Ndị Filipi 3:8 - Ika

⁸ Ẹlẹdẹ ọhụn sụọ, a gụngụọdẹ m ihiẹn ile ye ihiẹn la iwi, makẹ ufiri ihiẹn hụn ka wẹ ile ọhụnma-ọhụnma, hụn wụ ịmarịn Kraịst Jizọsị Di-nwọnni m, onyẹ hụn m gi nwan ufiri ẹ nị ihiẹn ile la, weridẹ wẹ kẹ nsịn, kẹni m kwọnkẹnmẹ Kraịstị,

Ndị Filipi 3:8 ပူးပေါင်းရင်းမြစ်များ

Ndị-nze Nke Ibuzọ 14:10

“ ‘Makẹ ufiri ihiẹnni, m jẹnkọ d'e wẹhẹni ikpụlọ Jerobụam ezigbo nsọngbu. M k'e gbunarịnchanrịn Jerobụam ikẹnnyẹ ile wụ nke ẹ imẹ Izrẹlụ — kẹ igbọn kẹ onyẹ nwọn enwẹn ẹ. M k'a dụn ikpụlọ Jerobụam ọkụn kẹ wẹ dọn a dụn nsịn-anụ ọkụn, d'e ru n'ọ gụchanrịn.

Ndị-nze Nke Ẹbụọ 9:37

Ozun Jezibẹlụ k'a nọ kẹ ẹfịfịa rị akpakalị, imẹ alị hụ rị Jezriẹlụ, nke wụnị onwọnni onyẹ k'a s'ẹka kọma a ẹnya, sị, “Ọnwan wụ Jezibẹlụ.” ’ ”

Jobu 20:7

o k'a la iwi jẹnrin-ejẹn kẹ nsịn a dọn a la iwi; ndị hụn a mbụ k'a jụma, ‘Ebe ọ rị?’

Ẹbụ-ọma 126:6

Onyẹ hụn gi ẹkwan pụ, bukọ mkpụrụ d'a kụn, k'e girịrị ẹbụ-ịghọghọ lụa, bukọ ẹkpa bu ọda ọ ghọlụa.

Ẹbụ-ọma 73:25

Onyẹ kẹ m nwọnzi nwan elu-igwee wezụka ị? Onwọnzikwọnị ihiẹn a sụọ m elu-ụwa wezụka ịyụ!

Azaya 53:11

Ọ tagụ afụnfụn, nwụnhụn, ọ k'a hụn ihiẹn ọ rụn, ẹfọ e jun ẹ. Odibo m k'e mẹ wẹ hatu ndị bu ọda ikpe ma hụn sikọ d'a marịnn'a — o k'e buru njọ wẹ.

Malakaị 2:3

“M k'e ye ụmụ ụnụ afụnfụn, e te m ụnụ nsịn anụ ihun, anụ hụ ụnụ gi chụn ẹjan, e kpọnpụ wẹ ụnụ lẹ nsịn hụ.

Ọgụngụn 14:30

Onwọnni akpụ onyẹ ohu imẹ ụnụ sikọ d'a hụn alị ahụn m kịshi ẹka elu kun enwẹn m n'o k'a wụ iwe ụnụ — wezụka Kalẹbụ nwa Jefunẹ lẹ Joshụa nwa Nọnụ.

Luku 1:43

Okẹn ngọzi kẹ m nwọn ebe nnẹ Di-nwọnni m nọ bịa d'a hụn m!

Luku 11:20

Kanị, omẹni ikẹn Osolobuẹ kẹ m gi a chụpụ eje-mmọn, ya wụ nị Alị-eze Osolobuẹ e rugụọ ebe ụnụ rị.

Jọnụ 14:20

O ru ụhụọhịn hụ, ụnụ jẹnkọ d'a marịn nị m rị imẹ Nẹdi m, nị ụnụ rị imẹ m, mmẹ nwẹn rị imẹ ụnụ.

Jọnụ 14:7

Omẹni ụnụ te marịn m amarịn, nkẹ ụnụ a marịnzị Nẹdi m. Ụnụ a marịngụọ a nwan gha kikẹnni jẹnmẹ; ụnụ a hụngụọ a.”

Jọnụ 16:3

Wẹ jẹnkọ d'e mẹ ẹ makẹlẹ amarịn wẹ Chuku-Nẹdi, amarịn wẹ m.

Jọnụ 17:3

Ọnwan wụ ndụn itẹbitẹ: ịmarịnn'ị, Chuku hụn ya sụọ wụ Chuku nke-esi lẹ ịmarịn Jizọsị Kraịstị hụn i zihẹ.

