Ndị Filipi 3:10 - Ika

¹⁰ M chọ nị m marịn Kraịstị lẹ ikẹn hụ o gi gha ọnwụn lihi, e sọn m'ẹ ta afụnfụn ọ ta, sọn ẹ nwụn ọnwụn ọ nwụn,

Ndị Filipi 3:10 ပူးပေါင်းရင်းမြစ်များ

Jerimaya 9:23

Osolobuẹ sị, “Onyẹ marịn ihiẹn y'e gilẹ amamihiẹn ẹ nyan isi; dikẹn y'e gilẹ ikẹn o nwọn nyan isi; ọdanfịn y'e gilẹ efe ẹ nyan isi,

Matiu 20:23

Ọ nọ sị wẹ, “Ezioku-ezioku, ụnụ jẹnkọ d'a ra ihiẹn rị imẹ mkpu m, kanị ẹlẹ mmẹ nwọn ku onyẹ k'a nọdị m ẹka-nni lẹ ẹka-ekpẹn; kama, ndị hụn Nẹdi m kwademẹn'ẹ wụ ndị k'a nọdị n'a.”

Jọnụ 10:18

Onwọnni onyẹ rị a napụ m ndụn m; mmẹ rị e gi uche m e ye ẹ. Iyen'ẹ lẹ iwerizin'ẹ rịchanrịn m ẹka. Ẹrịra kẹ Nẹdi m gwa m.”

Jọnụ 17:3

Ọnwan wụ ndụn itẹbitẹ: ịmarịnn'ị, Chuku hụn ya sụọ wụ Chuku nke-esi lẹ ịmarịn Jizọsị Kraịstị hụn i zihẹ.

Ndị Rom 8:17

O mẹ nwan nị ẹnyi wụ ụmụ, ihiẹn nẹdi ẹnyi wụ nke ẹnyi, ihiẹn Osolobuẹ wụ nke ẹnyi: ẹnyi lẹ Kraịstị gba nwan nwọn ihiẹn Osolobuẹ, omẹkwọnị ẹnyi e sọn nwan Kraịstị ta afụnfụn kẹni ẹnyi sọnzi ẹ nwọnrin ọghọ.

Ndị Rom 8:29

Osolobuẹ a marịngụọ wẹ n'o d'a kpọ wẹ. Ya ọ nọ họtọ wẹ n'o k'e mẹ wẹ wụrụ ndị rị kẹ Nwa a, kẹni Nwa a wụrụ nwa-ibuzọ imẹ ụmụ bụ ọda.

Ndị Rom 8:36

Wẹ ile kẹ Ẹkụkwọ-nsọ gi sị, “Ufiri i kẹ wẹ gi e gbu ẹnyi ndị nke i ogẹn ile; ẹnyi rị kẹ atụnrụn wẹ dukọ d'e gbu.”

Ndị Kọrẹntị Nke Ẹbụọ 1:10

Ịya gbapụha ẹnyi eje-ọnọdị hụ te k'e gbuni ẹnyi. Ọ k'a rị a gbapụha ẹnyi. Ịya kẹ ẹnyi rị e lee ẹnya n'o k'a gbapụhazị ẹnyi —

Ndị Kọrẹntị Nke Ẹbụọ 1:5

Makẹni, kẹ ẹnyi dọn a ta afụnfụn ọda-ọda makẹ Kraịstị, ẹrịra kẹ Osolobuẹ dọnzikwọ a kasị ẹnyi obi ọda-ọda ghahanị Kraịstị.

Ndị Kọrẹntị Nke Ẹbụọ 13:4

Ọsụọn'a nị wẹ kpọgbu ẹ elu-obe nọkẹ onyẹ nwọnlẹni ikẹn, ọ hụzị nwan ndụn ghahanị ikẹn Osolobuẹ. Imẹ ẹ, ẹnyi nwẹn rịzịkwọ kẹ ndị nwọnlẹni ikẹn; kanị, o mẹ nke ẹka ẹnyi k'e gi sọn ụnụ, ẹnyi k'e sọn ẹ gi ikẹn Osolobuẹ bi, gi ikẹn Osolobuẹ hụ sọn ụnụ.

