Ndị Filipi 4:14 - Ika

¹⁴ K'osilẹrị, ụnụ e mẹkẹ ụnụ gi yeni m ẹka imẹ nsọngbu m.

Ndị Filipi 4:14 ပူးပေါင်းရင်းမြစ်များ

Ndị-nze Nke Ibuzọ 8:18

Kanị Osolobuẹ nọ sị Defidi nẹdi m, ‘Ebe ị nọ bu ẹ obi n'ị tụnnị m Ụlọ-nsọ jẹnkọ d'a za Ẹfan m, y'e mẹkẹ ebe ị nọ ro ẹ.

Ihiẹn Mẹni Nke Ẹbụọ 6:8

Kanị Osolobuẹ nọ sị nẹdi m wụ Defidi, ‘Ebe ọ rị ị obi nị tụn Ụlọ-nsọ Ẹfan m k'a rị, y'e mẹkẹ ihiẹnni gi rị ị obi.

Matiu 25:21

“Di-nwọnn'ẹ nọ sị, ‘Ezigbo odibo wẹ gi e dọn ẹnya! Y'e kwọndọngụọ ihiẹn mẹ ẹkẹrẹ ọhụnma. M jẹnkọ d'e ye i ihiẹn bu ọda lepụ ẹnya. Bịa d'e sọn di-nwọnn'i ghọghọ.’

Ndị Rom 15:27

Uwẹ gi uche wẹ mẹ ẹ. O rughọ wẹ e mẹ, makẹni wẹ gi ndị kwerini rị Jerusalẹm ụgwọ. Makẹni, omẹni ndị wụlẹni ndị Ju e rinarịngụọ ndị Ju ihiẹn imẹ-mmọn, o furu nị ndị wụlẹni ndị Ju gizi ihiẹn ụwanị wẹ nwọn yeni wẹ ẹka.

Ndị Galeshịa 6:6

Ndị wẹ rị a kuzi oku-Chuku wẹ keye ndị rị a kuzi wẹ oku-Chuku ihiẹn ọwụlẹ rị mma wẹ nwọn.

Ndị Filipi 1:7

O furughọ nị oku ụnụ ile a rị m ẹnịna, makẹni ụnụ rị m obi ogẹn ile! Ẹghẹẹ, makẹni mmẹ lẹ ụnụ hụ e gi ihiẹn Osolobuẹ gi a gọzi ẹnyi e yetarị ẹka: kẹ ebe m rị imẹ ngan kẹ ebe m rị a kwadọn oziọma, e mẹ ihiẹn o gi e werichanrịn ọnọdị.

Ndị Filipi 4:18

Ihiẹn ile ụnụ ye e rugụọ m ẹka! O bukẹ!! Hụnnị Ẹpafrọditọsụ wẹhẹni m ihiẹn ile ụnụ ye ẹ bịanị m, ẹfọ e jungụọ m. Oyiye ishin ẹ a sụọ Osolobuẹ rọ, ẹjan Osolobuẹ a nabanhan hụn a sụọ a ụsụọ.

Timoti Ibuzọ 6:18

Sị wẹ e mẹ mma, a wụ ndị ịdanfịn ebe ịrụn ọrụn-ọma rị; wẹ a ha ẹka, a hụn a nị ihiẹn wẹ e ruzi ndị ọzọ ẹka ọhụnma —

Hibru 10:33

ụya wẹ ye ụnụ ri, ukpokpo wẹ kpokpo ụnụ lẹ kẹ ụnụ dọn kweri sọndẹ ndị ọzọ wẹ rị e mẹ ẹrịra ta afụnfụn.

Hibru 10:34

Ẹghẹẹ, ụnụ a chọ ihiẹn ụnụ e mẹni ndị rị ngan ogẹn hụ; kẹ wẹ napụ ụnụ ihiẹn ụnụ, ụnụ gidẹ ịghọghọ din ẹ, makẹni ụnụ a marịnghọ nị ụnụ lẹ enwẹn ụnụ nwọn hụn ka mma lẹ hụn k'a rị jẹnrin ejẹn.

Hibru 13:16

Hụn n'a nị ụnụ hụ e mẹ ihiẹn rị mma lẹni ihiẹn ụnụ hụ e ru ibe ụnụ ẹka, makẹni ụdị ẹjannị a sụọ Osolobuẹ ụsụọ.

Rẹvẹleshọnụ 1:9

Mmẹ wụ Jọnụ nwẹnẹ ụnụ, hụn rịzị ndị rị a tanị Jesu afụnfụn lẹ ndị alị-eze Jesu lẹ ndị rị e lee ẹnya Jesu — nọkẹ kẹ ụnụ lẹ enwẹn ụnụ dọn rị e lee ẹnya a. Ndị ọkịkị gi ufiri oku Osolobuẹ lẹ ozi Jesu nwụnrụn m, bu m tọ alị Patịmọsụ ohimin fihunmẹ.