Jọnụ 17:8

makẹlẹ a gwagụọ m wẹ ihiẹn ndị hụ ị sị m gwa wẹ. A nabanhangụọ wẹ oku ndị hụ; a marịngụọ wẹ nwan nị m gha ebe ị rị bịa nke-esi. E kwerigụọ wẹ nị yụ zihẹ m.

Jọnụ 20:13

Wẹ nọ sị Mẹri, “Okpoho, k'ị rị a kwannị?” Ọ nọ sị wẹ, “E bupụgụọ wẹ Di-nwọnni m, kanị amarịn m ebe wẹ buche ẹ!”

Jọnụ 20:28

Tamọsị nọ za a, sị, “Di-nwọnni m lẹ Chuku m!”

Ọrụn Ndị-ozi 20:24

Kanị onwọnni ihiẹn m kpọ ndụn m, kasị m gbagụ ọsọ Osolobuẹ, rụngụ ọrụn Di-nwọnni-ẹnyi wụ Jesu buche m ẹka: ọrụn izisọnmẹ oziọma banyeni ọhụnma Osolobuẹ mẹ.

Ndị Rom 8:18

E gighọ m'a dọn nị afụnfụn ẹnyi rị a ta ogẹnni eruni hụn wẹ e gi jeni ọghọ wẹ jẹnkọ d'e ye ẹnyi ihun.

Ndị Rom 8:39

kẹ ihiẹn jẹn elu kẹ ihiẹn mi mgbugbu, kẹ ihiẹn ọzọ ọwụlẹ wẹ ke eke — onwọnni hụn k'a saẹka wepụ ẹnyi imẹ ihiẹn-ọsụsụọ Osolobuẹ rị imẹ Kraịstị wụ Jizọsị Di-nwọnni-ẹnyi!

Ndị Kọrẹntị Ibuzọ 2:2

Makẹni m kwademẹ obi m nị ebukọ m ẹnya che ihiẹn ọzọ imẹ igunrun ụnụ wezụka Jesu Kristi — Jesu Kristi wẹ kpọgbu elu obe.

Ndị Kọrẹntị Ibuzọ 9:10

Ẹlẹ ufiri ẹnyi k'o gi ku ẹ? Ẹnyi haịn wẹ gi de ẹ nụ. Makẹni, onyẹ rị a kụn ọka lẹ onyẹ rị a kụkpọnị furu nị w'a rụn e lee ẹnya n'o ru wẹ ẹka.

Ndị Kọrẹntị Nke Ẹbụọ 4:4

Mmọn rị a kị ụwanị e kẹnkingụọ ẹnya ndị kwerilẹni, amamgbe w'e legha ukpẹ oziọma rị a ghọsị wẹ banyeni onyẹ Kraịstị wụ; Kraịstị hụn o mẹ ni onyẹ hụnn'a a hụngụọ Osolobuẹ.

Ndị Kọrẹntị Nke Ẹbụọ 4:6

Makẹni, Osolobuẹ hụn sị, “Ukpẹ ya nwunmẹ ebe ishi rị” e nwun nwangụọ nwan imẹ obi ẹnyi hụn ẹnyi gi saẹka legha ọghọ Osolobuẹ ihun Kraịstị.

Ndị Galeshịa 1:16

ọ nọ mẹ m marịn Nwa a, kẹni m zi ndị alị ndị ọzọ wụlẹni ndị Ju ozi Nwa a. Ogẹn o gi mẹ ẹ, ejẹnni m ozigbo d'a jụma ịhịan.

Ndị Ẹfẹsọsụ 4:13

D'e ru ni ẹnyi ile a wụrụ ohu imẹ ofufe Jesu lẹ ịmarịn Nwa Osolobuẹ, wụrụ ndị ka ẹhụ, sueruchanrịn ogo Kraịstị, nọchanrịn kẹ ya;

Ndị Filipi 1:1

Pọlụ lẹ Timoti de ẹkụkwọ-ozini. Ẹnyi wụ igbọn Kraịstị wụ Jizọsị. Ẹnyi rị e dejẹnni ndị ile rị imẹ Kraịstị wụ Jizọsị, ndị nsọ Osolobuẹ, hụn rị Filipi, uwẹ lẹ ndị-isi wẹ lẹ ndị-ọrụn ụka wẹ.

