Ndị Filipi 3:9 - Ika

⁹ a rịchanrịn m imẹ ẹ, ẹlẹ nke onyẹ rị ọchan ẹnya enwẹn ẹ makẹni ọ hụ e dọnmẹ Iwu, kama, rịkẹ onyẹ rị ọchan makẹni o gi Kraịstị e dọn ẹnya — ịrị-ọchan ahụn gha ẹka Osolobuẹ a bịa, hụn wẹ gi okukwe e nwọnhẹn.

Ndị Filipi 3:9 ပူးပေါင်းရင်းမြစ်များ

Jẹnẹsisi 7:23

O gbuchanrịn ihiẹn rị ndụn rị ụwa: kẹ ịhịan kẹ anụ kẹ ihiẹn ndị a rịhunmẹ alị kẹ nnụnụ ndị e fe elu; o gbupụchanrịn wẹ ile imẹ ụwa. Nụa sụọ họdụ, ịya lẹ ndị ya lẹ wẹ rị imẹ ụgbọ ahụn.

Ndị-nze Nke Ibuzọ 8:46

“Omẹni ndị nke i mẹ i njọ — ebe o mẹ ni onwọnni onyẹ ghalẹni e mẹ njọ, ni y'e gi iwe ihiẹn wẹ mẹ bu wẹ che ẹka ndị-iṅẹnrẹn, e mẹri wẹ wẹ, kpụn wẹ shi alị wẹ, ọsụọn'a ebe teni mọbụ ebe rị nsue,

Ihiẹn Mẹni Nke Ẹbụọ 32:25

Kanị Hezikaya nọ họnrọnma, onwọndẹni ihiẹn ọ kpọ ẹfọma Chuku mẹn'ẹ. Ya ize ya lẹ ndị Juda lẹ Jerusalẹm nọ ban Osolobuẹ.

Ihiẹn Mẹni Nke Ẹbụọ 32:31

Kanị, ogẹn ndị hụn ndị-isi Babilọnụ zihẹ gi bịa d'a jụ a oku ihiẹn atụmẹnya mẹ imẹ alị Juda, Osolobuẹ nọ hapụ a kẹn'o lele ẹ, marịn ihiẹn ile rị a obi.

Ẹbụ-ọma 14:3

Wẹ ile a kpahugụọ; wẹ ile a rụchanrịngụọ; onwọnni kaka onyẹ ohu e mẹ ihiẹn rị mma — onwọndẹni akpụ onyẹ ohu.

Ẹbụ-ọma 143:2

Dodo, akpọlẹ mmẹ wụ odibo i kpe, makẹni onwọnni onyẹ rị ndụn hụn rị ọchan ẹnya ị,

Ẹbụ-ọma 19:12

Onyẹ a marịnchanrịn mmẹfie ẹ? Gbagharị m mmẹfie m ndị m marịnlẹni!

Ẹkịliziastisi 7:20

Onwọnni kaka akpụ onyẹ ohu rị ọchan elu-ụwa, hụn e mẹchanrịn ihiẹn rị mma sụọ bụ o mẹtuni njọ.

Azaya 46:13

M wela nwan ihiẹn ahụn rị mma; ọ rịgụọ nsue; nzụọpụha m rọ, o biekọ d'a bịa. M k'e ye Zayọnụ nzụọpụha; bu ọghọ m che Izrẹlụ ẹhụ.

Azaya 53:11

Ọ tagụ afụnfụn, nwụnhụn, ọ k'a hụn ihiẹn ọ rụn, ẹfọ e jun ẹ. Odibo m k'e mẹ wẹ hatu ndị bu ọda ikpe ma hụn sikọ d'a marịnn'a — o k'e buru njọ wẹ.

Azaya 53:6

Ẹnyi ile a kpahugụọ nọkẹ atụnrụn; onyẹ-onyẹ a warị ẹbụ a — Osolobuẹ e bukwasị a njọ ẹnyi ile.

Azaya 6:5

Ya m nọ yimẹ, “Ụya e gbuẹ m! Nke m a gụ! Makẹni, mmẹ hụn wụ onyẹ njọ ọnụ a rụ, hụn bizikwọ imẹ igunrun ndị njọ ọnụ wẹ rụ, e gigụọ ẹnya hụn Eze, Osolobuẹ Nwọn Ikẹn Ile!!”

