn nwụnhụnnị ebe ụwa rị.

Ndị Ẹfẹsọsụ 3:17

M rịzị a rịọ a nị ụnụ wụrụ ndị Kraịstị birichanrịn imẹ obi wẹ makẹni ụnụ hụ e gi oku ẹ e dọn; ụnụ a nọ imẹ ihiẹn-ọsụsụọ gba mkpọgụn, gi ẹ turu ọhụnma —

Ndị Ẹfẹsọsụ 5:2

E gi ni ihiẹn-ọsụsụọ e bi, kẹ Kraịstị dọn nwọn ihiẹn-ọsụsụọ ẹnyi, gi ufiri ẹnyi we ndụn a ye nọkẹ oyiye lẹ ẹjan e shin ọhụnma hụn wẹ chụnyeni Osolobuẹ.

Ndị Ẹfẹsọsụ 5:25

Di, nwọn ihiẹn-ọsụsụọ nwunyẹ i kẹ Kraịstị dọn nwọn ihiẹn-ọsụsụọ ụka, gi ufiri ẹ we ndụn a ye,

Ndị Filipi 1:21

Makẹni, o mẹ nke m, m rị ndụn, m rịnị Kraịstị; m nwụnhụn, erere rọ.

Ndị Filipi 4:13

M'a saẹka e mẹ ihiẹn ile ghahanị Onyẹ hụn e ye m ikẹn.

Ndị Kolosị 1:27

Ọ chọ nị ndị alị ọzọ marịn okẹn ihiẹn-omimini rịgbu enwẹn ẹ mma. Ihiẹn omimi hụ wụ nị ụnụ e nwọngụọ Kraịstị, lemẹ ni nwan ẹnya ọghọ hụ Osolobuẹ k'e ye.

Ndị Tẹsalonika Ibuzọ 1:10

chemẹ Nwa a k'a gha elu-igwee bịa, hụn ọ gha ọnwụn weli, hụn wụ Jesu, onyẹ hụn zụọpụha ẹnyi iwe-lẹ-ọnụma Osolobuẹ lalanị.

Ndị Tẹsalonika Ibuzọ 5:10

Di-nwọnni-ẹnyi wụ Jesu Kristi nwụnnị ẹnyi ọnwụn kẹni ẹnyi hụn ụzọ sọn ẹ bi: ọsụọn'a nị ẹnyi rị ndụn ọsụọn'a nị ẹnyi a nwụnhụngụọ.

Taịtọsụ 2:14

Jizọsị Kraịstị, hụn gi ufiri ẹnyi we enwẹn ẹ ye, n'ọ gbapụha ẹnyi imẹ njọ ile, gi ẹ chanchanpụhanị enwẹn ẹ ndị k'a wụchanrịn nke ẹ, ndị ihiẹn rị mma a dụ omumẹ.

Hibru 8:3

Iye-oyiye lẹ ịchụn-ẹjan haịn wẹ gi e tumẹ onyẹ-isi nchụn-ẹjan. Ya wụ nị o k'e nwọnrịrị ihiẹn onyẹ nchụn-ẹjannị ẹnyi rị e ku oku ẹ e ye lẹ ẹjan ọ chụn.

Pita Ibuzọ 1:8

Ihiẹn Jizọsị rị nwan a sụọ ụnụ, ọsụọn'a nị ụnụ eleghatun'ẹ; ụnụ kwerin'ẹ, ọsụọn'a nị ụnụ arị nwan e legha a; ụnụ hụ nwan a ghọghọ ọda-ọda, okẹn ịghọghọ ọnụ ghalẹni a s'ẹka a kọwa,

Jọnụ Ibuzọ 1:7

Kanị, omẹni ẹnyi hụ e bi imẹ ukpẹ kẹ ya nwẹn dọn rị imẹ ukpẹ, ya wụ nị ẹnyi lẹ ịya rị nke-esi, ẹdeke Nwa a wụ Jizọsị hụ a chanchanpụ ẹnyi njọ ile.

Jọnụ Ibuzọ 4:14

Ẹnyi a hụngụọ a, ku ẹ, nị Chuku-Nẹdi e zihẹgụọ Nwa a d'a wụ Onyẹ-nzụọpụha ụwa.

Jọnụ Ibuzọ 5:20

Ẹnyi a marịnghọ nị Nwa Osolobuẹ a bịagụọ, n'o yegụọ ẹnyi nghọta hụn ẹnyi e gi marịn onyẹ ahụn wụ Ezioku. Ẹnyi rị nwan imẹ onyẹ ahụn wụ Ezioku lẹ Nwa a wụ Jesu Kristi. Ịya wụ Osolobuẹ nke-esi lẹ ndụn-itẹbitẹ.

Rẹvẹleshọnụ 1:5

lẹ Jizọsị Kraịstị — Jizọsị Kraịstị hụn wụ ọshẹri ahụn furu wẹ gi e dọn ẹnya, onyẹ ibuzọ gha ọnwụn lihi, onyẹ hụn a kị ndị-nze rị elu-ụwa, onyẹ hụn nwọn ihiẹn-ọsụsụọ ẹnyi, gi ẹdeke ẹ gbapụha ẹnyi ẹka njọ ẹnyi;

Rẹvẹleshọnụ 3:20

“Lee ẹ, m turu nwan ọnụmụzọ a dụ ẹka, onyẹ nụ olu m gụnpụ ụzọ, a banhan m d'e kunrun ẹ, e sọn m'ẹ ri, o sọn m ri.