Ndị Filipi 4:6 - Ika

⁶ Ehuelẹ ni uhue ihiẹn ọwụlẹ; imẹ ihiẹn ile, e gi ni ekpere lẹ arịrịọ lẹ iye-ekele a gwa Osolobuẹ ihiẹn rị ụnụ mkpa.

Ndị Filipi 4:6 ပူးပေါင်းရင်းမြစ်များ

Ndị-nze Nke Ibuzọ 8:28

Ka gọn ntịn ekpere mmẹ wụ odibo i rị e mẹ, a rịọ omikẹn i, dodo Osolobuẹ, Chuku m. Nụ ẹkwan odibo i lẹ ekpere odibo i rị ihun i e mẹ tannị.

Ihiẹn Mẹni Nke Ẹbụọ 32:20

Eze wụ Hezikaya lẹ onyẹ-amụma wụ Azaya nwa Emọzụ nọ mẹ ekpere, kwanghọsị Chuku rị elu-igwee ihiẹnni.

Ẹbụ-ọma 51:15

Di-nwọnni-ẹnyi, dodo shịapụ ụgb'ọnụ m, kẹni ọnụ m ja ị mma.

Ẹbụ-ọma 55:17

Kẹ uhinhin kẹ ụtụntụn kẹ efinnaị, m hụ a gwaghọsị a nsọngbu m, a sụn udẹn; ọ k'a nụ olu m.

Ẹbụ-ọma 55:22

Bu nsọngbu i ye Osolobuẹ, o k'e dọnmẹ i; onwọnni ogẹn o k'a nị wẹ mẹhunmẹ ndị ezi-omumẹ

Ẹbụ-ọma 62:8

Ndị nke ẹnyi, e gi ni Chuku e dọn ẹnya ogẹn ile, a gwaghọsịchanrịn n'a k'ọ rị ụnụ, makẹni ịya kẹ ẹnyi gbọnni. Sẹla

Itẹn 15:8

Ẹjan onyẹ eje-omumẹ chụn wụ arụ ẹnya Osolobuẹ, kanị ekpere mmaka ndị ezi-omumẹ mẹ, a sụọ Osolobuẹ ụsụọ.

Itẹn 16:3

Bu ihiẹn ile che ẹka Osolobuẹ, ihiẹn i bu obi a gha.

Ẹbụ Solomọnụ 2:14

Nduru m, hụn hụarị oghe rị ọmụma, hụn rị ebe w'a hụarịsọnmẹ elu ugu. Ghọsị m ihun i, nị m nụ olu i; makẹni olu i a sụọka ụsụọ; ihun i a rịka mma.

Jerimaya 32:16

E yegụ m Baruku nwa Nẹria ẹhụhụọ hụ ẹnyi gi mẹ oku alị hụ, m nọ mẹ ekpere, sị Osolobuẹ,

Jerimaya 33:3

‘Kpọku m, m k'a za ị, gwa ị okẹn-ihiẹn zuerini, hụn ị marịnlẹni.

Daniẹlụ 3:16

Shẹdrakị, Mishakị lẹ Abẹdnego nọ sị eze, “Nebukadineza, ẹlẹ hụn ẹnyi e gi kinrinmẹ ọnụ ẹnyi ebe ị rị imẹ okuni.

Daniẹlụ 6:10

Mgbe Daniẹlụ gi nwan marịn nị e tigụọ wẹ iwu hụ, de ẹ, ma ọkwa a, ọ nọ lashi iwe ẹ. Mgbe ẹtọ imẹ ụhụọhịn ọ hụ e jẹn mmughẹ ẹ rị ibe elu hụn windo ẹ bu ihun zinmẹ ibẹka Jerusalẹm, e gbu osekpu, e mẹ ekpere, a kpanmịn Chuku ẹ, k'o dọn e mẹ mbụ.

Matiu 10:19

“Kanị ogẹn w'e gi we ụnụ jẹnni wẹ, ehuelẹ ni uhue ihiẹn ụnụ k'e ku mọbụ kẹ ụnụ a dọn ku ẹ, makẹni ụnụ k'e nwọnhẹn ihiẹn ụnụ k'e ku ogẹn hụ.

Matiu 13:22

Mkpụrụ wẹ ghaye imẹ ogun wụ onyẹ hụn nụ ozi hụ, kanị oku elu lẹ ẹkpịrị akụ-lẹ-ụba a kpangbu ozi hụ, ọ mịnị mkpụrụ.

Matiu 6:34

“Ehuelẹ ni nwan uhue banyeni ekile, nị eki nwọn oku ẹ; nsọngbu ụhụọhịn e zugụọn'a.

Matiu 6:8

Anọlẹ ni nwan kẹ wẹ. Makẹni, Nẹdi ụnụ a marịnghọ ihiẹn rị ụnụ mkpa nị ụnụ d'a rịọma a.

Luku 10:41

Kanị Di-nwọnni-ẹnyi nọ za a, “Mata, Mata! Ị rị e hue uhue, e sọngbu enwẹn i yeni ihiẹn bu ọda —

Luku 12:22

Ya Jesu nọ sị ndị nsọnmazụụn a, “Ya kẹ m gi rị a gwa ụnụ ehuelẹ uhue ihiẹn ụnụ jẹnkọ d'e ri gi rị ndụn mọbụ ihiẹn ụnụ jẹnkọ d'e yi.

Luku 12:29

“Ya wụ, emẹzilẹ ni oku ihiẹn ụnụ jẹnkọ d'e ri lẹ ihiẹn ụnụ jẹnkọ d'a ra; egizilẹ n'ẹ sọngbu enwẹn ụnụ.

Luku 18:1

Jizọsị nọ gi ilu ghọsị ndị nsọnmazụụn n'o furu nị wẹ e mẹ ekpere e mẹsọnmẹ, anịnị wẹ ndụn gụ wẹ.

Luku 18:7

Osolobuẹ emẹkọ wẹ ye ndị nke ẹ rị a kwanghọsị a uhinhin lẹ efinnaị ihiẹn runi wẹ? N'o biekẹ d'e yeni wẹ ẹka?

Ndị Kọrẹntị Ibuzọ 7:21

Ị wụ igbọn k'ọ kpọbanhan ị? Anịlẹ ọhụn sọngbu i; kanị omẹni y'a hụn oghere y'e gi weri enwẹn i, ye e weri enwẹn i.

Ndị Kọrẹntị Ibuzọ 7:32

Achọnị m nị ụnụ e rogbu enwẹn ụnụ. Okẹnnyẹ gilẹni nwunyẹ e ro ihiẹn Di-nwọnni-ẹnyi, o ro k'o dọn mẹ n'ọ sụọ Di-nwọnni-ẹnyi;

Ndị Kọrẹntị Nke Ẹbụọ 1:11

ụnụ gha e gi ekpere e yeni ẹnyi ẹka. Ogẹn ahụn, ndị bu ọda e gi ufiri ẹnyi a kpanmịn Osolobuẹ yeni ihiẹn o gi ẹfọma mẹni ẹnyi gi za ekpere ndị bu ọda.

Ndị Ẹfẹsọsụ 5:20

e gi ẹfan Di-nwọnni-ẹnyi wụ Jesu Kristi e ye Chuku-Nẹdi ekele ogẹn ile imẹ ọnọdị ile,

Ndị Ẹfẹsọsụ 6:18

E gi ni ekpere lẹ ịrịọ-Osolobuẹ e sọn ihiẹn ile, e mẹ ekpere ogẹn ile kẹ Mmọn-nsọ dọn chọ; mụnrụn nị ẹnya ebe ekpere rị, anịlẹ ni ndụn gụ ụnụ; e mẹni ni ndị nke Osolobuẹ ile ekpere.

Ndị Kolosị 3:15

A chọnị udọn ahụn Kraịstị e ye, e gi ẹ e lele ihiẹn ụnụ rị e mẹ, makẹni, ezioku-ezioku, ịya kẹ Osolobuẹ kpọnị ụnụ d'a rị ẹhụ ohu. A kpanmịn nị Osolobuẹ.

Ndị Kolosị 3:17

Ihiẹn ile ụnụ e mẹ, kẹ omumẹ kẹ oku-ọnụ, e gi ni ẹfan Di-nwọnni-ẹnyi wụ Jizọsị e mẹ ẹ, a gha ẹka a e ye Chuku Nẹdi ekele.

Ndị Kolosị 4:2

E mẹ ni ekpere ogẹn ile, e we ẹnya e ru alị e mẹ ẹ, a kpanmịn Osolobuẹ ụnụ gha e mẹ ekpere.

Timoti Ibuzọ 2:1

Igi bidọn, m sị ụnụ: a rịọnị nị ịhịan ile Osolobuẹ; e mẹni ni wẹ ekpere; a rịọdọnni ni wẹ; e gi ni ufiri wẹ a kpanmịn a,

Timoti Ibuzọ 5:5

Okpoho di ẹ nwụn hụn nwọnlẹni onyẹ ọwụlẹ nke-esi e gi Osolobuẹ e dọn ẹnya, e mẹ ekpere ogẹn ile, a rịọ Osolobuẹ uhinhin lẹ efinnaị.

Pita Ibuzọ 4:7

Ihiẹn ile e d'e bi. E kwọndọn ni nwan enwẹn ụnụ, e dọnrin ẹnya makẹ ọdakin gha a rị ekpere ụnụ.

Pita Ibuzọ 5:7

lachanrịn nị mkpa ụnụ tọn'a, makẹni ụnụ rị a mkpa.

Samuẹlụ Nke Ibuzọ 1:15

Ọ nọ sị a, “Mba-o, Diọkpa! M rị e ri ụya; aranị m manya ọwụlẹ: kẹ hụn a tụnị kẹ hụn ghalẹni a tụ! Kama, m rị a gwa Osolobuẹ k'ọ rị m.

Samuẹlụ Nke Ibuzọ 30:6

Obi eruni Defidi alị kaka, makẹni ndị hụ sọnkọn'a hụ e ku oku igi ọmụma magbu ẹ — ihiẹn hụn mẹ ụmụ onyẹ-onyẹ hụ a fụ hụnyẹ akpobi. Kanị Defidi nọ gi Osolobuẹ wụ Chuku ẹ kasị enwẹn ẹ obi.

Samuẹlụ Nke Ibuzọ 7:12

Ya Samuẹlụ nọ buru ọmụma ohu zumẹ ẹgbata obodo Mizpa lẹ Shẹni. Ọ nọ gụn a “Ebeniza”, hụn wụ “Ọmụma Eyemẹka” — makẹni ọ sị, “Osolobuẹ eyeọlẹ ni ẹnyi ẹka d'e rukwọ ogẹnni!”