Jerimaya 23:6

Ọ kịma, Juda a hụn isi, ihiẹn emẹkọ Izrẹlụ. Ẹfan wẹ k'e gi marịn a wụ: ‘Osolobuẹ A Tụnị Ẹnyi Ụya’.

Jerimaya 33:16

ihiẹn a rịnị Juda mma, ẹhụ e fu obodo Jerusalẹm. Ẹfan wẹ k'a gha a kpọ Jerusalẹm ogẹn ahụn wụ: ‘Osolobuẹ Mẹ Ẹnyi Gi Rị Mma.’

Daniẹlụ 9:24

“Ogẹn Chuku kayeni ndị nke i lẹ obodo nsọ ụnụ wụ ‘iri kwasị ọgụn-ẹtọ ụzọ ẹsa’ hụn wẹ e gi ta afụnfụn njọ, hụn Osolobuẹ e gi wepụ njọ, hụn o gi mẹ ihiẹn wẹ e gi wepụ njọ, webanhan ezi-omumẹ itẹbitẹ, mẹzu ihiẹn ọ ghọsị ndị-amụma lẹ ihiẹn ndị amụma ku, tumẹ ebe kachanrịn nsọ.

Matiu 9:13

Jẹn ni d'a mụ ihiẹn okuni rị Ẹkụkwọ-nsọ wụ: ‘Omikẹn kẹ m chọ, ẹlẹ ịchụn-ẹjan.’ Makẹni, ẹlẹ ndị ezi-omumẹ kẹ m bịa d'a kpọ, kama ndị njọ.”

Ndị Rom 1:17

Makẹni, oziọma a ghọsị kẹ ezi-omumẹ wụ nke Osolobuẹ nọ: okukwe ịhịan k'o gi e mẹ ẹ gha mbidọn d'e ru isi ẹ. Ọ nọhụ kẹ Ẹkụkwọ-nsọ dọn ku ẹ, “Okukwe kẹ onyẹ ezi-omumẹ gi a rị ndụn.”

Ndị Rom 10:10

Makẹni, ịhịan gi obi ẹ kweri, Osolobuẹ a kpọ a onyẹ ezi-omumẹ; o gi ọnụ a ku ẹ n'o kwerighọ, Osolobuẹ a zụọpụha a.

Ndị Rom 16:7

Kele ni Andronikusu lẹ Junia, ndị Ju ibe m mmẹ lẹ wẹ wị jẹn ngan. Ndị-ozi pụ-ichẹn marịn wẹ ọhụnma-ọhụnma; uwẹ bu m ụzọ sọnmẹ Kraịstị.

Ndị Rom 5:21

n'ọ wụrụ nị kẹ njọ dọn gi ọnwụn kị ẹrịra kẹ ẹfọma Osolobuẹ k'e dọnzi gi ezi-omumẹ ọ rị e ye ịhịan kị — gi ẹrịra mẹ ịhịan nwọnhẹn ndụn-itẹbitẹ ghahanị Di-nwọnni-ẹnyi wụ Jizọs Kraịstị.

Ndị Rom 8:1

Ya wụ, onwọnzini nwan ikpe hụn ma ndị rị imẹ Kraịstị wụ Jizọsị, ndị rịzịlẹni e bi kẹ ịhịan-mmaka kanị kẹ Mmọn-nsọ dọn chọ.

Ndị Rom 8:3

Makẹni, ihiẹn nwẹn Iwu Mozizi salẹni ẹka mẹ yeni ndụn arị ịhịan, Osolobuẹ e mẹgụọ a nwan ghahanị izihẹ Nwa a nọkẹ ịhịan mmaka hụn ndị-njọ wụ, kẹni o wepụ njọ, Osolobuẹ nọ gi ẹ ma njọ rị imẹ ịhịan ikpe.

Ndị Kọrẹntị Ibuzọ 1:30

Osolobuẹ mẹ ụnụ gi nwan rị imẹ Kraịstị Jizọsị hụn wụ nwan amamihiẹn ẹnyi gha ẹka Osolobuẹ bịa lẹ ezi-omumẹ ẹnyi lẹ onyẹ ẹnyi gi rị nsọ lẹ onyẹ nzụọpụha ẹnyi.

