Ndị Galeshịa 2:16 - Ika

¹⁶ Bụ ẹnyi a marịnghọ nị ẹlẹ Iwu ịhịan dọnmẹ kẹ Osolobuẹ gi e kun'ẹ ọhụnma, kanị ikwerini Jesu Kristi, gi ẹ e dọn ẹnya. Ẹnyi lẹ enwẹn ẹnyi e kwerigụọ nị nwan Jesu Kristi, kẹni Osolobuẹ gi ọhụn kuni ẹnyi ọhụnma ẹlẹ nị ẹnyi e dọnmẹ Iwu Mozizi. Makẹni, onwọnni onyẹ Osolobuẹ k'e kuni ọhụnma makẹni o dọnmẹ Iwu.

Ndị Galeshịa 2:16 ပူးပေါင်းရင်းမြစ်များ

Jobu 25:4

Nanị kẹ ịhịan e dọn nwan s'ẹka rị ọchan ẹnya Chuku? Nanị kẹ ịhịan okpoho mụ a dọn nwan s'ẹka rị ọchan?

Jobu 9:29

Ebe o mẹni i k'a marịrị m ikpe, kị m rị a lụgbuzini enwẹn m mmaka?

Ẹbụ-ọma 143:2

Dodo, akpọlẹ mmẹ wụ odibo i kpe, makẹni onwọnni onyẹ rị ndụn hụn rị ọchan ẹnya ị,

Jọnụ 20:31

Kanị, wẹ deye ndịnị kẹni ụnụ hụn ụzọ kweri nị Jesu wụ Kraịstị (hụn wụ Onyẹ Nzụọpụha Hụ Osolobuẹ Tumẹ), Nwa Osolobuẹ, kẹni ụnụ gi ẹfan a nwọn ndụn ghahanị okweri ụnụ kwerin'ẹ.

Ọrụn Ndị-ozi 4:12

Onwọnni onyẹ ọzọ nzụọpụha gha ẹka a a bịa, makẹni onwọnni ẹfan ọzọ rị okpuru elu-igwee hụn Osolobuẹ ye ịhịan n'o gi nwọn nzụọpụha karị ẹfan Jesu.”

Ndị Rom 1:17

Makẹni, oziọma a ghọsị kẹ ezi-omumẹ wụ nke Osolobuẹ nọ: okukwe ịhịan k'o gi e mẹ ẹ gha mbidọn d'e ru isi ẹ. Ọ nọhụ kẹ Ẹkụkwọ-nsọ dọn ku ẹ, “Okukwe kẹ onyẹ ezi-omumẹ gi a rị ndụn.”

Ndị Rom 3:30

ebe o mẹ ni Osolobuẹ wụ ohu sụọ. Ya k'o gi mẹ ni o k'e gi okukwe ndị Ju kuni wẹ ọhụnma, gizi okukwe ndị wụlẹni ndị Ju kuni wẹ ọhụnma.

Ndị Rom 4:2

Omẹni ihiẹn Ebraham rụn kẹ Osolobuẹ gi kun'ẹ ọhụnma, nkẹ o nwọn ihiẹn o gi nyan isi, kanị ẹlẹ ebe Osolobuẹ rị.

Ndị Rom 4:24

Kanị, wẹ dezini ẹnyi nwẹn ya; makẹni wẹ jẹnkọ d'a gụn okukwe ẹnyi yeni ẹnyi nwẹn — ẹnyi ndị hụn kwerini Osolobuẹ, Onyẹ ahụn gha ọnwụn weli Di-nwọnni-ẹnyi wụ Jesu.

Ndị Rom 8:3

Makẹni, ihiẹn nwẹn Iwu Mozizi salẹni ẹka mẹ yeni ndụn arị ịhịan, Osolobuẹ e mẹgụọ a nwan ghahanị izihẹ Nwa a nọkẹ ịhịan mmaka hụn ndị-njọ wụ, kẹni o wepụ njọ, Osolobuẹ nọ gi ẹ ma njọ rị imẹ ịhịan ikpe.

Ndị Rom 9:30

Kị ẹnyi k'e kuzi nwan? Nị ndị alị ọzọ te rịlẹni e mẹ oku ezi-omumẹ a wụrụgụọ nwan ndị ezi-omumẹ ẹnya Osolobuẹ, ezi-omumẹ wẹ gi okukwe wẹ ye wẹ;

Ndị Kọrẹntị Ibuzọ 6:11

Ihiẹn ndịnị kẹ ụfọdụ imẹ ụnụ te wụ, kanị Osolobuẹ ẹnyi gi Mmọn-nsọ a chanchan ụnụ; o dọn ụnụ nsọ, gi ẹfan Jizọs Kraịstị Di-nwọnni-ẹnyi nabanhan ụnụ.

