Ndị Galeshịa 1:6 - Ika

⁶ Ọ tụka m ẹnya nị o ke mẹ emẹ ụnụ a latọma onyẹ ahụn gi ufiri ẹfọma Kraịstị kpọ ụnụ, nabanhanma “oziọma ọzọ;”

Ndị Galeshịa 1:6 ပူးပေါင်းရင်းမြစ်များ

Ẹbụ-ọma 106:13

Kanị, a zọ wẹ ihiẹn o mẹ ozigbo; echerikọ wẹ nụ uche ẹ.

Azaya 29:13

Ya haịn Onyẹ-nwọnni-ẹnyi gi sị, “Ọnụ kẹ ndịnị gihụ a nọkunmẹ m, e gihụ ọnụnụ-ire a gbaye m, kanị obi wẹ e tekẹ ebe m rị. Iwu ịhịan kuzi wẹ kẹ wẹ gihụ e fe m ofufe.”

Makị 6:6

Ọ hụ a tụ a ẹnya nị enwọn wẹ okukwe. Ya kẹ Jesu nọ jẹnsọnmẹmẹ ụmụ-alị rị ẹgbẹrẹ hụ, a kuzi wẹ.

Jọnụ 9:30

Okẹnnyẹ hụ nọ sị wẹ, “Okẹn ihiẹn! Ụnụ amarịn ebe ọ gha bịa bụ ọ shịapụ m ẹnya!!

Ọrụn Ndị-ozi 15:11

Pita nọzị sị, “Mba! Ẹnyi kweri nị ẹfọma Onyẹ-nwọnni-ẹnyi wụ Jesu ahụn ẹnyi gha nwọn nzụọpụha kẹ wẹ nwẹn ghazị nwọn.”

Ndị Rom 10:3

makẹni aghọtanị wẹ ihiẹn wụ ezi-omumẹ ẹnya Osolobuẹ, ebe wẹ rị a chọ nị wẹ nwọnrin ezi-omumẹ nke wẹ, ekwerini wẹ bu enwẹn wẹ che ezi-omumẹ Osolobuẹ.

Ndị Rom 5:2

onyẹ hụn Osolobuẹ gha ẹka a gi okukwe ẹnyi webanhan ẹnyi ọnọdị ndị wẹ mẹni ẹfọma hụn ẹnyi turu nwan imẹ ẹ; ẹnyi rị nwan a ṅan makẹni ẹnyi rị e lee ẹnya ọghọ Osolobuẹ jẹnkọ d'e ye ẹnyi!

Ndị Rom 8:28

Ẹnyi a marịnghọ nị Osolobuẹ e gi ihiẹn ile a rụnpụhanị ndị ihiẹn ẹ a sụọ ihiẹn rị mma, ndị ọ kpọ makẹ ihiẹn ọ chọ n'o mẹ.

Ndị Rom 8:30

Ndịnị ọ họtọ k'ọ kpọ; ọ kpọgụ wẹ, ọ nọ kuni wẹ ọhụnma, ya ọ nọ ye wẹ ọghọ.

Ndị Kọrẹntị Ibuzọ 4:15

Ẹghẹẹ, ọsụọn'a nị ụnụ nwọn ndị-ndu nnụ-uku ole-lẹ-ole imẹ Kraịstị, ụnụ enwọn nẹdi bu ọda, makẹni m gi oziọma m zi ụnụ họnrin nẹdi ụnụ imẹ Kraịstị wụ Jizọsị.

Ndị Kọrẹntị Nke Ẹbụọ 11:4

makẹni ụnụ a nabanhankazị onyẹ ọwụlẹ bịa d'e zimẹ ụnụ ozi Jesu ọzọ wụlẹni Jesu ẹnyi zi ụnụ ozi ẹ; ara fụ ụnụ ọrụn ịnabanhan mmọn ọzọ mọbụ oziọma ọzọ wụlẹni hụn ụnụ nwọnhẹn ẹka ẹnyi.

Ndị Kọrẹntị Nke Ẹbụọ 2:17

Ẹnyi anọnị kẹ ndị bu ọda rị e ghoro oku-Chuku nọkẹ sị ibu-afịa rọ; kama, rịkẹ ndị rị imẹ Kraịstị, ẹnyi gi obi rị ọchan e ku kẹ ndị Chuku zi, ndị nọ idẹnya Chuku e ku.

Ndị Galeshịa 1:11

Umunẹ m, m chọ nị ụnụ marịn nị oziọma m zi aghanị ẹka ịhịan bịa;

Ndị Galeshịa 1:15

Kanị, ogẹn o gi sụọ Osolobuẹ, hụn gi ẹfọma a họrị m kpọ m kẹ m rịdẹ ẹfọ nnẹ m,

Ndị Galeshịa 1:7

ẹlẹni oziọma ọzọ rị a rị nke-esi, kanị o nwọnghọ ndị rị e ye ụnụ nsọngbu, e mẹ obi eruzilẹ ụnụ alị, a chọ nị wẹ gbehutọ oziọma Kraịstị.