Ndị Kọrẹntị Nke Ẹbụọ 5:17

Ya wụ, onyẹ rị imẹ Kraịstị a wụrụọlẹ onyẹ wẹ kedọnzi; ihiẹn akan a gharịgụọ; lee ẹ, ihiẹn ile e họnringụọ nke ọhụn!

Ndị Kọrẹntị Nke Ẹbụọ 5:21

Osolobuẹ gi ufiri ẹnyi gi Kraịstị mẹlẹni njọ họnrin onyẹ mẹ njọ, kẹni ẹnyi gha ẹka a họnrin ndị ezi-omumẹ ẹnya Osolobuẹ.

Ndị Galeshịa 2:16

Bụ ẹnyi a marịnghọ nị ẹlẹ Iwu ịhịan dọnmẹ kẹ Osolobuẹ gi e kun'ẹ ọhụnma, kanị ikwerini Jesu Kristi, gi ẹ e dọn ẹnya. Ẹnyi lẹ enwẹn ẹnyi e kwerigụọ nị nwan Jesu Kristi, kẹni Osolobuẹ gi ọhụn kuni ẹnyi ọhụnma ẹlẹ nị ẹnyi e dọnmẹ Iwu Mozizi. Makẹni, onwọnni onyẹ Osolobuẹ k'e kuni ọhụnma makẹni o dọnmẹ Iwu.

Ditrọnọmi 27:26

“Ịbụ-ọnụ ya rịnị onyẹ hụn jụ n'o dọnmẹkọ ihiẹn ndị rị iwuni gi kwadọn wẹ.” Ịhịan ile sị, “Isẹẹ!”

Ndị Filipi 3:6

o mẹ nke adụdụ, m kpokpo ụka Kraịstị; o mẹ nke ezi-omumẹ Iwu Mozizi, enwọn m nkọrịanị.

Timoti Nke Ẹbụọ 1:9

Makẹni, Osolobuẹ wụ onyẹ zụọpụhanị ẹnyi, kpọ ẹnyi oku rị nsọ. Ẹlẹ ọrụn-ọma ẹnyi rụn haịn o gi kpọ ẹnyi, kanị uche ẹ lẹ ẹfọma a haịn. O mẹgụọnị ẹnyi ẹfọmanị imẹ Kraịstị wụ Jizọsị nị ụwa d'e bidọn,

Taịtọsụ 3:5

ọ nọ zụọpụha ẹnyi, ẹlẹ ihiẹn rị mma ẹnyi mẹ haịn, kanị, omikẹn ẹ; o gi ịmụdọnzini ẹnyi chanchan ẹnyi, o mẹ ẹnyi wụrụ ndị ọhụn ghahanị Mmọn-nsọ,

Hibru 6:18

kẹni obi ruchanrịn ẹnyi ndị gbaburun'ẹ alị kwọnkẹnmẹ olilẹnya o ye ẹnyi, makẹni Osolobuẹ e gigụọ ihiẹn ẹbụbụọ ahụn ghalẹni e gbehutọ ghọsịchanrịn nị ẹlẹ ntụ kẹ ọ rị a tụ.

Jemisi 3:2

Ọ rụnahịn ẹnyi ile arụnahịn. Onyẹ oku-ọnụ ghalẹni a rụnahịn e zugụọ oke: n'ọ sazịghọ ẹka kwọndọnchanrịn ẹhụ a ile.

Pita Nke Ẹbụọ 1:1

Mmẹ, Simiọnụ wụ Pita, de ẹkụkwọ-ozini. M wụ igbọn Jizọsị Kraịstị; m wụzịkwọ onyẹ-ozi ẹ pụ-ichẹn. M rị e dejẹnni ndị Osolobuẹ ye ẹnyi lẹ wẹ okukwe ohu ahụn rị okẹn mkpa ghahanị ezi-omumẹ Jesu Kristi hụn wụ Osolobuẹ ẹnyi lẹ Onyẹ-nzụọpụha ẹnyi.

Jọnụ Ibuzọ 3:4

Onyẹ ọwụlẹ hụn e mẹ njọ rị a dan iwu makẹni njọ wụ ịdan-iwu.