Ndị Galeshịa 2:2 - Ika

² M jẹn ebẹhụ makẹni Osolobuẹ ghọsị m ihiẹn; m nọ kọwanị wẹ oziọma m rị e zi imẹ igunrun ndị wụlẹni ndị Ju. Kanị nzuzue kẹ m nọ mẹ ẹ — ẹgbata mmẹ lẹ ndị wẹ weri nị wẹ wụ ndị-isi sụọ, amamgbe ọ wụrụ nị m rị a gba ọsọ ọlaliwi mọbụ nị hụn m gbapụ a lagụọ iwi.

Ndị Galeshịa 2:2 ပူးပေါင်းရင်းမြစ်များ

Ẹkịliziastisi 10:1

Kẹ nzinzin nwụnnị dọn e shin-wiwi ezigbo-udẹn ẹrịra kẹ ẹkẹrẹ nzuzu dọn e kpumẹ amamihiẹn lẹ ọghọ wẹ gi marịn ịhịan.

Matiu 10:16

“Lee n'ẹ, m zikọ ụnụ kẹ atụnrụn wẹ ziye imẹ igunrun ẹwọrọ. E gi ni uche e bi — rịkẹ agwọ, ka rị nị kẹ nduru hụn ghalẹni a rụ ịhịan ẹhụ.

Ọrụn Ndị-ozi 15:12

Ndị hụ ile zu ebẹhụ nọ gba nkịtịn, gọnmẹ Pọlụ lẹ Banabasị ntịn: wẹ nọ gwama wẹ ihiẹn-nghọsị lẹ ọrụn-atụmẹnya Osolobuẹ gi wẹ rụn imẹ igunrun ndị alị ọzọ.

Ọrụn Ndị-ozi 15:2

Pọlụ lẹ Banabasị nọ sọn ndị hụ dọ oku hụ, e kube w'ẹ; ya ndị ụka nọ han Pọlụ lẹ Banabasị lẹ ndị ọzọ imẹ wẹ nị wẹ we okuni jẹnni ndị-ozi ahụn pụ-ichẹn lẹ ndị-isi rị Jerusalẹm.

Ọrụn Ndị-ozi 15:4

E ru wẹ Jerusalẹm, ndị-ụka lẹ ndị-ozi ahụn pụ-ichẹn lẹ ndị-isi nọ sị wẹ alụa, wẹ nwẹn nọ gwa wẹ ihiẹn ile Osolobuẹ gi wẹ rụn.

Ọrụn Ndị-ozi 18:9

Imẹ uhinhin, Pọlụ nọ hụn ọhụn ebe Onyẹ-nwọnni-ẹnyi nọ sị a, “Atụlẹ egun; ka kumẹ; agbakwọlẹ nkịtịn,

Ọrụn Ndị-ozi 23:11

Uhinhin hụ, Di-nwọnni-ẹnyi nọ pụha d'e wuzo ihun Pọlụ, sị a, “Kwọndọn obi i, n'o nwọnni ihiẹn k'a napụ ị ashịalẹni m ẹri imẹ Rom k'i dọn nwan shịanị m'a imẹ Jerusalẹm ebeni.”

Ọrụn Ndị-ozi 5:34

Kanị onyẹ ohu imẹ wẹ ẹfan a wụ Gamaliẹlụ, hụn rị Itu-Farisi, nọ lihi ọtọ; onyẹ-nkuzi Iwu Mozizi k'ọ wụ; ịhịan ile a gbaye ẹ. Ọ nọ sị wẹ wepụgụ ndị-ozi ahụn pụ-ichẹn ezi ẹkẹrẹ.

Ndị Rom 9:16

Ya wụ nwan nị ẹlẹ “onyẹ hụn chọnị” mọbụ “onyẹ hụn lịlịmanị” kẹ wẹ gi e mẹ ẹ, kanị omikẹn Osolobuẹ sụọ k'o gi e mẹ ẹ.

Ndị Kọrẹntị Ibuzọ 1:23

Kanị ẹnyi hụ e zisọnmẹ ozi Kraịstị wẹ kpọgbu elu obe: ebe ndị Ju rị, ihiẹn pụ-ichẹn w'a ghọtafie rọ; ebe ndị wụlẹni ndị Ju rị nzuzu rọ.

Ndị Kọrẹntị Ibuzọ 2:2

Makẹni m kwademẹ obi m nị ebukọ m ẹnya che ihiẹn ọzọ imẹ igunrun ụnụ wezụka Jesu Kristi — Jesu Kristi wẹ kpọgbu elu obe.

