Ndị Filipi 3:1 - Ika

¹ Umunẹ m, igi mẹkin: m sị ụnụ, a ghọghọ nị imẹ Di-nwọnni-ẹnyi. Ndụn idezini ụnụ ihiẹn m degụnị ụnụ mbụ agụkọ m, makẹni o k'e yeni ụnụ ẹka.

Ndị Filipi 3:1 ပူးပေါင်းရင်းမြစ်များ

Ihiẹn Mẹni Nke Ibuzọ 15:28

Ẹrịra kẹ ndị Izrẹlụ ile dọn bulụa Ẹkpẹti Nkwerigbama Osolobuẹ, e yi oro, e gbu opi igwe lẹ ọdụ, a kụ kpajaị (simbalụ), a kpọ ụbọ rị ichẹn-ichẹn.

Ihiẹn Mẹni Nke Ibuzọ 16:10

Gi ni ẹfan-nsọ a nyan isi; obi ya sụọma ndị e fe Osolobuẹ ụsụọ.

Ihiẹn Mẹni Nke Ibuzọ 29:22

A nọ wẹ ihun Osolobuẹ rị, ra, ụhụọhịn ahụn, ghọghọ ọda-ọda. Ya wẹ nọ kinzi Solomọnụ nwa Defidi eze okinkin nke mgbe ẹbụọ, nọ idẹnya Osolobuẹ hukpu ẹ udẹn-ntumẹ n'ọ wụrụ onyẹ-ọkịkị, tumẹ Zadọkụ onyẹ-isi nchụn-ẹjan.

Nehemiah 8:10

Nehimaya a sị wẹ, “Jẹnmẹ ni, d'e ri ni ihiẹn-oriri rị mma; d'a ra nị ihiẹn-ọrịra sụọnị — ụnụ e zijẹnzikwọnị ndị nwọnlẹni hụn wẹ k'e ri. Tannị rị nsọ ẹnya Osolobuẹ ẹnyi; akwanlẹ ni ụya, ịghọghọ Osolobuẹ e ye k'e ye ụnụ ikẹn.”

Jobu 22:26

Ogẹn hụ, ihiẹn Onyẹ Hụ Nwọn Ikẹn Ile a sụọma ị ụsụọ ẹfọ, y'a sa nwan ẹka bu ihun zinmẹmẹ Chuku.

Ẹbụ-ọma 149:2

Ndị Izrẹlụ wẹ ghọghọma makẹ Onyẹ hụn keni wẹ; ẹfọ ya sụọma ndị Zayọnụ ụsụọ makẹ Eze wẹ.

Ẹbụ-ọma 32:11

A ghọghọ nị imẹ Osolobuẹ, e nwọn anwịnrịn, ụnụ ndị e feshi Osolobuẹ ikẹn; e yi ni oro ịghọghọ, ụnụ ile obi wẹ rị ọchan.

Ẹbụ-ọma 33:1

Yini ni Osolobuẹ oro ịghọghọ, ụnụ ndị ezi-omumẹ; ịja Osolobuẹ mma e furukẹ ndị e bi obibi kụrụ ọtọ.

Ẹbụ-ọma 37:4

A nị ihiẹn Osolobuẹ a sụọ ị, o k'e ye i ihiẹn ndị ahụn rị a gụn obi i ẹgụn.

Ẹbụ-ọma 42:4

M'a kwan ntan, a kwan imọn, m gha a nyanhan kẹ mmẹ lẹ igunrun ahụn te dọn a wị e jẹn Ụlọ Chuku; lẹzi kẹ m dọn e buruni wẹ ụzọ, ẹnyi hụ e yi oro ịghọghọ, bụkọ ẹbụ ẹnyi gi a kpanmịn Chuku — okẹn igunrun rị e mẹ mmẹmmẹ!

Ẹbụ-ọma 5:11

Kanị, ẹfọ ya sụọma ndị gbaburun'i ụsụọ — ẹbụ ịghọghọ ya rịsọnmẹ wẹ ọnụ. Dodo, kpumẹ wẹ kẹni ndị ihiẹn i a sụọ gi ufiri i ghọghọ.

Ẹbụ-ọma 97:1

Osolobuẹ wụ eze; elu-ụwa ya ghọghọma! Alị ndị rịkwọrị mkpẹnrẹn-ohimin wẹ ghọghọma!

