Ndị Galeshịa 1:21 - Ika

²¹ Omẹgụ, m nọ jẹn Ẹgbẹrẹ Siria lẹ Silisia.

Ndị Galeshịa 1:21 ပူးပေါင်းရင်းမြစ်များ

Matiu 4:24

Ya kẹ otiti ẹ nọ kpọgbarị alị Siria ile; wẹ hụ e wẹhẹn'ẹ ndị ile emu rị a kụ, ndị bu ọrịa ichẹn-ichẹn lẹ ndị ihiẹn rị a tụrụ, ndị eje-mmọn rị e ye nsọngbu, ndị ibobo (odudu) lẹ ndị ọrọ, ọ nọ zụọ wẹ.

Ọrụn Ndị-ozi 13:1

O nwọn ndị amụma lẹ ndị-nkuzi rị ụka rị Antịọkụ. Ndịnị wụ: Banabasị lẹ Simiọnụ w'a kpọ Onyẹ-ogi lẹ Lushiọsụ onyẹ alị Saịrini lẹ Manẹni hụn ya lẹ Hẹrọdụ nọ ụlọ ohu sue lẹzi Sọlụ.

Ọrụn Ndị-ozi 15:23

Wẹ nọ de ẹkụkwọ-ozi ye wẹ. Ihiẹn wẹ de wụ: “Ẹnyi umunẹ ụnụ, kẹ ndị-ozi ahụn pụ-ichẹn kẹ ndị-isi, gba de ẹkụkwọ-ozini; ẹnyi rị e dejẹnni umunẹ ẹnyi wụlẹni ndị Ju, hụn rịsọnmẹ obodo Antịọkụ rị Siria lẹ Siria ile lẹ Silisia. Ẹnyi e kele ụnụ!

Ọrụn Ndị-ozi 15:41

Ọ nọ ghagbarị Siria lẹ Silisia, e mẹ ndị ụka rị ebẹhụ e kẹnrẹn.

Ọrụn Ndị-ozi 18:18

Ogẹn Pọlụ gi nọbiegụ Kọrẹntị, ọ nọ sị ndị kwerini Jesu rị ebẹhụ nọdị ọhụnma, ọ nọ banye ụgbọ-mirin, shi alị Siria. Ịya lẹ Prisilia lẹ Akwila wị. E ru wẹ obodo Sẹnkrẹ, ọ nọ kọ ntutu makẹni o nwọn nkwa o kwe.

Ọrụn Ndị-ozi 21:3

Ẹnyi e ru ebe ẹnyi nọ leghama alị Saịprọsụ, ẹnyi nọ nu ẹ ye azụụn ẹka-ekpẹn, nyanshi Ẹgbẹrẹ Siria; ẹnyi e ru ẹ, ẹnyi nọ kụsị imẹ alị Taya, makẹni ebẹhụ kẹ ụgbọ ahụn jẹnkọ d'a nọ butu ibu.

Ọrụn Ndị-ozi 21:39

Pọlụ nọ sị, “M wụ onyẹ Ju. Tasọsụ rị Ẹgbẹrẹ Silisia kẹ wẹ nọ mụ m. M wụ nwa di-alị Tasọsụ, obodo rị mkpa. Dodo, nị m gwa ndịnị oku.”

Ọrụn Ndị-ozi 22:3

“M wụ onyẹ Ju. Tasọsụ rị Ẹgbẹrẹ Silisia kẹ wẹ nọ mụ m, kanị imẹ Jerusalẹm ebeni kẹ wẹ nọ zụn m. Gamaliẹlụ zụn m. Wẹ zụn m ọzụnzụn Iwu ndị nẹdi ẹnyi kanị, zụnru m alị; m'e te dụnnị Osolobuẹ kẹ ọkụn kẹ ụnụ ile dọn rị a dụnn'a tannị.

Ọrụn Ndị-ozi 23:34

Ọ gụngụ ẹkụkwọ-ozi hụ, ọ nọ jụ Pọlụ kẹ elee Ẹgbẹrẹ k'ọ wụ imẹ alị-eze Rom. Ogẹn o gi nụ nị onyẹ Ẹgbẹrẹ Silisia rọ,

Ọrụn Ndị-ozi 6:9

Kanị ụfọdụ ndị Ju, ndị ụlọ-ofufe w'a kpọ “Ụlọ-ofufe ndị Ju werigụ enwẹn wẹ”, nọ lihi, sọn Stivini dọma ndọndọ. Ndịnị wụ ndị Ju ghasọnmẹ Saịrini lẹ Alẹzandrịa lẹ ndị ghazị ẹgbẹrẹ Silisia lẹ Eshịa bịa.

Ọrụn Ndị-ozi 9:30

Ogẹn ndị kwerini Kraịstị gi marịn nị wẹ rị a chọ nị wẹ gbu ẹ, wẹ nọ we ẹ shi Sizaria, sị a lashi Tasọsụ.