Ndị Filipi 4:19 - Ika

¹⁹ Chuku m jẹnkọ d'e yechanrịn ụnụ ihiẹn ile rị ụnụ mkpa. O k'e ye ụnụ ya mmagi-mmagi kẹ akụ-lẹ-ụba a han imẹ Kraịstị wụ Jesu.

Ndị Filipi 4:19 ပူးပေါင်းရင်းမြစ်များ

Jẹnẹsisi 48:15

Ọ nọ gọzimẹ Josẹfụ, sị, “Chuku ahụn ndị nẹdi m wụ Ebraham lẹ Aziki bi k'o dọn chọ, Chuku ahụn rị e lepụ m ẹnya kete m bịalẹ ụwanị d'e ru tannị,

Samuẹlụ Nke Ẹbụọ 22:7

A nọ m imẹ ụya kpọku Osolobuẹ; a kpọcheni m Chuku m. Ọ gha Ụlọ-NSỌ a nụ olu m, ẹkwan m e ru ẹ ntịn.

Ihiẹn Mẹni Nke Ẹbụọ 18:13

Kanị, Maịkaya nọ sị a, “Ma Osolobuẹ, ihiẹn Chuku m ku sụọ kẹ m k'e ku.”

Ihiẹn Mẹni Nke Ẹbụọ 31:8

Ogẹn Hezikaya lẹ ịhaịmẹ ẹ gi bịa, hụn elumelu ihiẹn ndị hụ wẹ butọsọnmẹ, wẹ nọ ja Osolobuẹ mma, gọzi ndị nke ẹ wụ Izrẹlụ.

Nehemiah 5:19

Euu Osolobuẹ m, nyanhankwọ m ọnyanhan rị mma makẹ ihiẹn ile rị mma m mẹni ndịnị.

Nehemiah 9:15

Ẹgụn a gụnma wẹ, ị nọ ye wẹ ihiẹn-oriri gha elu-igwee bịa; ẹgụn mirin a gụnma wẹ, ị nọ gha ọmụma wepụhanị wẹ mirin. Ị nọ sị wẹ banye d'e weri alị hụ i kun enwẹn i n'i sikọ d'e ye wẹ.

Ẹbụ-ọma 104:24

Euu Osolobuẹ, ihiẹn i ke e bukẹkwọ ọda! Akọ-lẹ-uche k'i gi ke wẹ ile; ihiẹn i ke e jun elu-ụwa ile.

Ẹbụ-ọma 130:7

Ndị Izrẹlụ, gi ni Osolobuẹ dọn ẹnya! Makẹni, ara nwọnbehi ihiẹn-ọsụsụọ lẹ ni ọ gbapụha ịhịan ọda-ọda.

Ẹbụ-ọma 36:8

Ihiẹn jun imẹ ụlọ ị kẹ wẹ ile e ri; y'e ye wẹ mirin iyi i a sụọnị a ra.

Ẹbụ-ọma 84:11

Makẹni, Osolobuẹ wụ Chuku ẹnyi wụ ẹnyanwụn lẹ akpaịn, ara gi ihiẹn ọwụlẹ rị mma jọ ndị obibi wẹ kụrụ ọtọ ẹfọ.

Daniẹlụ 6:22

Chuku m zi mmọn-ozi ẹ, ọ nọ kpumẹ ọnụ ẹwọrọ ndịnị. Onwọnni ihiẹn wẹ mẹ m, makẹni ọ hụngụọ nị emẹni m njọ, onwọnzikwọnị eje-ihiẹn m mẹ yụ wụ eze.”

Maịka 7:7

Kanị, mmẹ nwẹn, Osolobuẹ kẹ m'e lee; m k'e cheri Chuku hụn a zụọpụhanị m; Chuku m jẹnkọ d'a za m.

