Ndị Filipi 3:15 - Ika

¹⁵ Ya wụ, ẹnyi ile ka ẹhụ imẹ Kraịstị furu nwan nị ẹnyi e nwọn ụdị agụngụnnị. O mẹ nwan nị ịhịan rị e ro ihiẹn ichẹn, Osolobuẹ k'e mẹ ẹ ghọta.

Ndị Filipi 3:15 ပူးပေါင်းရင်းမြစ်များ

Azaya 35:8

Okẹn ụwaya k'a rị nwan alị hụ. Ẹfan a k'a wụ “Ụwaya-nsọ.” Ndị rịlẹni ọchan aghakọ a. Ndị hụn a gha ụzọ Osolobuẹ sụọ k'a gha a. Ndị marịnlẹni Chuku aghakọ ebẹhụ.

Matiu 5:48

Zu ni nwan oke kẹ Nẹdi ụnụ hụn rị elu-igwee dọn zu oke.

Luku 11:13

O mẹ nwan nị ụnụ ndị-njọ ma ye ụmụ ụnụ ihiẹn rị mma, nanị Nẹdi ahụn rị elu-igwee k'e yehan ndị rịọ a Mmọn-nsọ? O yekarịkọ ụnụ?”

Jọnụ 6:45

Wẹ de ẹ imẹ Ẹkụkwọ ndị-amụma nị, ‘Osolobuẹ sikọ d'a kuzi wẹ ile.’ Onyẹ hụn e gọn Chuku-Nẹdi ntịn, a mụnarịn a, jẹnkọ d'a bịa d'e kunrun m.

Jọnụ 7:17

Onyẹ kwademẹ obi ẹ n'o k'e mẹ uche Osolobuẹ ọ marịn kẹ nkuzi m gha ẹka Osolobuẹ bịa ra uche m kẹ m rị e ku.

Ndị Rom 15:1

O furu nị ẹnyi ndị ze imẹ Kraịstị e rozi k'ọ rị ndị zelẹni, ẹlẹ imẹ ihiẹn a sụọnị ẹnyi.

Ndị Kọrẹntị Ibuzọ 14:20

Umunẹ m, erolẹ ni iroro kẹ ụmụẹka! O mẹ nke imẹ-njọ, a wụ nị ụmụẹka, kanị, o mẹ nke iroro, e ro ni iroro kẹ ndị ka-ẹhụ.

Ndị Kọrẹntị Ibuzọ 2:6

Kanị, o nwọnghọ amamihiẹn ẹnyi e ku oku ẹ ebe ndị ka-ẹhụ imẹ okukwe rị hụn wụlẹni amamihiẹn eluni — mọbụ nke ndị-ọkịkị ogẹnni lakọnị.

Ndị Galeshịa 5:10

Kanị obi ru m alị imẹ Di-nwọnni-ẹnyi nị ụnụ erokọ ihiẹn ichẹn, sọnmẹ nkuzi ọzọ. Onyẹ hụ rị e nuhunmẹni ụnụ — onyẹ ọwụlẹ ọ wụ — k'a narịnrịrị afụnfụn rịn'a.

Ndị Ẹfẹsọsụ 1:17

m'a rịọsọnmẹ Osolobuẹ Di-nwọnni-ẹnyi Jesu Kristi, Nẹdi hụn kachanrịnnị, n'o ye ụnụ mmọn ịghọta-ihiẹn, a ghọsịsọnmẹ ụnụ ihiẹn, kẹ ụnụ dọn rị a marịnwaye ẹ.

Ndị Kolosị 1:28

Kraịstịnị kẹ ẹnyi rị nwan a ghahunmẹ e ku oku ẹ, e gi amamihiẹn ile Osolobuẹ ye ẹnyi a dọ onyẹ ọwụlẹ ẹka-ntịn, a kuzi onyẹ ọwụlẹ, kẹni ẹnyi saẹka wepụha wẹ ile ihun Osolobuẹ nọkẹ ndị ka-ẹhụ imẹ Kristi.

Ndị Kolosị 4:12

Ẹpafrasị onyẹ alị ụnụ hụn wụzị odibo Jesu Kristi e kele ụnụ. Ẹpafrasị e shini ụnụ ọnwụn ọda-ọda imẹ ekpere. Ọ rịọsọnmẹ Osolobuẹ n'o mẹ ụnụ turukẹnmẹ, ka-ẹhụ, marịn ihiẹn ụnụ rị e mẹ ebe ihiẹn ọwụlẹ wụ uche Osolobuẹ rị.

Ndị Tẹsalonika Ibuzọ 4:9

O mẹ nke inwọn ihiẹn-ọsụsụọ ibe ụnụ nọkẹ umunẹ imẹ Kraịstị, ọ rịnị mkpa nị wẹ deni ụnụ ihiẹn ọwụlẹ. Makẹni, Osolobuẹ e gigụọ ẹka a kuzi ụnụ inwọn ihiẹn-ọsụsụọ ibe ụnụ.

Timoti Nke Ẹbụọ 3:17

kẹni onyẹ nke Osolobuẹ wụrụ onyẹ wẹ zụn ọhụnma, hụn k'a s'ẹka mẹ ihiẹn ile rị mma.

Hibru 5:14

Kanị ndị ka ẹhụ kẹ wẹ e ye ihiẹn-oriri ndị ka ẹhụ, ndị gigụ ihiẹn wẹ rị a mụ zụn enwẹn wẹ d'e ru ebe wẹ nọ marịn ihiẹn rị mma lẹ ihiẹn rịlẹni mma.

Jọnụ Ibuzọ 2:5

Kanị onyẹ hụn a gbaye oku Osolobuẹ, ịya nwọn ihiẹn-ọsụsụọ Osolobuẹ k'o furu. Ihiẹn ẹnyi gi a marịn nị ẹnyi rị imẹ ẹ wụ ọnwan: