Ndị Galeshịa 1:4 - Ika

⁴ Di-nwọnni-ẹnyi wụ Jizọs Kraịstị we ndụn a ye makẹ ufiri njọ ẹnyi, kẹni ọ gbapụha ẹnyi imẹ eje-agbọnị gi mẹzu uche Osolobuẹ ẹnyi wụ Nẹdi ẹnyi.

Ndị Galeshịa 1:4 ပူးပေါင်းရင်းမြစ်များ

Ẹbụ-ọma 40:8

M chọ nị m mẹ uche i, Chuku m; iwu i rị imẹ obi m.”

Azaya 65:17

“Lee n'ẹ, m'e d'e ke igwere ọhụn lẹ ụwa ọhụn. Anyanhankọzị wẹ ndị mbụ; erokọdẹ wẹ wẹ.

Matiu 13:22

Mkpụrụ wẹ ghaye imẹ ogun wụ onyẹ hụn nụ ozi hụ, kanị oku elu lẹ ẹkpịrị akụ-lẹ-ụba a kpangbu ozi hụ, ọ mịnị mkpụrụ.

Matiu 20:28

nọkẹ kẹ mmẹ Nwa nke Ịhịan dọn bịa, ẹlẹ ni wẹ gbanị m odibo, kama, kẹni m gba odibo, yezikwọ ndụn m, gi ẹ gbapụha ndị bu ọda.”

Matiu 26:28

makẹni ọnwan wụ ẹdeke m, hụn wẹ gi biye ẹka nkwerigbama ọhụn Osolobuẹ kwademẹ — ẹdeke m wẹ hupụnị ndị bu ọda, igi wẹhẹ mgbagharị njọ.

Matiu 26:42

Ọ nọ pụzị nke mgbe ẹbụọ, mẹ ekpere, sị, “Baba, omẹni mkpu afụnfụnnị asaẹka ghafe mmanị m ra, uche i ya mẹ.”

Matiu 6:9

“E mẹ ni nwan ekpere ẹnịna: ‘Nẹdi ẹnyi hụn rị elu-igwee, mẹ ịhịan ile dọnmẹ ẹfan ị nsọ.

Makị 10:45

makẹni, Nwa nke Ịhịan lẹ enwẹn ẹ abịadẹni nị wẹ gban'a odibo, kalẹ, ọ bịa d'a gba odibo lẹ n'o ye ndụn a, gi gbapụha ndị bu ọda.”

Luku 22:19

Ya ọ nọ weri ogbe brẹdi, ọ kpanmịn Osolobuẹ, bebe ẹ, we ẹ ye wẹ, sị, “Ọnwan wụ ẹhụ m, hụn wẹ rị e gi ufiri ụnụ e ye. E mẹ ni ihiẹnni e gi a nyanhan m.”

Luku 22:42

sị, “Baba, omẹni y'a chọghọ, napụ m mkpu afụnfụn lẹ ọnwụnnị; kanị, uche i ya mẹ, ẹlẹ nke m.”

Jọnụ 10:11

“Mmẹ wụ ezigbo onyẹ-ndu atụnrụn: Ezigbo onyẹ-ndu atụnrụn e gi ufiri atụnrụn a e ye ndụn a.

Jọnụ 12:31

Kikẹnni kẹ wẹ jẹnkọ d'a ma ụwanị ikpe; kikẹnni kẹ wẹ sikọ d'a chụpụ onyẹ rị a kị ụwanị.

Jọnụ 5:30

“Asa m ẹka gi ikẹn m mẹ ihiẹn ọwụlẹ. M hụ a nụ ihiẹn Osolobuẹ rị a gwa m, e gi ẹ a han eṅẹn; ya wụ, ezigbo eṅẹn kẹ m'a han, makẹni arị m e mẹ uche m, kalẹ uche onyẹ zihẹni m.

Jọnụ 6:38

Makẹni, aghanị m elu-igwee bịa d'e mẹ uche m, kanị uche onyẹ hụn zihẹni m.

Ndị Rom 1:7

M rị e dejẹnni ndị ile Osolobuẹ nwọn ihiẹn-ọsụsụọ wẹ imẹ Rom, ndị ọ kpọ d'a wụrụ ndị-nsọ. Ẹfọma lẹ udọn gha ẹka Osolobuẹ Nẹdi ẹnyi lẹ Di-nwọnni-ẹnyi wụ Jesu Kristi a bịa ya rịnị ụnụ.