Ndị Galeshịa 4:5

Osolobuẹ zihẹ ẹ n'ọ hụn ụzọ gbarị ndị rị okpuru Iwu, kẹni ẹnyi họnrin ụmụ Osolobuẹ.

Ndị Galeshịa 5:4

Onyẹ ọwụlẹ rị e dọnmẹ Iwu n'o gi ẹ wụrụ onyẹ ezi-omumẹ ẹnya Osolobuẹ a ghagụọ imẹ Kraịstị pụ; ọ ghagụọkwọ imẹ ẹfọma Osolobuẹ mẹ danpụ.

Ndị Filipi 3:9

a rịchanrịn m imẹ ẹ, ẹlẹ nke onyẹ rị ọchan ẹnya enwẹn ẹ makẹni ọ hụ e dọnmẹ Iwu, kama, rịkẹ onyẹ rị ọchan makẹni o gi Kraịstị e dọn ẹnya — ịrị-ọchan ahụn gha ẹka Osolobuẹ a bịa, hụn wẹ gi okukwe e nwọnhẹn.

Pita Ibuzọ 1:2

ndị Chuku Nẹdi họtọ, gi Mmọn-nsọ dọn wẹ nsọ, kẹni wẹ hụn ụzọ humẹni Jizọsị Kraịstị isi, wụrụ ndị wẹ gi ẹdeke ẹ fepụ ẹhụ njọ. Ẹfọma lẹ udọn ya rịnị ụnụ mmagi-mmagi.

Pita Ibuzọ 2:24

Kraịstị lẹ enwẹn ẹ gi ẹhụ a buru njọ ẹnyi, bu ẹ shi elu osisi ahụn, kẹni ẹnyi wụrụ ndị nwụnnahịn njọ, gi ndụn ẹnyi mẹmẹ ihiẹn Osolobuẹ chọ. Ẹhụ wẹ rụsọnmẹ ẹ kẹ ẹnyi gi dịnhịn.

Pita Ibuzọ 3:18

Makẹni, Kraịstị gi ufiri njọ tazịkwọ afụnfụn, nwụn, (mgbe ohu k'ọ nwụn, ọ nwụnkọzị), Onyẹ rị ọchan hụn nwụnnị ndị njọ ọnwụn — kẹni ọ hụn ụzọ wẹhẹ ẹnyi ile ebe Osolobuẹ rị. Wẹ gbu ẹ, ọ nwụnhụn kẹ ịhịan, kanị Chuku nọ mẹ mmọn a rị ndụn,

Pita Nke Ẹbụọ 1:1

Mmẹ, Simiọnụ wụ Pita, de ẹkụkwọ-ozini. M wụ igbọn Jizọsị Kraịstị; m wụzịkwọ onyẹ-ozi ẹ pụ-ichẹn. M rị e dejẹnni ndị Osolobuẹ ye ẹnyi lẹ wẹ okukwe ohu ahụn rị okẹn mkpa ghahanị ezi-omumẹ Jesu Kristi hụn wụ Osolobuẹ ẹnyi lẹ Onyẹ-nzụọpụha ẹnyi.

Jọnụ Ibuzọ 1:7

Kanị, omẹni ẹnyi hụ e bi imẹ ukpẹ kẹ ya nwẹn dọn rị imẹ ukpẹ, ya wụ nị ẹnyi lẹ ịya rị nke-esi, ẹdeke Nwa a wụ Jizọsị hụ a chanchanpụ ẹnyi njọ ile.

Rẹvẹleshọnụ 7:14

M nọ sị a, “Diọkpa, ịyụ marịn ndị wẹ wụ.” Ọ nọ sị m, “Ndịnị gha okẹn ukpokpo hụ pụha. Wẹ gi ẹdeke Nwa-ebulu hụ sụ ẹwuru wẹ, wẹ nọ họnrin ẹkwa-ọchan.

Rẹvẹleshọnụ 7:9

Ọhụn e mẹgụ, m nọ lee ẹnya, hụn igunrun hi-ogbe, hụn o mẹ ni onwọnni onyẹ saẹka gụn wẹ. Wẹ ghasọnmẹ alị ile, ebọn ile, ndị ile, lẹ asụsụ ile pụha. Igunrunni turu ihun ukpo-eze hụ lẹ ihun Nwa-ebulu hụ. Wẹ ile yi ẹwuru ọchan tueru alị. Onyẹ-onyẹ gi iguru ẹka.