Ndị Kọrẹntị Ibuzọ 9:24

Ụnụ amarịn nị wẹ e bu ọda a gba ọsọ, kanị onyẹ ohu sụọ e nwọnhẹn ihiẹn wẹ rị a zụọ. A gba nị nwan ọsọ hụn ụnụ e gi nwọnhẹn ihiẹn ahụn ụnụ rị a chụ.

Ndị Kọrẹntị Ibuzọ 9:26

Ya wụ, m'a ra gba ọsọ kẹ onyẹ marịnlẹni ihiẹn ọ chụkọ; m'a ra dụ ịkpa kẹ onyẹ rị a dụ ufere.

Ndị Kọrẹntị Nke Ẹbụọ 12:1

Ọ rị mkpa nị m nyansọnmẹ isini — ọsụọn'a n'o nwọnni erere ọ ban. Nị m ku nwan oku ọhụn ndị m hụn lẹ ihiẹn Di-nwọnni-ẹnyi ghọsịsọnmẹ m.

Ndị Galeshịa 1:12

amụnarịnnị m ịhịan ya; ẹlẹ ịhịan kuzi m'ẹ. Kama, Jesu Kristi lẹ enwẹn ẹ we ẹ ghọsị m.

Ndị Galeshịa 1:16

ọ nọ mẹ m marịn Nwa a, kẹni m zi ndị alị ndị ọzọ wụlẹni ndị Ju ozi Nwa a. Ogẹn o gi mẹ ẹ, ejẹnni m ozigbo d'a jụma ịhịan.

Ndị Galeshịa 1:6

Ọ tụka m ẹnya nị o ke mẹ emẹ ụnụ a latọma onyẹ ahụn gi ufiri ẹfọma Kraịstị kpọ ụnụ, nabanhanma “oziọma ọzọ;”

Ndị Galeshịa 2:6

Ndị ahụn nọ kẹ sị wẹ wụ ndị-ndu enwọnni ihiẹn ọhụn wẹ bucheni m. Ihiẹn ọwụlẹ wẹ wụ enwọn ihiẹn ọ wụ ebe m rị, makẹni Osolobuẹ ara lee ịhịan ẹnya ihun.

Ndị Galeshịa 2:9

Ogẹn Jemisi lẹ Pita lẹ Jọnụ, ndị wẹ weri kẹ ndị-isi, gi hụn nị ẹka Osolobuẹ rị imẹ m, wẹ nọ na mmẹ lẹ Banabasị ẹka, nị ẹnyi lẹ wẹ wụ ohu, nị ẹnyi gha a rụn imẹ ndị wụlẹni ndị Ju, hụn wụ ndị kwalẹni ugun, wẹ nwẹn hụ a rụn imẹ ndị Ju, hụn wụ ndị kwa ugun.

Ndị Galeshịa 5:7

Ụnụ te hụ a gba ọsọ elu-igwee ọhụnma! Onyẹ bu uke cheni ụnụ, ụnụ gizilẹni e sọn ezioku?

Ndị Filipi 2:16

E kwọnkẹnmẹ ni oku hụn e ye ndụn, kẹni m hụn ihiẹn m'e gi nyan isi Ụhụọhịn Kraịstị k'a bịa, nị ọsọ m gba lẹ ọrụn m rụn alanị iwi.

Ndị Filipi 2:29

Gi ni nwan ịghọghọ nabanhan a makẹ Di-nwọnni-ẹnyi. A gbaye ni ndị nọ kẹ ịya —

Ndị Tẹsalonika Ibuzọ 3:5

Ufiri ẹ, makẹni ọ nịzịnị m din, m nọ zi ozi nị m marịn kẹ okukwe ụnụ nọ, amamgbe, ọ wụrụ nị onyẹ-ọnwụnwan a nwangụọ ụnụ, ihiẹn ẹnyi rụn a la iwi.

Timoti Nke Ẹbụọ 4:7

A lụgụọ m ezigbo ọgụn ahụn! A gbagụọ m ọsọ ahụn! E sọngụọ m ụzọ okukwe Kraịstị!

Hibru 12:1

Ya wụ, ebe o mẹ nwan ni igunrun ndị ọshẹri han ẹnịna fihunmẹ ẹnyi lekẹ ọgbọ, nị ẹnyi latọ nwan ihiẹn ọwụlẹ a dọkin ẹnyi azụụn, lẹ njọ ahụn a kụ ẹnyi kẹ ẹgbụn, ẹnyi e dikẹnmẹ, gba ọsọnị Osolobuẹ ketọnị ẹnyi,