Ndị Rom 12:2

Elerilẹ ni ndị ụwanị, ka nị nị Osolobuẹ hutọ ụnụ ghahanị ihutọ iroro ụnụ. Mẹn'ẹ kẹni ụnụ hụn ụzọ marịn ihiẹn wụ uche Osolobuẹ, ihiẹn rị Osolobuẹ mma, ihiẹn a sụọ a ụsụọ, ihiẹn zu oke.

Ndị Rom 4:25

Osolobuẹ gi ufiri njọ ẹnyi we Jesu ye n'ọ nwụnhụn, ghazị ọnwụn weli Jesu kẹni o gi ifiri Jesu kuni ẹnyi ọhụnma.

Ndị Rom 8:27

Osolobuẹ hụn e legha obi ẹnyi marịn ihiẹn Mmọn-nsọ rị a rịọ, makẹni Mmọn-nsọ a rịọdọnni ndị-nsọ kẹ Osolobuẹ dọn chọ.

Ndị Rom 8:3

Makẹni, ihiẹn nwẹn Iwu Mozizi salẹni ẹka mẹ yeni ndụn arị ịhịan, Osolobuẹ e mẹgụọ a nwan ghahanị izihẹ Nwa a nọkẹ ịhịan mmaka hụn ndị-njọ wụ, kẹni o wepụ njọ, Osolobuẹ nọ gi ẹ ma njọ rị imẹ ịhịan ikpe.

Ndị Rom 8:32

Omẹni Osolobuẹ etuni nị Nwa a rọ, kama, o gi ufiri ẹnyi ile we ẹ ye, o yechanrịnkọ ẹnyi ihiẹn ndị ọzọ ile?

Ndị Kọrẹntị Ibuzọ 15:3

Makẹni, ihiẹnni kachanrịn mkpa kẹ wẹ kuzi m; ịya kẹ mmẹ nwẹn kuzizi ụnụ: nị Kraịstị gi ufiri njọ ẹnyi nwụnhụn kẹ Ẹkụkwọ-nsọ dọn ku ẹ n'o k'a nwụn;

Ndị Kọrẹntị Nke Ẹbụọ 4:4

Mmọn rị a kị ụwanị e kẹnkingụọ ẹnya ndị kwerilẹni, amamgbe w'e legha ukpẹ oziọma rị a ghọsị wẹ banyeni onyẹ Kraịstị wụ; Kraịstị hụn o mẹ ni onyẹ hụnn'a a hụngụọ Osolobuẹ.

Ndị Galeshịa 2:20

A kpọgbugụọ wẹ mmẹ lẹ Kraịstị elu obe Kraịstị. Ẹlẹzi mmẹ rị ndụn, Kraịstị rị nwan ndụn imẹ m. Ndụnnị m rị nwan e bi imẹ ẹhụ, m rị e bi ẹ ghahanị igi Nwa Osolobuẹ e dọn ẹnya, onyẹ hụn nwọn ihiẹn-ọsụsụọ m, gi ufiri m we enwẹn ẹ ye.

Ndị Galeshịa 6:14

O bugharị m! Egikọ m ihiẹn ọwụlẹ nyan isi wezụka obe Di-nwọnni-ẹnyi wụ Jesu Kristi. E gigụọ wẹ obe hụ kpọgbu ụwanị, ọ nọ wụrụ ihiẹn nwụnhụnnị ebe m rị, gizikwọ obe hụ kpọgbu m, m nọ wụrụ ihiẹn nwụnhụnnị ebe ụwa rị.

Ndị Ẹfẹsọsụ 1:11

Makẹni ẹnyi rị imẹ Kraịstị, ihiẹn Osolobuẹ a wụrụgụọ nke ẹnyi, makẹni Osolobuẹ hụn e mẹ ihiẹn ile n'o gi ẹ mẹzu uche ẹ gi ẹka a họtọ ẹnyi n'o gi ẹnyi mẹzu uche ẹ.

Ndị Ẹfẹsọsụ 2:2

Ụnụ e mẹ njọ, e mẹfie nọkẹ ndị ụwanị, e sọn onyẹ hụn a kị eje-mmọn ile rị imẹ elu, mmọn ahụn rị nwan ọrụn imẹ igunrun ndị rị e nupụ isi okpuru Osolobuẹ.

Ndị Ẹfẹsọsụ 5:16

Anịlẹ ni oghere ọwụlẹ ụnụ nwọn la mmaka, makẹni elu e zekẹ.

Ndị Ẹfẹsọsụ 5:2

E gi ni ihiẹn-ọsụsụọ e bi, kẹ Kraịstị dọn nwọn ihiẹn-ọsụsụọ ẹnyi, gi ufiri ẹnyi we ndụn a ye nọkẹ oyiye lẹ ẹjan e shin ọhụnma hụn wẹ chụnyeni Osolobuẹ.

Ndị Ẹfẹsọsụ 6:12

Makẹni, ẹlẹ ịhịan nwọn ẹhụ lẹ ẹdeke kẹ ẹnyi lẹ wẹ rị a lụ ọgụn, kanị, eje-mmọn rị ichẹn-ichẹn: ndị-isi eje-mmọn lẹ ndị-ọkịkị wẹ lẹ eje-mmọn ndị rị e mẹ eluni a gba ishi lẹ mmọn ile rị imẹ elu rị a kwadọn njọ kẹ ẹnyi lẹ wẹ rị a lụ.

Ndị Filipi 4:20

Ọjịja-mma ya rịnị Osolobuẹ wụ Nẹdi ẹnyi jẹnrin ejẹn. Isẹẹ!

Ndị Tẹsalonika Ibuzọ 1:3

Ẹnyi hụ a nyanhan ụnụ ihun Osolobuẹ ẹnyi wụ Nẹdi ẹnyi: ihiẹn ile ụnụ rị e gi okukwe ụnụ a rụn, kẹ ụnụ dọn rị a lịlịma makẹni ụnụ nwọn ihiẹn-ọsụsụọ lẹzi kẹ ụnụ dọn rị e gi olilẹnya ụnụ nwọn imẹ Di-nwọnni-ẹnyi wụ Jesu Kristi e dingbu ihiẹn ile.

Ndị Tẹsalonika Ibuzọ 3:11

Chuku ẹnyi wụ Nẹdi ẹnyi lẹ enwẹn ẹ lẹ Di-nwọnni-ẹnyi wụ Jizọsị dodo duhẹ ẹnyi nwan ebe ụnụ rị!

Ndị Tẹsalonika Ibuzọ 3:13

kẹni obi ụnụ zekẹnmẹ ebe ịrị-nsọ rị, ụnụ a wụrụ ndị nwọnlẹni nkọrịanị ihun Chuku Nẹdi ẹnyi ogẹn Di-nwọnni-ẹnyi Jesu lẹ ndị nsọ a e gi bịa.

Ndị Tẹsalonika Nke Ẹbụọ 2:16

Di-nwọnni-ẹnyi Jesu Kristi lẹ enwẹn ẹ lẹ Chuku Nẹdi ẹnyi hụn gi ihiẹn-ọsụsụọ o nwọn ebe ẹnyi rị mẹni ẹnyi ọhụnma ye ẹnyi nkasị-obi itẹbitẹ lẹ olilẹnya rị mma,

Timoti Ibuzọ 2:6

hụn we enwẹn ẹ ye, kẹni ọ wụrụ ihiẹn w'e gi gbapụha ịhịan ile. Osolobuẹ a shịagụọ ẹri banyeni ihiẹnni ogẹn furuni.

Taịtọsụ 2:14

Jizọsị Kraịstị, hụn gi ufiri ẹnyi we enwẹn ẹ ye, n'ọ gbapụha ẹnyi imẹ njọ ile, gi ẹ chanchanpụhanị enwẹn ẹ ndị k'a wụchanrịn nke ẹ, ndị ihiẹn rị mma a dụ omumẹ.

Hibru 2:5

Ẹlẹ ndị mmọn-ozi kẹ Osolobuẹ tumẹ nị wẹ kị ụwa lalanị ẹnyi rị e ku oku ẹ, kaka!