Ndị Galeshịa 2:20

A kpọgbugụọ wẹ mmẹ lẹ Kraịstị elu obe Kraịstị. Ẹlẹzi mmẹ rị ndụn, Kraịstị rị nwan ndụn imẹ m. Ndụnnị m rị nwan e bi imẹ ẹhụ, m rị e bi ẹ ghahanị igi Nwa Osolobuẹ e dọn ẹnya, onyẹ hụn nwọn ihiẹn-ọsụsụọ m, gi ufiri m we enwẹn ẹ ye.

Ndị Galeshịa 6:17

Gha ogẹnni e jẹn, ịhịan ya eyezilẹ m nsọngbu, makẹni apa (aparị) wẹ gi a marịn onyẹ wụ nke Jesu hụsọnmẹ m ẹhụ.

Ndị Ẹfẹsọsụ 4:13

D'e ru ni ẹnyi ile a wụrụ ohu imẹ ofufe Jesu lẹ ịmarịn Nwa Osolobuẹ, wụrụ ndị ka ẹhụ, sueruchanrịn ogo Kraịstị, nọchanrịn kẹ ya;

Ndị Filipi 3:8

Ẹlẹdẹ ọhụn sụọ, a gụngụọdẹ m ihiẹn ile ye ihiẹn la iwi, makẹ ufiri ihiẹn hụn ka wẹ ile ọhụnma-ọhụnma, hụn wụ ịmarịn Kraịst Jizọsị Di-nwọnni m, onyẹ hụn m gi nwan ufiri ẹ nị ihiẹn ile la, weridẹ wẹ kẹ nsịn, kẹni m kwọnkẹnmẹ Kraịstị,

Ndị Kolosị 1:24

M rị nwan a ghọghọ nị m rị a tanị ụnụ afụnfụn, e gi ẹhụ m a tapụnị Kraịstị afụnfụn họdụnị wẹ k'a tanị ẹhụ a wụ ụka.

Ndị Kolosị 2:13

Ụnụ te nwụnhụn anwụnhụn yeni mmẹfie lẹ obibi ndị wẹ kwalẹni ezigbo ugun wepụ onyẹ wẹ te wụ, kanị Osolobuẹ nọ mẹ ụnụ sọn Kraịstị rị ndụn, ọ gbagharị ẹnyi njọ ile ẹnyi mẹ.

Ndị Kolosị 3:1

O mẹ nwan nị ụnụ e sọngụọ Kraịstị gha ọnwụn lihi, chọma nị nwan ihiẹn ndị hụn rị elu, ebẹhụ Kraịstị nọdị alị ẹka-nni Osolobuẹ.

Pita Ibuzọ 1:3

Ọjịja-mma ya rịnị Osolobuẹ hụn wụ Chuku lẹ Nẹdi Onyẹ-nwọnni-ẹnyi wụ Jizọs Kraịstị! O gigụọ okẹn omikẹn ẹ mụdọnzi ẹnyi, mụ ẹnyi ye imẹ olilẹnya ọhụn rị ndụn ghahanị ịgha ọnwụn weli Jizọsị.

Pita Nke Ẹbụọ 1:13

E roghọ m'a n'ọ hụghọ mma nị m'a nyanhan nị ụnụ ihiẹn ndịnị wẹ, e gi wẹ a kpọtiẹn ụnụ, hụnnị m rịkwọ ndụn imẹ ẹhụnị.

Jọnụ Ibuzọ 2:3

Ihiẹn ẹnyi gi a marịn nị ẹnyi a marịnghọ Osolobuẹ nke-esi wụ nị ẹnyi hụ e mẹ ihiẹn ọ gwa ẹnyi.

Jọnụ Ibuzọ 2:5

Kanị onyẹ hụn a gbaye oku Osolobuẹ, ịya nwọn ihiẹn-ọsụsụọ Osolobuẹ k'o furu. Ihiẹn ẹnyi gi a marịn nị ẹnyi rị imẹ ẹ wụ ọnwan:

Rẹvẹleshọnụ 1:18

Mmẹ wụzị onyẹ hụ rị ndụn! M te nwụnhụn anwụnhụn, ka lee ẹ, m rị nwan ndụn jẹnrin ejẹn. Mmẹ gizi ịsanhan Ọnwụn lẹ Alị-mmọn.