Ndị Filipi 3:20 - Ika

²⁰ Kanị o mẹ nke ẹnyi, ẹnyi wụ ụmụ di-alị elu-igwee; ẹnyi rị nwan a tụ ẹnya Onyẹ-nzụọpụha, Di-nwọnni-ẹnyi wụ Jesu Kristi hụn gha ebẹhụ lala.

Ndị Filipi 3:20 ပူးပေါင်းရင်းမြစ်များ

Ẹbụ-ọma 16:11

Y'a ghọsị m ụzọ ndụn; e ye m ịghọghọ zu oke ebe ị rị; ihiẹn a sụọ ụsụọ ghalẹni a gụ rị ẹka-nni i.

Ẹbụ-ọma 17:15

Kanị mmẹ nwẹn, m jẹnkọ d'a hụn ihun i makẹni m rị ọchan; m tẹnhin, a hụn m ihun i, ẹfọ e jun m.

Itẹn 15:24

Ụzọ ndụn ndị marịn ihiẹn a gha shikọ elu-elu, e mẹ wẹ adanlẹ la mmọn.

Matiu 19:21

Jizọsị nọ sị a, “Ị chọ n'i zu oke, jẹnmẹ, repụ ihiẹn i nwọn, y'e we egho ẹ ye ndị igbẹnnyẹ, gi ẹ nwọn akụ-lẹ-ụba imẹ elu-igwee, y'a bịa d'e sọnmẹ m.”

Luku 12:21

Igi mẹkin iluni, Jizọsị nọ sị, “Ẹnịna k'o k'a rịnị ndị hụ a kpatọnị enwẹn wẹ akụ-lẹ-ụba kanị ẹlẹ wẹ ọdanfịn imẹ ihiẹn Osolobuẹ.”

Luku 14:14

“I jẹnkọ d'e nwọnhẹn ngọzi makẹni asa wẹ ẹka kụkin i y'ẹ, Osolobuẹ sikọ d'a kụkin i y'ẹ ụhụọhịn hụ ndị ezi-omumẹ k'a gha ọnwụn lihi.”

Ọrụn Ndị-ozi 1:11

sị wẹ, “Ikẹnnyẹ Galili, kị ụnụ turuni ebeni e lee igwere moo? Jesuni wẹ weri ebe ụnụ rị weshi elu-igwee jẹnkọ d'e kinhẹn kẹ ụnụ dọn nwan hụn a k'ọ lakọ elu-igwee.”

Ndị Kọrẹntị Ibuzọ 1:7

Onwọnzini nwan oyiye Mmọn-nsọ akọnị ụnụ kẹ ụnụ dọn rị e che ọbịbịa Onyẹ-nwọnni-ẹnyi wụ Jizọs Kraịstị.

Ndị Kọrẹntị Ibuzọ 15:48

Kẹ onyẹ hụ wẹ gi ẹjan mẹmẹ rị, ẹrịra kẹ ndị wẹ gi ẹjan mẹmẹ rị; kẹ onyẹ gha elu-igwee bịa rị, ẹrịra kẹ ndị wụ nke elu-igwee rịzịkwọ.

Ndị Kọrẹntị Nke Ẹbụọ 4:18

Ẹghẹẹ, makẹni ẹnyi arị e lee ihiẹn ẹnya e legha, kanị ihiẹn ẹnya ghalẹni e legha; makẹni ihiẹn ẹnya e legha k'a gharị, kanị ihiẹn ẹnya ghalẹni e legha k'a rị jẹnrin ejẹn.

Ndị Kọrẹntị Nke Ẹbụọ 5:8

Ẹghẹẹ, obi e ru ẹnyi alị, nke wụ nị ọ kadẹ ẹnyi mma nị ẹnyi gha imẹ ẹhụnị pụ, laburu Di-nwọnni-ẹnyi d'a nọdị ụlọ ẹnyi rị ebe ọ rị.

Ndị Galeshịa 4:26

Kanị Jerusalẹm rị elu-igwee ẹlẹ igbọn; ịya wụ nnẹ ẹnyi.

Ndị Ẹfẹsọsụ 2:19

Ya wụ, ụnụ ndị alị ọzọ kwerini Jesu ẹlẹzi itumunyẹ; ụnụ ẹlẹzi ndị alị ọzọ. Ụnụ e sọngụọ ndị nke Osolobuẹ, ndị nsọ, wụrụ ụmụ di-alị Alị-eze, ndị ezi-lẹ-ụlọ Osolobuẹ,

Ndị Ẹfẹsọsụ 2:6

Osolobuẹ a ghagụ ọnwụn weli ẹnyi, ọ nọ weshi ẹnyi elu k'o dọn weshi Kraịstị, mẹ ẹnyi sọn Kraịstị Jizọsị nọdị alị imẹ elu-igwee makẹni ẹnyi rị imẹ Kraịstị.

Ndị Filipi 1:10

kẹni ụnụ hụn ụzọ sa ẹka a họrị ihiẹn ka mma sụọ, ụnụ a wụrụ ndị nwọnlẹni ntụpọ mọbụ nkọrịanị Ụhụọhịn Kraịstị k'e gi bịa,

Ndị Filipi 1:27

Ka bisọnmẹni obibi furu oziọma Kraịstị, n'o mẹni kẹ m bịa d'a hụn ụnụ kẹ abịanị m, nị ntịn kẹ m gihụ nụ ukwere ụnụ, e gi m'ẹ dọn nị ụnụ gi mmọn ohu wuzo, gi obi ohu a lụ ọgụn ụnụ gi a kwadọn ihiẹn ile oziọma sị ẹnyi kweri;

Ndị Kolosị 1:5

ufiri nị ụnụ rị e lee ẹnya ihiẹn hụ Osolobuẹ dọnmẹni ụnụ elu-igwee, hụn ụnụ nụ ogẹn wẹ gi zi ụnụ ozi hụ wụ ezioku, hụn wụ oziọma.

Ndị Tẹsalonika Ibuzọ 1:10

chemẹ Nwa a k'a gha elu-igwee bịa, hụn ọ gha ọnwụn weli, hụn wụ Jesu, onyẹ hụn zụọpụha ẹnyi iwe-lẹ-ọnụma Osolobuẹ lalanị.

Ndị Tẹsalonika Ibuzọ 4:16

Makẹni, o ru ogẹn hụ, Di-nwọnni-ẹnyi k'e gi okẹn olu ku oku, olu onyẹ-isi ndị mmọn-ozi a han, opi Osolobuẹ a han, Di-nwọnni-ẹnyi a gha elu-igwee hidan; ndị nke Kraịstị ranhịngụnị e bu ụzọ gha ọnwụn lihi;

Timoti Nke Ẹbụọ 4:8

Ihiẹn rị nwan e cheni m wụ ugọn ezi-omumẹ, hụn Onyẹ-nwọnni-ẹnyi, Ọka-Ikpe ahụn ghalẹni a tụ ntụ, jẹnkọ d'e tu m Ụhụọhịn hụ. Ẹlẹ mmẹ sụọ, kanị ndị ile buchanrịn obi wẹ che ọbịbịa a.

Taịtọsụ 2:13

kẹ ẹnyi dọn rị e che okẹn ngọzi ahụn ẹnyi rị e lee ẹnya a, ọbịbịa ahụn Osolobuẹ ẹnyi hi ogbe wụ Jizọsị Kraịstị Onyẹ-nzụọpụha ẹnyi jẹnkọ d'e gi ọghọ bịa.

Hibru 12:22

Kanị, Ugu Zayọnụ kẹ ụnụ bịa, obodo uku Osolobuẹ rị ndụn, Jerusalẹm hụn rị elu-igwee; ụnụ bịa d'e kunrun ndị mmọn-ozi oripiti-oripiti rị e mẹ mmẹmmẹ.

Hibru 9:28

ẹrịra k'o dọnzikwọ mẹ ni hụnnị Osolobuẹ gigụ Kraịstị chụn ẹjan mgbe ohu sụọ chụnchanrịn a, gi ẹ bupụ njọ ịhịan, ẹlẹ oku njọ kẹ Kraịstị k'a bịazịnị, kama, ọ lala d'a zụọpụha ndị rị e lee ẹnya a ọda-ọda.

Rẹvẹleshọnụ 1:7

Lee ẹ! O nyinla orukpu; ẹnya ile jẹnkọ d'a hụn a — kẹ ndị hụ dụn a ihiẹn. Ndị alị ile rị ụwa jẹnkọ d'a kwan ẹkwan makẹ ufiri ẹ. Ẹrịra k'o jẹnkọ d'a rị! Isẹẹ!