Hibru 6:5

omẹni ọ danmịngụọ oku Osolobuẹ, hụn a n'ọ rịka mma, omẹni ọ hụngụọ ikẹn elu hụ lalanị —

Hibru 9:14

ya wụ nị ẹdeke Kraịstị, onyẹ hụn gi enwẹn ẹ chụnyeni Osolobuẹ ẹjan nwọnlẹni ntụpọ ghahanị Mmọn itẹbitẹ, jẹnkọ d'a sa ẹka chanchan obi ẹnyi, chan a ezigbo ọchịchan, chanchanpụ ihiẹn ile ghalẹni e ye ndụn hụn ẹnyi mẹ, ẹnyi a hụn ụzọ fe Osolobuẹ rị ndụn.

Jemisi 4:4

Ndị ẹnya rịlẹni ụzọ ohu! Ụnụ amarịn nị ọwụ ụwa wụ eṅẹnrẹn Osolobuẹ? Ya wụ, onyẹ chọ n'ọ wụrụ ọwụ ụwa o họnrin eṅẹnrẹn Osolobuẹ.

Pita Ibuzọ 2:24

Kraịstị lẹ enwẹn ẹ gi ẹhụ a buru njọ ẹnyi, bu ẹ shi elu osisi ahụn, kẹni ẹnyi wụrụ ndị nwụnnahịn njọ, gi ndụn ẹnyi mẹmẹ ihiẹn Osolobuẹ chọ. Ẹhụ wẹ rụsọnmẹ ẹ kẹ ẹnyi gi dịnhịn.

Pita Ibuzọ 3:18

Makẹni, Kraịstị gi ufiri njọ tazịkwọ afụnfụn, nwụn, (mgbe ohu k'ọ nwụn, ọ nwụnkọzị), Onyẹ rị ọchan hụn nwụnnị ndị njọ ọnwụn — kẹni ọ hụn ụzọ wẹhẹ ẹnyi ile ebe Osolobuẹ rị. Wẹ gbu ẹ, ọ nwụnhụn kẹ ịhịan, kanị Chuku nọ mẹ mmọn a rị ndụn,

Jọnụ Ibuzọ 2:2

Ya lẹ enwẹn ẹ wụ ẹjan wẹ gi wepụ njọ ẹnyi; ẹlẹdẹ njọ ẹnyi sụọ, kanị njọ ụwa ile.

Jọnụ Ibuzọ 3:16

Ihiẹn ẹnyi gi a marịn ihiẹn-ọsụsụọ wụ ọnwan: nị Kraịstị gi ufiri ẹnyi we ndụn a ye. O furu nwan nị ẹnyi nwẹn ye ndụn ẹnyi makẹ ufiri ibe ẹnyi.

Rẹvẹleshọnụ 1:5

lẹ Jizọsị Kraịstị — Jizọsị Kraịstị hụn wụ ọshẹri ahụn furu wẹ gi e dọn ẹnya, onyẹ ibuzọ gha ọnwụn lihi, onyẹ hụn a kị ndị-nze rị elu-ụwa, onyẹ hụn nwọn ihiẹn-ọsụsụọ ẹnyi, gi ẹdeke ẹ gbapụha ẹnyi ẹka njọ ẹnyi;

Rẹvẹleshọnụ 5:9

Ya wẹ nọ bụ ẹbụ ọhụn, sị, “Ịyụ furu hụn k'e weri ẹkụkwọ hụ, hụn k'a tọpụ eriri ndị hụ wẹ gi kẹnmẹ ẹ; makẹni wẹ gbu i, ị nọ gi ẹdeke i gbapụhanị Osolobuẹ ịhịan imẹ ebọn ile lẹ asụsụ ile lẹ ndị ile lẹ alị ile.

Rẹvẹleshọnụ 7:9

Ọhụn e mẹgụ, m nọ lee ẹnya, hụn igunrun hi-ogbe, hụn o mẹ ni onwọnni onyẹ saẹka gụn wẹ. Wẹ ghasọnmẹ alị ile, ebọn ile, ndị ile, lẹ asụsụ ile pụha. Igunrunni turu ihun ukpo-eze hụ lẹ ihun Nwa-ebulu hụ. Wẹ ile yi ẹwuru ọchan tueru alị. Onyẹ-onyẹ gi iguru ẹka.