Ndị Filipi 3:5 - Ika

⁵ Wẹ kwa m ugun kẹ m rị nwa akpọhịn ẹsatọ daị; m wụ nwa-di-alị Izrẹlụ: onyẹ ebọn Bẹnjamini; onyẹ Hibru ndị Hibru mụ. O mẹ nke idọnmẹ Iwu Mozizi, m te wụdẹ onyẹ Farisi;

Ndị Filipi 3:5 ပူးပေါင်းရင်းမြစ်များ

Jẹnẹsisi 14:13

Okẹnnyẹ ohu wanahịnnị nọ bịa d'a gwa Ebram onyẹ Hibru. Ebram bikunmẹ okẹn-osisi ahụn rị alị Mamre onyẹ alị Amọ. Mamre wụ nwẹnẹ Ẹsh'kọlụ lẹ Ana. Wẹ ile lẹ Ebram e mẹgbama ọhụnma-ọhụnma.

Jẹnẹsisi 17:12

Agbọ ụnụ ile lalanị, okẹnnyẹ ọwụlẹ rị imẹ igunrun ụnụ k'a kwarịrị ugun, o zugụ akpọhịn ẹsatọ wẹ mụ a — ọsụọn'a nị igbọn rọ, kẹ igbọn wẹ mụ iwe i kẹ hụn i gi egho ṅọnnarịn onyẹ alị ọzọ hụn wụlẹni ebọn i.

Jẹnẹsisi 40:15

Makẹni ẹka-ikẹn kẹ wẹ gi gha alị ndị Hibru ẹnyi weri m; kẹ hụnnị m rịdẹ nwan ebeni, onwọnni ihiẹn-ngan m mẹ hụn m'e gi rị ebeni.”

Jẹnẹsisi 41:12

O nwọn okorọbịa onyẹ Hibru ẹnyi lẹ ya rị ebahụn, odibo onyẹ-isi ndị-nche rọ. Ogẹn ẹnyi gi ziẹnn'ẹ nrọ ẹnyi rọ, ọ nọ kọwanị ẹnyi wẹ, kọwasọnmẹni ẹnyi ihiẹn nke onyẹ-onyẹ wụ.

Jona 1:9

Jona nọ za, sị, “M wụ onyẹ Hibru; Osolobuẹ kẹ m'e fe, Chuku hụn rị elu-igwee, onyẹ hụn ke ohimin lẹ akpakalị.”

Luku 1:59

Nke akpọhịn ẹsatọ, wẹ nọ bịa d'a kwa nwata hụ ugun. Wẹ te k'a gụn a ẹfan nẹdi ẹ wụ Zẹkaraya,

Luku 2:21

Nke akpọhịn ẹsatọ, ogẹn wẹ e gi kwa nwata hụ ugun e ru, wẹ nọ gụn a Jizọsị, ẹfan hụ mmọn-ozi hụ ye ẹ nị nnẹ ẹ d'a tụ imẹ ẹ.

Luku 5:38

Gba nwan manya ọhụn ye imẹ ihiẹn-manya ọhụn!

Ọrụn Ndị-ozi 22:3

“M wụ onyẹ Ju. Tasọsụ rị Ẹgbẹrẹ Silisia kẹ wẹ nọ mụ m, kanị imẹ Jerusalẹm ebeni kẹ wẹ nọ zụn m. Gamaliẹlụ zụn m. Wẹ zụn m ọzụnzụn Iwu ndị nẹdi ẹnyi kanị, zụnru m alị; m'e te dụnnị Osolobuẹ kẹ ọkụn kẹ ụnụ ile dọn rị a dụnn'a tannị.

Ọrụn Ndị-ozi 23:6

Ogẹn Pọlụ gi hụn a nị ụfọdụ Ndị-isi Nkịkwama hụ wụ ndị itu Sadusi, ụfọdụ wụ ndị Itu-Farisi, o weshi olu elu, sị, “Umunẹ, m wụ onyẹ Farisi maị, nwa onyẹ Farisi! Wẹ rị e kpe m ikpeni makẹ olilẹnya m nwọn nị ndị nwụnhụnnị jẹnkọ d'e lihi!”

Ọrụn Ndị-ozi 6:1

Ogẹn ndị rị e sọn Kraịstị gi rị e buwaye ọda, ndị Ju gha obodo ebo lụaha hụn rị imẹ igunrun wẹ nọ kpemẹ nị ndị rị ụlọ arị e keye ikpoho wẹ di wẹ nwụnhụn ihiẹn-oriri w'e ke ụhụọhịn-ụhụọhịn.

Ndị Rom 11:1

M rị nwan a jụ: “Osolobuẹ a jụgụọ ndị nke ẹ wụ ndị Izrẹlụ ra?” Kaka! M wụ onyẹ Izrẹlụ maị! M wụ nwa Ebraham, onyẹ ebọn Bẹnjamini.

Ndị Kọrẹntị Nke Ẹbụọ 11:22

Omẹni wẹ wụ ndị Hibru, ya kẹ mmẹ nwẹn wụ; omẹni wẹ wụ ndị Izrẹlụ, ya kẹ mmẹ nwẹn wụ; omẹni wẹ wụ ụmụ Ebraham, ya kẹ mmẹ nwẹn wụzị;

Samuẹlụ Nke Ibuzọ 4:6

Ogẹn ndị Filistia gi nụ ụzụn ahụn, wẹ nọ jụma, “Kị wụ oroni ile rị ọgbọ ndị Hibru?” Wẹ nọ chọpụha nị Ẹkpẹti-nsọ Osolobuẹ a banhangụọ ọgbọ ndị Izrẹlụ,