Ndị Filipi 2:9 - Ika

⁹ Ufiri ọnwan, Osolobuẹ nọ bushichanrịn a elu, bu ẹ che ọnọdị kachanrịnnị, ye ẹ ẹfan hụn kachanrịn ẹfan ile.

Ndị Filipi 2:9 ပူးပေါင်းရင်းမြစ်များ

Jẹnẹsisi 3:15

“M k'e mẹ ịyụ lẹ okpohoni wụrụ eṅẹnrẹn, mẹzikwọ nwa ị lẹ nwa a wụrụ eṅẹnrẹn. Nwa a k'a zọkpọ ị isi; yụ nwẹn k'a ta nwa a atụ-ụkụ azụụn.”

Ẹbụ-ọma 110:1

Osolobuẹ sị di-nwọnni-m, “Nọdị alị ẹka-nni m, d'e ru mgbe m bugụ ndị-iṅẹnrẹn i che okpuru ụkụ ị.”

Ẹbụ-ọma 110:5

Di-nwọnni-ẹnyi hụ ị ẹka-nni; o k'e tikpọchanrịn ndị-nze, ụhụọhịn hụ o k'e bu olulu.

Ẹbụ-ọma 89:27

M k'e yezikwọ a ọkwa okẹnnyẹ ibuzọ m, eze kachanrịn ndị-nze ile rị elu-ụwa.

Ẹbụ-ọma 91:14

Osolobuẹ sị, “Makẹni ihiẹn m sụọ a, m k'a zụọpụha a, bu ẹ dọnmẹ ebe eje-ihiẹn jẹnkọlẹni d'e ru ẹ ẹhụ makẹni ọ marịnghọ ẹfan m.

Azaya 52:13

Osolobuẹ sị, lee ẹ, ihiẹn jẹnkọ d'a ghanị odibo m; o k'e nwọn ọghọ, wụrụ onyẹ rị mkpa; o k'a wụ onyẹ rị mkpa ọda-ọda

Azaya 53:12

M k'e mẹ ẹ nwan rị ndị uku; ihiẹn wẹ bulụa agha hụn e ru ndị dikẹn ẹka k'e ru ẹ ẹka — makẹni o kweri we enwẹn ẹ ye wẹ gbu, a gụn w'a yeni ndị mmẹfie. O buru njọ ndị bu ọda; ọ rịọdọnni ndị nnupụ-isi.

Azaya 9:7

Ọkịkị a lẹ Ọrịrịmma o k'e wẹhẹ agụkọ. O k'a nọ ukpo-eze Defidi kị alị-eze Defidi, e gi ezigbo-eṅẹn lẹ ezi-omumẹ a kwadọn ẹ, e kwọndọn ẹ — gha ogẹn ahụn jẹnmẹ, jẹnrin ejẹn. Adụdụ Osolobuẹ Onyẹ nwọn ikẹn ile k'a han ihiẹnni mẹ.

Daniẹlụ 7:14

Wẹ nọ ye ẹ ikẹn lẹ ọghọ lẹ ọkịkị hụn ihiẹn ile gi a rị okpuru ẹ; ndị ile rị ichẹn-ichẹn, ndị alị ile lẹ asụsụ ile hụ e fe ẹ. Ọkịkị a wụ ọkịkị jẹnrin ejẹn hụn jẹnkọlẹni d'a gụ. Alị-eze ẹ wụ hụn wẹ jẹnkọlẹni d'e tikpọ.

Matiu 11:27

Nẹdi m e bugụọ ihiẹn ile che m ẹka. Onwọnni onyẹ marịn Nwa mmanị Chuku-Nẹdi sụọ; onwọnzikwọnị onyẹ marịn Chuku-Nẹdi wezụka Nwa lẹzi onyẹ ọwụlẹ Nwa chọ n'o mẹ ẹ marịn Chuku-Nẹdi.

Matiu 28:18

Jizọsị nọ jẹnzụnhan, sị wẹ, “E yeọlẹ wẹ m ikẹn ile rị elu-igwee lẹ elu-ụwa.

Luku 10:22

Nẹdi m e bugụọ ihiẹn ile che m ẹka. Onwọnni onyẹ marịn onyẹ Nwa-Chuku wụ wezụka Chuku-Nẹdi; onwọnzikwọnị onyẹ marịn Chuku-Nẹdi wezụka Nwa a lẹ onyẹ ọwụlẹ Nwa a chọ n'o mẹ ẹ marịn a.”

Jọnụ 13:3

Jizọsị a marịngụọ nị Chuku-Nẹdi e bugụọ ihiẹn ile che ẹ ẹka; ọ marịnghọ nị ebe Chuku-Nẹdi rị k'ọ gha bịa lẹni Chuku-Nẹdi k'ọ laburukọ:

Jọnụ 17:11

Arịkọzị m nwan imẹ ụwa, kanị wẹ hụkwọ imẹ ụwa — mmẹ nwẹn lala d'e kunrun i. Nẹdi rị nsọ, gi ẹfan ị chemẹ wẹ, ẹfan ahụn i ye m, kẹni wẹ wụrụ ohu kẹ mmẹ lẹ yụ dọn wụ ohu.

Jọnụ 17:12

Ẹfan ị ahụn i ye m kẹ m gi chemẹ wẹ hụnnị mmẹ lẹ wẹ rị. E chemẹgụọ m wẹ: onwọnni hụn ọwụlẹ la iwi — wezụka onyẹ ahụn mẹ ihiẹn wẹ gi a la iwi — hụn Ẹkụkwọ-nsọ gi bụn.

Jọnụ 17:5

Baba, yezi m nwan ọghọ ebe ị rị, ọghọ hụ m nwọn ebe ị rị nị ụwa d'e bidọn.

Ọrụn Ndị-ozi 5:31

Osolobuẹ e weshigụọ a nwan elu, bu ẹ che ẹka-nni ẹ, ebẹhụ ọghọ rị, mẹmẹ ẹ Onyẹ-ndu lẹ Onyẹ-nzụọpụha, kẹni ndị Izrẹlụ gha ẹka a rogharị nwọnhẹn mgbagharị njọ wẹ.

Ndị Ẹfẹsọsụ 1:10

Ihiẹnni k'o rotọ: nị ogẹn zu, o wegbama ihiẹn ile che okpuru Kraịstị — kẹ ihiẹn rị elu-igwee kẹ ihiẹn rị elu-ụwa.

Ndị Kolosị 1:18

Ịya wụ isi ụka hụn wụ ẹhụ a. Ịya wụzị isi mbidọn; ịya wụ onyẹ ibuzọ gha ọnwụn lihi. Wẹ ile k'o gi wụrụ onyẹ ibuzọ lẹ onyẹ-isi ihiẹn ile.

Ndị Tẹsalonika Nke Ẹbụọ 1:12

kẹni wẹ gi ihiẹn wẹ rị a hụn ebe ụnụ rị ye ẹfan Di-nwọnni-ẹnyi Jesu mgbaye, gizi ufiri Jesu ye ụnụ ọghọ, nị Osolobuẹ lẹ Di-nwọnni-ẹnyi Jesu Kristi e yekẹni ụnụ ẹka.

Hibru 1:4

Ịya ka ndị mmọn-ozi, ka wẹ ọhụnma-ọhụnma, nọkẹ k'o dọn nwan ri nzere ka nke wẹ.

Hibru 1:9

Ezi-omumẹ wụ ihiẹn a sụọnị ị; njọ e ze i ize. Ịya haịn Chuku hụn wụ Chuku i, gi hukpu i udẹn ịghọghọ, gi ye i ọghọ karị ibe i.”

Hibru 12:2

ẹnyi e bu ẹnya zinmẹ Jizọsị, onyẹ hụn bidọn okukwe ẹnyi, onyẹ hụn k'e mẹ ẹ zu oke, onyẹ hụn gi ufiri ịghọghọ rị e chen'ẹ dingbu obe, legberi ifẹnrẹn rịn'a. Ọ nọdịgụọ nwan alị ẹka-nni ukpo-eze Osolobuẹ.

Hibru 2:9

Kama, ẹnyi rị a hụn Jizọsị, onyẹ ahụn Osolobuẹ mẹ nị ndị mmọn-ozi karị a ẹkẹrẹ ogẹn, kẹni o gi ufiri ẹfọma Osolobuẹ nwụndọnni ịhịan ile ọnwụn; o kpurugụọ nwan ọghọ lẹ mgbaye nọkẹ okpu-eze makẹni ọ tagụọ afụnfụn nwụnnị ẹnyi ọnwụn.

Pita Ibuzọ 3:22

Jesu rị nwan ẹka-nni Osolobuẹ imẹ elu-igwee ebe ọ lashi; ndị mmọn-ozi ile lẹ ọkịkị ile lẹ ikẹn ile rị nwan okpuru ẹ.

Pita Nke Ẹbụọ 1:17

Chuku-Nẹdi ye Jizọsị ọghọ lẹ ikpẹn ogẹn hụ Chuku-Nẹdi gi gha elu-igwee gi olu ẹ ku oku. Olu ahụn nwọn Ọghọ ahụn Kachanrịnnị hụn sị, “Ọnwan wụ ezi Nwa m; ihiẹn ẹ a sụọka m!”

Jọnụ Nke Ẹtọ 1:7

makẹni, imẹ ijẹnni wẹ rị makẹ Ẹfan Kraịstị, arị w'a na ndị kwerilẹnini Jesu ihiẹn.

Rẹvẹleshọnụ 1:5

lẹ Jizọsị Kraịstị — Jizọsị Kraịstị hụn wụ ọshẹri ahụn furu wẹ gi e dọn ẹnya, onyẹ ibuzọ gha ọnwụn lihi, onyẹ hụn a kị ndị-nze rị elu-ụwa, onyẹ hụn nwọn ihiẹn-ọsụsụọ ẹnyi, gi ẹdeke ẹ gbapụha ẹnyi ẹka njọ ẹnyi;

Rẹvẹleshọnụ 11:15

Ya mmọn-ozi nke ẹsa nọ gbu opi ẹ, m nọ nụ okẹn olu rịsọnmẹ elu-igwee rị a sị, “Alị-eze ụwa a wụrụọlẹ nke Di-nwọnni-ẹnyi lẹ Kraịstị a; o k'a kị jẹnrin ejẹn!”

Rẹvẹleshọnụ 19:16

Nzere wẹ deye elu ẹwuru ẹ lẹ ọgbọdọgbọ a wụ, “Eze ndị-nze lẹ Nna ndị wụ nna.”

Rẹvẹleshọnụ 3:21

Onyẹ mẹri, a nị m'a sọn m nọdị ukpo-eze m, kẹ mmẹ nwẹn dọn mẹri, sọn Nẹdi m nọdị ukpo-eze ẹ.

Rẹvẹleshọnụ 5:12

Wẹ hụ e gi okẹn olu a bụ, “Nwa-ebulu hụ wẹ gbu furu hụn w'a ja mma, nị ikẹn lẹ akwanran lẹ ẹfe lẹ amamihiẹn lẹ mgbaye lẹ ọghọ lẹ ọjịja-mma wụ nke ẹ!”