Malakaị 3:10

Wẹhẹchanrịn nị nwan ụzọ-ohu-imẹ-ụzọ-iri ebe w'e butọ a — kẹni ihiẹn-oriri jun Ụlọ m. Gi n'ẹ leledẹle m, mmẹ wụ Osolobuẹ ku ẹ — omẹni agụnpụkọnị m ụnụ windo elu-igwee, hutuni ụnụ ngọzi ụnụ jẹnkọlẹni d'a sa ẹka bu;

Matiu 6:32

Ihiẹn ndịnị wẹ kẹ ndị kwerilẹni ni Osolobuẹ a chụsọnmẹ, kanị Nẹdi ụnụ rị elu-igwee a marịnghọ nị ihiẹn ndịnị ile rị ụnụ mkpa;

Jọnụ 20:17

Jesu nọ sị a, “Eke kwọndọnlẹ m ẹka, makẹni m'e ke jẹn elu-igwee d'e kunrun Chuku-Nẹdi. Ka jẹn d'e kunrun umunẹ m, y'a sị wẹ, ‘M lakọ elu-igwee d'e kunrun Nẹdi m hụn wụzị Nẹdi ụnụ, Osolobuẹ m hụn wụzị Osolobuẹ ụnụ.’ ”

Jọnụ 20:27

Ya kẹ ọ nọ sị Tamọsị, “Wẹhẹ mkpịnsịn-ẹka ị n'i bu ẹ che ebeni; lee ẹka m ẹbụbụọ; wẹhẹ nwan ẹka ị n'i buche m ẹkụnkụn. Arụzịlẹ ụka; kweri!”

Ndị Rom 1:8

Nke ibuzọ, m rị e gi ufiri ụnụ ile a kpanmịn Osolobuẹ m ghahanị Jesu Kristi, makẹni wẹ rị e ku oku okukwe ụnụ imẹ ụwa ile.

Ndị Rom 11:33

Euu! Osolobuẹ e mẹkẹnmẹkẹ ọdanfịn! Amamihiẹn ẹ lẹ akọ-lẹ-uche ẹ e mikẹ! W'a ra saẹka ghọta iroro ẹ! W'a ra saẹka ghọta k'o mẹ!

Ndị Rom 2:4

Ra ị rị e lelịa okẹn ẹfọma a lẹ nkịtịn ọ rị a gba ị lẹ ndidin ẹ? Y'a marịn nị Osolobuẹ rị e mẹni i ẹfọmanị kẹni i hụn ụzọ rogharị?

Ndị Rom 8:18

E gighọ m'a dọn nị afụnfụn ẹnyi rị a ta ogẹnni eruni hụn wẹ e gi jeni ọghọ wẹ jẹnkọ d'e ye ẹnyi ihun.

Ndị Rom 9:23

Kị rị a omẹni o gi ẹ ghọsị ndị ọ chọ n'o mẹni omikẹn ikẹn ẹ hi ogbe, ndị ọ sị o k'e ye ọghọ,

Ndị Kọrẹntị Nke Ẹbụọ 12:21

Egun rị a tụ m, nị, ikẹnkwọ Osolobuẹ m e welụa m alị imẹ igunrun ụnụ, m bịazị; ikẹnkwọ a kwanma m ẹkwan makẹ ndị bu ọda mẹ njọ mbụ hụn kelẹni rogharị ihiẹn ru unyin lẹ ughẹrẹ lẹ ihiẹn-ifẹnrẹn ile wẹ mẹsọnmẹ.

Ndị Kọrẹntị Nke Ẹbụọ 4:17

Makẹni, ẹnyi jẹnkọ d'e gi ẹkẹrẹ afụnfụnnị ghalẹni e bie ẹnyi rị a ta ogẹnni nwọnrin ọghọ itẹbitẹ ọnụ ghalẹni a saẹka e ku hụn Osolobuẹ jẹnkọ d'e ye ẹnyi.

Ndị Ẹfẹsọsụ 1:18

M'a rịọ a ya kẹni ẹnya ụnụ shịapụ hụn obi ụnụ e gi ghọta, ụnụ a hụn ụzọ marịn ihiẹn hụn ọ kpọnị ụnụ, marịn ihiẹn ile higbu enwẹn ẹ ogbe o butọnị ndị-nsọ a;

Ndị Ẹfẹsọsụ 1:7

Makẹni ẹnyi rị imẹ Kraịstị, Osolobuẹ e gigụọ ẹdeke ẹ hụn wụ ọnwụn a gbapụha ẹnyi, gbagharị ẹnyi njọ, makẹ okẹn ẹfọma Osolobuẹ.