Azaya 41:16

Ị k'a fụchanchanrịn wẹ kẹ ọka, ufere e buru wẹ, okẹn ufere a kpọhuhu wẹ — y'e gi ufiri Osolobuẹ a ghọghọ, y'e gi Onyẹ-nsọ Izrẹlụ a ghọghọ a dụ ẹka obi.

Azaya 61:10

M rị a ghọghọ ọda-ọda makẹ Osolobuẹ; obi rị a sụọ m ụsụọ ọda-ọda makẹ Chuku m. Makẹni o yimẹgụọ m nzụọpụha kẹ ẹwuru, we ezi-omumẹ tụ m mgburu, gi wẹ ile chọ m mma kẹ okẹnnyẹ rị a gba ẹhụhụọ dọn e kpuru okpu ma mma lekẹ onyẹ nchụn-ẹjan, kẹ nwagbọọ rị a gba ẹhụhụọ dọn e yi ihiẹn-mma a.

Azaya 65:14

Lee n'ẹ, idibo m k'a bụ ẹbụ-ịghọghọ makẹni obi rị a sụọ wẹ ụsụọ, Kanị ụnụ k'a gha e yi oro makẹni elu rị a fụ ụnụ; ụnụ k'a rị e goo yeni obi rị a gbawanị ụnụ.

Juwẹlụ 2:23

Ẹfọ ya sụọma ụnụ ụsụọ, ndị Zayọnụ; ghọghọma nị makẹ Osolobuẹ wụ Chuku ụnụ, makẹni o yegụọ ụnụ mirin-ahụa gi tụnị ụnụ ụya; o mẹgụọ mirin zue ni ụnụ ọda-ọda, kẹ mirin-ahụa kẹ mirin ikpanzụụn kẹ o dọn e mẹ mbu.

Zẹfanaya 3:14

Obodo Zayọnụ, bụma nwan ẹbụ ịghọghọ! Izrẹlụ, yimẹ nwan oro ịghọghọ! obodo Jerusalẹm, shịapụchanrịn ẹfọ ṅanma!

Zẹfanaya 3:17

Osolobuẹ hụn wụ Chuku ụnụ nọyeni ụnụ anọyeni! Odogun hụn a zụọnị k'ọ wụ! Yụ wụ Jerusalẹm k'a rị a sụọ a, e mẹ ẹ a ghọghọ. O k'e gi ihiẹn-ọsụsụọ a gba Jerusalẹm umẹ. O k'e gi i a ṅan, a bụshi ẹbụ elu.”

Zẹkaraya 10:7

Ogẹn hụ ndị Ifrem k'a nọ kẹ odogun-agha; obi k'a gha a sụọ wẹ ụsụọ nọkẹ sị wẹ ra manya. Ụmụ wẹ k'a hụn a, ghọghọma; ẹfọ k'a sụọ wẹ ụsụọ makẹ Osolobuẹ.

Matiu 5:12

Ghọghọ nị; ẹfọ ya sụọ ụnụ ụsụọ — makẹni ụgwọ-ọrụn ụnụ hi-ogbe imẹ elu-igwee! Ẹrịra kẹ wẹ kpokpozi ndị-amụma buni ụnụ ụzọ.

Luku 1:47

mmọn m rị a ghọghọ makẹ Onyẹ-nzụọpụha m wụ Osolobuẹ,

Ndị Rom 5:11

Ẹlẹdẹ ọhụn sụọ, ẹnyi hụzịdẹ e gi Osolobuẹ a ṅan yeni ihiẹn Di-nwọnni-ẹnyi wụ Jizọs Kraịstị mẹ, onyẹ hụn Osolobuẹ gha nwan ẹka a dọnzi ẹgbata ẹnyi lẹ Osolobuẹ!

Ndị Kọrẹntị Nke Ẹbụọ 13:11

Nke ikpanzụụn, umunẹ m, ghọghọma nị; bihutọ nị ẹka; a gba nị ibe ụnụ umẹ; e nwọn ni obi ohu; e gi ni udọn e bi. Ụnụ mẹ ẹnịna, Osolobuẹ udọn lẹ ihiẹn-ọsụsụọ gha ẹka a a bịa k'a nọyeni ụnụ.

Ndị Ẹfẹsọsụ 6:10

Nke ikpanzụụn, kakẹnmẹ ni ebe ihiẹn Di-nwọnni-ẹnyi rị, e nwọnkẹnmẹ ikẹn ẹ ahụn hi ogbe.

Ditrọnọmi 12:18

Kaka! Ihun Osolobuẹ wụ Chuku ụnụ sụọ, ebahụn o k'a họrị, kẹ ụnụ a nọ ri wẹ, ụnụ lẹ ụmụ ụnụ ikẹnnyẹ lẹ ikpoho, idibo ụnụ ikẹnnyẹ lẹ ikpoho lẹ ndị Livaị rịsọnmẹ obodo ụnụ; ụnụ a nọ ihun Osolobuẹ wụ Chuku ụnụ ebẹhụ ghọghọ makẹ ihiẹn ụnụ rụnpụha.

Ditrọnọmi 16:11

ụnụ a nọ ihun Osolobuẹ wụ Chuku ụnụ ghọghọ, ebahụn o k'a họrị Ẹfan a k'a rị, ụnụ lẹ ụmụ ụnụ ikẹnnyẹ lẹ ikpoho, idibo ụnụ ikẹnnyẹ lẹ ikpoho, ndị Livaị, ndị abịamabịa, ndị nwọnlẹni nẹdi lẹ ikpoho di wẹ nwụn.

Ndị Filipi 3:3

Makẹni, ẹnyi nwẹn wụ ndị hụn kwa ezigbo ugun: ẹnyi ndị rị e fe Osolobuẹ ofufe imẹ-mmọn ghahanị Mmọn-nsọ, ẹnyi ndị gi Kraịstị wụ Jizọsị e dọn ẹnya, a nyan isi, ẹnyi ndị ghalẹni e gi ihiẹn ẹnya e legha e dọn ẹnya,

Ndị Filipi 4:4

A ghọghọ nị imẹ Di-nwọnni-ẹnyi ogẹn ile! E kuzi m'ẹ: a ghọghọ nị!

Ndị Filipi 4:8

Umunẹ m, igi mẹkin, m sị ụnụ, e bu ni obi e che ihiẹn ọwụlẹ wụ ezioku, ihiẹn ọwụlẹ w'a gbaye, ihiẹn ọwụlẹ furuni; ihiẹn ọwụlẹ eje-ihiẹn rịlẹni, ihiẹn ọwụlẹ a sụọ ịhịan ụsụọ ẹfọ, ihiẹn ọwụlẹ w'a ja mma; ihiẹn ọwụlẹ rịchanrịn mma, ihiẹn ọwụlẹ wẹ e ku oku ẹ ọhụnma.

Ndị Tẹsalonika Ibuzọ 4:1

Umunẹ ẹnyi, igi mẹkin, ẹnyi gi ẹfan Di-nwọnni-ẹnyi wụ Jizọsị a rịọ ụnụ: bisọnmẹ ni obibi hụ ụnụ mụnarịn ẹnyi nị ya a sụọ Osolobuẹ ụsụọ, obibi ahụn ụnụ rị nwan e bi; bikẹnmẹ ni ẹrịra.

Ndị Tẹsalonika Ibuzọ 5:16

A ghọghọ nị ogẹn ile.

Jemisi 1:2

Umunẹ m, e nwọnni ezigbo ịghọghọ ogẹn ọwụlẹ ọnwụnwan ichẹn-ichẹn gi bịanị ụnụ —

Pita Ibuzọ 3:8

Nke ikpanzụụn, ụnụ ile, e gi ni obi ohu e bi; e ro ni k'ọ rị ibe ụnụ; a nị nị ihiẹn ibe ụnụ a sụọ ụnụ kẹ umunẹ; e mẹni omikẹn ibe ụnụ; e welụa nị enwẹn ụnụ alị.

Pita Ibuzọ 4:13

Ka ghọghọma nị, makẹni ụnụ rị e sọn Kraịstị a ta afụnfụn a; kẹni ụnụ hụn ụzọ ghọghọ, ghọghọ ọhụnma-ọhụnma, mgbe ọghọ a k'a pụhachanrịn ifọn.

Pita Nke Ẹbụọ 3:1

Ndị nke m, ọnwan wụ ẹkụkwọ-ozi nke ẹbụọ m dejẹnni ụnụ kẹni m nyanhannị ụnụ ihiẹn, gi ẹ kpasu ezigbo iroro ụnụ,

Samuẹlụ Nke Ibuzọ 2:1

Ya Hana nọ mẹ ekpere, sị, “Obi m rị a ghọghọ makẹ Osolobuẹ! Osolobuẹ e yegụọ m mmẹri! A mụgbu m ndị iṅẹnrẹn m ẹmụ! M rị a ghọghọ nị y'a zụọgụọ m.