Ndị Galeshịa 2:14

Ogẹn m gi hụn a nị ihiẹn wẹ rị e mẹ lẹ ezioku rị oziọma a dangbamanị, m nọ nọ idẹnya wẹ ile sị Pita, “Onyẹ Ju k'ị wụ, kanị ị rị e bi kẹ ndị wụlẹni ndị Ju, y'a rị e bi kẹ ndị Ju. Kị ị rị nwan a gwanị ndị wụlẹni ndị Ju nị wẹ k'e birịrị kẹ ndị Ju?”

Ndị Galeshịa 2:2

M jẹn ebẹhụ makẹni Osolobuẹ ghọsị m ihiẹn; m nọ kọwanị wẹ oziọma m rị e zi imẹ igunrun ndị wụlẹni ndị Ju. Kanị nzuzue kẹ m nọ mẹ ẹ — ẹgbata mmẹ lẹ ndị wẹ weri nị wẹ wụ ndị-isi sụọ, amamgbe ọ wụrụ nị m rị a gba ọsọ ọlaliwi mọbụ nị hụn m gbapụ a lagụọ iwi.

Ndị Galeshịa 2:5

Kanị, ẹnyi ekweyenini wẹ kaka akpohu, makẹni ẹnyi chọ nị ẹnyi kwọnkẹnmẹni ụnụ ezioku rị oziọma, kẹni ụnụ marịn a, marịn a k'ọ rịchanrịn.

Ndị Galeshịa 2:7

Kama, o weghọdẹ wẹ ẹnya nị Osolobuẹ e bugụọ ọrụn izi ndị alị ọzọ kwalẹni ugun oziọma che m ẹka k'o dọn ye Pita ọrụn izi ndị Ju kwa ugun oziọma.

Ndị Galeshịa 5:14

Makẹni, wẹ wegbamachanrịn Iwu ile imẹ iwu ohu hụn wụ “Ihiẹn ibe i k'a sụọrịrị ị kẹ ihiẹn enwẹn i dọn a sụọ ị.”

Ndị Galeshịa 5:4

Onyẹ ọwụlẹ rị e dọnmẹ Iwu n'o gi ẹ wụrụ onyẹ ezi-omumẹ ẹnya Osolobuẹ a ghagụọ imẹ Kraịstị pụ; ọ ghagụọkwọ imẹ ẹfọma Osolobuẹ mẹ danpụ.

Ndị Tẹsalonika Nke Ẹbụọ 2:14

Ịya kẹ Osolobuẹ kpọnị nwan ụnụ ghahanị oziọma ẹnyi zi ụnụ, kẹni ụnụ sọn Di-nwọnni-ẹnyi wụ Jesu Kristi nwọnrin ọghọ a.

Timoti Ibuzọ 1:14

Di-nwọnni-ẹnyi gi ẹka rị mma sọn m, mẹni m omikẹn ọda-ọda, wezi okukwe lẹ ihiẹn-ọsụsụọ rị imẹ Jizọsị ye m ọda-ọda.

Timoti Ibuzọ 1:3

Nọdị nwan Ẹfẹsọsụ kẹ m dọn gwa ị ogẹn m gi jẹnkọ Masẹdonia, kẹni ị gwa ndị hụ rị a kuzi ihiẹn wụlẹni ezioku akuzizilẹ ẹ;

Timoti Nke Ẹbụọ 1:9

Makẹni, Osolobuẹ wụ onyẹ zụọpụhanị ẹnyi, kpọ ẹnyi oku rị nsọ. Ẹlẹ ọrụn-ọma ẹnyi rụn haịn o gi kpọ ẹnyi, kanị uche ẹ lẹ ẹfọma a haịn. O mẹgụọnị ẹnyi ẹfọmanị imẹ Kraịstị wụ Jizọsị nị ụwa d'e bidọn,

Timoti Nke Ẹbụọ 2:1

O mẹ nke i nwa m, gi ẹfọma hụ Osolobuẹ mẹni ẹnyi imẹ Kraịstị wụ Jizọsị e zekẹnmẹ.

Pita Ibuzọ 1:15

Ka bi ni obibi rị nsọ ụzọ ile kẹ Osolobuẹ hụn kpọ ụnụ dọn rị nsọ.

Pita Nke Ẹbụọ 1:3

Makẹni, o gigụọ ikẹn o gi wụ Chuku ye ẹnyi ihiẹn ile ẹnyi e gi bi elu lẹ hụn ẹnyi e gi fe Osolobuẹ. Ẹnyi e nwọnhẹn ihiẹn ndịnị ghahanị ọmarịn ẹnyi marịn Jesu hụn kpọ ẹnyi d'e sọn ẹ nwọnrin ihiẹn ile o nwọn, sọn ẹ rị ọchan.

Rẹvẹleshọnụ 22:21

Ẹfọma Jesu Di-nwọnni-ẹnyi ya rịnị ịhịan ile.