Ndị Ẹfẹsọsụ 2:7

Osolobuẹ mẹ ọnwan n'o gi ẹfọma o mẹni ẹnyi imẹ Kraịstị Jizọsị ghọsị agbọ ile lalanị ẹfọma a ka ẹfọma,

Ndị Ẹfẹsọsụ 3:16

M rị a rịọ a n'o gi ihiẹn ahụn ile o nwọn ye ụnụ ikẹn ụnụ e gi ze imẹ obi ụnụ ghahanị Mmọn-nsọ a.

Ndị Ẹfẹsọsụ 3:8

Ọsụọn'a nị mmẹ kachanrịndẹ ntịn imẹ ndị nke Osolobuẹ, o ye m oyiyeni kẹni m zi ndị alị ọzọ oziọmanị, gwa wẹ ezigbo ihiẹn nwọnlẹni ọgụgụ hụn jun imẹ Kraịstị,

Ndị Filipi 4:7

Ogẹn hụ, udọn Osolobuẹ hụn wẹ ghalẹni a ghọta e chemẹ obi ụnụ lẹ uche ụnụ imẹ Kraịstị wụ Jizọsị.

Ndị Kolosị 1:27

Ọ chọ nị ndị alị ọzọ marịn okẹn ihiẹn-omimini rịgbu enwẹn ẹ mma. Ihiẹn omimi hụ wụ nị ụnụ e nwọngụọ Kraịstị, lemẹ ni nwan ẹnya ọghọ hụ Osolobuẹ k'e ye.

Ndị Kolosị 3:16

A nị nị oku Kraịstị a rị imẹ ndụn ụnụ ọda-ọda. E gi ni amamihiẹn lẹ akọ-lẹ-uche ile a kuzi ibe ụnụ, a dụn wẹ ọdụn; e gi obi rị a kpanmịn Osolobuẹ a bụnị Osolobuẹ ẹbụ-ọma rị Ẹkụkwọ-nsọ lẹ ẹbụ-ofufe lẹ ẹbụ-nsọ.

Ndị Tẹsalonika Ibuzọ 2:12

a dụn ụnụ ọdụn, a gba ụnụ umẹ, a rịọ ụnụ, nị ụnụ e bi obibi furu Osolobuẹ hụn kpọbanhan ụnụ Alị-eze ẹ lẹ ọghọ a.

Timoti Ibuzọ 6:17

Nke ndị wụ ọdanfịn elu ụwanị, gba wẹ mkpịnsịn-ẹka, sị wẹ apachelẹ mọbụ gi ẹfe (akụ-lẹ-ụba) ụwanị ghalẹni a tọ dọn ẹnya. Kama, wẹ gi Osolobuẹ dọn ẹnya, onyẹ hụn e yechanrịn ẹnyi ihiẹn ile e yekwasị kẹni ẹfọ a sụọ ẹnyi ụsụọ.

Filemọnụ 1:4

Filemọnụ, m'a kpanmịn Osolobuẹ m ogẹn ile m gi a nyanhan ị ekpere m.

Pita Ibuzọ 5:1

M rị nwan a rịọ ndị-isi rị imẹ ụnụ, nọkẹ onyẹ-isi ibe ụnụ lẹ onyẹ gi ẹnya a hụn afụnfụn Kraịstị ta lẹ onyẹ rị ndị k'e nwọnhẹn ọghọ ahụn lalanị: dodo ni,

Pita Ibuzọ 5:10

Kanị, ụnụ tagụ afụnfụn ẹkẹrẹ ogẹn, Osolobuẹ onyẹ okẹn ẹfọma, hụn kpọ ụnụ d'e du ẹ nwọnrin ọghọ-itẹbitẹ ẹ hụn rị imẹ Kraịstị Jizọsị, k'e dọnzichanrịn nị ụnụ ihiẹn wiwini, mẹ ụnụ turu, mẹ ụnụ ze, mẹ ukun ruchanrịn ụnụ alị.