Ndị Filipi 3:13 - Ika

¹³ Umunẹ, m'a ra weridẹ enwẹn m kẹ onyẹ nwọnhẹngụn'a. Mba! Kama, ihiẹn ohuni kẹ m'e mẹ: m'a zọ hụn m nwọnhẹngụ, a lịlịma nị m nwọnhẹn hụn rị ihun.

Ndị Filipi 3:13 ပူးပေါင်းရင်းမြစ်များ

Ẹbụ-ọma 27:4

Ihiẹn ohu kẹ m'a rịọ Osolobuẹ, ịya kẹ m'a chọkẹnmẹ: ibiri imẹ Ụlọ Osolobuẹ ndụn m ile: e lee kẹ Osolobuẹ mahan mma, a nọ Ụlọ-NSỌ a e ro ẹ, e fe ẹ.

Ẹbụ-ọma 45:10

Okpoho wẹ rị a lụ, gọn ntịn; lee ẹnya, gọn ntịn: la ndị nke i lẹ ikpụlọ nẹdi i tọ,

Luku 10:42

kanị ihiẹn ohu sụọ rị mkpa; Meri a họrịgụọ hụn ka mma; anapụkọ w'a ya.”

Luku 9:62

Kanị Jizọsị nọ sị a, “Onyẹ hụn e bu ẹka e che ọrụn e lee ẹnya azụụn efuruni Alị-eze Osolobuẹ.”

Ndị Kọrẹntị Nke Ẹbụọ 5:16

Onwọnzini nwan onyẹ ẹnyi e gi ẹnya-ịhịan mmaka e lee. Ọsụọn'a nị ẹnyi te gi ẹnya-ịhịan mmaka e lee Kraịstị mbụ, ẹnyi ara gizi ẹnya-ịhịan mmaka e lee ẹ.

Ndị Filipi 2:12

Ufiri ẹ, ndị nke m, kẹ ụnụ dọn e humẹni m isi ogẹn mmẹ lẹ ụnụ gi rị ụzọ ohu, e mẹkẹnmẹzidẹ ẹ hụnnị m rịlẹn'a, mẹsọnmẹ ni nwan ẹrịra: e gi ni egun lẹ ẹhụ-ọmụma-nni e bi, e mẹ ihiẹn ile Osolobuẹ e gi zụọpụha ụnụ.

Ndị Filipi 3:12

Ẹlẹni e nwọnhẹngụọlẹ m ihiẹn ahụn mọbụ nị e zuchanrịngụọlẹ m oke. Kama, m'a chụshi ẹ ikẹn, kẹni m nwụndọn ihiẹn hụ Kraịstị wụ Jizọsị gi ufiri ẹ nwụndọn m.

Ndị Filipi 3:8

Ẹlẹdẹ ọhụn sụọ, a gụngụọdẹ m ihiẹn ile ye ihiẹn la iwi, makẹ ufiri ihiẹn hụn ka wẹ ile ọhụnma-ọhụnma, hụn wụ ịmarịn Kraịst Jizọsị Di-nwọnni m, onyẹ hụn m gi nwan ufiri ẹ nị ihiẹn ile la, weridẹ wẹ kẹ nsịn, kẹni m kwọnkẹnmẹ Kraịstị,

Hibru 6:1

Nị ẹnyi jẹnshi ni nwan ihun, la nkuzi ibuzọ ndịnị rị ofufe Kraịstị tọ, wụrụ ndị ka ẹhụ imẹ Kraịstị. Ẹlẹ hụn ẹnyi e gi gbemẹzi iyetọ, kuzimẹzi irogharịnị latọ ihiẹn ndị ahụn ghalẹni e ye ndụn, lẹ ikwerini Osolobuẹ

Pita Nke Ẹbụọ 3:8

Ka azọkwọlẹ ni ihiẹn ohuni, ezigbo umunẹ m: nị akpọhịn ohu nọkẹ ahụa nnụ-uku ẹnya Di-nwọnni-ẹnyi, ahụa nnụ-uku nọzị a kẹ akpọhịn ohu.