Ndị Filipi 3:10

M chọ nị m marịn Kraịstị lẹ ikẹn hụ o gi gha ọnwụn lihi, e sọn m'ẹ ta afụnfụn ọ ta, sọn ẹ nwụn ọnwụn ọ nwụn,

Ndị Filipi 3:12

Ẹlẹni e nwọnhẹngụọlẹ m ihiẹn ahụn mọbụ nị e zuchanrịngụọlẹ m oke. Kama, m'a chụshi ẹ ikẹn, kẹni m nwụndọn ihiẹn hụ Kraịstị wụ Jizọsị gi ufiri ẹ nwụndọn m.

Ndị Filipi 3:7

Kanị, e gigụọ m nwan ufiri Kraịstị gụn ihiẹn ile te bannị m erere ye ihiẹn la iwi.

Timoti Nke Ẹbụọ 4:6

Mmẹ nwẹn, wẹ rị nwan e hupụ m kẹ manya wẹ gi a chụn ẹjan; ogẹn m'e gi lama e rugụọ.

Hibru 3:14

Makẹni ẹnyi lẹ Kraịstị k'a rịsọnmẹ omẹni ẹnyi e kwọnkẹnmẹ ẹka ahụn ẹnyi gi bidọn d'e ru njẹndemẹ.

Pita Ibuzọ 2:7

Ya wụ, ọmụma ahụn rị ụnụ nwẹn kwerini mkpa ọda-ọda; kanị nke ndị hụn kwerilẹni — “Ọmụma ndị rị a tụn ụlọ jụ, a wụrụọlẹ hụn gi ụlọ!”

Pita Nke Ẹbụọ 1:2

Ẹfọma lẹ udọn ya rịnị ụnụ mmagi-mmagi, ebe ụnụ rị a marịnwaye Osolobuẹ lẹ Jizọsị Kraịstị wụ Onyẹ-nwọnni-ẹnyi.

Pita Nke Ẹbụọ 1:3

Makẹni, o gigụọ ikẹn o gi wụ Chuku ye ẹnyi ihiẹn ile ẹnyi e gi bi elu lẹ hụn ẹnyi e gi fe Osolobuẹ. Ẹnyi e nwọnhẹn ihiẹn ndịnị ghahanị ọmarịn ẹnyi marịn Jesu hụn kpọ ẹnyi d'e sọn ẹ nwọnrin ihiẹn ile o nwọn, sọn ẹ rị ọchan.

Pita Nke Ẹbụọ 1:8

Makẹni, omẹni ụnụ hụ e nwọnwaye ihiẹn ndịnị ile imẹ ndụn ụnụ, ụnụ awụkọ ndị kwerini Onyẹ-nwọnni-ẹnyi wụ Jesu Kristi bụ onwọnni ihiẹn w'a rụnn'a, onwọnni mkpụrụ w'a mịn'a.

Pita Nke Ẹbụọ 3:18

Kama, gi ni ẹfọma Jesu Kristi wụ Di-nwọnni-ẹnyi lẹ Onyẹ-nzụọpụha ẹnyi e suewaye imẹ okukwe; a marịnwayezi ni Di-nwọnni-ẹnyi. Ọghọ ya rịn'a ogẹnni, rịzịkwọn'a jẹnrin ejẹn, d'e ru ụhụọhịn ikpanzụụn! Isẹẹ.

Jọnụ Ibuzọ 1:3

Ẹnyi rị nwan a gwa ụnụ ihiẹn ẹnyi hụn lẹ ihiẹn ẹnyi nụ, kẹni ụnụ hụn ụzọ bannị ẹnyi — makẹni Nẹdi ẹnyi lẹ Nwa a wụ Jesu Kristi kẹ ẹnyi lẹ wẹ rị.

Jọnụ Ibuzọ 2:19

Ezioku rọ nị imẹ igunrun ẹnyi kẹ ndịnị gha pụ, kanị, ẹlẹ wẹ ndị nke ẹnyi. Makẹni, omẹni wẹ wụ ndị nke ẹnyi, nkẹ e sọn wẹ ẹnyi nọdị. Kanị, ọpụpụ wẹ pụ imẹ igunrun ẹnyi k'o gi wechanrịn ẹnya nị ẹlẹ wẹ ndị nke ẹnyi.

Jọnụ Ibuzọ 5:20

Ẹnyi a marịnghọ nị Nwa Osolobuẹ a bịagụọ, n'o yegụọ ẹnyi nghọta hụn ẹnyi e gi marịn onyẹ ahụn wụ Ezioku. Ẹnyi rị nwan imẹ onyẹ ahụn wụ Ezioku lẹ Nwa a wụ Jesu Kristi. Ịya wụ Osolobuẹ nke-esi lẹ ndụn-itẹbitẹ.